ស្រីៗគ្នាយើងមួយចំនួនដែលជាប់រវល់នឹងការងារប្រហែលជាមិនបានឲ្យម៉ឹមដោះនោះទេ ឬអ្នកខ្លះទៀតបារម្ភថា ការបំបៅដោះកូន ខូចទ្រង់ទ្រាយសុដន់។ ការយល់ឃើញដូច្នេះមិនត្រឹមត្រូវទេ ថែមទាំងខាតបង់ប្រយោជន៍ទាំងម្តាយទាំងកូន។
អត់បំបៅដោះកូនស្តាយបាត់! ឲ្យកូនម៉ឹមដោះ ម៉ាក់ៗអាចចៀសផុតជំងឺសាហាវ ៣មុខ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើតាមការរៀបរាប់របស់លោកជំទាវ ប្រាក់ សោភ័ណនារី អនុរដ្ឋលេខាធិការ ក្រសួងសុខាភិបាល ការឲ្យកូនបៅដោះម្តាយមិនចំណាយប្រាក់ អូនតូចមានសុខភាពល្អ ឆ្លាតវៃ ឯម៉ាក់ៗវិញអាចចៀសផុតពីជំងឺកំណាចដល់ទៅ ៣ មុខ ឯណោះ។
១- ជំងឺមហារីកសុដន់
គ្នាយើងមានដឹងទេ ពេលកូនប្រឹងជញ្ជក់ក្បាលដោះដើម្បីបឺតទឹកដោះម្តាយទៅញ៉ាំនោះ ធ្វើឲ្យមានការភ្ញោចដល់អ័រម៉ូន។ បម្រែបម្រួលអ័រម៉ូនដែលទាក់ទងនឹងការថយចុះអឺស្រូសែន កាត់បន្ថយជំងឺមហារីកសុដន់បាន។
២- ជំងឺមហារីកមាត់ស្បូន/ដៃស្បូន
ដូចដែលបានដឹងហើយថា ការបំបៅដោះកូនអាចពន្យារពេលមករដូវ ដូច្នេះវាក៏អាចកាត់បន្ថយជំងឺមហារីកស្បូន ឬដៃស្បូនបានដែរ។
៣- អាចពន្យារកំណើត
ចំពោះម៉ាក់ៗដែលព្យាយាមបំបៅដោះកូនបានទៀងទាត់ និងច្រើនដង ពិតជាអាចពន្យារការមករដូវ រារាំងដល់ការពពោះជាថ្មី ធ្វើឲ្យរាងកាយយើងរឹងមាំ មានពេលវេលាប្រកបរបរចិញ្ចឹមជីវិត។
តាមគោលការណ៍របស់ក្រសួងសុខាភិបាល ណែនាំឲ្យម្តាយបំបៅដោះកូនដោយទឹកដោះមួយមុខគត់ ពីពេលកើត រហូតដល់អាអូនអាយុបាន ៦ ខែ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម