ទារក Archives - Page 26 of 61

តើរបបអាហារអ្វីខ្លះដែលជួយឲ្យកូនអាចទប់ទល់នឹងជំងឺ និងលូតលាស់ល្អ?

ជាធម្មតា កុមារ តែងតែប៉ះពាល់នឹងពពួកមេរោគជាច្រើន ដែលតម្រូវឲ្យប្រព័ន្ធភាពស៊ាំ ឬប្រព័ន្ធការពាររាងកាយ របស់ពួកគេធ្វើការយ៉ាងសកម្ម ដើម្បីទប់ទល់នឹងមេរោគ និងជំងឺឆ្លងផ្សេងៗ។ ការមានប្រព័ន្ធការពាររឹងមាំ មិនត្រឹមតែជួយឲ្យកូនតូចរបស់អ្នក អាចទប់ទល់នឹងជំងឺទូទៅជាច្រើនដែលតែងតែកើតលើកុមារ ដូចជា ផ្តាសាយ បញ្ហារាករូស និងការបង្ករោគត្រង់ត្រចៀក ប៉ុណ្ណោះទេ ប៉ុន្តែ ក៏ជួយឲ្យកុមារមានសុខភាពល្អ និងលូតលាស់តាមស្តង់ដារ ផងដែរ។ ហេតុនេះ តើកត្តាអ្វីខ្លះដែលជួយដល់ប្រព័ន្ធការពាររាងកាយរបស់កុមារ និងជួយឲ្យកុមារលូតលាស់បានល្អ? បើទោះបីកត្តាហ្សេន ចូលរួមមួយផ្នែកក៏ដោយ ប៉ុន្តែ អាហារូបត្ថម្ភ ដើរតួនាទីយ៉ាងសំខាន់ក្នុងការជួយដល់ប្រព័ន្ធភាពស៊ាំ ជួយឲ្យកុមារមានការលូតលាស់បានល្អ និងអភិវឌ្ឍខួរក្បាលបានពេញលេញ បន្ទាប់ពីទឹកដោះម្តាយ។ ចង់គណនាថ្ងៃសម្រាលកូន ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! តើរបបអាហារអ្វីខ្លះដែលជួយឲ្យកូនអាចទប់ទល់នឹងជំងឺ និងលូតលាស់ល្អ? ដើម្បីជួយឲ្យកូនមានសុខភាពល្អ មានការលូតលាស់តាមស្តង់ដារ ពិសេសមានប្រព័ន្ធការពាររាងកាយរឹងមាំ អាចទប់ទល់នឹងជំងឺបាន ប៉ាម៉ាក់ គួរបញ្ចូលសារធាតុសំខាន់ៗមួយចំនួនលើរបបអាហារប្រចាំថ្ងៃរបស់កូន ពេលកូនអាចញ៉ាំអាហាររឹងមាំ ដោយសារធាតុទាំងនោះមានដូចជា Prebiotic, Probiotic, DHA និង Ara, Taurine និង Choline។ [embed-health-tool-vaccination-tool] តើ Prebiotic និង Probiotic ជាអ្វី? Probiotics […]

ការថែទាំទារក

កូនទើបកើតគួរដាក់ឲ្យគេងបែបណាទើបល្អ ក្បាលមិនសំប៉ែត?

នៅពេលទារកកើតមកភ្លាម អ្វីដែលម៉ាក់ប៉ាសង្កេតមើលគឺអវយវៈគ្រប់គ្រាន់ដែរឬទេ? នៅពេលដឹងថាអ្វីៗប្រក្រតីហើយនោះ រឿងបន្ទាប់គឺរបៀបគេងរបស់កូនដែលត្រឹមត្រូវ ដើម្បីឲ្យទឹកភ្លោះ ឬទឹកព្រៃនោះចេញឲ្យអស់ពេលកូនកើតចេញមក គ្រូពេទ្យតែងតែតម្រូវឲ្យកូនគេងផ្អៀង។ ហើយទម្លាប់ដាក់កូនគេងនោះត្រូវយកចិត្តទុកដាក់ខ្លាំង ព្រោះជួយឲ្យក្បាលកូនស្អាត។ វេជ្ជបណ្ឌិត ហ៊ាង រតនា បានឲ្យដឹងថា ទម្លាប់គេងតាំងពីកើតមកភ្លាមពិតជាល្អ និងជួយឲ្យក្បាលកូនមានសភាពមូលល្អស្អាតថែមទៀតផង។ លោកបានបន្ថែមទៀតថា ម៉ាក់ប៉ាជាច្រើនព្រោះតែមិនទម្លាប់តាំងពីដំបូងៗ ទើបបណ្ដោយឲ្យកូនគេងផ្ងារ រហូតសំប៉ែតក្បាលខាងក្រោយ ធ្វើឲ្យបាត់បង់សោភណភាពមួយកម្រិតទៀត ជាពិសេសកូនស្រីមើលទៅមិនស្រស់ស្អាត។ លោកវេជ្ជបណ្ឌិតឯកទេសជំងឺទូទៅបានឲ្យដឹងទៀតថា ជំហានដំបូងការជ្រើសរើសខ្នើយសម្រាប់កូនដេកជាមុនសិន។ យើងត្រូវឲ្យកូនកើយខ្នើយស្ដើងទន់ ព្រោះឆ្អឹងលលាដ៍ក្បាលទារកនៅខ្ចីណាស់ ពេលប្រើខ្នើយរឹងអាចធ្វើឲ្យក្បាលរបស់គេមានសភាពសំប៉ែត ឬផតមិនស្មើគ្នាឡើយ។ ចំណែកវិធីបន្ទាប់ទៀតមានដូចជា៖ - ដាក់ឲ្យកូនគេងផ្អៀងឆ្លាស់គ្នាទៅមកម្ដងឆ្វេង ម្ដងស្ដាំ ហើយបើកូនត្រឡប់មកវិញត្រូវរកអ្វីកល់ពីខ្នង និងដាក់កូនខ្នើយឱបពីមុខឲ្យកូនឱប - ចៀសវាងឲ្យកូនគេងផ្អៀងខាងដដែល ព្រោះអាចវៀច ឬមិនស្មើ - កន្លែងកូនដេកមិនគួរមានពន្លឺ ឬសំឡេងរំខាន ព្រោះកូននឹងងាកទៅរកតែខាងនោះ - បើកូនមិនព្រមគេងផ្អៀង ត្រូវរកខ្នើយដែលមានប្រហោងកណ្ដាលមកដាក់ឲ្យកូនគេង - កុំបណ្ដោយឲ្យកូនគេងក្នុងរទេះរុញ ឬអង្រឹងប៉ាក់ប៉ើកយូរពេក ព្រោះរបស់អស់ទាំងនោះគ្មានកន្លែងធំទូលាយប្រែខ្លួនឆ្វេងស្ដាំ - ការបីកូនត្រូវឆ្លាស់ម្ដងឆ្វេង ម្ដងស្ដាំ កុំឲ្យដៃដែលទ្រចាំក្បាលកូនកន្លែងដដែលៗ - ពេលបីកូនត្រូវមានកំណាត់ទ្រាប់ កុំឲ្យក្បាលកូនទទួលសម្ពាធពីដៃផ្ទាល់ៗតែម្ដង ក្នុងនោះលោកក៏បានផ្ដល់ដំបូន្មានថា បញ្ហាក្បាលសំប៉ែតរបស់កូនអាចការពារបាន បើយើងព្យាយាមយកចិត្តទុកដាក់ចំពោះការគេង ចាប់តាំងពីកើតមកភ្លាម។