គ្នាយើងទំនងជាធ្លាប់កើតជំងឺភ្នែកក្រហមមិនខាន តើដឹងទេថាជំងឺនេះបង្កឡើងដោយសារអ្វី? ជំងឺភ្នែកក្រហមអាចបណ្ដាលមកពីមូលហេតុពីរយ៉ាង គឺបាក់តេរី និងវីរុស ប៉ុន្តែក៏អាចបង្កមកពីមូលហេតុផ្សេងទៀត ដូចជាអាលែកហ្ស៊ី របួសភ្នែក និងប្រតិកម្មជាមួយថ្នាំជាដើម។
គ្នាយើងក៏ប្រហែលជាដឹងហើយថាជំងឺភ្នែកក្រហម គឺជាជំងឺដែលងាយចម្លងទៅមនុស្សម្នាក់ទៀតខ្លាំងណាស់ ជាពិសេសសមាជិកគ្រួសាររស់នៅផ្ទះតែមួយ។ ក្នុងចំណោមនោះ មាន ៣៥–៥០ ភាគរយ អាចបង្កឲ្យមានផលវិបាក ពិសេសជំងឺភ្នែកក្រហម បង្កដោយវីរុស អាចបង្កជាបញ្ហាផ្សេងទៀតដូចជា៖
– គំហើញធ្លាក់ចុះ ចាញ់ពន្លឺ ដោយសារមេរោគជ្រៀតចូលដល់ស្រទាប់កោសិកាភ្នែក
– ចេញទឹកភ្នែករ៉ាំរ៉ៃ
– ពិការភ្នែកដោយសារខូចកោសិកាសន្ធានគ្រាប់ភ្នែក។
រោគសញ្ញានៃជំងឺភ្នែកក្រហមដែលឧស្សាហ៍ជួបប្រទះជាងគេមានដូចជា៖
- ភ្នែកឡើងក្រហម
- ហើម និងក្រហមត្របកភ្នែក
- រមាស់ភ្នែក
- ក្រហាយភ្នែក
- ហូរទឹកភ្នែក
- ស្អិតត្របកភ្នែក
- ទើសភ្នែក ដូចមានវត្ថុអ្វីមួយក្នុងភ្នែក។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺសរសៃឈាមបេះដូង ចុចទីនេះ!
ជំងឺភ្នែកក្រហមអាចបណ្ដាលមកពីកត្តាប្រឈមមួយចំនួនដូចជា៖
- រស់នៅជាមួយសមាជិកគ្រួសារ ឬមិត្តភក្តិកើតជំងឺភ្នែកក្រហម
- កត្តាបរិស្ថាន
- ប្រឈមសារធាតុបង្កឲ្យអាលែកហ្ស៊ី
- ហែលទឹកអាងជុំគ្នា
- ប្រើឡេនពាក់ភ្នែក
- ដាក់គ្រាប់ភ្នែកសប្បនិមិ្មត
[embed-health-tool-bmr]
ប្រភេទបាក់តេរីជាច្រើនដែលអាចបង្កឲ្យមានជំងឺភ្នែកក្រហម ដូចជា បាក់តេរី ស្តាភីឡូកូក (Staphylococcus) ស្ត្រេបតូកូកូស (Streptococcus) អេម៉ូភីលី (Haemophilus)និង ក្លាមីឌៀត្រាកូម៉ាទីស (chlamydia trachomatis) ជាដើម។ មេរោគដែលបង្កឲ្យមានជំងឺប្រមេះទឹកបាយ ក៏អាចបង្កឲ្យមានជំងឺភ្នែកក្រហមដែរ។
សម្រាប់គ្នាយើងមានកូនតូចគួរដឹងថាជំងឺភ្នែកក្រហមចំពោះទារកទើបកើត ក៏មានអត្រាខ្ពស់ដូចគ្នា ដែលភាគច្រើនកើតចំពោះទារកសម្រាលតាមធម្មជាតិ និងមានម្តាយផ្ទុកជំងឺកាមរោគ។
ដើម្បីការពារ និងគ្រប់គ្រងជំងឺភ្នែកក្រហមបានយើងត្រូវចេះថែរក្សាភ្នែករបស់យើងដោយត្រូវលាងសម្អាតដៃនឹងសាប៊ូ ឬជែលសម្លាប់មេរោគ មុននឹងប៉ះភ្នែកដែលឈឺ។ ដូចគ្នាដែរយើងមិនត្រូវញីភ្នែកមិនឈឺ បន្ទាប់ពីប៉ះភ្នែកឈឺហើយនោះទេ និងមិនត្រូវប្រើកន្សែង និងកើយខ្នើយរួមគ្នាផងដែរ។
អត្ថបទគួរអាន៖
- ភ្នែកឡើងក្រហមក្រោយភ្ញាក់ពីគេង អាចបណ្តាលមកពីបញ្ហាទាំងនេះ
- កត្ដាទាំងនេះទើបបណ្ដាលឲ្យយើង ចុករួយភ្នែក
- ទាំងនេះជាពពួកអាហារល្អៗជួយឲ្យភ្នែកមានសុខភាពល្អ
- ភ្នែកស្ងួតមានអាការៈបែបណា? ដោះស្រាយម៉េច?
- ប្រើContact Lensរាល់ថ្ងៃ ដឹងអត់ថាមានហានិភ័យអ្វីខ្លះ?
- អនុវត្តតិចនិកទាំងនេះ អាចកាត់បន្ថយអាការៈភ្នែកចាញ់ពន្លឺ
ចំណុចសំខាន់
- រស់នៅជាមួយសមាជិកគ្រួសារ ឬមិត្តភក្តិកើតជំងឺភ្នែកក្រហម
- កត្តាបរិស្ថាន
- ប្រឈមសារធាតុបង្កឲ្យអាលែកហ្ស៊ី
- ហែលទឹកអាងជុំគ្នា
- ប្រើឡេនពាក់ភ្នែក
- ដាក់គ្រាប់ភ្នែកសប្បនិមិ្មត
