សប្តាហ៍បំបៅកូនដោយទឹកដោះម្តាយពិភពលោក

នេះជាអ្វី ម្ដាយថ្មីថ្មោងគួរដឹងលម្អិតជុំវិញការបំបៅដោះ

ការបំបៅកូនដោយទឹកដោះ គឺជាធម្មជាតិ និងភាពស្និទ្ធស្នាលបំផុតនៃឥរិយាបថរបស់មនុស្ស ប៉ុន្តែវាមិនមែនជាការងាយស្រួលនោះទេសម្រាប់ម្តាយថ្មី និងទារកទើបនឹងកើត។ មិនថាវាលំបាកប៉ុនណានោះទេ ដើម្បីធ្វើវាទៅបាន ដំបូងម្ដាយត្រូវមានការអត់ធ្មត់។ ១- ការបីកូនឲ្យបានត្រឹមត្រូវ ពេលបំបៅ មានវិធីជាច្រើនដើម្បីថែទាំកូន ជាពិសេសពេលបំបៅដោះ។ គន្លឹះសំខាន់ គឺម៉ាក់ៗត្រូវស្វែងរកពីទីតាំងដែលធ្វើឲ្យកូនមានផាសុកភាព។ អាចប្រើខ្នើយ និងភួយដើម្បីជួយឲ្យកូនមានអារម្មណ៍ថាសុខស្រួល។ សម្រាប់ប៉ាម៉ាក់ថ្មី ការបំបៅកូនដ៏ត្រឹមត្រូវ គឺសំខាន់ណាស់។ ត្រូវប្រាកដថា យើងបីកូនត្រឹមត្រូវ ព្រោះការបីកូនក្នុងទីតាំងមិនត្រឹមត្រូវ អាចបណ្តាលឲ្យមានបញ្ហារំលាយអាហារធ្ងន់ធ្ងរពេលក្រោយ។ បើមិនប្រាកដពីរបៀបថែទាំកូនទេ ត្រូវទៅសុំជំនួយពីគ្រូពេទ្យ។ ការណែនាំពីម្តាយដែលមានបទពិសោធក៏មានប្រយោជន៍ផងដែរ។ ២- ទឹកដោះដំបូង Colostrum គឺជាទឹកដោះដំបូងដែលរាងកាយអ្នកម៉ាក់បានផលិត។ វាអាចមើលទៅមានពណ៌លឿងបន្តិច ដោយសារតែវាមានជាតិ carotene ខ្ពស់ (ជាទម្រង់នៃវីតាមីន A)។ Colostrum មានជាតិខ្លាញ់ទាប និងមានប្រូតេអ៊ីនខ្ពស់។ វាសមស្របសម្រាប់ក្រពះរបស់កូនតូចយើង។ នេះជាវិធីមួយដែលម្ដាយផ្តល់សារជាតិប្រូតេអ៊ីន វីតាមីន និងសារធាតុរ៉ែ ព្រមទាំងអង់ទីករដែលចាំបាច់ដល់កូន។ សមាសធាតុទាំងនោះនឹងជួយការពារកូនពីបាក់តេរី វីរុស និងជំងឺផ្សេងទៀតតាមរយៈប្រព័ន្ធភាពស៊ាំយ៉ាងល្អ។ អត្ថបទពាក់ព័ន្ធ៖ ចង់ឲ្យកូនបៅម្សៅទឹកដោះគោ គួរស្វែងយល់ពីគុណវិបត្តិ និងគុណសម្បត្តិជាមុន ចេះរបៀបឆុងម្សៅទឹកដោះគោត្រឹមត្រូវ ទើបអូនៗមិនសូវឈឺ ចង់ផ្តាច់ដោះកូនក្បាលខូចអង្កៀមយូរឆ្នាំពេក អាចសាកវិធីនេះបាន ក្រោយកើតកូនរួចប៉ុន្មានថ្ងៃ សុដន់របស់ម៉ាក់ៗនឹងចាប់ផ្តើមផលិតទឹកដោះកាន់តែច្រើនឡើងៗ។ បើធៀបនឹងទឹកដោះដំបូង ទឹកដោះម៉ាក់ៗនឹងមានសភាពស្តើងជាង សជាង និងមានកាឡូរីខ្ពស់ជាង។ ពេលបំបៅកូន សុដន់នឹងផលិតទឹកដោះកាន់តែច្រើន […]

ការបំបៅដោះ

វិធីបង្ការជំងឺអាប់សែសុដន់ ម៉ាក់ៗគួរដឹងពេលបំបៅដោះកូន

ជំងឺអាប់សែសុដន់ ឬបូសសុដន់គឺជាការរលាកជាលិកាសុដន់ដែលបណ្តាល ឱ្យមានខ្ទុះនៅក្នុងសុដន់។ ជាធម្មតាបញ្ហានេះបណ្តាលមកពីការឆ្លងបាក់តេរីចូលទៅក្នុងសុដន់តាមរយៈក្បាលសុដន់ ស្នាមប្រេះនៅក្បាលសុដន់ ឬស្បែកជុំវិញក្បាលសុដន់។ ការស្ទះរន្ធទឹកដោះក៏អាចវិវដ្ដទៅជាអាប់សែសុដន់ដែរ។ វេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៅមន្ទីរពេទ្យបង្អែកមិត្តភាពកម្ពុជា-ចិន សែនសុខបានលើកឡើងថា ភាគច្រើនជំងឺអាប់សែសុដន់កើតឡើងលើស្ត្រីបំបៅដោះកូន។ តើម៉ាក់ៗបំបៅដោះត្រូវធ្វើអ្វីខ្លះដើម្បីបង្ការខ្លួនពីការកើតជំងឺអាប់សែសុដន់? ស្វែងយល់ពីអត្ថន័យពណ៌ និងរូបរាងលាមកទារក ចុចទីនេះ ម៉ាក់ៗកំពុងបំបៅដោះកូនអាចការពារជំងឺអាប់សែសុដន់ដោយ៖ សម្អាតក្បាលដោះ និងស្បែកជុំវិញក្បាលដោះជាប្រចាំជាមួយសាប៊ូដែលមានជាតិកាត់កម្រិតខ្សោយ និងទឹក រួចជូតថ្នមៗជាមួយកន្សែងស្អាត ជាពិសេសពេលមានរបួស ឬដាច់រលាត់ ចៀសវាងពាក់អាវ ឬអាវទ្រនាប់តឹងពេក លាបប្រេងដូងផ្តល់សំណើមដល់ស្បែកជុំវិញក្បាលដោះ និងក្បាលដោះដើម្បីការពារការប្រេះ តែត្រូវជូតសម្អាតឱ្យស្អាតល្អមុនពេលឱ្យអូនតូចបៅ ឧស្សាហ៍លាងដៃ កុំឱ្យឆ្លងបាក់តេរី ឱ្យអូនតូចបៅឱ្យអស់ទឹកដោះពីសុដន់ម្ខាងៗ ចៀសវាងការស្ទះទឹកដោះ រក្សាអនាម័យឲ្យកូនស្អាតជាប្រចាំ នៅពេលបំបៅដោះកូន ម៉ាក់ៗត្រូវប្រាកដថាអូនតូចបៅបានត្រឹមត្រូវ និងត្រូវផ្តល់ភាពកក់ក្តៅនិងក្តីស្រឡាញ់ដល់អូនតូច ដើម្បីជំរុញឱ្យអូនតូចបៅបានច្រើន និងមិនខាំក្បាលដោះ បន្ទាប់ពីបំបៅដោះរួច ម៉ាក់ៗត្រូវជូតសម្អាតក្បាលដោះ និងស្បែកជុំវិញក្បាលដោះឱ្យស្អាត ព្រមទាំងទុកឱ្យស្ងួត ជំងឺអាប់សែសុដន់កើតលើស្រ្តីមិនបំបៅដោះកូន៖ មានរបួសលើសុដន់ ប្រេះក្បាលសុដន់ មានជំងឺទឹកនោមផ្អែម ឬមានបញ្ហាប្រព័ន្ធការពាររាងកាយ ចោះក្បាលសុដន់ វះកាត់កែសុដន់ អាប់សែសុដន់មិនមែនជាជំងឺតំណពូជទេ។ ម៉ាក់ៗដែលកើតអាប់សែសុដន់នៅតែអាចបន្តបំបៅដោះជាធម្មតា មិនឆ្លងទៅទារកទេ។ បន្ទាប់ពីព្យាបាលអាប់សែសុដន់ហើយ ម៉ាក់ៗក៏ត្រូវបន្តបំបៅកូនដោយទឹកដោះដដែល ដើម្បីការពារការកើតអាប់សែសុដន់ឡើងវិញ។

ការបំបៅដោះ

ទើបសម្រាលកូន បារម្ភខ្លាចអត់ចេញទឹកដោះឲ្យកូនបៅ មកដឹងតិចនិកនេះ

ម៉ាក់ៗច្បាស់ជាដឹងហើយថា បន្ទាប់ពីសម្រាលកូនរួច ត្រូវយកអាអូនមកដាក់លើទ្រូងម្ដាយ ប៉ះស្បែកនឹងស្បែក និងត្រូវដាក់ឲ្យអាអូនបៅដោះម្ដាយ។ ប៉ុន្តែមានម៉ាក់ៗមួយចំនួន កើតជាក្តីបារម្ភ ព្រោះនៅថ្ងៃដំបូង ពេលដាក់ឲ្យកូនបៅ ឃើញតែកូនជញ្ចក់បឺតយកទឹកដោះ តែមិនឃើញមានទឹកដោះចេញមកសោះ។ តាមការផ្សព្វផ្សាយរបស់មន្ទីរពេទ្យ កាល់ម៉ែត អ័រម៉ូនមួយចំនួនជួយជំរុញឲ្យបញ្ចេញទឹកដោះដំបូង (Colostrum) តាំងពីថ្ងៃដំបូងមក។ Colostrum មានពណ៌លឿងទឹកក្រូចចផ្ទុកវីតាមីន និងជាតិរ៉ែជាច្រើន ជាមួយនឹងអង់ទីករ ការពារទារកពីការឆ្លងមេរោគនានាបានផងដែរ។ ម៉ាក់គួរដាក់ឲ្យអាអូនបៅក្នុងរយៈពេល២ម៉ោងដំបូងនៃកំណើតកូន។ ការបឺតដោះម្ដាយជួយជំរុញឲ្យក្រពេញឆាប់បញ្ចេញទឹកដោះ។ ទោះជាពេលដំបូងៗ ទារកខ្លះមិនទាន់ចេះបៅក៏ដោយ ក៏ម៉ាក់ៗគួរព្យាយាមដាក់ទារកលេងលើទ្រូងដោយឲ្យស្បែកប៉ះស្បែក រួចសាកល្បងឲ្យកូនជញ្ជក់បន្តិចម្ដងៗ។ ការដាក់ឲ្យកូនបៅត្រូវធ្វើឡើងពេលអាអូនភ្ញាក់ពីគេងត្រឹមត្រូវ។ លើសពីនេះ ម៉ាក់ៗគ្រប់រូបគួរដឹងពីរបៀបគួរដាក់ឲ្យកូនបៅត្រឹមត្រូវ ដើម្បីឲ្យអាអូនទទួលបានទឹកដោះគ្រប់គ្រាន់ដូចជា៖ មាត់កូនហាធំ ថ្ពាល់កូនប៉ោង ចង្ការកូនប៉ះទ្រូងម៉ាក់ បបូរមាត់ក្រោមពន្លាត់ចេញក្រៅ សណ្ដង់ដោះខាងលើឃើញច្រើនជាងខាងក្រោម ដងខ្លួនកូនដាក់ឲ្យត្រង់ ហើយផ្អៀងមកលើដោះម្ដាយ ទឹកដោះម្ដាយ ប្រៀបបានដូចជាឱសថទិព្វសម្រាប់កូនៗ ដើម្បីឲ្យសុខភាពកូនរឹងមាំ និងលូតលាស់បានល្អ គ្មានអ្វីអាចយកមកជំនួសបានទេ។ ដូចនេះហើយ ម៉ាក់ៗគ្រប់រូបគួរចាប់ផ្ដើមបំបៅដោះកូនយ៉ាងតិចឲ្យបានគ្រប់៦ខែ តាមការណែនាំពីក្រសួងសុខាភិបាល។

ការបំបៅដោះ

ត្រូវដឹង បើម៉ាក់កំពុងបំបៅដោះកូន ត្រូវតមចំណីចំណីណាខ្លះ?

ជារឿងចាំបាច់ដែលម៉ាក់ៗកំពុងបំបៅដោះកូនកូនត្រូវដឹង ដើម្បីឲ្យកូនតូចជាទីស្រលាញ់មានសុខភាពល្អ មិនងាកឈឺៗ។ ស្រីៗដែលបំបៅដោះកូន តើត្រូវតមអាហារដែរទេ? ចុះបើតម ត្រូវតមអីខ្លះ? លោកជំទាវវេជ្ជបណ្ឌិត ប្រាក់ សោភណ្ឌនារី អនុរដ្ឋលេខាធិការ ក្រសួងសុខាភិបាល បានឲ្យដឹងថា តាមក្បូនពេទ្យមិនតម្រូវឲ្យតមប្រភេទចំណីអាហារណាមួយនោះទេអំឡុងពេលស្រីៗបំបៅដោះកូន គឺត្រូវញ៉ាំអាហារឲ្យបានគ្រប់មុខ និងមានជីវជាតិ មានទាំងត្រី សាច់ ស៊ុត បន្លែ ផ្លែឈើ ពិសេសម្លទឹក ស៊ុប និងត្រូវញ៉ាំទឹកឲ្យបានច្រើន នោះទើបសម្បូរទឹកដោះឲ្យកូនម៉ឹម។ ទោះជាពេទ្យមិនតម្រូវឲ្យតមក្តី តែម៉ាក់ៗក៏ត្រូវតែប្រយ័ត្នប្រយែងក្នុងជ្រើសរើសចំណីអាហារមកញ៉ាំដែរ ព្រោះថា វាពាក់ព័ន្ធនឹងគុណភាព ការរក្សាអនាម័យ ម្យ៉ាងវិញទៀត បច្ចុប្បន្ន បន្លែ ផ្លែឈើ ត្រី សាច់ មួយចំនួនមានដាក់សារធាតុគីមី ឬបាញ់ថ្នាំសម្លាប់សត្វល្អិត អាចនឹងប៉ះពាល់ដល់សុខភាពកូន។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចំពោះករណីដែលតម្រូវតមវិញនោះ ម៉ាក់ៗគួរតែអាហារផ្អាប់ ពិសេសរបស់ត្រាំ ឬជ្រក់ បន្លែត្រីសាច់ឆៅ ឬចម្អិនមិនឆ្អិនល្អ ព្រោះងាយនឹងមានបាក់តេរី ផ្សិត ពពួកសត្វល្អិត តែកាលណាយើងញ៉ាំទៅ ពេលកូនម៉ឹមដោះ ទៅជាឈឺពោះ ឬរាករូស ក្អួតចង្អោរ។ […]

ការបំបៅដោះ

លម្អិតពីទឹកដោះម៉ាក់ៗប្រែប្រួលម៉េចខ្លះ តាំងពីកើតកូនដល់ផ្ដាច់ដោះ

ទឹកដោះម្ដាយប្រែប្រួលតាមដំណាក់កាលវិវត្តរបស់ទារក។ ម៉ាក់ៗផលិតទឹកដោះដំបូង បន្ទាប់មកទឹកដោះធម្មតា និងចុងក្រោយទឹកដោះសម្រាប់កុមារលូតលាស់។ តើប្រែប្រួលម៉េចខ្លះទៅ? ១- ទឹកដោះដំបូង ទឹកដោះដំបូងមានត្រឹម ២-៣ ថ្ងៃដំបូង ក្រោយសម្រាលកូនប៉ុណ្ណោះ។ វាខាប់ មានពណ៌ថ្លា ឬលឿងប្រឿងៗ ហើយវាមានជាតិប្រូតេអ៊ីនខ្ពស់ ខ្លាញ់ វីតាមីនរលាយក្នុងខ្លាញ់ ជាតិរ៉ែ និងសារធាតុចិញ្ចឹមផ្សេងៗ។ ទឹកដោះដំបូងជាអង់ទីករសំខាន់សម្រាប់ការពារកុមារមិនឲ្យឆ្លងមេរោគផ្សេងៗ។ ២- ទឹកដោះធម្មតា ទឹកដោះធម្មតា ជំនួសទឹកដោះដំបូង ហើយវាខាប់ជាង ដូចក្រែម។ វាផ្សំឡើងពីកម្រិតខ្លាញ់ខ្ពស់ រួមជាមួយឡាក់តូស និងវីតាមីនរលាយក្នុងទឹក។ ទឹកដោះប្រភេទនេះ ចាប់ផ្ដើមាន ២-៥ ក្រោយសម្រាល រហូតដល់ ១០-១៤ ថ្ងៃក្រោយសម្រាល។ ពេលផលិតទឹកដោះធម្មតា ដោះម៉ាក់ៗកាន់តែធំ រឹងជាងមុន ឬមានអារម្មណ៍ឈឺសង្កៀរ ព្រោះវាមានផ្ទុកទឹកដោះច្រើនជាងទឹកដោះដំបូង។ គ្នាយើងអាចដោះតឹងណែន ដែលពិបាកឲ្យកូនម៉ឹមបន្តិច។ គួរម៉ាស្សាជុំវិញក្បាលដោះដើម្បីឲ្យចេញទឹកដោះ មុនពេលបំបៅ។ ច្របាច់ឲ្យទឹកដោះមានលើចុងដោះ ដើម្បីកូនងាយស្រួលបៅ ព្រោះទារកច្រើនរករឿង ពេលបឺតមិនចេញ ហើយព្យាយាមឲ្យកូនបៅឲ្យបានទៀងទាត់ ដើម្បីកាត់បន្ថយភាពតឹងណែនក្នុងដោះ។ ពេលអាអូនបឺតម៉ឹម ម៉ាក់ៗមានអារម្មណ៍ឈឺឆៀបៗ។ នេះជាសញ្ញាប្រាប់ថា ទឹកដោះកំពុងហូរពីកោសិកាផលិតទឹកដោះទៅកាន់បំពង់បង្ហូរទឹកដោះឲ្យកូនបៅ។ ដំណើរការស្រៀវនេះ គេហៅថា "ការរំញោចឲ្យបញ្ចេញទឹកដោះ" ដែលកើតឡើងពេលបេប៊ីចាប់ផ្ដើមបឺតក្បាលដោះម៉ាក់ៗ។ ពេលរស្រៀវនេះកើតឡើង ទារកចាប់ផ្ដើមសប្បាយបៅ ព្រោះទឹកដោះចេញច្រើន […]

ការបំបៅដោះ

បរិមាណទឹកដោះម៉ាក់ៗចេះតែថយទៅៗមកពីមូលហេតុអ្វី? ដោះស្រាយបែបណា?

នៅសុខៗបរិមាណទឹកដោះរបស់ម៉ាក់ៗស្រាប់តែថយចុះ នេះអាចបណ្តាលមកពីកត្តាមួយចំនួន។ តើមូលហេតុអ្វីខ្លះបណ្តាលឱ្យបរិមាណទឹកដោះម៉ាក់ៗថយចុះ ហើយម៉ាក់ៗគួរដោះស្រាយបែបណា? ខាងក្រោមជាកត្តា ៤ យ៉ាងដែលអាចបង្កឱ្យការផលិតទឹកដោះរបស់ម៉ាក់ៗថយចុះ និងវិធីកែខៃ៖ ១. ភាពតានតឹង (ស្ត្រេស) ភាពតានតឹងផ្លូវកាយ និងផ្លូវចិត្តដូចជា ខ្វះបទពិសោធន៍ក្នុងការមើលថែទារក (ចំពោះម៉ាក់ៗថ្មោងថ្មី ) អត់ងងុយ នឿយហត់ បារម្ភពីសុខភាពរបស់កូន មានវិបត្តិហិរញ្ញវត្ថុ ទំនាក់ទំនងប្តីប្រពន្ធជាដើមសុទ្ធតែអាចធ្វើឱ្យការផលិតទឹកដោះរបស់ម៉ាក់ៗថយចុះ។ ដូច្នេះរាល់ពេលមានភាពតានតឹង ម៉ាក់ៗអាចព្យាយាមដកដង្ហើមឱ្យវែងៗ ស្តាប់តន្រ្តី ដើរចេញមួយស្របក់ ឬនិយាយរឿងក្នុងចិត្តប្រាប់ញាតិមិត្ត ឬគ្រួសារជាដើម និងគេងឱ្យបានគ្រប់គ្រាន់ដើម្បីកាត់បន្ថយភាពតានតឹង។ ២. បំបៅទឹកដោះលាយទឹកដោះគោម្សៅ រាងកាយម៉ាក់ៗផលិតទឹកដោះទៅតាមតម្រូវការ។ មានន័យថា កាលណាម៉ាក់ៗបំបៅអាអូនកាន់តែញឹក រាងកាយម៉ាក់ៗនឹងផលិតទឹកដោះកាន់តែច្រើន។ បើម៉ាក់ៗបំបៅដោះលាយទឹកដោះគោម្សៅដោយសារពេលថ្ងៃម៉ាក់ៗត្រូវទៅធ្វើការ ហើយពេលយប់ទើបមានពេលបំបៅ ឬដោយសារទឹកដោះចេញតិចខ្លាចអាអូនបៅមិនឆ្អែត នោះចំនួននៃការបៅដោះរបស់អាអូននឹងធ្លាក់ចុះដែលជាសញ្ញាប្រាប់រាងកាយម៉ាក់ៗឱ្យផលិតទឹកដោះតិច។ យូរៗទៅបរិមាណទឹកដោះរបស់ម៉ាក់ៗនឹងថយតិចទៅៗ។ ដើម្បីចៀសវាងបញ្ហានេះ ម៉ាក់ៗចៀសវាងឱ្យកូនបៅទឹកដោះលាយទឹកដោះគោម្សៅ។ ម៉្យាងទៀត ម៉ាក់ៗអាចប៉ូមទឹកដោះរៀងរាល់ពីរទៅបីម៉ោងម្តងដើម្បីទុកឱ្យអាអូនបៅ ហើយអាចក្លាសេទុកនៅក្នុងទូទឹកកក។ ការប៉ូមទឹកដោះទៀងទាត់ ជាការប្រាប់រាងកាយម៉ាក់ៗឱ្យបន្តផលិតទឹកដោះ។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ការញុំាថ្នាំមួយចំនួន ថ្នាំមួយចំនួនដូចជា ថ្នាំពន្យារកំណើតដែលមានផ្ទុកជាតិអ័រម៉ូនអ៊ឹស្រ្តូសែន ថ្នាំអាលែកហ្ស៊ី ឬថ្នាំផ្តាសាយជាដើមមានផ្ទុកសារធាតុ pseudoephedrine ដែលអាចកាត់បន្ថយការផលិតទឹកដោះ។ ហេតុនេះហើយមុននឹងញុំាថ្នាំអ្វីមួយ ម៉ាក់ៗគួរពិគ្រោះជាមួយគ្រូពេទ្យជាមុនសិន។ បើម៉ាក់ៗជ្រើសរើសការញុំាថ្នាំគ្រាប់ពន្យារកំណើត ម៉ាក់ៗអាចញុំាថ្នាំគ្រាប់ពន្យារកំណើតដែលមិនមានផ្ទុកជាតិអ័រម៉ូនអ៊ីស្រ្តូសែន។ ៤. ញុំាជាតិកាហ្វេអ៊ីនច្រើនពេក ការញុំាទឹកក្រូច […]

ក្រោយសម្រាល

ម៉ាក់ៗបំបៅដោះកូន តើអាចញុំាថ្នាំគ្រាប់ពន្យារកំណើតបានអត់?

ថ្នាំគ្រាប់ពន្យារកំណើតគឺជាមធ្យោបាយមួយក្នុងចំណោមមធ្យោបាយពន្យារកំណើតជាច្រើនដែលអាចការពារស្រ្តីពីការមានកូនបានដល់ទៅ ៩៩%។ តើថ្នាំគ្រាប់ពន្យារកំណើតមានសុវត្ថិភាពសម្រាប់ម៉ាក់ៗបំបៅដោះដែរឬទេ? មានផលប៉ះពាល់ដល់ទារកដែរឬទេ? ទាក់ទងនឹងចម្ងល់នេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជាចិនសែនសុខបានឱ្យដឹងថា ការបំបៅដោះគឺជាមធ្យោបាយពន្យារកំណើតតាមបែបធម្មជាតិដែលជួយពន្យារការបញ្ចេញមេជីវិតញីរបស់ស្រ្តី។ ម៉ាក់ៗបំបៅដោះមិនគួរញុំាថ្នាំពន្យារកំណើតទេ បើ៖ អាអូនមានអាយុតិចជាងអាយុ ៦ ខែ ម៉ាក់ៗមិនទាន់មករដូវ ម៉ាក់ៗបំបៅដោះកូនតែមួយមុខគត់រយៈពេល ៦ ខែ ម៉ាក់ៗបំបៅដោះកូនទៀងទាត់ (យ៉ាងហោចណាស់ ៤ ម៉ោងម្តងនៅពេលថ្ងៃ និង ៦ ម៉ោងម្តងនៅពេលយប់) ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ម៉ាក់ៗបំបៅដោះដែលមិនមានលក្ខខណ្ឌដូចខាងលើមិនអាចប្រើការបំបៅដោះជាមធ្យោបាយពន្យារកំណើតទេ។ ដូច្នេះម៉ាក់ៗអាចជ្រើសរើសមធ្យោបាយពន្យារកំណើតណាមួយដែលស័ក្តិសមនឹងម៉ាក់ៗ។ លោកវេជ្ជបណ្ឌិតបានបន្ថែមថា ម៉ាក់ៗបំបៅដោះដែលមិនមានលក្ខខណ្ឌដូចលោកបានលើកឡើង គួរពិគ្រោះជាមួយគ្រូពេទ្យជំនាញសិនមុននឹងញុំាថ្នាំពន្យារកំណើត។ [embed-health-tool-ovulation] បើម៉ាក់ៗជ្រើសរើសការញុំាថ្នាំគ្រាប់ពន្យាកំណើត ម៉ាក់ៗអាចញុំាថ្នាំគ្រាប់ពន្យារកំណើតដែលមិនមានផ្ទុកជាតិអ័រម៉ូនអ៊ីស្រ្តូសែន ព្រោះថ្នាំគ្រាប់ពន្យារកំណើតដែលមានផ្ទុកជាតិអ័រម៉ូនអ៊ីស្រ្តូសែនអាចកាត់បន្ថយការផលិតទឹកដោះរបស់ម៉ាក់ៗ។ តាមសៀវភៅថ្នាំគ្រាប់ពន្យារកំណើតដែលបោះពុម្ភដោយសមាគមថែទាំសុខភាពគ្រួសារកម្ពុជា រ៉ាក់បានឱ្យដឹងថា ថ្នាំគ្រាប់ពន្យារកំណើតមានពីរប្រភេទគឺ៖ ១. ថ្នាំគ្រាប់ស៊ីអូស៊ី ថ្នាំគ្រាប់ស៊ីអូស៊ីជាថ្នាំដែលមានថ្នាំគ្រាប់ពណ៌លឿង ២១ គ្រាប់ និងក្រហម ៧ គ្រាប់។ ថ្នាំនេះមានជាតិអ័រម៉ូន ២ មុខគឺអ៊ីស្រ្តូសែន និងប្រូហ្សេស្ទីនដែលដូចគ្នានឹងអ័រម៉ូនធម្មជាតិរបស់ស្រ្តី។ ២. ថ្នាំគ្រាប់ភីអូភី ថ្នាំគ្រាប់ភីអូភីជាថ្នាំដែលមានថ្នាំតែមួយពណ៌ចំនួន ២៨ គ្រាប់ ហើយមានជាតិអ័រម៉ូនប្រូហ្សេស្ទីនតែមួយមុខគត់ដែលដូចគ្នានឹងអ័រម៉ូនធម្មជាតិរបស់ស្រ្តី។ ការញុំាថ្នាំគ្រាប់ពន្យារកំណើតក្នុងអំឡុងពេលបំបៅដោះមិនបង្កគ្រោះថ្នាក់ដល់ទារកទេ គ្រាន់តែថ្នាំគ្រាប់ពន្យាកំណើតដែលមានផ្ទុកជាតិអ័រម៉ូនអ៊ីស្រ្តូសែនអាចកាត់បន្ថយការផលិតទឹកដោះរបស់ម៉ាក់ៗ។ អត្ថបទគួរអាន៖ ឆាប់មានកម្លាំង សម្បូរទឹកដោះក្រោយសម្រាលកូនរួច […]

ការបំបៅដោះ

ម្ដងភ្លៀង ម្ដងក្ដៅ! ម៉ាក់ៗបំបៅដោះកូនត្រូវចេះការពារសុខភាពកុំឲ្យឈឺ

ការបំបៅដោះកូន ម៉ាក់ៗអាចធ្វើបានគ្រប់ពេលវេលា និងគ្រប់ទីកន្លែងឲ្យតែកូនត្រូវការបៅ ត្រូវហ្អេ៎ម៉ាក់ៗ? តែការបំបៅដោះកូនក្នុងអាកាសធាតុត្រជាក់ដូចឥឡូវនេះ គឺកាន់តែចាំបាច់សម្រាប់កូន ព្រោះមេរោគក្នុងបរិយាកាសច្រើនចាំបង្កជំងឺដូចជា ផ្ដាសាយ ឬគ្រុនផ្ដាសាយជាដើម។ ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! តាមរយៈការបំបៅដោះកូន ទារកអាចទទួលបានអង់ទីករពង្រឹងប្រព័ន្ធភាពស៊ាំកូន ដើម្បីប្រឆាំងនឹងជំងឺតូចតាចមួយចំនួន និងជួយសុខភាពកូនរឹងមាំមិនសូវឈឺច្រើន។ យ៉ាងណាមិញ ដើម្បីអាចផ្ដល់អង់ទីករឲ្យកូនបាន ម៉ាក់ៗត្រូវតែមានសុខភាពល្អខ្លួនឯងជាមុនសិន ហើយខាងក្រោមនេះជាតិចនិកការពារ និងថែរក្សាសុខភាពក្នុងខែត្រជាក់ពីជំងឺនានាៗ៖ ចាប់ផ្ដើមថ្ងៃថ្មីឲ្យល្អ៖ ផឹកទឹកក្ដៅឧណ្ហៗមួយកែវ លាយជាមួយទឹកក្រូចឆ្មាពេលព្រឹកជាការល្អ ព្រោះទឹកក្ដៅជួយឲ្យប្រព័ន្ធរំលាយអាហារដំណើរការ ហើយវីតាមីន C ពីក្រូចឆ្មាជួយបង្កើនភាពស៊ាំ ការពាររាងកាយពីជំងឺ។ តាមដានរបបអាហារប្រចាំថ្ងៃ៖ ម៉ាក់ៗគួរតែព្យាយាម និងរក្សារបបអាហារឲ្យមានតុល្យភាពជានិច្ច។ ពីមួយថ្ងៃទៅមួយថ្ងៃ គួរតែមានបន្លែ សាច់ គ្រាប់ធញ្ញជាតិ និងផ្លែឈើក្នុងរបបអាហារប្រចាំថ្ងៃ ដើម្បីទទួលបានសារធាតុចិញ្ចឹមគ្រប់គ្រាន់ដល់រាងកាយ និងជំនួយដល់ការផលិតទឹកដោះគ្រប់គ្រាន់សម្រាប់កូនបៅ។ ក្នុងករណីម៉ាក់ៗឈឺអំឡុងពេលបំបៅដោះកូន ប្រសិនបើម៉ាក់ៗត្រូវលេបថ្នាំ ត្រូវប្រាកដថាគ្រូពេទ្យចេញវេជ្ជបញ្ជាឲ្យបានប្រើដោយសុវត្ថិភាព ចំពោះស្ត្រីកំពុងបំបៅដោះកូន។ ប្រសិនបើម៉ាក់ៗប្រើថ្នាំមិនត្រូវការវេជ្ជបញ្ជា គួរតែពិគ្រោះជាមួយឱសថការីឲ្យបានច្បាស់លាស់ ដើម្បីធានាថា ថ្នាំមានសុវត្ថិភាពអាចប្រើបាន ទោះយើងបំបៅដោះកូន។ ម៉ាក់ៗក៏មិនត្រូវភ្លេច រឿងសំខាន់ក្នុងការអនុវត្តការថែទាំ និងអនាម័យផ្ទាល់ខ្លួនឲ្យបានល្អ ដោយលាងដៃឲ្យបានញឹកញាប់ ក្អក និងកណ្ដាស់ឲ្យឆ្ងាយពីទារក និងសម្រាកឲ្យបានច្រើន។ លោកសាស្ត្រាចារ្យវេជ្ជបណ្ឌិត គាន់ […]

ការបំបៅដោះ

តិចនិកកុំឲ្យកូនខាំក្បាលដោះ ពេលបំបៅកូន ម៉ាក់ៗគួរដឹង!

បំបៅដោះកូន គឺជាពេលវេលាមួយដែលម៉ាក់ៗបង្កើនភាពស្និទ្ធស្នាលជាមួយនឹងកូន និងជាពេលសម្រាកសម្រាប់ម៉ាក់ៗដែរ។ ពេលបៅដោះមានអូនតូចមួយចំនួនអាចខាំក្បាលដោះម៉ាក់ៗបាន និងបង្កឱ្យមានការឈឺចាប់ អាចធ្វើឱ្យម៉ាក់ៗខ្លាចលែងចង់បំបៅដោះកូនទៀតក៏មាន។ ហេតុអ្វីបានជាកូនខាំក្បាលដោះអំឡុងពេលបំបៅ? ម៉ាក់ៗគួរបំបៅបែបណាទើបអាអូនមិនខាំក្បាលដោះ? ១. បញ្ឈប់ការបំបៅពេលកូនឆ្អែត ជាទូទៅ កូនអាចខាំក្បាលដោះនៅពេលបៅឆ្អែត ឬធុញនឹងការបៅ ដូច្នេះម៉ាក់ៗត្រូវសង្កេតមើល ប្រសិនបើកូនលែងចង់បៅហើយ ម៉ាក់ៗត្រូវឈប់ការបៅភ្លាមដែរ។ ២. ម៉ាស្សាសុដន់ និងចុងសុដន់ អាអូនអាចខំាក្បាលដោះនៅពេលបៅដំបូងដោយសារទឹកដោះមិនចេញ ដូច្នេះមុនពេលបំបៅដោះ ម៉ាក់ៗអាចម៉ាស្សាសុដន់ និងចុងសុដន់សិនដើម្បីជំរុញឱ្យទឹកដោះចេញ។ បន្ថែមពីនេះទៅទៀត ម៉ាក់ៗអាចច្របាច់សុដន់បន្តិចដើម្បីចេញទឹកដោះ ចៀសវាងអាអូនបៅមិនចេញទឹកដោះ ហើយខាំក្បាលដោះ។ ៣. ដាក់ក្បាលដោះឱ្យដល់មាត់កូន ដាក់ក្បាលដោះឱ្យដល់មាត់កូនអាចជំរុញឱ្យកូនបើកមាត់ធំៗបៅ។ ម៉ាក់ៗក៏អាចទាញចង្ការបស់អាអូនថ្នមៗដើម្បីឱ្យបើកមាត់ធំៗបៅដែរ។ ដូច្នេះក្បាលដោះនឹងចូលជ្រៅក្នុងមាត់ដែលមិនធ្វើឱ្យអាអូនខាំក្បាលដោះពេលកំពុងបៅ។ ៤. ឱ្យកូនខាំជ័រលេង ក្នុងអំឡុងពេលដុះធ្មេញ អាអូននឹងរមាស់ ហើយឈឺអញ្ចាញធ្មេញដែលធ្វើឱ្យកូនខាំក្បាលដោះដើម្បីបន្ធូរអាការៈឈឺចាប់ និងរមាស់។ ដូច្នេះមុននឹងបំបៅដោះ ម៉ាក់ៗអាចឱ្យកូនខាំជ័រលេងដែលក្លាសេត្រជាក់ៗដើម្បីបន្ធូរអាការៈឈឺចាប់ និងរមាស់អញ្ចាញធ្មេញរបស់កូន និងការពារមិនឱ្យខាំក្បាលដោះ។ ចង់គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៥. បំបៅនៅកន្លែងគ្មានសំឡេងរំខាន ម៉ាក់ៗគួរបំបៅកូននៅក្នុងបន្ទប់ ឬកន្លែងស្ងាត់ល្អ គ្មានសំឡេងរំខាន បិទវាំងនន ឬបន្ថយពន្លឺភ្លើងក្នុងបន្ទប់ដើម្បីឱ្យកូនយកចិត្តទុកដាក់ក្នុងការបៅ។ នៅពេលមានសំឡេងរំខាន អាអូនអាចភ្លេចថាកំពុងបៅ ហើយអាចបិទមាត់ និងខាំត្រូវក្បាលដោះម៉ាក់ៗ។ ៦. បំបៅពេលអាអូនឃ្លាន ម៉ាក់ៗគួរបំបៅដោះនៅពេលអាអូនឃ្លាន ទើបកូនបើកមាត់បៅ និងមិនខាំក្បាលដោះ។ ជាទូទៅ ម៉ាក់ៗអាចបំបៅអាអូនរៀងរាល់ ២-៣ ម៉ោងម្តង។ ៧. […]

ការបំបៅដោះ

ម៉ាក់ៗមានបញ្ហាសម្ពាធឈាមឡើងខ្ពស់ តើអាចបំបៅដោះកូនបានអត់?

ចូលចិត្តព័ត៌មាន “Hello គ្រូពេទ្យ” សូមចូលរួមស្ទង់មតិនៅទីនេះ។ មតិអ្នកទាំងអស់គ្នា ពិតជាមានតម្លៃសម្រាប់ “Hello គ្រូពេទ្យ” អាចកែលម្អព័ត៌មានឲ្យកាន់តែប្រសើរ ម៉ាក់ៗខ្លះប្រហែលជាអាចឆ្ងល់ថាបើយើងមានបញ្ហាសម្ពាធឈាមឡើងខ្ពស់តើនៅតែអាចបំបៅដោះកូនបានឬអត់? ជាការពិតយើងអាចនៅតែបំបៅដោះកូនបានធម្មតា បើទោះបីជាយើងត្រូវប្រើថ្នាំខ្លះក៏ពិតមែន តែត្រូវចាំថាការប្រើប្រាស់ថ្នាំណាមួយត្រូវតែមានការពិភាក្សាជាមួយគ្រូពេទ្យជាមុន។ ដូចម៉ាក់ៗដឹងហើយថាការបំបៅដោះមិនត្រឹមតែមានប្រយោជន៍ដល់កូនយើងទេ តែក៏មានប្រយោជន៍ផ្នែកសុខភាពដល់យើងដូចគ្នា ទោះបីជាយើងកំពុងជួបបញ្ហាឡើងសម្ពាធឈាមខ្ពស់ក៏ដោយ។ ការបំបៅដោះកូនមិនបានធ្វើឲ្យស្ថានភាពសម្ពាធឈាមយើងកាន់តែអាក្រក់នោះទេ ប៉ុន្តែប្រហែលជាអាចជួយសម្រួលដល់សម្ពាធឈាមក្នុងរយៈពេលវែងទៅវិញទេ។ វិទ្យាស្ថានសិក្សាពីកុមាររបស់អាមេរិកបានណែនាំម៉ាក់ៗឲ្យបំបៅដោះកូនបានយ៉ាងតិច៦ខែបន្ទាប់ពីកើត។ ដូចគ្នាដែរបើយើងមានបញ្ហាសម្ពាធឈាមឡើងខ្ពស់មុនពេល និងអំឡុងពេលមានផ្ទៃពោះ យើងប្រហែលជាត្រូវការការព្យាបាលបន្តទៀតក្រោយសម្រាលកូន។ អ្វីដែលល្អសម្រាប់យើង មិនប្រាដកថាល្អសម្រាប់កូនយើងនោះទេ។ ដូចនេះហើយយើងក៏ត្រូវពិភាក្សាជាមួយគ្រូពេទ្យពីផលប្រយោជន៍នៃការបំបៅដោះ ឬទឹកដោះគោម្សៅថាល្អសម្រាប់យើង និងកូនយើង។ បើម៉ាក់ៗប្រើថ្នាំបញ្ចុះសម្ពាធឈាមអាចប៉ះពាល់កូនដែរឬទេ? ថ្នាំបញ្ចុះសម្ពាធឈាមភាពភាគច្រើនគឺអាចចូលដល់ទឹកដោះម្ដាយក្នុងកម្រិតតិចតួចណាស់។ ថ្នាំបញ្ចុះសម្ពាធឈាមប្រើសម្រាប់ស្រ្តីមានផ្ទៃពោះ ក៏ត្រូវគេអះអាងថាមានសុវត្ថិភាពពេលម៉ាក់ៗបំបៅដោះកូនដូចគ្នា ប៉ុន្តែត្រូវចាំថាមិនមែនគ្រប់ប្រភេទថ្នាំសុទ្ធតែដូចគ្នានោះទេ។ ជាក់ស្តែងដូចជាប្រភេទថ្នាំBeta-Blockers ត្រូវគេរកឃើញថាចូលទៅក្នុងទឹកដោះម្ដាយក្នុងបរិមាណច្រើន ដែលនេះមិនល្អសម្រាប់ការបំបៅដោះទេ។ បើអ៊ីចឹងតើម៉ាក់ៗគួរប្រើទឹកដោះគោម្សៅជំនួសឲ្យការបំបៅដោះ? ម៉ាក់ៗកុំបារម្ភពេកអី ស្រីៗផ្សេងទៀតក៏បានជួបបញ្ហាផ្សេងៗដូចយើងដែរ និងបារម្ភដូចគ្នាថាគួរតែ ឈប់បំបៅដោះកូន ឬក៏គួរនៅបន្ត។ ម៉ាក់ៗត្រូវដឹងថាទាំងការបំបៅដោះកូន និងទឹកដោះគោម្សៅ តិចឬច្រើនអាចមានផលវិជ្ជមាន និងអវិជ្ជមានចំពោះកូនយើង ដូចនេះត្រូវពិភាក្សាជាមួយគ្រូពេទ្យឲ្យបានច្បាស់ ដើម្បីជ្រើសរើសវិធីណាមួយល្អសម្រាប់យើង និងកូនយើង ក្នុងកាលៈទេសៈមួយនេះ។ ជាការពិតណាស់ការបំបៅដោះកូននៅតែត្រូវបានអ្នកជំនាញចាត់ទុកការមានប្រយោជន៍ខ្លាំងដល់អូនៗ និងនៅតែណែនាំឲ្យបំបៅដោះកូនជាជាងវិធីផ្សេង។ មួយវិញទៀត កន្លងមកទោះបីជាម៉ាក់ៗបានទទួលការព្យាបាល និងប្រើថ្នាំបញ្ចុះសម្ពាធឈាមក៏ពិតមែន តែតាមកំណត់ត្រាវេជ្ជសាស្រ្តបានអះអាងដដែលថាមានសុវត្ថិភាព។ ដូចនិយាយពីខាងលើអ៊ីចឹង បើម៉ាក់ៗកំពុងព្យាបាលបញ្ហាសម្ពាធឈាមឡើងខ្ពស់ និងត្រូវបំបៅដោះកូនទៀត គឺត្រូវតែជជែកពិភាក្សាជាមួយគ្រូពេទ្យ ថាគួរប្រើថ្នាំប្រភេទណាមិនប៉ះពាល់ដល់កូន ពេលបំបៅដោះ។

ស្វែងយល់ពីការបំបៅដោះកូន

ស្វែងយល់ពីការបំបៅដោះកូន

ទារកទើបកើត គួរបំបៅដោះប៉ុន្មានដងក្នុងមួយថ្ងៃ?

បើអាអូនបៅទឹកដោះគោ ជំនួសទឹកដោះម៉ាក់ៗ អាចប្រឈមកើតជំងឺម្យ៉ាងនេះ

ម៉ាក់ៗស្ទះទឹកដោះក្រោយសម្រាលកូនរួច អាចដោះស្រាយតាមវិធីនេះបាន

បើម៉ាក់ៗផឹកស្រា ហើយបំបៅដោះកូន អាចប៉ះពាល់ដល់កូនកម្រិតណា?

តិចនិកល្អៗជួយម៉ាក់ថ្មីថ្មោង ចេះបំបៅដោះកូន កុំឲ្យកូនឈ្លក់!

អត្ថប្រយោជន៍នៃការបំបៅដោះ

ពិតអត់? បំបៅដោះតិចពេក កូនអាចកើតហឺត?

អត់ទឹកដោះឲ្យកូនបៅ ម៉ាក់ៗអាចសាកល្បងបង្កើនទឹកដោះដោយវិធីបូមនេះបាន

ទឹកដោះដំបូងម៉ាក់ៗសម្បូរសារធាតុចិញ្ចឹមអស់នេះ ទើបល្អខ្លាំងសម្រាប់អាអូន

ពិតអត់ ទឹកដោះម្ដាយជាឱសថកម្ចាត់កន្ទួលរមាស់លើស្បែកទារក?

បំបៅដោះបែបនេះទើបកូនទទួលសារធាតុចិញ្ចឹមគ្រប់គ្រាន់ ថ្លោស

ឮគេថា បំបៅដោះកូនធ្វើឲ្យសុដន់យារធ្លាក់ តែគ្រូពេទ្យលើកឡើងពីកត្តាទាំងនេះវិញ

ពណ៌នាគុណសម្បត្តិមហាសាលទឹកដោះដំបូង កុំឲ្យម៉ាក់ៗច្រឡំច្របាច់ចោល

ហេតុផលសំខាន់បែបនេះ ទើបម៉ាក់ៗចាំបាច់បំបៅដោះកូនឲ្យបាន៦ខែ

ក្មេងបៅទឹកដោះម្តាយ អាចចៀសផុតពីជំងឺធ្ងន់ធ្ងរដល់ទៅ៤មុខ

គន្លឹះសំខាន់ៗទាក់ទងនឹងការបំបៅដោះ

នេះជាអ្វី ម្ដាយថ្មីថ្មោងគួរដឹងលម្អិតជុំវិញការបំបៅដោះ

វិធីបង្ការជំងឺអាប់សែសុដន់ ម៉ាក់ៗគួរដឹងពេលបំបៅដោះកូន

ទើបសម្រាលកូន បារម្ភខ្លាចអត់ចេញទឹកដោះឲ្យកូនបៅ មកដឹងតិចនិកនេះ

ត្រូវដឹង បើម៉ាក់កំពុងបំបៅដោះកូន ត្រូវតមចំណីចំណីណាខ្លះ?

លម្អិតពីទឹកដោះម៉ាក់ៗប្រែប្រួលម៉េចខ្លះ តាំងពីកើតកូនដល់ផ្ដាច់ដោះ

បរិមាណទឹកដោះម៉ាក់ៗចេះតែថយទៅៗមកពីមូលហេតុអ្វី? ដោះស្រាយបែបណា?

ម៉ាក់ៗបំបៅដោះកូន តើអាចញុំាថ្នាំគ្រាប់ពន្យារកំណើតបានអត់?

ម្ដងភ្លៀង ម្ដងក្ដៅ! ម៉ាក់ៗបំបៅដោះកូនត្រូវចេះការពារសុខភាពកុំឲ្យឈឺ

តិចនិកកុំឲ្យកូនខាំក្បាលដោះ ពេលបំបៅកូន ម៉ាក់ៗគួរដឹង!

ម៉ាក់ៗមានបញ្ហាសម្ពាធឈាមឡើងខ្ពស់ តើអាចបំបៅដោះកូនបានអត់?