ខួរក្បាលនិងប្រព័ន្ធប្រសាទ

ខួរក្បាល​និង​ប្រព័ន្ធ​ប្រសាទ​​ ​- បញ្ហា​មួយ​ចំនួន​ដែល​បង្ក​ទុក្ខទោស​ដល់​ខួរក្បាល​និង​ប្រព័ន្ធប្រសាទ​​​គ្រប់​គ្នា​មាន ជំងឺប្រកាច់ ​ជំងឺបាត់ការចងចាំនិងវង្វេងវង្វាន់ ​ជំងឺប៉ះពាល់បេះដូងនិងខួរក្បាល ​គ្រោះថ្នាក់សរសៃឈាម ​ឈឺក្បាលនិងឈឺក្បាលប្រកាំង ​ជំងឺ​ខួរ​ក្បាលនិង​ឆ្អឹង​ខ្នង ​ជំងឺ​ប្រព័ន្ធ​ប្រសាទ ​បញ្ហាខួរក្បាលនិងប្រព័ន្ធ​ប្រសាទផ្សេងទៀត ​​បូករួម​ទាំង​រោគសញ្ញា មូលហេតុ​បង្ក និង​ការ​ព្យាបាល​ជា​ដើម

ចំណេះដឹងទូទៅ

ខួរក្បាលនិងប្រព័ន្ធប្រសាទ

Stroke ឬគ្រោះថ្នាក់សរសៃឈាមខួរក្បាលកើតច្រើនលើមនុស្សចាស់ បង្ការបែបណា?

ដឹង​អត់​ថា មាន​មនុស្ស​ប្រមាណ​១៥​លាន​នាក់​ជុំវិញ​ពិភពលោក​ ប្រឈម​នឹង​បញ្ហា​គ្រោះថ្នាក់​សរសៃ​ឈាម​ខួរ​​ក្បាល​ជា​រៀងរាល់​ឆ្នាំ ក្នុង​ចំណោម​នោះ អត្រា​បាត់បង់​ជីវិត​កើន​ដល់​៥លាន​នាក់ និង​៥​លាន​នាក់​ទៀត ត្រូវ​ពិការ​ជា​រៀង​រហូត ដែល​​បាន​​ក្លាយ​ជា​បន្ទុក​ដ៏​ធំ​មួយ​ដល់​​សមាជិក​គ្រួសារ។ ហេតុ​ដូច្នេះ​ហើយ​ ការបង្ការ និង​ការតាមដាន​ស្ថានភាព​សុខភាព​ឱ្យ​បាន​ជាប់លាប់​​ មាន​សារៈសំខាន់​ណាស់​​សម្រាប់​អ្នក​មាន​បញ្ហា​សុខភាព​ស្រាប់​ ជា​ពិសេស​មនុស្ស​វ័យ​ចំណាស់។ គន្លឹះ​ ៣ ​យ៉ាង​បង្ការ​គ្រោះថ្នាក់​សរសៃ​ឈាម​លើ​មនុស្ស​ចាស់ ១. បញ្ចុះ​សម្ពាធ​ឈាម សម្ពាធ​ឈាម​ខ្ពស់ គឺ​ជា​មូលហេតុ​ចម្បង​ដែល​នាំ​ឱ្យ​កើត​គ្រោះថ្នាក់​សរសៃ​ឈាម​ខួរ​ក្បាល។ ការ​តាមដាន​កម្រិត​សម្ពាធ​ឈាម និង​ចាត់វិធានការ​ចាំបាច់​មួយ​ចំនួន​ អាច​ពង្រឹង​សុខភាព​បេះដូង ក៏​ដូចជា​បង្ការ​គ្រោះថ្នាក់​សរសៃ​ឈាម​ខួរ​ក្បាល។ កម្រិត​សម្ពាធ​ឈាម​សមស្រប​សម្រាប់​មនុស្ស​អាយុ​៦៥​ឆ្នាំ​ឡើង​ទៅ គឺ​ត្រូវ​តិច​ជាង​១៣០/៨០។ ប៉ុន្តែ​ក្នុង​ករណី​សម្ពាធ​ឈាម​ឡើង​ខ្ពស់ យើង​គួរ​តែ៖ កាត់បន្ថយ​ការ​ញ៉ាំ​ស្ករ ជៀសវាង​អាហារ​មាន​ជាតិ​កូលេស្តេរូល (កម្រិត​ជាតិ​ខ្លាញ់​ក្នុង​ចរន្ត​ឈាម) ដូចជា​ប៊ឺហ្គឺរ ឈីស និង​ការ៉េម ញ៉ាំ​របប​អាហារ​សុខភាព ដូចជា​បន្លែ ផ្លែឈើ ត្រី​ និង​ទឹកដោះគោ​គ្មាន​ខ្លាញ់ ហាត់​ប្រាណ​រយៈពេល​៣០​នាទី​ក្នុង​១​ថ្ងៃ។ ២. រក្សា​ទម្ងន់​ខ្លួន​ យោង​តាម​អង្គការ ​World Stroke Organization ការ​លើស​ទម្ងន់​ អាច​បង្កើន​ហានិភ័យ​នៃ​គ្រោះថ្នាក់​សរសៃ​ឈាម​ខួរ​ក្បាល​ដល់​ទៅ​២២% ស្រប​ពេល​ដែល​អ្នក​ធាត់​ជ្រុល​ មាន​ហានិភ័យ​រហូត​ដល់​ទៅ​៦៤%។ យ៉ាង​ណា​មិញ ចំពោះ​មនុស្ស​វ័យ​ចំណាស់​ ដែល​មាន​បញ្ហា​សុខភាព​គួប​ផ្សំ ដូចជា​ជំងឺ​បេះដូង ជំងឺ​ទឹក​នោម​ផ្អែម​ប្រភេទ២ លើស​សម្ពាធ​ឈាម និង​ផ្សេង​ទៀត គឺ​មាន​អត្រា​គ្រោះថ្នាក់​សរសៃ​ឈាម​ខួរ​ក្បាល​កាន់​តែ​ខ្ពស់។ ហេតុ​ដូច្នេះ​ហើយ មនុស្ស​វ័យ​ចំណាស់​ គួរ​តែ​ថែរក្សា​ទម្ងន់​ខ្លួន​ឱ្យ​បាន​ល្អ […]

អត្ថបទផ្សេងទៀតពី ខួរក្បាលនិងប្រព័ន្ធប្រសាទ

ស្វែងរក ខួរក្បាលនិងប្រព័ន្ធប្រសាទ

បញ្ហាខួរក្បាលនិងប្រព័ន្ធប្រសាទផ្សេងទៀត

ទម្លាប់​សាមញ្ញ​​ទាំង​៧​ បំផ្លាញ​សុខភាព​ខួរ​ក្បាល​ដោយ​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ការ​ថែទាំ​សុខភាព​ខួរ​ក្បាល​ឲ្យ​បាន​ល្អ ​ជា​រឿង​ចាំបាច់​ដែល​គ្នា​យើង​​​មិន​គួរ​ធ្វេសប្រហែស​ឡើយ​។​ ពិត​ណាស់​ ទម្លាប់​មិន​ល្អ​ អាច​ធ្វើ​ឲ្យ​ខួរ​ក្បាល​ចុះ​ខ្សោយ​ ការ​ចងចាំ​មិន​ល្អ ព្រម​ទាំង​អាច​​បង្ក​ជា​ជំងឺ​វង្វេងវង្វាន់​​នៅ​ពេល​ដែល​យើង​មាន​វ័យ​កាន់​តែ​ចាស់​ថែម​ទៀត​ផង​។ ដូច្នេះ​ហើយ​ ដើម្បី​​​ជួយ​ឲ្យ​មុខងារ​ខួរ​ក្បាល​ដំណើរការ​​ល្អ​ប្រសើរ​ គ្នា​យើង​គប្បី​ជៀសវាង​ទម្លាប់​មិន​ល្អ​មួយ​ចំនួន​​​នេះ​។ ១. អង្គុយ​ពេញ​មួយ​ថ្ងៃ​ ពិត​ណាស់​ ការ​អង្គុយ​ពេញ​មួយ​ថ្ងៃ​អាច​​ប៉ះពាល់​ដល់​សុខភាព​ទាំង​មូល​ រួម​ទាំង​​ខួរ​ក្បាល​ផង​ដែរ​។ នៅ​ពេល​ដែល​យើង​ធ្វើ​ចលនា​ សរសៃ​ឈាម​ខួរ​ក្បាល​នឹង​បើក​ ដែល​នាំ​ឲ្យ​មាន​លំហូរ​ឈាម​​ទៅ​ចិញ្ចឹម​​​កោសិកា​ប្រសាទ​ ។ ម្យ៉ាង​វិញ​ទៀត សកម្មភាព​រាងកាយ​បង្កើន​លំហូរ​ឈាម​ និង​ដឹកនាំ​អុកស៊ីសែន​ និង​សារធាតុ​ចិញ្ចឹម​សំខាន់​ៗ​ទៅ​កាន់​ខួរ​ក្បាល​។ បន្ថែម​ពី​នេះ វា​ជួយ​បង្កើន​អារម្មណ៍ និង​កាត់បន្ថយ​ស្រ្តេស ដែល​ផ្ដល់​អត្ថប្រយោជន៍​ដល់​សុខភាព​ខួរ​ក្បាល​។ ហេតុ​នេះ​ហើយ​ គ្នា​យើង​គប្បី​ធ្វើ​ចលនា​ឲ្យ​បាន​ច្រើន​ ក៏​ដូចជា​ធ្វើ​លំហាត់​ប្រាណ​យ៉ាង​ហោច​ណាស់​១៥០​នាទី​ក្នុង​មួយ​សប្ដាហ៍​។ ២. មិន​សូវ​ចូលរួម​ក្នុង​សង្គម​ ការ​ខកខាន​ក្នុង​ការ​ចូលរួម​ក្នុង​សង្គម​ អាច​ជា​ការ​បំផ្លាញ​ខួរ​ក្បាល​របស់​យើង​ដូច​គ្នា។​ ជាក់​ស្ដែង ភាព​ឯកោ​​ត្រូវ​បាន​ផ្សារ​ភ្ជាប់​ទៅ​នឹង​ជំងឺ​បាក់​ទឹក​ចិត្ត​ ហើយ​វា​ក៏​អាច​​នាំ​ឲ្យ​ការ​យល់​ដឹង​របស់​យើង​ចុះ​ខ្សោយ​។ យោង​តាម​ការ​សិក្សា​មួយ​បាន​បង្ហាញ​ថា ​អ្នក​​ដែល​មិន​សូវ​ចូលរួម​ក្នុង​សង្គម​​អាច​វិវត្ត​ទៅ​ជា​ជំងឺ​វង្វេងវង្វាន់​។ ៣. ស្តាប់​តន្ត្រី​ឮខ្លាំង​ៗ​ ​​ជាមួយ​គ្នា​នេះ​ដែរ​ ការ​ស្ដាប់​ចម្រៀង​ឮ​ៗ​ក៏​អាច​ប៉ះពាល់​ដល់​ខួរ​ក្បាល​របស់​យើង ពីព្រោះ​វា​អាច​ផ្លាស់ប្ដូរ​​របៀប​ដែល​ខួរ​ក្បាល​ដំណើរការ​ ការ​និយាយ នេះ​បើ​យោង​តាម​ការ​សិក្សា​​មួយ​ទៅ​លើ​សត្វ​។ ក្រុម​អ្នក​ស្រាវជ្រាវ​បាន​សម្គាល់​ថា​ការ​​បាត់បង់​សោតវិញ្ញាណ​​អាច​ជះ​ឥទ្ធិពល​មិន​ល្អ​ដល់​ការ​យល់​ដឹង​របស់​ខួរ​ក្បាល​ចំពោះ​សំឡេង​​ផ្សេង​ៗ​។ ៤. គេង​មិន​គ្រប់គ្រាន់​ ការ​គេង​មិន​គ្រប់គ្រាន់​ក៏​​​អាច​ប៉ះពាល់​ដល់​ខួរ​ក្បាល​របស់​យើង។ យោង​តាម​ការ​សិក្សា​មួយ​បាន​​​បង្ហាញ​ថា ការ​គេង​មាន​ឥទ្ធិពល​លើ​​ការ​យល់​ដឹង​​ រួម​ទាំង​​ការ​ចងចាំ​ ការ​ដោះស្រាយ​បញ្ហា​ និង​ជំនាញ​ទំនាក់ទំនង​។ ​សម្រាប់​អ្នក​ដែល​គេង​បាន​តិច​ជាង​៧​ម៉ោង​ ឬ​ច្រើន​ជាង​៨​ម៉ោង​ក្នុង​មួយ​យប់​ ​អាច​ប្រឈម​នឹង​ការ​ធ្លាក់​ចុះ​នៃ​មុខងារ​ខួរ​ក្បាល​។ ៥. ជក់​បារី​ ជំងឺ​មហារីក​ ជំងឺ​បេះដូង​ ក៏​ដូចជា​ជំងឺ​សួត​​សុទ្ធ​តែ​មាន​ការ​ពាក់ព័ន្ធ​នឹង​ការ​ជក់បារី​។ ការ​ជក់​បារី​បំផ្លាញ​ស្រទាប់​សរសៃ​ឈាម និង​អាច​បណ្ដាល​ឲ្យ​សរសៃ​ឈាម​រួម​តូច […]


ខួរក្បាលនិងប្រព័ន្ធប្រសាទ

ឧស្សាហ៍ជួបបញ្ហា​​ភ្លេចភ្លាំង អាចប្រឈមនឹង​ជំងឺ​វង្វេង?

ជា​ការ​ពិត​ណាស់​មាន​មនុស្ស​ជា​ច្រើន​មាន​ការ​ព្រួយ​បារម្ភ​អំពី​ការ​ភ្លេច​ភ្លាំង។ គ្នា​យើង​មួយ​ចំនួន​តែង​តែ​គិត​ថា​ការ​ភ្លេច​ភ្លាំង​គឺ​ជា​សញ្ញា​ដំបូង​នៃ​ជំងឺ​វង្វេង។ ប៉ុន្តែ​មិន​មែន​មនុស្ស​ទាំង​អស់​ដែល​មាន​បញ្ហា​ការ​ចង​ចាំ​មាន​ជំងឺ​វង្វេង​នោះ​ទេ។ មាន​មូល​ហេតុ​ផ្សេង​ទៀត​ដែល​អាច​ទាក់​ទង​និង​ការ​ចង​ចាំ​រួម​ទាំង​បញ្ហា​មួយ​ចំនួន​បញ្ចូល​ទាំង​វ័យ​ចំ​ណាស់​ ស្ថាន​ភាព​សុខភាព ​បញ្ហា​ផ្លូវ​ចិត្ត​ឬ​ជំងឺ​វង្វេង​ប្រភេទ​ផ្សេង​ទៀត។ រោគ​សញ្ញា ចំពោះ​ការ​បាត់​បង់​ការ​ចង​ចាំ ឬភេ្លចេ​ភ្លាំង​​ គឺ​ជា​រោគ​សញ្ញា​សំខាន់​នៃ​ជំងឺ​វង្វេង។ ​រោគ​សញ្ញា​ដំបូង​រួម​មាន ពិបាក​ក្នុង​ការ​ចង​ចាំ​ហេតុការណ៍​ថ្មីៗ​ ឬ​ការ​សន្ទនា។ នៅ​ពេល​ដែល​ជំងឺ​នោះ​វិវដ្ត​ ការ​ចង​ចាំ​អាច​នឹង​អន់​ថយ​កាន់​តែ​អាក្រក់​ទៅៗ ហើយ​រោគ​សញ្ញា​ដទៃ​ទៀត​ក៏​វិវដ្ត​ដែរ។ អ្នក​ដែល​មាន​ជំងឺ​វង្វេង​អាច៖ ធ្វើ​ការ​ចោទ​សួរ​នូវ​សំណួរ​ដដែល​ម្ដង​ហើយ​ម្ដង​ទៀត ភ្លេច​ការ​សន្ទនា​ ការ​ណាត់​ជួប​ ឬ​ព្រឹត្តិការណ៍​ផ្សេងៗ​ វង្វេង​នៅ​កន្លែង​ដែល​ធ្លាប់​ស្គាល់ ភ្លេច​ឈ្មោះ​សមាជិក​ក្នុង​គ្រួសារ​ និង​វត្ថុ​ប្រើ​ប្រាស់​ប្រចាំ​ថ្ងៃ អាច​មាន​បញ្ហា​ក្នុង​ការ​ស្វែង​រក​ពាក្យ​ត្រឹម​ត្រូវ​ដើម្បី​កំណត់​អត្ត​សញ្ញាណ​វត្ថុ ការ​បង្ហាញ​គំនិត ​ឬ​ការ​ចូល​រួម​ក្នុង​ការ​សន្ទនា។ នៅ​ពេល​ដែលយើង​​កើត​មាន​ជំងឺ​វង្វេង​ វា​អាច​ប៉ះ​ពាល់​ដល់​អារម្មណ៍​ និង​អាកប្បកិរិយា។ បញ្ហា​អាច​មាន​ដូច​ខាង​ក្រោម៖ ជំងឺ​បាក់​ទឹក​ចិត្ត ភាព​ស្រពិច​ស្រពិល ការ​ប្រែ​ប្រួល​អារម្មណ៍ ការ​មិន​ទុក​ចិត្ត​លើ​អ្នក​ដទៃ ឆាប់​ខឹង ការ​ផ្លាស់​ប្ដូរ​ទម្លាប់​គេង មាន​ការ​ភ័ន្ត​ច្រឡំ​ និង​បាត់បង់​ជំនឿ​លើ​អ្វី​មួយ វិធី​បង្ការ​ ឬ​ការពារ​ពី​ជំងឺ​វង្វេង ចំពោះ​ជំងឺ​វង្វេង​គឺ​ជា​បញ្ហា​សុខភាព​មួយ​​ដែល​មិន​​អាច​បង្ការ​​បាន​​នោះ​ទេ។ ប៉ុន្តែ​មាន​ភស្តុតាង​មួយ​ចំនួន​បង្ហាញ​ថា​ការ​ផ្លាស់​ប្ដូរ​របប​អាហារ​ ការ​ធ្វើ​លំហាត់​ប្រាណ ក៏​អាច​បន្ថយ​ហានិភ័យ​នៃ​ការ​វិវដ្ត​ទៅ​ជា​ជំងឺ​នេះ ​និង​ជំងឺ​ដទៃ​ទៀត​ដែល​បណ្ដាល​ឱ្យ​មាន​ជំងឺ​វង្វេង​ដែរ។ ជម្រើស​នៃ​របៀប​រស់​នៅ​ដែល​មាន​សុខភាព​ល្អ​​អាច​កាត់​បន្ថយ​ហានិភ័យ​នៃ​ការ​ភ្លេច​ភ្លាំង​រួម​មាន៖ ធ្វើ​លំហាត់​ប្រាណ​ឱ្យ​បាន​ទៀង​ទាត់ ការ​ទទួល​ទាន​អាហារ​​មាន​សុខភាព​ល្អ​ និង​អាហារ​ដែល​មាន​ជាតិ​ខ្លាញ់​ទាប​ អនុវត្ត​តាម​ការ​ណែនាំ​នៃ​ការ​ព្យាបាល​ដើម្បី​គ្រប់​គ្រង​ជំងឺ​លើស​ឈាម​ ទឹកនោមផ្អែម​ និង​កូលេស្តេរ៉ូល​ខ្ពស់ ប្រសិន​បើគ្នា​យើង​​ជក់​បារី​ គួរ​សុំ​​ការ​ណែ​នាំ​ពី​គ្រូពេទ្យ​ដើម្បី​រក​វិធី​ផ្ដាច់​បារី​ ពេល​ណា​ត្រូវ​ទៅ​ជួប​គ្រូពេទ្យ បញ្ហា​សុខ​ភាព​មួយ​ចំនួន ទាំងអាចព្យាបាលបាន​ក្ដី គឺ​សុទ្ធ​តែ​អាចធ្វើ​ឲ្យ​យើង​ភ្លេច​ភ្លាំង ឬ​មាន​ជំងឺ​បាត់​បង់​ការ​ចង​ចាំ​។ បើ​សិន​ជា​គ្នា​យើង មាន​កង្វល់​ពី​បញ្ហា​ពិបាក​គិត ឬ​ភ្លេច​ភ្លាំង គួរ​ពិគ្រោះ​ជាមួយ​គ្រូពេទ្យ ដើម្បី​បាន​ការ​ធ្វើ​រោគ​វិនិវច្ឆ័យ និង​ការ​ព្យាបាល​ត្រឹម​ត្រូវ​។


ខួរក្បាលនិងប្រព័ន្ធប្រសាទ

សម្គាល់ម៉េច ទើបដឹងថាឈឺ​ក្បាល​ធម្មតា ឬឈឺ​ក្បាល​ប្រកាំង?

តាមពិត​ការ​ឈឺ​ក្បាល​ធម្មតា និង​ឈឺ​ក្បាល​ប្រកាំង ​គឺជា​ជំងឺ ២ ខុស​ពីគ្នា ថ្វីត្បិតតែ​​សុទ្ធ​តែ​ធ្វើ​ឱ្យ​យើង​ឈឺក្បាល​ដូចគ្នា។ ភាគច្រើន​យើង​មិន​ដឹង​ថា​​ឈឺក្បាល​ប្រកាំង​ទេ ដោយ​គិត​ថា​គ្រាន់​តែ​ឈឺ​ក្បាល​ធម្មតា​ប៉ុណ្ណោះ។ ឱសថការី​ ហម​ សេង​ហុង ​បានពន្យល់​ពី​លក្ខណៈ​ខុសគ្នា​មួយ​ចំ​នួន​រវាង​ការ​ឈឺ​ក្បាល​ធម្មតា និង​ការ​ឈឺ​ក្បាល​ប្រកាំង​ដូច​ខាង​ក្រោម​​៖ ១. ឈឺ​ក្បាល​ធម្មតា ការ​ឈឺ​ក្បាល​ធម្មតា​មាន​សណ្ឋាន​ខុសៗគ្នា​ដូចជា ការ​ឈឺក្បាល​នៅ​ថ្ងាស​ខាង​មុខ​ដោយ​សារ​ស្រ្តេស​ គឺ​ឈឺ​ណែន​ពេញ​ខួរក្បាល​ខាងមុខ ការ​ឈឺ​ក្បាល​ចុក​រួយ​បែក​ពី​លើ​ក្បាល​រហូតដល់​ខាងក្រោយ​ ដោយសារ​តង់ស្យុង​សម្ពាធ​​ឈាម​​ខ្ពស់​ឡើង​ខ្ពស់។ ២. ឈឺ​ក្បាល​ប្រកាំង ​ការ​ឈឺ​ក្បាល​ប្រកាំង​គឺ​មាន​លក្ខណៈ​ចុក​ពើត​ៗ​​ចំហៀង​ក្បាល​ខាង​ធ្វេង ឬ​​ខាង​ស្តាំ​ នៅ​ប្លុក​គ្រាប់ភ្នែក ​នៅ​ខាង​ក្រោយ​គ្រាប់ភ្នែក ឬ​អាច​ដល់​ត្រចៀក ហើយ​ពេល​ខ្លះ​ចុក​​ខ្លាំង​គឺ​ឈឺក្បាល​ទាំង​សង​ខាង​តែ​ម្តង។ ការ​ឈឺ​ក្បាល​ប្រកាំង​ គឺ​ឈឺ​ដូច​ដាក់ខែ ឬ​ដាក់​ពេល​ ដល់ពេល​ណា​ត្រូវ​ឈឺ​ គឺ​​ឈឺ​របៀប​ដូច​រៀបរាប់​ខាងលើ​​។ ការ​ឈឺ​ក្បាល​ប្រកាំង​ដែល​មាន​លក្ខណៈ​មធ្យម ​គឺ​មាន​រយៈ​ពេល ៣០​នាទី ឯ​ការ​ឈឺ​ក្បាល​ប្រកាំង​ដែល​មាន​លក្ខណៈ​ធ្ងន់ធ្ងរ​អាច​មាន​រយៈ​ពេល​រហូតដល់​ទៅ ៣ ថ្ងៃ។ អ្នក​ជំងឺ​អាច​មាន​អារម្មណ៍​ចង់​ក្អួត ឬ​ក្អួត​តែ​ម្តង ។ ហេតុអ្វី​បានជា​យើង​ឈឺក្បាល​ប្រកាំង? មូលហេតុ​ដែល​ធ្វើ​ឱ្យ​ឈឺ​ក្បាល​ប្រកាំង​មាន​ច្រើន​កត្តា​ដូចជា៖ ការ​ស្ថិត​នៅ​ក្រោម​កម្ដៅ​ថ្ងៃ​យូរ​ពេក ការ​គិត​ច្រើន ការ​ធ្វើការ​ច្រើន ការហាត់​កីឡា​ខ្លាំង​ពេក ការ​មើល​អេក្រង់​​កុំព្យូទ័រ ឬ​ទូរស័ព្ទ​យូរ​​ ​កត្តា​អាហារ កត្តា​ហ្សែន ហេតុអ្វី​បាន​ជា​ស្ត្រី​ឈឺ​ក្បាល​ប្រកាំង​ច្រើន​ជាង​បុរស? ស្ត្រី​ឈឺ​ក្បាល​ប្រកាំង​ច្រើន​ជាង​បុរស​គឺ​ដោយ​សារ​តែ៖​ កត្តា​អ័រម៉ូន៖ នៅ​ពេល​ដែល​អ័រម៉ូន​ភេទ​ស្ត្រី​ឡើង​ខ្ពស់ អាច​ឈឺក្បាល​ប្រកាំង។ ភាព​ហត់នឿយ៖ ពេល​ស្ត្រី​ធ្វើ​ការ​​ច្រើន ​អាច​ហត់ អស់កម្លាំង​ក៏​ធ្វើ​ឱ្យ​ឈឺ​ក្បាល​ប្រកាំង​ដែរ។ សុខភាព​ស្ត្រី​ខ្សោយ​ជាង​បុរស៖ បុរស​រឹង​ប៉ឹង​ជាង​ស្ត្រី ដូច្នេះ​បុរស​អាច​សុំា​នឹង​ការ​ឈឺក្បាល​ប្រកាំង​បាន។ ​ឈឺ​ក្បាល​ប្រកាំង​អាច​ព្យាបាល​បានទេ? ការ​ឈឺក្បាល​ប្រកាំង​មិន​អាច​ជា​ដាច់​ទេ ប៉ុន្តែ​យើង​អាច​ចៀសវាង​បាន។ កា​រព្យា​បាល​ដែល​មាន​ប្រសិទ្ធភាព​គឺ​ការ​ការពារ​ខ្លួន។ មូលហេតុ​ដែល​ធ្វើ​ឱ្យ​មនុស្ស​ម្នាក់ៗ​ឈឺក្បាល​ប្រកាំង​គឺ​ខុស​ៗគ្នា​ដូច​បាន​រៀបរាប់​ខាងលើ ដូច្នេះ​បើ​យើង​គិត​ថា​យើង​ជិត​ឈឺ​ក្បាល​ប្រកាំង​ហើយ យើង​ត្រូវ​បញ្ឈប់​សកម្មភាព​ដែល​យើង​កំពុង​ធ្វើ​ភា្លម រួចឈ្លី​នៅ​ត្រង់​ក ឬ​ត្រង់​​កន្លែង​ឈឺ។ បន្ទាប់​មក​ទៅ​រក​កន្លែង​សម្រាក​ដែល​មាន​អុក​ស៊ី​សែន​គ្រប់​គ្រាន់ ស្ងាត់ និង​ងងឹត​ដើម្បី​ឱ្យ​ភ្នែក​យើង​កុំ​មាន​សកម្មភាព​តទៅទៀត។ […]


ជំងឺប្រព័ន្ធប្រសាទ

ជំងឺអេពីឡឹបស៊ី ឬឆ្កួតជ្រូក មកពីអី? ពេលប្រកាច់ត្រូវជួយអ្នកជំងឺរបៀបណា?

ជំងឺ​អេពីឡឹបស៊ី ដែល​ពលរដ្ឋ​យើង​ស្គាល់ និង​ចំណាំ​តែ​ហៅ​ថា ឆ្កួតជ្រូកនោះ តើ​​បណ្តាល​មក​ពីមូលហេតុ​អី? យើង​ត្រូវ​ជួយ​អ្នក​ជំងឺ​ដោយ​របៀប​ណា ទើប​មិន​មានគ្រោះ​ថ្នាក់ដល់ជីវិត? តាម​ពិត​ជំងឺ​អេពីឡឹបស៊ី មិន​មែន​ជា​ជំងឺ​ឆ្កួត​ជ្រូក​ដូច​ដែល​គេ​ហៅ​នោះ​ឡើយ ជំងឺ​នេះ​ពាក់ព័ន្ធ​នឹង​ភាព​មិន​ប្រក្រតី​នៃ​ចរន្ត​អគ្គិសនី​នៅ​ក្នុង​កោសិកា​ខួរក្បាល។ ជំងឺ​អេពីឡឹបស៊ី មាន​ច្រើន​ទម្រង់ ដូចជា ការ​ប្រកាច់​ដោយ​ផ្នែក ការ​ភ្លឹក ការ​កន្ត្រាក់​សាច់ដុំ និង​ការ​ប្រកាច់​ពេញ​ទាំង​ខ្លួន​ជា​ដើម។ សមាគម​គ្រូពេទ្យ​ប្រសាទសាស្ត្រ​កម្ពុជា នា​ពេល​កន្លង​មក​បាន​ស្នើ​ឲ្យ​បាន​សំណូមពរ​ឲ្យ​ពលរដ្ឋ​ខ្មែរ​យើង​ប្រើ​ឈ្មោះ អេពីឡឹបស៊ី ជំនួស​ឲ្យ​ជំងឺ​ឆ្កួត​ជ្រូក ដើម្បី​កុំ​ឲ្យ​មាន​ការ​រើស​អើង ពេប​ជ្រាយ​លើ​អ្នក​ជំងឺ។ តាម​ការ​ផ្សព្វផ្សាយ​របស់​មន្ទីរពេទ្យ​កាល់ម៉ែត មិន​ថា​នៅ​ស្រុក​ខ្មែរ ឬ​បរទេស​នោះ​ទេ អ្នក​ជំងឺ​​អេពីឡឹបស៊ី ​ច្រើន​មិន​បាន​មក​ទទួល​ការ​ព្យាបាល​ ដោយសារ​ទម្លាប់ និង​កង្វះ​ការ​យល់​ដឹង​អំពី​ជំងឺ​នេះ ពេល​ខ្លះ​អ្នកជំងឺត្រូវ​ខក​ខាន​មិន​បាន​បញ្ចប់​ការ​សិក្សា ឬ​ត្រូវ​បញ្ឈប់​ពី​ការងារ។ ឯមូលហេតុ​ដែល​បណ្តាល​ឲ្យ​មាន​ជំងឺ​អេពីឡឹបស៊ីមាន​ច្រើន ហើយ​អ្នក​ជំងឺ​លេច​ចេញ​ជា​រោគ​សញ្ញា​ម្តងៗ គឺ​ដោយ​សារ​មាន​ការ​ប្រែប្រួល​ខុស​ពី​ធម្មតា នៃ​បន្ទុក​ចរន្ត​អគ្គិសនី​របស់​កោសិកា​ខួរក្បាល។ មូលហេតុនាំឲ្យកើតជំងឺអេពីឡឹបស៊ី – ធ្លាប់​មាន​ជំងឺ​គ្រោះថ្នាក់​សរសៃរឈាម​ខួរក្បាល – ធ្លាប់​មាន​គ្រោះ​ថ្នាក់​ប៉ះ​ក្បាល – ធ្លាប់​រលាក​ខួរក្បាល រលាក​ស្រោម​ខួរក្បាល – មាន​ដុំ​សាច់ មហារីក ដុំ​មេរោគ​របេង ឬ​ដុំ​ពង​តេនញ៉ា នៅ​ក្នុង​ខួរក្បាល – ការ​វិវត្ត​ខុស​ប្រក្រតី​របស់​ខួរក្បាល​ដោយសារ​កត្តា​ផ្សេងៗ តាំង​ពី​ទារក​នៅ​ក្នុង​ផ្ទៃ​ម្តាយ – ពុល​ដោយសារ​ផឹក​គ្រឿង​ស្រវឹង​ច្រើន​ពេក ឬ​ប្រើ​ថ្នាំ​ញៀន​ផ្សេងៗ។ ចំពោះ​វិធី​ជួយ​សង្គ្រោះ​អ្នក​ជំងឺ អេពីឡឹបស៊ី នៅ​ពេល​មាន​អាការៈ​ប្រកាច់ សន្លប់​បាត់​ស្មារតី​ដួល​ម្តងៗ យើង​ត្រូវ​ជួយ​អ្នក​ជំងឺ​ឲ្យ​ដេក​ផ្អៀង ចៀស​វាង​ការ​ដាក់​ឲ្យ​គេង​ត្រង់ ឬ​ផ្ងារ ដើម្បីបង្ការពេលអ្នក​ជំងឺ​ច្រាល​អាហារ​ចេញ​មក​អំឡុង​ពេល​ប្រកាច់ បង្ក​ទៅ​ជា​ស្ទះ​ដង្ហើម ប៉ះពាល់​ដល់​ជីវិត។ […]


បញ្ហាខួរក្បាលនិងប្រព័ន្ធប្រសាទផ្សេងទៀត

មូលហេតុ​​​ ធ្វើ​ឲ្យ​យើង​ភ្លេចភ្លាំង ​មិន​ពាក់ព័ន្ធ​នឹង​កត្តា​អាយុ​

​​ក្នុង​ករណី​ខ្លះ អាការៈ​ភ្លេចភ្លាំង​គឺ​ជា​រឿង​ធម្មតា​ប៉ុណ្ណោះ ​ដោយ​សារ​តែ​គ្នា​យើង​​មាន​ទំនួលខុសត្រូវ​ច្រើន​ និង​កម្រិត​ស្រ្តេស​កើន​ឡើង ដែល​ធ្វើ​ឲ្យ​យើង​ធ្វេសប្រហែស​អំពី​តម្រូវ​ការ​របស់​ខួរ​ក្បាល​។ ប៉ុន្តែ​ ក៏​មាន​សញ្ញា​​​មួយ​ចំនួន​​​​​​​​​​​ដែល​យើង​គួរ​ប្រុង​ប្រយ័ត្ន​ ដូចជា​​​បញ្ហា​ភ្លេចភ្លាំង​ភ្លាម​ៗ  ​ចេញរោគ​សញ្ញា​នៃ​ការ​ឆ្លង​មេរោគ​ណាមួយ​ (គ្រុន​ក្ដៅ​ គ្រុន​រងា​ និង​ក្អួត​ចង្អោរ​) ឬ​​របួស​ខួរ​ក្បាល​ជា​ដើម​។​ យ៉ាង​ណា​មិញ​ រឿងរ៉ាវ​ទាំង​​៥​យ៉ាង​​នេះ​ ​អាច​ជា​មូលហេតុ​ដែល​​ធ្វើ​ឲ្យ​យើង​ភ្លេចភ្លាំង​​។ ១. ស្ត្រេស​ ​ដើម្បី​រៀន​ និង​ចងចាំ​​អ្វី​មួយ​ យើង​ត្រូវ​ផ្ដោតអារម្មណ៍ទៅ​លើ​រឿង​នោះ​​។ ប៉ុន្តែ​ការ​កើន​ឡើង​កម្រិត​អ័រម៉ូន​ស្រ្តេស​​ Cortisol ​​បាន​បង្អាក់​សមត្ថភាព​របស់​ខួរ​ក្បាល​ក្នុង​ការ​រក្សា​ទុក​ការ​ចងចាំ​ថ្មី​ៗ​។​ ដូច្នេះ​ហើយ​ ​យើង​គប្បី​កាត់​បន្ថយ​ស្រ្តេស ​​តាម​រយៈ​ការ​ធ្វើ​សកម្មភាព​កម្សាន្ត​ផ្សេង​ៗ​ដូចជា​ហាត់​ប្រាណ​ អាន​សៀវភៅ​ ​ឬ​​​ស្ដាប់​តន្ត្រី​ជា​ដើម​។ ២. គេង​មិន​គ្រប់គ្រាន់​ ការ​គេង​មិន​ត្រឹម​តែ​ជួយ​ឲ្យ​យើង​មាន​អារម្មណ៍​ស្រស់ស្រាយ​ ស្វាហាប់​នៅ​ថ្ងៃ​បន្ទាប់​ប៉ុណ្ណោះ​​ទេ​ ​​វា​ក៏​ដើរ​តួនាទី​យ៉ាង​សំខាន់​​ក្នុង​ការ​ពង្រឹង​ការ​ចងចាំ​ផង​ដែរ​។​ យោង​តាម​ការ​សិក្សា​មួយ​បាន​បង្ហាញ​ថា​ ​ស្ត្រី​វ័យ​កណ្ដាល​ដែល​គេង​រយៈ​៥​ម៉ោង​ ឬ​តិច​ជាង​នេះ​ ​ឬ​ច្រើន​ជាង​៩​ម៉ោង​​ ​ទទួល​បាន​ពិន្ទុ​នៃ​​ការ​យល់​ដឹង​ទាប​ជាង​អ្នក​ដែល​គេង​បាន​៧​ម៉ោង​​​​​ទៅ​ទៀត​។ ៣. បាក់​ទឹក​ចិត្ត​ អ្នក​មាន​ជំងឺ​បាក់​ទឹក​ចិត្ត​ ក៏​ប្រឈម​នឹង​ការ​ចងចាំ​ខ្សោយ​ ព្រម​ទាំង​​​សមត្ថភាព​ក្នុង​ការ​​នឹក​រក​ព័ត៌មាន​ចាស់​ៗ​មិន​បាន​ល្អ​ដូច​គ្នា​​។​ ​នេះ​បណ្ដាល​មក​ពី​ការ​កើន​ឡើង​អ័រម៉ូន​Cortisol ​ដែល​អម​​មក​ជាមួយ​នឹង​ជំងឺ​បាក់​ទឹក​ចិត្ត​។​ ពិត​ណាស់​ ជំងឺ​​បាក់​ទឹក​ចិត្ត​អាច​ជា​​មូលហេតុ​​ទូទៅ​ ដែល​នាំ​ឲ្យ​ការ​យល់​ដឹង​របស់​យើង​ថយ​ចុះ​។​ យោង​តាម​វិទ្យាស្ថាន​ជាតិ​សុខភាព​ផ្លូវចិត្ត​​បាន​ឲ្យ​ដឹង​ថា​ រោគ​សញ្ញា​នៃ​ជំងឺ​បាក់​ទឹក​ចិត្ត​​រួម​មាន​៖ តែងតែ​មាន​អារម្មណ៍​សោកសៅ​ ​ថាមពល​ថយ​ចុះ​ ឬ​​ហត់​នឿយ​ មាន​អារម្មណ៍​អស់​សង្ឃឹម​ ពិបាក​គេង​ ប្រែប្រួល​ទម្ងន់​ ឬចំណង់​អាហារ​ ចង់​ធ្វើ​អត្តឃាត​ ៤. ការ​​ឆ្លង​មេរោគ​​ ​​​​​​​ជំងឺ​រលាក​ស្រោម​ខួរ ជំងឺ​​ប្រព័ន្ធ​ទឹក​រងៃ​ និង​ការ​បង្ក​រោគ​លើ​ផ្លូវ​ទឹក​នោម​ ​អាច​នាំ​​​ឲ្យ​កើត​មាន​​ការ​​ពិបាក​ក្នុង​ការ​គិត និង​បញ្ហា​ការ​ចងចាំ​ផ្សេង​ៗ​។ ប្រសិនបើ​គ្នា​យើង​មាន​រោគ​សញ្ញា​ផ្សេង​​​ទៀត​ ដូចជា​គ្រុន​ក្ដៅ​ គ្រុន​រងា […]


ជំងឺខួរក្បាលនិងឆ្អឹងខ្នង

ឈឺចុកចាប់ឆ្អឹងខ្នង សាកល្បងធ្វើតាមក្បួនបំបាត់ការឈឺចាប់ប៉ុន្មានខាងក្រោមនេះ

ការឈឺចុកចាប់នៅឆ្អឹងខ្នង ជាបញ្ហាទូទៅមួយអាចរំខានទៅដល់ការបំពេញការងារ និងអាចប៉ះពាល់ដល់ការរស់នៅប្រចាំថ្ងៃរបស់យើង។ បញ្ហាចុកខ្នងនេះ អាចកើតឡើងបានទាំងផ្នែកខាងលើ កណ្ដាល និងផ្នែកក្រោមខ្នង។ ម៉្យាងវិញទៀត សាច់ដុំខ្នង និងឆ្អឹងខ្នងជួយទប់ទម្ងន់មួយផ្នែកធំរបស់រាងកាយ ហើយយើងប្រើសាច់ដុំខ្នងរាល់ថ្ងៃនៅពេលធ្វើសកម្មភាពប្រចាំថ្ងៃរួមមាន អង្គុយ ឈរ ឬដើរជាដើម។ ជាធម្មតា បញ្ហាឈឺឆ្អឹងខ្នង អាចអន់ថយក្នុងរយៈពេល២-៣ សប្ដាហ៍ ជាមួយតិចនិកសាមញ្ញជាច្រើន មិនចាំបាច់ចំណាយលុយច្រើន ដោយគ្នាយើងអាចសាកល្បងជាមួយតិចនិកប៉ុន្មានខាងក្រោមនេះបានដូចជា៖ ១.រក្សាកាយវិការពេលអង្គុយ ឬឈរឲ្យបានត្រឹមត្រូវ យកចិត្តទុកដាក់ទៅលើរបៀបដែលយើងទប់ខ្នងនៅពេលដែលអង្គុយ ឈរ ដើរ គេង ឬពេលធ្វើសកម្មភាពប្រចាំថ្ងៃផ្សេងៗ។ ពេលដែលឆ្អឹងទាំងអស់នៃឆ្អឹងខ្នងយើង ត្រង់ស្មើត្រូវជួរគ្នា នោះគឺឥរិយាបថត្រឹមត្រូវ ប៉ុន្តែបើឥរិយាបថយើងមិនល្អ អាចបណ្ដាលឲ្យជាប់ខ្នង ឬរឹង តឹងខ្នង ជាហេតុបណ្ដាលឲ្យឈឺខ្នង។ ២.ហាត់ប្រាណ ដើម្បីបង្កើន និងពង្រឹងសាច់ដុំចង្កេះ លំហាត់ប្រាណឆ្អឹងខ្នង និងការពត់ខ្លួនសាមញ្ញៗ អាចជួយកាត់បន្ថយបញ្ហាឈឺឆ្អឹងខ្នង។ ការហាត់ប្រាណ បូកជាមួយនឹងក្បាច់ពត់ខ្លួនខ្លះៗ ជួយឲ្យខ្នងយើងរឹងមាំ និងមានសុខភាពល្អ។ សកម្មភាពពេញនិយមដែលគេនិយមធ្វើដើម្បីឲ្យខ្នងមានសុខភាពល្អនោះគឺ ហែលទឹក ដើរ ហាត់យូហ្កា និង Pilates។ល។ ៣.យូហ្កា និងសមាធិ យូហ្កាជាលំហាត់ប្រាណមួយបែបដែលធ្វើចលនាមួយៗ គ្រប់គ្រងលំនឹង ដើម្បីពត់ និងពង្រឹងរាងកាយ។ លំហាត់ប្រាណនេះក៏ជួយដល់ការរំសាយស្ត្រេស អាចកាត់បន្ថយភាពតានតឹងដែលយើងមាននៅពេលយើងប្រើសាច់ដុំខ្នងម្ដងៗ។ ៤.ម៉ាស្សាថ្នមៗ ការម៉ាស្សាជាតិចនិកមួយ ជួយសម្រួលដល់បញ្ហាឈឺចុកចាប់ឆ្អឹងខ្នងបាន និងជួយឲ្យខ្នងត្រឡប់ទៅសភាពដើមវិញបានលឿនទៀតផង។ […]


ឈឺក្បាលនិងឈឺក្បាលប្រកាំង

មិនចង់ឲ្យអាការៈឈឺក្បាលរំខាន ដោះស្រាយតាមប៉ុន្មានចំណុចងាយៗនេះ

អាការៈឈឺក្បាល ជាបញ្ហាទូទៅមួយដែលអាចក្លាយជាផលរំខានដល់ការរស់នៅប្រចាំថ្ងៃ ក៏ដូចជាការបំពេញការងាររបស់យើងម្នាក់ៗ។ កត្តាផ្សេងៗទៀតដែលអាចបណ្ដាលឲ្យយើងឈឺក្បាលមានស្ត្រេស កង្វះជាតិទឹក យប់ជ្រៅទើបចូលគេង។ល។ ប៉ុន្តែ បើយើងសាកល្បងប៉ុន្មានចំណុច ធានាអាការៈឈឺក្បាលនឹងលែងជាផលរំខានប្រចាំថ្ងៃទៀត។ ១.សម្រាក (ពិសេសនៅកន្លែងងងឹត) ស្ត្រេសជាបញ្ហាមួយបង្កឲ្យឈឺក្បាល។ កាត់បន្ថយភាពតានតឹងសាច់ដុំ អាចសម្រួលដល់អាការៈឈឺក្បាល ដោយយើងអាចសម្រាកនៅក្នុងបន្ទប់ដែលមានភ្លើងព្រាកៗ និងស្ងប់ល្អ ហើយព្យាយាមបន្ធូរខ្នង ក និងស្មា។ ២.បន្ធូរអារម្មណ៍ លំហាត់ដកដង្ហើមវែងៗ ឬការតាំងសមាធិ អាចជួយកាត់បន្ថយស្ត្រេស និងសម្រួលដល់បញ្ហាឈឺក្បាល។ ដកដង្ហើមចូលវែងៗ រួចដកដង្ហើមចេញមួយៗ បន្ធូររាល់ចំណុចលើរាងកាយដែលមានភាពតានតឹង។ ដាក់ក្បាលចុះក្រោម រួចងាកក្បាលបន្តិចម្ដងៗ ជាកន្លះរង្វង់ពីម្ខាងទៅម្ខាង។ ៣.ម៉ាស្សាក្បាល ការម៉ាស្សាក្បាលអាចសម្រួលដល់ភាពតឹងណែនរបស់សាច់ដុំ និងជួយយើងបន្ធូរអារម្មណ៍។ មួយវិញទៀត វិធីនេះក៏ជួយកាត់បន្ថយការឈឺចាប់រ៉ាំរ៉ៃ និងសម្រួលភាពតានតឹងសាច់ដុំបណ្ដាលឲ្យឈឺក្បាលនោះ។ បើយើងមិនចង់ចំណាយលុយច្រើនទៅកន្លែងម៉ាស្សាទេនោះ អាចរកអ្នកណាម្នាក់ ឬធ្វើដោយខ្លួនឯង ដោយញីថ្នមៗទៅលើផ្នែកក្បាល ក និងសាច់ដុំស្មា រយៈពេល ៣-៤នាទី ឬតាមចំណង់ចំណូលចិត្ត។ ៤.ស្អំទឹកកក ឬទឹកក្ដៅ ការស្អំទឹកកកអាចជាមធ្យោបាយសាមញ្ញដោះស្រាយបញ្ហាសាមញ្ញមួយដែលគ្នាយើងមួយចំនួននិយមប្រើ។ ការស្អំទឹកកក ឬវត្ថុត្រជាក់ៗ ទៅលើក្បាល ឬក អាចជួយពង្រួមសរសៃឈាម និងកាត់បន្ថយការរលាកនៅតំបន់ឈឺនោះ។ មធ្យោបាយនេះ អាចរំដោះភាពឈឺចាប់បណ្ដាលមកពីឈឺក្បាលបានមួយរយៈ។ ចំណែកករណីខ្លះវិញ នៅពេលដែលយើងឈឺក្បាលខ្លាំង មានអារម្មណ៍ថាតឹងក្បាល ការស្អំទឹកក្ដៅអាចជួយសម្រួលសាច់ដុំតឹងនោះ និងជួយបំបាត់ការឈឺចាប់បាន។ តែនៅពេលដែលប្រើវិធីស្អំទឹកកក ឬទឹកក្ដៅ […]


គ្រោះថ្នាក់សរសៃឈាម

ផលវិបាកទាំងនេះ អាចកើតក្រោយគ្រោះថ្នាក់សរសៃឈាមខួរក្បាល

បើ​និយាយ​ដល់​គ្រោះ​ថ្នាក់​សរសៃឈាម​ខួរ​ក្បាល ឬ​Stroke ទំនង​ជា​មាន​គ្នា​យើង​ច្រើន​បាន​ដឹង​ និង​ឮ​ពី បញ្ហា​នេះ​រួច​ហើយ។ មនុស្ស​ជា​ច្រើន​បាន​គិតថា​ស្រ្តី​ឆ្លង​ទន្លេ​ គឺ​ជា​រឿង​គ្រោះ​ថ្នាក់​បំផុត​មួយ ដោយ​ថា​ម្នាក់​ក្នុង​ចំណោម​ប្រាំ​នាក់អាច​ជួប​បញ្ហា​គ្រោះ​ថ្នាក់​សរសៃឈាម​ខួរ​ក្បាល​។​ ស្រ្តី​មាន​ផ្ទៃ​ពោះ មាន​ហានិភ័យ​ជួប​បញ្ហា​គ្រោះ​ថ្នាក់​សរសៃឈាម​ខួរ​ក្បាល​នេះ​ខ្ពស់​ជា​ង​ស្រ្តី​វ័យ​ស្រ​ករ​គ្នា​​ដល់ទៅ​បី​ដង​។ គ្រូពេទ្យ​ឯកទេស​ខាង​គ្រោះ​ថ្នាក់​សរសៃឈាម​ខួរ​ក្បាល​បានណែ​នាំ​ថា វា​ជាការ​ចាំ​បាច់​ដែល​មនុស្ស​យើង​ មិន​ថា​នៅវ័យ​ក្មេង ឬ​កំពុង​តែ​មាន​សុខភាព​ល្អ​នោះ​ទេ​ ត្រូវ​តែ​ដឹង​ពី​រោគ​សញ្ញា​គ្រោះ​ថ្នាក់​សរសៃឈាម​ខួរ​ក្បាល​ ដើម្បី​អាច​ស្វែង​រក​ជំនួយ​ និង​ការ​ព្យា​បាល​ពេល​ចាំបាច់​។ អ្នក​ជំនាញ​ថា​យើង​នឹង​បាត់​បង់​ណឺរ៉ូន​ (neurons) ខូរក្បាល​១,៩​លាន​​រៀង​រាល់​មួយ​នាទី​ពេល​យើង​ជួប​គ្រោះ​ថ្នាក់​ដាច់​សរសៃឈាម​ខួរ​ក្បាល​។​ ១. ខួរក្បាល​បាត់​បង់​អុកស៊ីសែន​ គ្រោះ​ថ្នាក់​ដាច់​សរសៃឈាម​ខួរ​ក្បាល​កើត​ឡើង​ពេល​ដែល​ចរន្ត​ឈាម​ទៅ​​កាន់​ផ្នែក​ណាមួយ​ត្រូវ​បានរាំងស្ទាំង ឬ​ពេល​សរសៃឈាម​ខួរ​ក្បាល​ផ្ទុះបែក។ ឈាម​ដឹកនាំ​អុក​ស៊ីសែន​ទៅ​កាន់​កោសិកា ដូច​នេះ​ពេល​ដែល​កោសិកា​បាត់​បង់​អុកស៊ីសែន​ កោសិកា​នឹង​ងាប់​។ បញ្ហា​លើ​ការ​ចងចាំ ផ្ដោត​អារម្មណ៍ និង​ការ​គិត គឺ​ជា​បញ្ហា​ទូទៅ​ដែល​ជា​ផល​វិបាក​កើត​ចេញ​ពី​គ្រោះ​ថ្នាក់​ដាច់​សរសៃឈាម​ខួរ​ក្បាល​។ ផល​វិបាក​ផ្សេង​ទៀត​បង្កឡើង​ដោយ​បញ្ហា​គ្រោះ​ថ្នាក់​សរសៃ​ឈាម​ខួរ​ក្បាល អាច​មាន​ផ្សេងៗ​គ្នា អាស្រ័យ​លើ​ទី​តាំង​ដែល​គ្រោះ​ថ្នាក់​កើត​មាន និងចនួន​កោសិកា​ខួរ​ក្បាល​ប៉ុន្មាន​បាន​ងាប់​។​​ អត្ថបទគួរអាន៖ សញ្ញា​ព្រមាន​ទាំង​៦ អាចជា​គ្រោះថ្នាក់​សរសៃ​ឈាម​ខួរ​ក្បាល ស្រ្តូក កើតលើមនុស្សវ័យក្មេង អាចមកពីមូលហេតុ​ទាំងនេះ មនុស្សស្លាប់ភ្លាមៗ អាចបណ្ដាលមកពីហេតុផលប៉ុន្មាននេះ កត្តាគ្រោះថ្នាក់អស់នេះហើយ ធ្វើឲ្យស្ទះសរសៃឈាម ឬគាំងបេះដូង គ្រោះថ្នាក់ទាំងនេះ​អាចកើតមាន បើ​ចូលគេង​ភ្លាមៗក្រោយបាយ ២. មុខ​ ដៃ ឬ​ជើង អាច​ទៅ​ជា​ពិការ ការបំផ្លាញ​​​កើត​ចេញ​ពី​គ្រោះ​ថ្នាក់​សរសៃឈាម​ខួរ​ក្បាល​ គឺលើ​កោសិកា​ខួរ​ក្បាល និង​ការ​ធ្វើ​ឲ្យ​ផ្នែក​ផ្សេង​ទៀត​នៃរាង​កាយ​ទៅ​ជាពិការ។ ជា​ទូ​ទៅ​ផ្នែក​ដែល​ពិការ​នេះ ច្រើន​កើត​មាន​នៅ​ម្ខាង​ម្នាក់​​ទៅ​នឹង​កន្លែង​ដែល​ខូច​ខាត​ដោយ​គ្រោះ​ថ្នាក់​ដាច់​សរសៃ​ឈាម​ខួរ​ក្បាល​។ នេះ​មាន​ន័យ​ថា​ បើ​គ្រោះ​ថ្នាក់​ដាច់​សរសៃឈាម​ខួរ​ក្បាល​កើ​ត​ឡើង​នៅ​ខួរ​ក្បាល​ផ្នែក​ខាង​ស្តាំ ជើង ដៃ […]


គ្រោះថ្នាក់សរសៃឈាម

កត្តាគ្រោះថ្នាក់អស់នេះហើយ ធ្វើឲ្យស្ទះសរសៃឈាម ឬគាំងបេះដូង

ស្ទះ​សរសៃ​ឈាម​បេះដូង ដែល​យើង​ចំណាំ​ហៅ​ថា គាំងបេះដូង កើត​ឡើង​ដោយសារ​តែ​សរសៃ​ឈាម​មួយ ឬ​ច្រើន ដែល​មាន​តួនាទី​ទៅ​ចិញ្ចឹម​បេះដូង​ស្ទះ​ដោយសារ​ខ្លាញ់ និងកំណក​ឈាម។ នេះ​ជា​ការ​លើក​ឡើង​របស់​លោក​សាស្ត្រាចារ្យ​វេជ្ជបណ្ឌិត សុខ ជួរ ប្រធាន​ដេប៉ាតឺម៉ង់​ជំងឺ​បេះដូង នៃ​មន្ទីរពេទ្យ​កាល់ម៉ែត។ បញ្ហា​នេះ​ស្តែង​ចេញ​ឡើង​ដោយ​កត្តា​គ្រោះថ្នាក់​ផ្សេងៗ ដូចជា​កត្តា​អាយុ​កាន់​ច្រើន ជក់បារី មាន​ជំងឺ​លើស​ឈាម ទឹកនោម​ផ្អែម លើស​ជាតិ​ខ្លាញ់ លើស​ទម្ងន់ ស្ត្រេស​ច្រើន​ជាដើម។ លោក​វេជ្ជបណ្ឌិត​ប្រធាន​សមាគម​គ្រូពេទ្យ​បេះដូង​កម្ពុជា​រូប​នេះ​បន្ត​ថា កត្តា​គ្រោះថ្នាក់​ទាំង​អស់​នេះ ធ្វើ​ឲ្យ​ស្តែង​ចេញ​ជា​ជំងឺ​ស្ទះ​សរសៃ​ឈាម​បេះដូង (គាំង​បេះដូង) ដែល​ទាមទារ​ឲ្យ​ព្យាបាល​ជា​បន្ទាន់។ ជំងឺ​បេះដូង​ដែល​គ្រោះ​ថ្នាក់ និង​សម្លាប់​មនុស្ស​ច្រើន​ជាង​នៅ​លើ​ពិភព​លោក ជំងឺ​ស្ទះ​សរសៃ​ឈាម​បេះដូង​ ដែល​ទាមទារ​ឲ្យ​អ្នក​ជំងឺ​ព្យាបាល​ជា​បន្ទាន់។ លោក​វេជ្ជបណ្ឌិត​បន្ត​ថា ការ​ព្យាបាល​ជំងឺ​ស្ទះ​សរសៃ​ឈាម​បេះដូង​ដូច​នឹង​ការ​ពន្លត់​អគ្គិភ័យ យើង​ពន្លត់​កាន់​តែ​លឿន អាច​ថែរក្សា​បរិក្ខារ​នៅ​ក្នុង​ផ្ទះ​កាន់​តែ​ច្រើន។ "ជំងឺ​ស្ទះ​សរសៃ​ឈាម​បេះដូង​ដូចគ្នា​ដែរ នៅ​ពេល​យើង​ព្យាបាល​លឿន យើង​អាច​ថែរក្សា​សាច់ដុំ​បេះដូង​ឲ្យ​នៅ​ប្រសើរ មុខងារ​បេះដូង​នៅ​ប្រសើរ​បាន​ច្រើន យើង​ទុក​កាន់​តែ​យូរ សាច់ដុំ​បេះដូង​ស្លោក មុខងារ​បេះដូង​ថយ​ចុះ អាច​គ្រោះថ្នាក់​ដល់​ជីវិត"។ លោក​សាស្ត្រាចារ្យ​វេជ្ជបណ្ឌិត សុខ ជួរ រៀបរាប់។ យ​វេជ្ជបណ្ឌិត សុខ ជួរ ប្រធាន​ដេប៉ាតឺម៉ង់​ជំងឺ​បេះដូង មន្ទីរពេទ្យ​កាល់ម៉ែត រោគសញ្ញាជំងឺស្ទះសរសៃឈាមបេះដូង៖ ​ជំងឺ​ស្ទះ​សរសៃ​ឈាម​បេះដូង​នឹង​ស្តែង​ចេញ​ជា​រោគ​សញ្ញា ដូចជា​ចុក​ដើម​ទ្រូង បែកញើស ថប់ដង្ហើម ឬ​ហត់។ ចំណែក​រោគ​សញ្ញា​ធ្ងន់ធ្ងរ​រួម​មាន៖ - ស្ទះសរសៃឈាមបេះដូង - ស្លោកបេះដូង - គាំងបេះដូង។


គ្រោះថ្នាក់សរសៃឈាម

មនុស្សស្លាប់ភ្លាមៗ អាចបណ្ដាលមកពីហេតុផលប៉ុន្មាននេះ

គ្នា​យើង​ច្បាស់​ជា​ធ្លាប់​ឭ​ពី​ករណី​មនុស្ស​ស្លាប់​ភ្លាម​ៗ ធ្វើ​ឲ្យ​យើង​ឆ្ងល់​ពី​មូល​ហេតុ​នៃ​ការ​ស្លាប់​ហើយ។ ឧទាហរណ៍​ថា មនុស្ស​នៅ​និយាយ​លេង​ជាមួយ​យើង​ធម្មតា​ពេល​យប់​សោះ ស្រាប់​តែ​ភ្លឺ​ឡើង​លេច​ដំណឹង​ថា​បាត់​បង់​ជីវិត​បាត់​ហើយ នេះ​ករណី​មួយ​ដែល​ធ្វើ​ឲ្យ​យើង​ឆ្ងល់​មិន​អស់​ចិត្ត។ តែ​តាម​ពិត​ទៅ ការ​ស្លាប់​ភ្លាម​ៗ​នេះ គឺ​មាន​មូល​ហេតុ​ទូទៅ​មួយ​ចំនួន​ដែល​អាច​បង្ក​ឡើង​ឲ្យ​មាន​បញ្ហា​នេះ។ “ការ​ស្លាប់​ភ្លាមៗ ជា​ការ​ស្លាប់​ដែល​មិន​អាច​រង់​ចាំ​ការ​សង្គ្រោះ ជួន​កាល​មិន​មាន​អ្វី​ដែល​អាច​ពន្យល់​ពី​ការ​ស្លាប់​នេះ​បាន​ទេ។ ជា​ទូទៅ ជន​រង​គ្រោះ​បាត់បង់​ស្មារតី មិន​មាន​ដង្ហើម និង​ជីពចរ​នោះ​ទេ។“ នេះ​បើ​តាម​ការ​ផ្សព្វ​ផ្សាយ​ឲ្យ​ដឹង​ពី​មន្ទីរពេទ្យ កាល់ម៉ែត។ កត្តា​អ្វី​ទៅ​បង្ក​ឲ្យ​មាន​ការ​​ស្លាប់​ភ្លាម​ៗ​បែប​នេះ? កត្តា​ទូទៅ​មួយ​ចំនួន ដែល​បណ្ដាល​ឲ្យ​មនុស្ស​យើង​ស្លាប់​ភ្លាម​ៗ​បាន​មាន​ដូច​ជា៖ ១. ជំងឺ​ស្ទះ​សរសៃ​ឈាម​បេះ​ដូង ២. ការ​ស្ទះ​ផ្លូវ​ដង្ហើម​ដោយ​វត្ថុ​ផ្សេងៗ ៣. ការ​លង់​ទឹក ៤. ជំងឺ​ស្ទះ​សរសៃ​ឈាម​ខួរ​ក្បាល ៥. ការ​លេប​ថ្នាំ​ហួស​កម្រិត ៦. អាលែកហ្ស៊ី​ធ្ងន់ធ្ងរ ៧. គ្រោះ​ថ្នាក់​ប៉ះ​ទង្គិច​ធ្ងន់ធ្ងរ ៨. គ្រោះ​ថ្នាក់​ជា​យថាហេតុ​ណា​មួយ (ការ​សម្លាប់​ខ្លួន ឆក់​ខ្សែ​ភ្លើង ហឺត​ផ្សែង​ពុល គ្រោះ​ថ្នាក់​ចរាចរណ៍​…)។ ជំងឺ​ស្ទះ​សរសៃ​ឈាម​បេះដូង ជា​កត្តា​ដែល​បង្ក​ឲ្យ​មាន​ករណី​ស្លាប់​ភ្លាម​ៗ​បាន ហើយ​ជំងឺ​​ភាគ​ច្រើន​បណ្ដាល​មក​ពី​ការ​កក​ជាតិ​ខ្លាញ់​ដែល​ស្ទះ​តាម​សរសៃ​ឈាម​ទៅ​ចិញ្ចឹម​បេះ​ដូង។ តែ​យើង​អាច​កាត់​បន្ថយ​ហានិភ័យ​នៃ​ការ​ស្លាប់​ភ្លាមៗ​ដោយ​សារ​ជំងឺ​ស្ទះ​សរសៃ​ឈាម​បេះដូង ដោយ​ថែ​ទាំ​សុខភាព​កុំ​ឲ្យ​កើត​ជំងឺ​ទឹក​នោម​ផ្អែម លើស​ជាតិ​ខ្លាញ់ លើស​សម្ពាធ​ឈាម កុំ​ជក់​បារី ស្ត្រេស និង​ឆេវឆាវ និង​ត្រូវ​ហាត់​ប្រាណ​បញ្ចេញ​ជាតិ​ពុល​ជា​ប្រចាំ។ សព្វ​ថ្ងៃ​នេះ យើង​អាច​ជួយ​សង្គ្រោះ​ជន​រង​គ្រោះ​ពី​ការ​ស្លាប់​ភ្លាម​ៗ​បាន​ដោយ ស្គាល់​ពី​បញ្ហា​នៃ​ការ​ស្លាប់​ភ្លាមៗ និង​ឆាប់​ធ្វើ​ការ​សង្គ្រោះ​បឋម ឬ​ខល​ហៅ​ឡាន​ពេទ្យ និង​បញ្ជូន​អ្នក​ជំងឺ​ទៅ​កាន់​មន្ទីរពេទ្យជំនាញ​ឲ្យ​បាន​រហ័ស ដើម្បី​បន្ត​ការ​ព្យាបាល។

ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មាតិកា
ឧបករណ៍សុខភាព
សុខភាពរបស់ខ្ញុំ