ប៉ាម៉ាក់ចង់ឲ្យកូនធំឡើងមានចរិតល្អ សាកវិធីសាស្ត្រ ៥ យ៉ាងនេះ

ចាស់ៗតែងថា ចង្កៀងផ្ទះអ្នកណា ភ្លឺផ្ទះអ្នកហ្នឹង ពាក្យនេះពិតជាត្រឹមត្រូវ រឿងប្រដៅបង្ហាត់បង្រៀនកូនចៅ ក៏ដូចគ្នា។ គ្រួសារនីមួយៗមានវិធីបង្រៀនកូនៗខុសគ្នាៗ ប៉ាម៉ាក់ខ្លះសប្បាយចិត្តពេលអូនៗស្តាប់សម្តី និងដំបូន្មាន ខ្លះទៀតមិនសប្បាយចិត្តសោះ ពិបាកបង្រៀនអីពិបាកខូចនោះខូច។

១- ពាក្យគួរប្រើនិងមិនគួរពេលបង្រៀនអូនៗ?

យើងមិនគួរប្រើពាក្យ “កុំ” ឬ “ទេ” លើអូនៗទេ ក្នុងករណីខ្លះលើកលែងតែវាជារឿងធំដុំ។ និយាយពាក្យនេះដដែលៗធ្វើឲ្យក្មេងៗរៀនត្រាប់តាម កូនយើងនឹងប្រើពាក្យទាំងនេះមកកាន់យើងវិញដោយមិនដឹងខ្លួន។ គួរពន្យល់អូនៗតាមវិធីងាយយល់ ដូច “អូនកុំកាន់កាំបិត ប្រយ័ត្នមុត” បែបនេះងាយស្រួលយល់។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២- ភាសាគួរនិយាយទៅកាន់ក្មេងៗ

ការប្រើភាសាបែបមនុស្សពេញវ័យបង្រៀនអូនៗ ធ្វើឲ្យអូនៗអាចទទួលបានពាក្យថ្មីបន្ថែម។ ប្រើពាក្យថ្មីៗច្រើន អាចឲ្យកូនៗស្គាល់ពាក្យថ្មី និងឆ្លើយតបរហ័សជាងមុន អាចជួយក្មេងអភិវឌ្ឍខួរក្បាលផងដែរ។ បើទោះអូនៗមិនទាន់ចេះនិយាយ វិធីនេះនឹងដឹកនាំគេឲ្យរៀននិយាយបានលឿនដូចគ្នា។

៣- សាកល្បងឈប់ប្រើខោទឹកនោម

ប៉ាម៉ាក់មានបទពិសោធភាគច្រើន តែងណែនាំឲ្យអូនៗឈប់ប្រើខោទឹកនោម ដោយបង្រៀនឲ្យគេចេះប្រើកន្ថោរជំនួសវិញ។ វិធីនេះមានប្រសិទ្ធភាព ព្រោះអូនៗអ្នកអាចរៀនដឹងពីអារម្មណ៍បានលឿន ចេះប្រាស្រ័យទាក់ទង និងគ្រប់គ្រងខ្លួនបានល្អ។ អាចនឹងលំបាកពេលដំបូង ប៉ុន្តែនឹងងាយស្រួលនៅពេលក្រោយ។

៤- អូនៗចូលចិត្តខាំ

ក្មេងៗខ្លះខូចតាំងពីកំណើត មានការអីតិចខាំនេះខាំនោះ ជាទម្លាប់អាក្រក់ តែមានករណីខ្លះដោយសាររមាស់ធ្មេញ ឬធ្មេញកំពុងដុះ តែអូនៗខ្លះវិញខាំ ព្រោះចង់បញ្ចេញកំហឹង។ គ្នាយើងត្រូវពន្យល់ថា វាមិនល្អ ឬឲ្យពួកគេខាំតុក្កតាជំនួសការខាំអ្នកដទៃមិនល្អទេ។ គោលបំណងតែមួយគត់ព្យាយាមឲ្យអូនៗភ្លេច និងកែប្រែទម្លាប់អាក្រក់នោះ។

អត្ថបទគួរអាន៖

៥- វិធីស្តីបន្ទោសអូនៗពេលធ្វើអ្វីខុស

ប៉ាម៉ាក់ខ្លះតែងបន្ទោសអូនៗមិនទំនេរមាត់។ មិនមែនជាវិធីល្អទេ ព្រោះកាន់តែធ្វើឲ្យអូនៗមិនយល់ អាចនឹងកាន់ផ្គើនថែមទៀត។ ផ្ទុយទៅវិញ យើងគួរនាំអូនៗទៅកន្លែងស្ងាត់ និយាយស្រាលៗពន្យល់អូនៗមិនត្រូវធ្វើរឿងបែបនោះទៀតទេ បែបនេះនឹងធ្វើឲ្យអូនៗកាន់តែឆាប់យល់បញ្ហា អាចជួយឲ្យមានចរិតចាស់ទុំផងដែរ។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Leng Pechsovatey · កែ 08/09/2023

ប៉ាម៉ាក់ចង់ឲ្យកូនធំឡើងមានចរិតល្អ​ សាកវិធីសាស្ត្រ ៥ យ៉ាងនេះ