អ្នកជំងឺទឹកនោមផ្អែមត្រូវយកចិត្ដទុកបំផុតទៅលើកម្រិតជាតិស្ករក្នុងឈាម ដូច្នេះត្រូវទាមទារឲ្យមានការប្រុងប្រយ័ត្នខ្លាំងក្នុងជីវភាពរស់នៅ មិនថាការហូបចុក ការធ្វើសកម្មភាពរាងកាយ បូករួមទាំងការធ្វើលំហាត់ប្រាណប្រចាំថ្ងៃផងដែរ។
មាតិកា
លំហាត់ប្រាណ ៥ ប្រភេទនេះ ល្អបំផុតសម្រាប់អ្នកជំងឺទឹកនោមផ្អែម
ការហាត់ប្រាណឬហាត់កីឡាប្រចាំថ្ងៃមិនមែនសុទ្ធតែល្អសម្រាប់សុខភាពអ្នកទឹកនោមផ្អែមទាំងអស់នោះទេ តួយ៉ាងដូចជាការហាត់ប្រាណដោយការរត់ ការលើកទម្ងន់ធ្ងន់ៗ ការលេងបាល់ ឬការលោតកម្ពស់ជាដើម ដែលអ្នកជំងឺអាចប្រឈមប៉ះពាល់តាមសន្លាក់ និងបង្កការរបួសជើងពិបាកថែរទាំ។ ដូច្នេះតាមការណែនាំរបស់គ្រូពេទ្យមានវិធីហាត់ប្រាណចំនួន ៥ប្រភេទល្អសម្រាប់អ្នកទឹកនោមផ្អែម។
១.ការដើរ ឬ ជិះកង់
មិនថាការដើរ ឬជិះកង់នោះទេ គឺជាវិធីហាត់ប្រាណយ៉ាងល្អសម្រាប់អ្នកមានជំងឺទឹកនោមផ្អែមមិនថាប្រភេទ១ ឬ២នោះទេ។ ការអនុវត្ដវិធីនេះជាប្រចាំ យ៉ាងហោច៣០នាទីក្នុងមួយថ្ងៃអាចជួយឲ្យចរន្ដឈាម និង បេះដូងអ្នកជំងឺដំណើរការល្អ។ ម្យ៉ាងវិញទៀត ការដើរ ឬជិះកង់ហាត់ប្រាណរាងកាយមិនសូវមានសម្ពាធធ្ងន់លើជើងខ្លាំងដូចជា ការរត់ ឬលោតកម្ពស់នោះទេ។ ដូច្នេះអ្នកជំងឺអាចរីករាយនឹងការហាត់ប្រាណមួយនេះដោយសុវត្ថិភាព។
២.ការហាត់ថៃជី
ថៃជីជាវិធីសាស្ដ្រហាត់ប្រាណបែបចិន តម្រូវឲ្យរាងកាយធ្វើចលនា ពត់ពេនយឺតៗ ដកដង្ហើមមួយៗ និងផ្ចង់អារម្មណ៍។ ការសិក្សាបានបង្ហាញថា ហាត់ប្រាណតាមវិធីបែបនេះយ៉ាងហោច ៣០នាទី រាល់ថ្ងៃមានអត្ថប្រយោជន៍ខ្លាំងទៅលើផ្នែកស្មារតី បេះដូង និងចរន្ដឈាម ព្រោះសកម្មភាពយឺតៗគឺជាផ្នែកមួយជួយឲ្យចរន្ដឈាមដើរស្រួលចាប់ពីចុងជើងដល់ក្បាល។
៣.ការហាត់យូហ្គា
ការហាត់យូហ្គាក៏មានអត្ថប្រយោជន៍មិនខុសគ្នាពីហាត់ថៃជីប៉ុន្មានទេ គឺការធ្វើចលនារាងកាយយឺតៗ ដោយដកដង្ហើមមួយៗព្រមគ្នា។ ហាត់យូហ្គាមិនត្រឹមតែជួយដល់សុខភាពរាងកាយ និងបេះដូងប៉ុណ្ណោះទេ ថែមទាំងជួយដល់សុខភាពផ្លូវចិត្ដអ្នកជំងឺផង ពិសេសម្រាប់អ្នកជំងឺដែលមាន ជំងឺរ៉ាំរ៉ៃប្រឈមការប៉ះទង្គិចផ្លូវចិត្ដ និងកើតស្ដ្រេសជាដើម។ ចូរធ្វើយូហ្គាយ៉ាងហោច៣០នាទីក្នុងមួយថ្ងៃគឺល្អសម្រាប់សុខភាព។
៤.ការរាំ
ការរាំគឺជាសិល្បៈមួយដែលបានរាប់បញ្ចូលក្នុងវិធីសាស្ដ្រហាត់ប្រាណសុវត្ថិភាពសម្រាប់អ្នកទឹកនោមផ្អែម។ យើងអាចអនុវត្ដវីធីនេះ ពីជំហានមួយទៅជំហានមួយទៀត ដោយសកម្មភាពយឺតៗ អារម្មណ៍រីករាយទៅនឹងចង្វាក់ភ្លេង ជួយឲ្យមានអារម្មណ៍ស្រស់ស្រាយ និងសុខភាពរាងកាយល្អផងដែរ។
៥.ការហែលទឹក
ហែលទឹកក៏ជាការហាត់ប្រាណមួយដែលល្អសម្រាប់អ្នកទឹកនោមផ្អែម ព្រោះវិធីហាត់ប្រាណមួយនេះមិនដាក់សម្ពាធទៅលើសន្លាក់ជើង ហើយរាងកាយត្រូវប្រើប្រាស់ថាមពលខ្លាំង។ លំហាត់ប្រាណនេះ មានអត្ថប្រយោជន៍ជួយដល់ សុខភាពបេះដូង ខួរក្បាល និងសរសៃឈាម។ តាមការសិក្សាបានបង្ហាញថា ការហែលទឹក ជាការល្អអាចត្រឹមយៈពេល ១០ទៅ ២០នាទីក្នុងមួយថ្ងៃ ៣ដងក្នុងសប្ដាហ៍ជួយដុតកាឡូរីក្នុងរាងកាយបានល្អ។
អត្ថទពាក់ព័ន្ធ៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Can Exercise Help Reverse the Effects of Type-2 Diabetes? https://www.medanta.org/patient-education-blog/best-exercises-for-diabetes/
The importance of exercise when you have diabetes https://www.health.harvard.edu/staying-healthy/the-importance-of-exercise-when-you-have-diabetes
Which Type of Exercise Is Best for Managing Diabetes https://diatribe.org/which-type-exercise-best-managing-diabetes-aerobic-exercise-or-weightlifting
diabetes and exercise https://www.diabetes.org.uk/guide-to-diabetes/managing-your-diabetes/exercise
5 Best Exercises for People with Diabetes https://health.clevelandclinic.org/5-best-exercises-for-people-with-diabetes/
កំណែប្រែបច្ចុប្បន្ន
19/10/2023
អត្ថបទដោយ អឿ អ៊ុយ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម