ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ភាគច្រើនកូនតូចអាចគេងនៅក្នុងបន្ទប់ជាមួយម៉ាក់ប៉ា ឬយាយតារហូតដល់អាយុបីបួនឆ្នាំ ឬប្រាំឆ្នាំក៏មាន ហើយមកដល់វ័យនេះក៏ជាពេលត្រូវឱ្យអាអូនគេងនៅបន្ទប់ខ្លួនឯង ឬគេងជាមួយបងប្អូនហើយ ប៉ុន្តែអាអូនធ្លាប់តែគេងជាមួយម៉ាក់ប៉ា ឬយាយតា ប្រាកដជាមិនព្រមគេងបែកបន្ទប់ទេ។ ម៉ាក់ប៉ាគួរធ្វើបែបម៉េចដើម្បីឱ្យអាអូនព្រមគេងបែកបន្ទប់?
ខាងក្រោមនេះជាវិធីសាស្រ្តមួយចំនួនដែលអាចជួយឱ្យអាអូនគេងបែកបន្ទប់៖
ម៉ាក់ប៉ាអាចពន្យល់ហេតុផលប្រាប់អាអូនថា កូនធំហើយត្រូវគេងបែកបន្ទប់ពីម៉ាក់ប៉ាដូចកូនគេដទៃទៀត ឬដូចបងៗអ៊ឹចឹង។ ម៉ាក់ប៉ាកាលនៅតូចក៏ដូចកូនដែរ ពេលធំត្រូវគេងបែកបន្ទប់ពីតាយាយដូចគ្នា។
ម៉ាក់ប៉ាគួររៀបចំបន្ទប់គេង ឬកន្លែងគេងប្រកបដោយផាសុកភាព និងសុវត្ថិភាពឱ្យអាអូនដោយមានតាំងតុក្កតា របស់លេង ខ្នើយតុក្កតា ឬផ្ទាំងគំនូរតុក្កតាជាដើមដែលធ្វើឱ្យអាអូនស្រឡាញ់ចូលចិត្ត។
ដោយសារអាអូនទម្លាប់គេងជាមួយម៉ាក់ប៉ា ដូច្នេះភ្លាមៗអាអូនមិនអាចគេងលក់ដោយគ្មានវត្តមានម៉ាក់ប៉ាទេ។ ម៉ាក់ប៉ាគួរនៅកំដរកូនរហូតដល់កូនគេងលក់ចាំទៅបន្ទប់វិញ។ ការធ្វើបែបនេះក៏ផ្តល់អារម្មណ៍សុវត្ថិភាពដល់អាអូនដែរ។
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ពេលអាអូនភ្ញាក់កណ្តាលយប់យំ ម៉ាក់ប៉ាអាចមកលួងអាអូនរហូតដល់អាអូនគេងលក់ចាំត្រលប់ទៅបន្ទប់វិញ។ បើអាអូនដើរទៅរកម៉ាក់ប៉ា ម៉ាក់ប៉ាគួរនាំអាអូនមកគេងនៅបន្ទប់ ឬកន្លែងគេងអាអូនវិញ។
ពេលអាអូនក្រោកពីគេង ម៉ាក់ប៉ាគួរសរសើរអាអូនថា កូនពូកែណាស់ កូនធំហើយ អាចគេងបែកបន្ទប់ពីម៉ាក់ប៉ាហើយជាដើមដើម្បីលើកទឹកចិត្តអាអូន។
ពេលអាអូនគេង ម៉ាក់ប៉ាគួរចៀសវាងបិទភ្លើង។ ម៉ាក់ប៉ាគួរបើកអំពូលតូចមួយ ក្រែងលោអាអូនភ្ញាក់កណ្តាលយប់ខ្លាចព្រោះក្មេងភាគច្រើនខ្លាចងងឹត។
ពេលអាអូនសុំានឹងការគេងបែកបន្ទប់បន្តិច ម៉ាក់ប៉ាអាចចេញពីបន្ទប់អាអូនមុនពេលអាអូនគេងលក់ដើម្បីឱ្យអាអូនទម្លាប់នឹងការគេងដោយគ្មានវត្តមានម៉ាក់ប៉ា។ ម៉ាក់ប៉ាគ្រាន់តែជូនអាអូនមកបន្ទប់គេង រួចនិយាយរឿងនិទានឱ្យស្តាប់ ឬនិយាយពាក្យ “រាត្រីសួស្តី” ហើយត្រលប់ទៅបន្ទប់វិញជាការស្រេច។
ជាទូទៅពេលគេងបែកបន្ទប់ដំបូង អាអូនច្បាស់ជាយំ ឬមិនសប្បាយចិត្តជាមិនខាន់។ ដូច្នេះម៉ាក់ប៉ាអាចលោងលោម ឱបថើប ប្រាប់ហេតុផល ឬស្តាប់ការរៀបរាប់របស់អាអូន តែម៉ាក់ប៉ាត្រូវតាំងចិត្ត ចៀសវាងចិត្តទន់ឱ្យអាអូនគេងជាមួយវិញ។ យូរៗទៅអាអូននឹងទម្លាប់គេងបែកបន្ទប់ដោយខ្លួនឯងហើយ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
