ពេលម៉ាក់ៗពពោះដំបូងៗ គួរដឹងប្រការគួរ និងមិនគួរធ្វើក្នុងត្រីមាសទី១ ព្រោះការដឹងពីរឿងដែលគួរធ្វើ និងមិនគួរធ្វើ មិនត្រឹមតែអាចការពារសុខភាពកូនក្នុងផ្ទៃប៉ុណ្ណោះទេ ប៉ុន្តែ ក៏ជួយឱ្យសុខភាពម្តាយផ្ទាល់ និងបេប៊ីមានការលូតលាស់បានល្អពេញលេញផងដែរ។

ហេតុនេះ តើម៉ាក់ៗគួរតែ និងមិនគួរធ្វើអ្វីខ្លះខ្លះ ក្រោយពីដឹងថា ខ្លួនមានផ្ទៃពោះភ្លាមៗ?

ប្រការគួរធ្វើក្នុងត្រីមាសទី ១

ពិគ្រោះយោបល់ដំបូងជាមួយគ្រូពេទ្យសម្ភព និងការតាមដានជាប្រចាំ គឺជាការចាំបាច់ក្នុងអំឡុងត្រីមាសទី ១ សម្រាប់ការវិវត្តរបស់គភ៌។
ជ្រើសរើសពេទ្យសម្ភព និងមន្ទីរពេទ្យដោយយកចិត្តទុកដាក់។ ចៀសវាងការផ្លាស់ប្ដូរគ្រូពេទ្យ ឬមន្ទីរពេទ្យញឹកញាប់ព្រោះអាចនាំឲ្យមានមតិផ្ទុយគ្នាអំឡុងពេលពិគ្រោះយោបល់។
បង្កើនការញ៉ាំអាហារបំប៉នអាស៊ីដហ្វូលិកតាមវេជ្ជបញ្ជា ព្រោះវាជាប្រភេទវីតាមីន B ដែលត្រូវការសម្រាប់ការបង្កើតកោសិកាឈាម។ វាមានប្រយោជន៍សម្រាប់ការវិវត្តនៃប្រព័ន្ធសរសៃប្រសាទរបស់គភ៌។ អាស៊ីដហ្វូលិក ត្រូវបានចេញវេជ្ជបញ្ជាមុនពេលមានផ្ទៃពោះ និងពេលកំពុងពពោះព្រោះអាចការពារការខូចសរសៃប្រសាទលើទារកក្នុងផ្ទៃដែលកំពុងលូតលាស់។
ញ៉ាំអាហារសរីរាង្គ និងអាហារចម្អិនដោយខ្លួនឯងឲ្យបានច្រើន ព្រោះអាហារទាំងនេះសម្បូរទៅដោយសារធាតុរ៉ែ និងវីតាមីន និងប្រូតេអ៊ីនសំខាន់ៗ និងបន្ថែមអាហារដែលសម្បូរជាតិដែក កាល់ស្យូម និងហ្វូឡាត។
ញ៉ាំអាហារសម្រន់ល្អៗនៅចន្លោះពេលបាយ និងត្រូវផឹកទឹកយ៉ាងហោចណាស់ប្រាំបីកែវ (១,៥ លីត្រ) ជារៀងរាល់ថ្ងៃ ព្រោះការរក្សាជាតិទឹកមានសារៈសំខាន់ខ្លាំងណាស់។
អនុវត្តសកម្មភាពប្រចាំថ្ងៃធម្មតា ឬហាត់ប្រាណធម្មតាដូចជា ការដើរជាប្រចាំ លុះត្រាតែមានការណែនាំផ្សេងពីអ្នកជំនាញ។ក្នុងអំឡុងពេលពពោះត្រីមាសទី១ ម៉ាក់ៗត្រូវប្រាកដថា យើងទទួលបានការសម្រាកគ្រប់គ្រាន់ ពោលគឺគេងឆ្អែត ញ៉ាំឆ្អែត និងសប្បាយចិត្ត។

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាកម្ពស់ធៀបកម្ពស់ (BMI) ចុចទីនេះ!

ប្រការមិនគួរធ្វើក្នុងត្រីមាសទី ១

មិនគួរលេបថ្នាំដោយគ្មានវេជ្ជបញ្ជា ព្រោះវាអាចបង្កគ្រោះថ្នាក់ដល់សុខភាពម្ដាយ និងកូន។
ចៀសវាងអាហារមិនល្អចំពោះសុខភាព ឬអាហារកែច្នៃមិនល្អ ព្រោះវាអាចបង្កហានិភ័យនៃជំងឺទឹកនោមផ្អែមពេលមានគភ៌ ដោយសារជាតិស្ករ និងកាឡូរីខ្ពស់។
ចៀសវាងជក់បារី សេពគ្រឿងស្រវឹង និងញ៉ាំអាហារ ឬភេសជ្ជៈមានជាតិកាហ្វេអ៊ីន។ បើម៉ាក់មានផ្ទៃពោះ អ្វីដែលយើងញ៉ាំចូលក្នុងខ្លួនក៏សំខាន់សម្រាប់កូនដែរ។ ការជក់បារី ការផឹកស្រា ឬគ្រឿងញៀនអាចប៉ះពាល់ដល់ការលូតលាស់ ការវិវឌ្ឍ និងសុខភាពរបស់កូន។
ចៀសវាងអាហារតាមផ្លូវដែលគ្មានអនាម័យ ដើម្បីចៀសវាងបញ្ហាលើប្រព័ន្ធរំលាយអាហារ និងកុំញ៉ាំល្ហុង ឬម្នាស់ខ្ចី។
ការពារខ្លួនពីបញ្ហាខ្វះជាតិទឹក និងព្យាយាមធ្វើអារម្មណ៍ឲ្យល្អ កាត់បន្ថយភាពតានតឹង។
ចៀសវាងធ្វើលំហាត់ប្រាណហួសហេតុពេក ប៉ុន្តែត្រូវរក្សាទម្ងន់ឲ្យគ្រប់តាមស្ដង់ដារ ។
ចៀសវាងចូលស្ទីម ឬសូណា និងកុំញ៉ាំអាហារណាអាចបណ្ដាលឲ្យទល់លាមកបាន។

ត្រីមាសទី ១

ចំណុចសំខាន់

ប្រកាសគួរធ្វើ និងមិនគួរធ្វើសម្រាប់ស្ត្រីពពោះនៅត្រីមាសទី១
ប្រការគួរធ្វើ
– ពិគ្រោះយោបល់ជាមួយគ្រូពេទ្យសម្ភព និងតាមដានសុខភាពជាប្រចាំ
– ជ្រើសរើសពេទ្យសម្ភព និងមន្ទីរពេទ្យដោយយកចិត្តទុកដាក់
– បង្កើនការញ៉ាំអាហារបំប៉នអាស៊ីដហ្វូលិកតាមវេជ្ជបញ្ជា
– ញ៉ាំអាហារសរីរាង្គ និងអាហារចម្អិនដោយខ្លួនឯងឲ្យបានច្រើន
– ញ៉ាំអាហារសម្រន់ល្អៗនៅចន្លោះពេលបាយ និងត្រូវផឹកទឹកយ៉ាងហោចណាស់ប្រាំបីកែវជារៀងរាល់ថ្ងៃ
– អនុវត្តសកម្មភាពប្រចាំថ្ងៃធម្មតា ឬហាត់ប្រាណធម្មតា តាមការណែនាំ
ប្រការមិនគួរធ្វើ
– មិនគួរលេបថ្នាំដោយគ្មានវេជ្ជបញ្ជា
– ជៀសវាងអាហារកែច្នៃ អាហារ ឬភេសជ្ជៈផ្អែម
– ជៀសវាងការជក់បារី គ្រឿងស្រវឹង ឬភេសជ្ជៈកាហ្វេអ៊ីន
– ជៀសវាងអាហារគ្មានអនម័យតាមផ្លូវ
– ការពារខ្លួនពីការខ្វះជាតិទឹក និងព្យាយាមធ្វើឱ្យខ្លួនមានអារម្មណ៍ល្អ
– ជៀសវាងការធ្វើលំហាត់ប្រាណខ្លាំងហួសហេតុ
– ជៀសវាងចូលស្ទីម ឬសូណា

អត្ថបទគួរអាន៖

ម៉ាក់ៗពពោះដំបូងៗ គួរដឹងប្រការគួរ និងមិនគួរធ្វើក្នុងត្រីមាសទី ១

ប្រការ​គួរ​ធ្វើ​ក្នុង​ត្រី​មាស​ទី ១

ប្រការ​មិន​គួរ​ធ្វើ​ក្នុង​ត្រី​មាស​ទី ១

ចំណុចសំខាន់

ប្រការគួរធ្វើក្នុងត្រីមាសទី ១

ប្រការមិនគួរធ្វើក្នុងត្រីមាសទី ១