រាករូសជាបញ្ហាមួយក្មេងៗភាគច្រើនតែងតែកើតមាន ពិបាកគេចបានណាស់ព្រោះក្មេងមានក្រពះពោះវៀនខ្ចី។ ណាមួយទៀត ក្មេងៗញ៉ាំអីមិនសូវចេះគិតទេ ហេតុនេះហើយទើបម៉ាក់ប៉ាគួរដឹងពីអ្វីមិនគួរធ្វើអំឡុងពេលកូនរាករូស ដើម្បីកុំឲ្យកាន់តែនាំទុក្ខដល់កូន។
ដឹងអត្ថន័យពណ៌ និងរូបរាងលាមកទារក
ពេលកូនរាករូស យើងមិនគួរធ្វើអ្វីខ្លះ?
ក្មេងៗគួរជៀសវាងអាហារមួយចំនួននៅពេលដែលពួកគេរាករួមមានអាហារចៀន អាហារខ្លាញ់ អាហារកែច្នៃ ឬអាហារ Fast Food នំដូណាត់ និងប្រហិតជាដើម។ ក្រៅពីនេះ ម៉ាក់ប៉ាគួរចៀសវាងពីសកម្មភាពប៉ុន្មានខាងក្រោមនេះដូចជា៖
- ចៀសវាងផ្ដល់ភេសជ្ជៈមានជាតិកាហ្វេអ៊ីន ឬកាបូអ៊ីដ្រាតឲ្យកូនញ៉ាំ (មិនល្អពេលរាក)
- កុំធ្វើទឹកអូរ៉ាលីត្រ ដោយខ្លួនឯង លុះត្រាតែមានការណែនាំដោយគ្រូពេទ្យកុមារ
- ប្រើថ្នាំទប់រាករូសដោយគ្មានវេជ្ជបញ្ជា
ម៉ាក់ប៉ាត្រូវប្រយ័ត្នពីប្រការមិនគួរធ្វើប៉ុន្មានខាងលើនេះ ដើម្បីកុំឲ្យអាការៈកូនកាន់តែអាក្រក់។ ម៉្យាងវិញទៀត ពេលកូនរាករូសម្ដងៗ យើងក៏ត្រូវចាំសង្កេតមើលសញ្ញានៃការខ្វះជាតិទឹកដែលកើតឡើងពេលបាត់បង់ជាតិទឹកច្រើនពេកដែលមានរោគសញ្ញាដូចជា មិនសូវនោមញឹក យំអត់ចេញទឹកភ្នែក ក្ដៅខ្លួនខ្លាំង មាត់ស្ងួត ស្រកទម្ងន់ ស្រេកទឹកខ្លាំង សឹមៗ និងភ្នែករូង។
ដូចគ្នានេះ ក្នុងករណីកូនរាករូសរហូតបណ្ដាលឲ្យខ្វះជាតិទឹកកើតឡើង ម៉ាក់ប៉ាគួរបំពេញជាតិទឹកឲ្យកូនដោយឲ្យកូនញ៉ាំអាហារសម្បូរជាតិទឹក ឬឲ្យកូនផឹកទឹកឲ្យបានច្រើន និងចៀសវាងពីភេសជ្ជៈមានជាតិកាហ្វេអ៊ីនដូចជា កាហ្វេ តែ ឬសូដា ព្រោះវាកាន់តែធ្វើឲ្យរាងកាយបាត់បង់ជាតិទឹក។
យ៉ាងណាក៏ដោយ មុននឹងឲ្យកូនប្រើថ្នាំបំបាត់រាក ឬថ្នាំអ្វីផ្សេងត្រូវពិភាក្សាជាមួយគ្រូពេទ្យជំនាញឲ្យបានច្បាស់លាស់ ហើយបើកូនមិនធូរស្រាល យកល្អគួរតែនាំកូនឲ្យគ្រូពេទ្យពិនិត្យ និងព្យាបាលតាមបច្ចេកទេសពេទ្យឲ្យឆាប់តាមដែលអាចធ្វើទៅបាន។
ចំណុចសំខាន់
- ចៀសវាងផ្ដល់ភេសជ្ជៈមានជាតិកាហ្វេអ៊ីន ឬកាបូអ៊ីដ្រាតឲ្យកូនញ៉ាំ (មិនល្អពេលរាក)
- កុំធ្វើទឹកអូរ៉ាលីត្រ ដោយខ្លួនឯង លុះត្រាតែមានការណែនាំដោយគ្រូពេទ្យកុមារ
- ប្រើថ្នាំទប់រាករូសដោយគ្មានវេជ្ជបញ្ជា
គួរអាន៖
- កូនរាកក្រៅពីលេបថ្នាំ ផឹកអូរ៉ាលីត ទឹកផ្លែឈើមួយនេះក៏ជួយបានច្រើន
- កុំបណ្តោយឲ្យកូនរាកយូរ មានផលប៉ះពាល់ច្រើនណាស់
- ប៉ាម៉ាក់ត្រូវដឹងចំណុចទាំង ៥ នេះ ពេលរៀបចំអាហារសម្រន់ឲ្យកូនអាយុ១-៣ ឆ្នាំញ៉ាំ
- វិធីងាយៗនេះអាចជួយអូនតូចៗបាន ពេលរាកតិចតួច
- ក្តៅកាន់តែខ្លាំង មកដឹងពីតិចនិកមិនឲ្យកូនតូចៗទាស់នំចំណី រាក-ក្អួត
- វ៉ាក់សាំងរាកសំខាន់ចំពោះទារក ម៉ាក់ប៉ាមិនគួររំលង
[embed-health-tool-bmi]
