បន្ទាប់ពីកើតបាន ៤៨-៧២ ម៉ោង គ្រូពេទ្យនឹងធ្វើតេស្តកែងជើងទារក ដោយយកឈាមពីការជោះកែងជើងអាអូន ២-៣ តំណក់ទៅផ្តិតលើក្រដាស យកទៅពិនិត្យនៅមន្ទីរពិសោធន៍។ម៉ាក់ប៉ាមានដឹងអត់ តើការធ្វើតេស្តកែងជើងមានប្រយោជន៍អ្វីខ្លះ?
ទារកកើតបានប៉ុន្មានម៉ោងទើបធ្វើតេស្តជោះកែងជើង? តេស្តនេះចាំបាច់អត់?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការធ្វើតេស្តឈាមតាមរយៈការជោះកែងជើងបេប៊ី ដើម្បីរកជំងឺមេតាបូលិកពីកំណើត ដែលធ្វើឲ្យទារកបាត់បង់ការលូតលាស់ផ្នែកប្រាជ្ញាស្មារតី ទៅជាបញ្ញាខ្សោយ រាងកាយក្រិន ឬអាចធ្វើឲ្យអាអូនស្លាប់បើព្យាបាលមិនទាន់ពេលវេលា។ នេះបើតាមការបញ្ជាក់របស់សាស្ត្រាចារ្យវេជ្ជបណ្ឌិត គាន់ អូន គណៈនាយក នៃសមាគមសម្ភព-រោគស្ត្រីកម្ពុជា។
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
តើជំងឺមេតាបូលិកពីកំណើតមានអ្វីខ្លះ?
– ជំងឺបណ្តាលមកពីវិបត្តិសារធាតុបម្លែងសម្រាប់ក្រុមវីតាមីន B៧ (ធ្វើឲ្យប្រកាច់ ថ្លង់ ខ្វាក់ ពិការខួរក្បាល)។
– ជំងឺបណ្តាលមកពីកង្វះអ័រម៉ូនក្រពេញទីរ៉ូអ៊ីត (ធ្វើឲ្យទារកមិនសូវលូតលាស់បញ្ញាស្មារតី កម្ពស់ ស្បែកលឿង ទល់លាមក)។
– ជំងឺទាក់ទងនឹងការបញ្ចេញស្លេស្មខាប់ក្នុងសួត មកពីវិបត្តិលំពែងក្នុងការរំលាយអាហារ (ធ្វើឲ្យទារកលូតលាស់យឺត រលាកសួត មានបញ្ហារំលាយអាហារ)។
– ជំងឺបណ្តាលមកពីកង្វះអង់ស៊ីម (G6PD) សម្រាប់មុខងារនៃគ្រាប់ឈាមក្រហម (ធ្វើឲ្យក្មេងស្លេកស្លាំង ស្បែកលឿង)។
ហេតុអ្វីបាច់ធ្វើតេស្តពេលទារកកើតថ្មីៗ
ការធ្វើតេស្តនេះមានសារសំខាន់ណាស់ ដើម្បីបានដឹងពីរោគសញ្ញា គ្រូពេទ្យព្យាបាលទាន់ពេល អាចឲ្យទារកលូតលាស់ល្អ ឯបញ្ញាស្មារតីវិវត្តធម្មតា។ រោគសញ្ញានៃជំងឺនេះនឹងស្តែងចេញនៅពេលទារកអាយុចាប់ពី ៣អាទិត្យ ទៅ ១ខែ។
អត្ថបទគួរអាន៖
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- ឃើញសញ្ញាទាំងនេះ អាចថាអូនៗកំពុងមានបញ្ហាប្រព័ន្ធរំលាយអាហារហើយ
- សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
- កូនកើតជំងឺពងបែកមាត់ដៃជើងគួរថែទាំម៉េច?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម