home

សុខភាពកុមារ

សុខភាព​កុមារ - កូន​កាន់​តែ​ធំ ការ​ញ៉ាំ​ចំណី​ផ្ដេសផ្ដាស បញ្ហា​ការ​រស់​នៅ អាកាសធាតុ សុទ្ធ​តែ​ជា​អ្វី​ដែល​កូនៗ​ប្រឈម។ ដូច្នេះ​ម៉ាក់ៗ គួរ​ស្វែងយល់​ឲ្យ​កាន់​តែ​ច្រើន​ពី ថ្នាំបង្ការ​រោគសញ្ញាទូទៅ ​បញ្ហា​ជំងឺឆ្លង លក្ខខណ្ឌ​​កង្វះអាហារូបត្ថម្ភ ​ បញ្ហាការលូតលាស់​របស់​កូន ​ ជំងឺប្រព័ន្ធប្រសាទ ​បញ្ហាប្រព័ន្ធរំលាយអាហារ ​ជំងឺស្បែក ​​ជំងឺផ្លូវដង្ហើម​ ​បូករួម​ទាំង​បញ្ហាសុខភាពផ្សេងទៀត ​ឲ្យ​បាន​ច្រើន និង​ប្រុងប្រយ័ត្ន​ខ្ពស់

ចំណេះដឹងទូទៅ

សុខភាពកុមារ

កូនៗលូតលាស់បានល្អ មានភាពរីករាយ ឆ្លាតទៀតនោះ ម៉ាក់ប៉ាញញឹមបិទមាត់មិនជិតនោះទេ។ តើត្រូវធ្វើម៉េចដើម្បីកូនយើងមានភាពរីករាយ ក្លាយជាក្មេងឆ្លាត? តាមការលើកឡើងរបស់លោកវេជ្ជបណ្ឌិត អ៊ុន យូ ឯកទេសរោគកុមារ នាពេលកន្លងមក ក្មេងលូតលាស់បានល្អ ឆ្លាត ឬមិនឆ្លាត គិតរាប់តាំងពីហ្សែនរបស់ឪពុកម្តាយ ការលូតលាស់របស់គភ៌ក្នុងផ្ទៃ បូករួមទាំងបរិយាកាសរស់នៅ ការថែទាំ និងរបបអាហារក្រោយពេលកើតមក។ "និយាយដល់ការលូតលាស់របស់កូន គឺត្រូវគិតតាំងពីនៅក្នុងផ្ទៃម្តាយមកម្ល៉េះ បើពេលពពោះ ម្តាយមានជំងឺ ច្បាស់ណាស់គភ៌វិវត្តយឺត មិនគ្រប់គីឡូ ខ្វះអវយវៈ ដល់ពេលកើតមកទៅជាខ្សោយ ការលូតលាស់ក៏យឺតដូចគ្នា"។ នេះការរៀបរាប់របស់លោកវេជ្ជបណ្ឌិត អ៊ុន យូ។ ចំពោះតិចនិកថែទាំកូនឲ្យមានភាពរីករាយ ក្លាយជាក្មេងឆ្លាតវិញ លោកវេជ្ជបណ្ឌិត ចាន់ ស៊ីណេត ឯកទេសទូទៅបានលើកឡើងថា ម៉ាក់ប៉ាគ្រប់រូបតែងតែប្រាថ្នាចង់បានដូចគ្នា តែលទ្ធផលអាស្រ័យលើអនុវត្តក្នុងការរស់នៅប្រចាំថ្ងៃ តើបានត្រឹមត្រូវតាមក្បូនខ្នាតកម្រិតណា។ លោកវេជ្ជបណ្ឌិតពន្យល់ថា ក្មេងរីករាយ ខួរក្បាលវៃឆ្លាតទៅបានលុះណាតែមានសុខភាពល្អ មិនសូវឈឺនេះឈឺនោះ សុខភាពប្រព័ន្ធរំលាយអាហារក៏ល្អ។ ធ្វើម៉េចឲ្យប្រព័ន្ធរំលាយអាហារក្មេងដំណើរបានល្អ មិនសូវឈឺនោះ? លោកវេជ្ជបណ្ឌិតឆ្លើយថា ចំពោះក្មេងអាយុ ៣ឆ្នាំឡើង ម៉ាក់ប៉ាត្រូវគិតលើរបបអាហារជាសំខាន់ ដែលក្នុងនោះអាហារដែលមានជាតិកាកសរសៃច្រើន ដូចជាបន្លែផ្លែឈើ ល្អខ្លាំងចំពោះសុខភាពក្រពះពោះវៀនកូន និងត្រូវឲ្យកូនញ៉ាំទឹកឲ្យបានច្រើន។ ដោយឡែកកូនដែលនៅញ៉ាំម្សៅទឹកដោះគោ ម៉ាក់ប៉ាគួរជ្រើសរើសទឹកដោះគោណាដែលសម្បូរជាកាកសរសៃ។ដោយឡែករបបអាហារដែលជួយដល់ការអភិវឌ្ឍន៍ខួរក្បាល និងប្រព័ន្ធប្រសាទវិញ […]

ស្វែងរក​បន្ថែម​ទៀត សុខភាពកុមារ អត្ថបទ

រោគសញ្ញាទូទៅ

ក្មេង​ៗ​រពឹស​ណាស់ ចូលចិត្ត​ប្រលែង​លេង រត់​ប្រដេញ​គ្នា ជួន​កាល​ម៉ាក់​ប៉ា​ហៅ​មិន​ចង់​ឮ​ទេ ទម្រាំ​ឈប់​រត់។ ជា​ធម្មតា ក្មេង​ៗ​មិន​ទាន់​ចេះ​ទប់​លំនឹង​ខ្លួន​បាន​ល្អ​នៅ​ឡើយ​ទេ ពេល​ខ្លះ​រត់ៗ​ក៏​ដួល រលាត់​ដៃ គ្រលីត​ជង្គង់​ចេញ​ឈាម តាំង​ស្រែក​យំ​រក​ម៉ាក់​ប៉ា​ឲ្យ​ជួយ។ តែ​អ្នក​ជំនាញ​ថា ក្មេង​ឧស្សាហ៍​ដួល​ត្រូវ​ជង្គង់ ហើយ​ថែ​មិន​បាន​ល្អ អាច​ក្លាយ​ជា​អាប់សែរ​លើ​ជង្គង់​។ ជុំ​វិញ​បញ្ហា​នេះ លោក​វេជ្ជបណ្ឌិត ហ៊ាង រតនា ជំនាញ​ជំងឺ​ទូទៅ និង​កុមារ បាន​ពន្យល់​ឲ្យ​ដឹង​ថា ករណី​អាប់សែរ​នៅ​ក្បាល​ជង្គង់​កូន​ក្មេង ជាករណី​ជួប​ញឹកញាប់​បំផុត ម៉ាក់​ប៉ា​ដែល​មាន​កូន​តូច​ៗ​គួរ​ប្រុង​ប្រយ័ត្ន ព្រោះ​ជង្គង់​ក្មេង​ងាយ​នឹង​របួស ប៉ះទង្គិច ដួល​រលាត់ ដែល​ជា​ហេតុ​ធ្វើ​ឲ្យ​មាន​ផ្លូវ​សម្រាប់​មេរោគ​ចូល​ក្នុង​ជង្គង់​កូន​ក្មេង។ វេជ្ជបណ្ឌិត​រូប​នេះ​បន្ត​ថា ពី​ដំបូង​បញ្ហា​នេះ​មិន​សូវ​មាន​រោគ​សញ្ញា​អ្វី​ឲ្យ​យើង​ដឹង​ទេ ទាល់​តែ​វា​ទៅ​ជា​អាប់សែរ​មាន​ខ្ទុះ​ច្រើន​ទើប​បណ្ដាល​ឲ្យ អា​អូន​ក្ដៅ​ខ្លួន​ខ្លាំង​(​អាច​ដល់​៣៨-៤០​អង្សាសេ)។ ក្រៅ​ពី​នេះ ម៉ាក់​ប៉ា​គួរ​ចាំ​សម្គាល់​មើល​ដុំ​ពក​លើ​ជង្គង់ ដែល​មាន​សភាព​ក្រហមៗ ហើម និង​ក្ដៅ​ពេល​ដែល​ប៉ះ​ទៅ។ បញ្ហា​អាប់សែរ​នេះ បើ​ម៉ាក់​ប៉ា​មិន​ចាប់​អារម្មណ៍ ទុក​ចោល​យូរ​មិន​ព្យាបាល​ឲ្យ​បាន​ត្រឹម​ត្រូវ​ទេ​នោះ វា​អាច​បណ្ដាល​ឲ្យ​ខូច​សន្លាក់​ជង្គង់​ក្មេង​ទាំង​មួល​តែ​ម្ដង ហើយ​បើ​ធ្ងន់ធ្ងរ​អាច​ប៉ះពាល់​ដល់​ឆ្អឹង​ជង្គង់​ទៀត​ផង។ លោក​វេជ្ជបណ្ឌិត​ដដែល​បាន​ណែនាំ​ពី​ការ​ការពារ​កុំ​ឲ្យ​បញ្ហា​នេះ​កើត​ឡើង​លើ​កូន ដោយ​ម៉ាក់​ប៉ា​អាច​ទម្លាប់​ស្លៀក​ខោ​ជើង​វែង​សាច់​ក្រាស់ៗ ដើម្បី​បន្ថយ​ការ​ប៉ះ​ទង្គិច ហើយ​ពេល​មាន​របួស​ត្រូវ​លាង​ឲ្យ​បាន​ស្អាត ឬ​យក​ជួប​គ្រូពេទ្យ ដើម្បី​ព្យាបាល​ឲ្យ​បាន​ត្រឹម​ត្រូវ បើ​សង្ស័យ​ថា អាច​មាន​ការ​បង្ករោគ។

បញ្ហាសុខភាពកុមារផ្សេងទៀត

អាការៈ​ក្អួត​ចង្អោរ ជា​សញ្ញា​មួយ​នៃ​សុខភាព​កូន​ដែល​ធ្វើ​ឲ្យ​ម៉ាក់ប៉ា​បារម្ភ ពិសេស​បើ​អា​អូន​ក្អួត​នៅ​ពេល​យប់។ កូន​ក្អួត​ពេល​យប់​អាច​បាត់​ទៅ​វិញ​ដោយ​ខ្លួន​ឯង ប៉ុន្តែ​ពេល​ខ្លះ វា​អាច​បញ្ជាក់​ពី​បញ្ហា​ធ្ងន់ធ្ងរ​ដទៃ​ទៀត​ក៏​ថា​បាន។ ហេតុ​អ្វី​បាន​អា​អូន​ក្អួត​ពេល​យប់? គួរ​យក​ទៅ​ពេទ្យ ឬ​ដោះ​ស្រាយ​តាម​វិធី​ណា? មូល​ហេតុ​បណ្ដាល​ឲ្យ​កូន​ក្អួត​ពេល​យប់ ដើម្បី​រក​ដំណោះ​ស្រាយ​ត្រឹមត្រូវ​មួយ​ទប់​ទល់​នឹង​កូន​ក្អួត​ពេល​យប់ ម៉ាក់​ប៉ា​ត្រូវ​ដឹង​ពី​មូលហេតុ​ដែល​បង្ក​ឲ្យ​មាន​អាការៈ​ក្អួត​ជាមុន​សិន​ដូច​ជា៖ ១. ពុល​ចំណី​អាហារ ពេល​ខ្លះ កូន​ក្អួត​អាច​ជា​សញ្ញា​ថា រាងកាយ​អា​អូន​បដិសេធ​នឹង​អាហារ​ណា​មួយ​ដែល​កូន​បាន​ញ៉ាំ​នៅ​ពេល​ថ្ងៃ។ ទាំង​អាហារ​ឆៅ ឬ​ឆ្អិន​សុទ្ធ​តែ​អាច​បណ្ដាល​ឲ្យ​អា​អូន​ពុល​ ប្រសិន​បើ​វា​ជា​អាហារ​ទុក​ចោល​យូរ ចម្អិន​មិន​បាន​ឆ្អិន​ល្អ ឬ​គ្មាន​អនាម័យ​ជាដើម។ ២. បញ្ហាក្រពះពោះវៀន ជំងឺ​​នៅ​ក្រពះពោះវៀនឧស្សាហ៍​កើត​នៅ​លើ​កុមារ​ណាស់ ហើយ​ភាគ​ច្រើន​​ធ្វើ​ទុក្ខ​នៅ​ពេល​យប់។ រោគ​សញ្ញា​ចម្បង​នៃ​ជំងឺ​នេះ​គឺ​ក្អួត បូក​រួម​នឹង​សញ្ញា​ដទៃ​ទៀត មាន ចុក​ពោះ ក្ដៅ​ខ្លួន​ស្ទីញៗ រាករូស និង​ឈឺ​ក្បាល។ ៣. ក្អក​ខ្លាំង បើ​សិន​អា​អូន​ក្អក​ខ្លាំង​ពេល​យប់ វា​អាច​រំញោច​ដល់​រ៉េផ្លិច​បំពង់​ក​របស់​កូន​បណ្ដាល​ឲ្យ​ក្អួត​ចេញ​មក។ ក្នុង​ករណី​ដែល​អា​អូន​ដក​ដង្ហើម​តាម​មាត់​ពេល​គេង មាត់ និង​បំពង់​ក​របស់​អា​អូន​នឹង​ស្ងួត ធ្វើ​ឲ្យ​រមាស់​ក​នាំ​ឲ្យ​កូន​ក្អក ជា​ហេតុ​បណ្ដាល​ឲ្យ​អា​អូន​ក្អួត​ពេល​យប់។ ៤. ជំងឺ​ហឺត ប្រសិន​អា​អូន​មាន​ជំងឺ​ហឺត នោះ​កូន​នឹង​ក្អក ពិបាក​ដង្ហើម​ពេល​គេង​។ នេះដោយសារ​ផ្លូវ​ដង្ហើម​អា​អូន​កាន់​តែ​ឆាប់​រង​ផល​រំខាន​នៅ​ពេល​យប់ អា​អូន​កំពុង​គេង​លក់ ហើយ​រោគ​សញ្ញាមាន​ដូច​ជា​ក្អក ថប់បារម្ភ ពិបាក​គេង អាច​ធ្វើ​ឲ្យ​អា​អូន​ក្អួត​ពេល​យប់​បាន។ វិធី​ដោះស្រាយ​​កូន​ក្អួត​ពេល​យប់ ជា​ធម្មតា អាការៈ​កូន​ក្អួត​ពេល​យប់​កើត​ឡើង​តែ ១-២ដង/យប់ ដែល​អាច​បាត់​ទៅ​វិញ​ដោយ​ខ្លួន​ឯង ពេល​អា​អូន​គេង​លក់​វិញ។ ប៉ុន្តែ យើង​អាច​ជួយ​ដោះ​ស្រាយ​បញ្ហា​នេះ​បាន​ដោយ ឲ្យ​កូនញ៉ាំទឹក ព្រោះ​ក្អួត​ធ្វើ​ឲ្យ​រាងកាយកូន​ខ្សោះ​ជាតិ​ទឹក ផ្ដល់​អាហារ​ស្រាល​ចំពោះ​ក្រពះ​ឲ្យ​កូន​ញ៉ាំ​ដូច​ជា បបរ ដើម្បី​កុំ​ឲ្យ​កូន​ឃ្លាន ឬ​ឲ្យ​អា​អូន​សម្រាក​ឲ្យ​បាន​ច្រើន​ជាដើម។ […]

កង្វះអាហារូបត្ថម្ភ

ទឹកដោះ​គោ​ស្រស់​ផ្ដល់​ប្រយោជន៍​ដល់​កូន​ៗ​យើង​ច្រើន មិន​ត្រឹម​តែ​សម្បូរ​សារធាតុ​ចិញ្ចឹម​ល្អ​ចំពោះ​សុខភាព​ប៉ុណ្ណោះ​ទេ វា​ជួយ​ដល់​ការ​លូតលាស់ និង​អភិវឌ្ឍ​របស់​កូន​យើង​ផង​ដែរ។ ត្បិត​តែ​ទឹក​ដោះ​គោ​ស្រស់មាន​សារធាតុ​ចិញ្ចឹម​ច្រើន​ជួយ​ដល់​សុខភាព​ទូទៅ​កូន តែ​ទឹក​ដោះ​គោ​ស្រស់​ខ្វះ​ជាតិ​រ៉ែ​ចាំ​បាច់​ដល់​រាងកាយ​មួយ​ដែល​ម៉ាក់​ប៉ា​គួរ​បន្ថែម​ពី​លើ​ការ​ញ៉ាំ​ទឹកដោះគោ ចៀសវាង​អា​អូន​កើត​ជំងឺ​ស្លេកស្លាំង។ ជុំ​វិញ​បញ្ហា​នេះ លោក​ស្រី​វេជ្ជបណ្ឌិត កុសល កណិការ ឯកទេស​ជំងឺ​កុមារ បាន​ឲ្យ​ដឹង​ថា ទឹកដោះ​គោ​ស្រស់ផ្តល់​អត្ថប្រយោជន៍​ដល់​សុខភាព​ច្រើន​ដូច​ជា សម្បូរ​សារជាតិ​ទឹក ប្រូតេអ៊ីន ខ្លាញ់ និង​សារជាតិ​រ៉ែ ជា​ពិសេស គឺ​កាល់ស្យូម​ដែល​ជួយ​ដល់​ការ​លូតលាស់​របស់​កុមារ។ លោក​ស្រី​វេជ្ជបណ្ឌិតបន្ត​ថា ចំណុច​ខ្វះខាត​របស់​ទឹកដោះ​គោ​ស្រស់​ម៉ាក់​ប៉ា​គួរ​ដឹង​នោះ ​គឺទឹក​ដោះ​គោ​ស្រស់​មិន​សម្បូរ​ជាតិ​ដែក ដែល​ជា​ជាតិ​រ៉ែ​ចាំ​បាច់​បំផុត​ដល់​រាងកាយ​មនុស្ស​យើង។ ហេតុ​ដូច​នេះ​កុមារ​ដែល​ផឹក​ទឹកដោះ​គោ​ស្រស់​ច្រើន អាច​បណ្ដាល​ឲ្យ​កើត​ជា​ជំងឺ​ស្លេកស្លាំង​ដោយ​សារ​ការ​ខ្វះ​ជាតិ​ដែក។ លោក​សាស្ត្រាចារ្យ​វេជ្ជបណ្ឌិត ជាន សុផល ប្រធាន​ផ្នែក​ជំងឺ​ឈាម​កុមារ នៃ​មន្ទីរពេទ្យ​កុមារជាតិ​បាន​ពន្យល់​ថា ខ្វះ​ជាតិ​ដែក ធ្វើ​ឲ្យ​គ្រាប់​ឈាម​ក្រហម​ធ្លាក់​ចុះ ការ​ដឹក​ជញ្ជូន​អុកស៊ីសែន​ទៅ​ចិញ្ចឹម​ខួរក្បាល​មិន​សូវ​បាន​គ្រប់​គ្រាន់​នោះ​ទេ។ មួយ​វិញ​ទៀត ជាតិ​ដែក មាន​ប្រយោជន៍​សម្រាប់​ការ​​ វិវត្ត ការ​លូតលាស់​ប្រព័ន្ធ​ប្រសាទ បើ​ខ្វះ​ជាតិ​ដែក​ធ្វើ​ឲ្យ​ខួរក្បាល​ចោទ​ជា​បញ្ហា។ បើ​សង្ស័យ​កូន​ស្លេក​ស្លាំង​ដោយសារ​ខ្វះ​ជាតិ​ដែក ម៉ាក់ប៉ា​ត្រូវ​ប្រញាប់​នាំ​កូន​ទៅ​ជួប​ពេទ្យ​ជំនាញ​ធ្វើ​រោគ​វិនិច្ឆ័យ ឬ​ម៉ាក់​ប៉ា​អាច​បន្ថែម និង​ការពារ​អា​អូន​ពី​ការ​ខ្វះ​ជាតិ​ដែក ដោយបន្ថែម​អាហារ​ជាតិ​ដែក​ឲ្យ​កូន​ញ៉ាំ​ឲ្យ​គ្រប់​គ្រាន់ កាត់​បន្ថយ​ការ​ញ៉ាំ​ទឹកដោះ​គោ​ស្រស់ បង្កើន​សមត្ថភាព​ស្រូប​យក​ជីវជាតិ​ចិញ្ចឹម​របស់​កូន។ល។​

ជំងឺផ្លូវដង្ហើម

កាលណា​កូន​កើត​ផ្តាសាយ​តែង​មាន​អាការៈ​តឹង​ច្រមុះ ហៀរ​សម្បោរ​មក​ជាមួយ ជា​ហេតុ​ធ្វើ​ឲ្យ​ពិបាក​ដក​ដង្ហើម។ បើ​កូន​តូចៗ​តឹង​ច្រមុះ ហៀរ​សម្បោរ ពិបាក​ដង្ហើម ម៉ាក់ប៉ា​គួរ​ធ្វើ​បែប​ណា? ដោះស្រាយ​បញ្ហា​តឹងច្រមុះ ហៀរ​សម្បោរ ពិបាក​ដង្ហើម ដែល​កើត​មាន​លើ​អូនតូចៗ លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ​ណែនាំ​នូវ​វិធីងាយៗ​មួយ​ចំនួន​ខាង​ក្រោម។ ១. លាង ឬ​បន្តក់​សេរ៉ូម​ប្រៃ៖ យក​សេរ៉ូម​ប្រៃ​មក​បន្តក់​លើ​ច្រមុះ​កូន​ទាំង​សងខាង ៤-៥ តំណក់ ដើម្បី​ឲ្យ​សម្បោរ​រាវ រួច​​យក​ប្រដាប់​​បូម​​​ច្រមុះ​យក​សម្បោរ​ចេញ។ ធ្វើ​បែប​នេះ ២-៣/ដង ក្នុង​១​ថ្ងៃ នោះ​ច្រមុះ​កូន​នឹង​ធូរស្រាល មិន​ពិបាក​ដក​ដង្ហើម។ ២. ឆ្ពង់​ច្រមុះ៖ ជា​ការ​ឆ្ពង់​ច្រមុះ​ដោយ​ប្រើ​ម៉ាស៊ីន​សម្រាប់​ឆ្ពង់ មាន​ដាក់​សេរ៉ូម​ប្រៃ វិធី​នេះ​អាច​ធ្វើ ៣-៤ ដង/ថ្ងៃ ដើម្បី​ផ្សើម​ច្រមុះ​កូន​ឲ្យ​ធូរ ងាយ​ដក​ដង្ហើម និង​ពង្រាវ​សម្បោរ។ ៣. ងូត​ទឹក​ឧណ្ហៗ៖ ពេល​ក្មេង​តឹង​ច្រមុះ ហៀរ​សម្បោរ ក្អក និង​មាន​ក្តៅ​ខ្លួន ដាច់​ខាត​យើង​មិន​ត្រូវ​ងូត​ទឹក​ត្រជាក់​ឲ្យ​កូន​ទេ ត្រូវ​ងូត​ទឹក​ក្តៅ​ឧណ្ហៗ ទើប​ជំងឺ​មិន​វិវត្ត​កាន់​តែ​ធ្ងន់​ធ្ងរ។ ក្នុង​ករណី​អូន​តូចៗ​ផ្តាសាយ​មាន​អាការៈ​ក្តៅ​ខ្លួន​មក​ជាមួយ​នោះ លោក​វេជ្ជបណ្ឌិត​ណែនាំ​ឲ្យ​ញ៉ាំ​ថ្នាំ​បញ្ចុះ​កម្តៅ​បន្ថែម​ទៀត។

បញ្ហាសុខភាពកុមារផ្សេងទៀត

ពិត​ណាស់​ នៅ​ពេល​កូន​ចាប់ផ្ដើម​ចេះ​និយាយ​កុហក​ ប៉ា​ម៉ាក់​ច្បាស់​ជា​ពិបាក​ចិត្ត​មិន​ខាន ហើយ​ប្រសិនបើ​ប៉ា​ម៉ាក់​មិន​ប្រញាប់​អប់រំ​កូន​តាំង​ពី​ក្មេង​ទេ​នោះ​ ពួក​គេ​អាច​នឹង​បន្ត​ទម្លាប់​មិន​ល្អ​មួយ​​នេះ​ រហូត​ដល់​​ពេល​ដែល​ខ្លួន​ពេញ​វ័យ​​ទៀត​ផង​​។​ ហេតុ​អ្វី​ទើប​ក្មេង​ចេះ​និយាយកុហក​? ក្មេង​ៗ​អាច​កុហក​ ​ក្រោម​លក្ខខណ្ឌ​ដូច​ខាង​ក្រោម​៖ បិទបាំង​រឿង​រ៉ាវ​មួយ​ចំនួន​ ដើម្បី​ជៀស​ផុត​ពី​បញ្ហា​ ​ចង់​ដឹង​ថា​ប៉ា​ម៉ាក់​នឹង​ឆ្លើយតប​បែប​ណា​ បង្កើត​រឿង​ឲ្យ​កាន់​តែ​រំភើប​ ទទួល​បទ​ពិសោធន៍​ ដោយ​​​ធ្វើ​ពើ​ថា​រឿង​ដែល​កើត​ឡើង​គឺ​ជា​ការ​ពិត​ ទទួល​បាន​ចំណាប់​អារម្មណ៍​ ដើម្បី​ទទួល​បាន​អ្វី​ដែល​ខ្លួន​ចង់​បាន​ ដើម្បី​កុំ​ឲ្យ​អ្នក​ណា​ម្នាក់​ឈឺ​ចាប់​ ជា​ការ​កុហក​ក្នុង​គោលបំណង​ល្អ​ ​នៅ​ពេល​ណា​​ក្មេង​ចាប់ផ្ដើម​ចេះ​កុហក​? ជា​ទូទៅ​ ​កុមារ​ចាប់ផ្ដើម​​ចេះ​និយាយ​កុហក​តាំង​ពី​នៅ​វ័យ​ក្មេង​ គឺ​ប្រហែល​នៅ​អាយុ​៣​ឆ្នាំ​។​ នៅ​វ័យ​នេះ​ ក្មេង​ចាប់ផ្ដើម​ដឹង​ថា​ប៉ា​ម៉ាក់​មិន​អាច​ទាយ​ចិត្ត​កូន​ត្រូវ​ឡើយ​ ដូច្នេះ​ហើយ​ ពួក​គេ​អាច​និយាយ​រឿងរ៉ាវ​ដែល​មិន​ពិត​ ដោយ​យើង​មិន​អាច​ដឹង​បាន​។ ជាមួយ​គ្នា​នេះ​ដែរ​ កុមារ​ចាប់ផ្ដើម​កុហក​កាន់​តែ​ច្រើន​នៅ​អាយុ​៤​ទៅ​៦​ឆ្នាំ​។​ ពួក​គេ​អាច​និយាយ​កុហក​កាន់​តែ​ឈ្លាសវៃ​ជាង​មុន​ ដោយ​ការ​បង្ហាញ​ទឹក​មុខ​ និង​​បញ្ចេញ​សំឡេង​បាន​ល្អ​។ ប្រសិនបើ​ប៉ា​ម៉ាក់​ឲ្យ​កូន​ពន្យល់​ពី​អ្វី​ដែល​ពួក​គេ​និយាយ ​ពួក​គេ​​នឹង​សារភាព​កំហុស​។ នៅ​ពេល​ដែល​កុមារ​កាន់​តែ​ធំ​ទៅ​ ពួក​គេ​អាច​និយាយ​កុហក​ដោយ​ជោគជ័យ​ ដែល​ប៉ា​ម៉ាក់​មិន​អាច​ដឹង​បាន​ ហើយ​ការ​កុហក​នេះ​នឹង​កាន់​តែ​ស្មុគស្មាញ​ជាង​មុន​ ពីព្រោះ​កូន​មាន​ពាក្យ​កាន់​តែ​ច្រើន​ ក៏​ដូចជា​យល់​ដឹង​បាន​ប្រសើរ​ជាង​មុន​ អំពី​អ្វី​ដែល​​អ្នក​ដទៃ​គិត​។ លើក​ទឹក​ចិត្ត​ឲ្យ​កូន​និយាយ​ការ​ពិត​ នៅ​ពេល​ដែល​ក្មេង​​មាន​វ័យ​សម​ល្មម​ដែល​អាច​យល់​ដឹង​ពី​ភាព​ខុស​គ្នា​រវាង​ការ​ពិត​ និង​មិន​ពិត​ វា​គឺ​ជា​ពេល​វេលា​ដ៏​ស័ក្ដិសម​ក្នុង​ការ​លើក​ទឹក​ចិត្ត​ និង​គាំ​ទ្រ​ឲ្យ​ពួក​គេ​និយាយ​ការ​ពិត​។ ប៉ា​ម៉ាក់​អាច​លើក​ទឹក​ចិត្ត​កូន​​ ដោយ​ការ​សង្កត់​ធ្ងន់​ទៅ​លើ​សារសំខាន់​នៃ​ភាព​ស្មោះត្រង់​នៅ​ក្នុង​គ្រួសារ​ និង​ជួយ​កូន​ឲ្យ​យល់​ដឹង​​ថា​នឹង​មាន​រឿង​អ្វី​កើត​ឡើង​ ប្រសិនបើ​ពួក​គេ​និយាយ​កុហក​។ តិចនិក​មួយ​ចំនួន​ដែល​ប៉ា​ម៉ាក់​អាច​អនុវត្ត​បាន​៖ ជជែក​ជាមួយ​កូន​អំពី​ការ​និយាយ​កុហក​ និង​ការ​ពិត ក៏​ដូចជា​លើក​យក​ឧទាហរណ៍​ ដើម្បី​ឲ្យ​កូន​បាន​យល់​ច្បាស់​ ដូចជា​ ប្រសិនបើ​កូន​កុហក​អ្នក​គ្រូ​ តើ​នឹង​មាន​រឿង​អ្វី​កើត​ឡើង​។ ​ជួយ​កូន​ឲ្យ​ជៀសវាង​ពី​ស្ថានភាព​ដែល​ពួក​គេ​មាន​អារម្មណ៍​ថា​ចាំបាច់​ត្រូវ​និយាយ​កុហក​។​ ឧទាហរណ៍៖ ប្រសិនបើ​​យើង​សួរ​កូន​ ថា​តើ​ពួក​គេ​មាន​​ធ្វើ​ឲ្យ​កំពប់​ទឹក​ទឹក​គោ​ឬ​អត់​? ពួក​គេ​អាច​នឹង​មាន​អារម្មណ៍​ថា​​ត្រូវ​និយាយ​កុហក។​ ​សរសើរ​កូន​ នៅ​ពេល​ដែល​ពួក​គេ​ចេះ​សារភាព​កំហុស​។ […]

បញ្ហាសុខភាពកុមារផ្សេងទៀត

ការ​ទំនាក់ទំនង​​ អាច​​ប៉ះពាល់​ដល់​​ការអភិវឌ្ឍ​របស់​កូន​លើ​គ្រប់​ផ្នែក​ទាំង​អស់​។​ តាម​រយៈ​ទំនាក់ទំនង​ជាមួយ​ប៉ា​ម៉ាក់​ សមាជិក​គ្រួសារ​ដទៃ​ទៀត​ កូន​ៗ​នឹង​រៀន​ស្វែងយល់​អំពី​ពិភពលោក​ដែល​ខ្លួន​កំពុង​រស់​នៅ​កាន់​តែ​ច្បាស់​ថែម​ទៀត​។​ ពិត​ណាស់​ ទំនាក់ទំនង​អាច​ធ្វើ​ឲ្យ​កូន​បង្ហាញ​ពី​ខ្លួន​ឯង​ មិន​ថា​ជា​​ការ​យំ​ សើច​ សួរ​សំណួរ​ ឱប​ ញញឹម​ និង​ឆ្លើយ​សំណួរ​នោះ​ទេ។​ រីឯ​ព័ត៌មាន​ដែល​ពួក​គេ​ទទួល​បាន​ ​មាន​សារសំខាន់​ណាស់​​ក្នុង​ការ​សិក្សា​​អំពី​​អ្វី​ដែល​នៅ​ជុំវិញ​ខ្លួន​ និង​ថា​តើ​ក្មេង​ត្រូវ​​​ធ្វើ​សកម្មភាព​ គិត​ យល់​ ទំនាក់ទំនង​ បញ្ចេញ​អាកប្បកិរិយា​ បង្ហាញ​អារម្មណ៍​ និង​អភិវឌ្ឍ​ជំនាញ​សង្គម​បែប​ណា​។ នៅ​ពេល​ដែល​កូន​ទទួល​បាន​ប្រតិកម្ម​​តប​ដោយ​ភាព​​ទន់ភ្លន់​ ជាមួយ​នឹង​ក្ដី​ស្រលាញ់​ វា​នឹង​ជួយ​ឲ្យ​ក្មេង​រៀន​ចេះ​អំពី​ការ​ទំនាក់​ទំនង​ បញ្ចេញ​ឥរិយាបថ​ និង​អារម្មណ៍​ប្រកប​ដោយ​ភាព​ទន់ភ្លន់​ដូច​គ្នា​។​ ជាមួយ​គ្នា​នេះ​ដែរ​ ​ប្រតិកម្ម​​តប​​របស់​យើង​ នឹង​ធ្វើ​ឲ្យ​ក្មេង​មាន​អារម្មណ៍​សុវត្ថិភាព​ និង​កសាង​ទំនាក់ទំនង​រឹងមាំ​រវាង​ប៉ា​ម៉ាក់​ និង​កូន​ថែម​ទៀត​ផង​។ ទំនាក់​ទំនង​របស់​ប៉ា​ម៉ាក់​ជាមួយ​នឹង​អ្នក​ដទៃ​ក៏​ជះ​ឥទ្ធិពល​ដល់​កូន​ដូច​គ្នា ​​​ជាក់​ស្ដែង មិន​មែន​​តែ​ទំនាក់ទំនង​រវាង​​​ប៉ា​ម៉ាក់​ និង​កូន​ជះឥទ្ធិពល​ដល់​ការអភិវឌ្ឍរបស់​ក្មេង​ប៉ុណ្ណោះ​ទេ​ ទំនាក់ទំនង​របស់​យើង​ជាមួយ​នឹង​អ្នក​ដទៃ​ក៏​ប៉ះពាល់​ដល់​ការអភិវឌ្ឍ​របស់​ក្មេង​ផង​ដែរ​។​ របៀប​ដែល​យើង​ប្រព្រឹត្ត​ ឬ​អាស្រ័យ​ទាក់ទង​នឹង​អ្នក​ដទៃ​ ដូចជា​ដៃគូ​ សមាជិក​គ្រួសារ​ មិត្តភ័ក្ដិ​ ក៏​បង្ហាញ​​អំពី​ឥរិយាបថ​ដែល​ក្មេង​នឹង​​ប្រព្រឹត្ត​ជាមួយ​នឹង​អ្នក​ដទៃ​។ ​ហេតុអ្វី​ការ​លេង​មាន​សារសំខាន់​ចំពោះ​ការអភិវឌ្ឍន៍​ និង​ទំនាក់ទំនង​? ​​​​នៅ​ប៉ុន្មាន​ឆ្នាំ​ដំបូង​ កូន​ៗ​អាច​រៀន​ និង​អភិវឌ្ឍន៍​ខ្លួន​តាម​រយៈ​ការ​លេង​ ដែល​អាច​ជួយ​ឲ្យ​ពួក​គេ​មាន​ឱកាស​ក្នុង​ការ​រុករក​ ស្រាវជ្រាវ​ ទទួល​បទពិសោធន៍​ ដោះស្រាយ​បញ្ហា​ និង​ពេល​ខ្លះ​បង្កើត​កំហុស​ឆ្គង​ជាដើម​។​ ទំនាក់ទំនង​របស់​ប៉ា​ម៉ាក់​ជួយ​កូន​ឲ្យ​​លេង​​​ដោយ​អស់​ពី​ចិត្ត​ ជាមួយ​នឹង​ការ​លើក​ទឹក​ចិត្ និង​ភាណ​ស្និទ្ធស្នាលត​របស់​ប៉ា​ម៉ាក់​ កូន​ៗ​នឹង​មាន​ទំនុក​ចិត្ត​លើ​ខ្លួន​ឯង​ក្នុង​ការ​ស្វែងរក​ ទទួល​បទពិសោធន៍​ និង​បង្កើត​កំហុស​។​ ការ​ចំណាយ​ពេល​លេង​ ជជែក​ ស្ដាប់​ […]

វ័យកូនចេះដើរ

ប៉ា​ម៉ាក់​ច្បាស់​ជា​មាន​ភាព​នឿយហត់​ និង​ការ​ពិបាក​ក្នុង​ការ​ដោះស្រាយ​មិន​ខាន​ នៅ​ពេល​ដែល​អា​អូន​តែងតែ​ស្រែក​​ខ្លាំង​ៗ​ដោយ​ការ​មួម៉ៅ​​។​ ពិត​ណាស់​ ប៉ា​ម៉ាក់​​​ចាំបាច់​លួងលោម​កូន​ឲ្យ​ស្ងប់​ចិត្ត​ភ្លាម​ៗ​​ ដោយ​មិន​ត្រូវ​ប្រើ​អំពើ​​ហិង្សា​ ឬ​ពាក្យ​សំដី​មិន​ល្អ​ដាក់​ពួក​គេ​ឡើយ​។​ ជាក់​ស្ដែង​ អា​អូន​តូច​ៗ មិន​មែន​ចេះ​តែ​ស្រែក​ខ្លាំង​ៗ​ ដោយ​គ្មាន​មូលហេតុ​ឡើយ​។ ដូច​នេះ​​ យើង​គប្បី​ស្វែង​រក​មូលហេតុ​ជា​មុន​សិន ទើប​ព្យាយាម​រក​ដំណោះស្រាយ​តាម​ក្រោយ​។ មូលហេតុ​ដែល​កូន​តូច​ស្រែក​ខ្លាំង​ៗ​ ​​​​​​​​១. ទាមទារ​ការ​​យក​ចិត្ត​ទុក​ដាក់​​ នៅ​ពេល​ខ្លះ ​អា​អូន​ចង់​បាន​ការ​យក​ចិត្ត​ទុក​ដាក់​​ទាំង​ស្រុង​ពី​ប៉ា​ម៉ាក់​ ទើប​ធ្វើ​ឲ្យ​ពួក​គេ​ស្រែក​ខ្លាំង​ៗ​ គ្រវែង​​របស់​របរ​ និង​យំ​ជា​ដើម​។​ ពួក​គេ​នឹង​ធ្វើ​អ្វី​​គ្រប់​យ៉ាង​ ដើម្បី​ទទួល​បាន​​ការ​យក​ចិត្ត​ទុក​ដាក់​​ពី​យើង​។ ២. លេង​ ​ជាមួយ​គ្នា​នេះ​ដែរ អា​អូន​តូច​អាច​ចង់​លេង​សើច​ដោយ​ប្រើ​សំឡេង​​របស់​​ខ្លួន​។​ ពួក​គេ​អាច​បញ្ចេញ​សំឡេង​ ដោយ​ការ​ស្រែក​ ​ប្រឆាំង​តវ៉ា​ ដើម្បី​ឲ្យ​យើង​យល់​ និង​លួងលោម​​ដោយ​សំឡេង​ស្រទន់​។ ៣. ចង់​ទាក់ទង​​ ​ក្មេង​​ដែល​ទើប​ដើរ​តេះតះ​ មាន​ការ​ពិបាក​ក្នុង​ការ​និយាយ​អ្វី​ដែល​ខ្លួន​ចង់​និយាយ​។​ ដូច្នេះ​ហើយ​ ទើប​ពួក​គេ​ស្រែក​ខ្លាំង​ និង​ធ្វើ​កាយវិការ​ ដើម្បី​ឲ្យ​ប៉ា​ម៉ាក់​យល់​អំពី​អ្វី​ដែល​ខ្លួន​ចង់​បាន​។​ ​​៤. មាន​ថាមពល​ពេញលេញ​ នៅ​ពេល​ដែល​កូន​តូច​មាន​ថាមពល​ពេញលេញ​ ពួក​គេ​អាច​នឹង​បញ្ចេញ​វា​តាម​រយៈ​ការ​ស្រែក​​​លឺ​ៗ​​ និង​មួម៉ៅ​ខ្លាំង​។ ៥. ខឹង​នឹង​រឿង​អ្វី​មួយ បន្ថែម​ពី​នេះ​ កូន​តូច​អាច​នឹង​មិន​សប្បាយ​ចិត្ត​ជាមួយ​នឹង​រឿង​អ្វី​មួយ​ដែល​កំពុង​កើត​ឡើង​ ដូចជា​នៅ​ពេល​ដែល​យើង​មិន​ឲ្យ​ទូរសព្ទ​ទៅ​កូន​​ ឬ​នៅ​ពេល​ដែល​យើង​មិន​ឲ្យ​កូន​តូច​លេង​នៅ​ខាង​ក្រៅ​ជា​ដើម។​ ​វិធីសាស្ត្រ​ដោះស្រាយ​ នៅ​ពេល​​កូន​តូច​ស្រែក​ខ្លាំង​ៗ​ ការ​ស្រែក​ខ្លាំង​ៗ​ គឺ​ជា​អាកប្បកិរិយា​ជាក់លាក់​ ដែល​ក្មេង​តូច​ៗ​តែងតែ​​បង្ហាញ​ឲ្យ​ប៉ា​ម៉ាក់​ឃើញ ជា​ពិសេស​គឺ​​នៅ​ពេល​ដែល​ក្មេង​មាន​​អាយុ​ចន្លោះ​ពី​១​ឆ្នាំ​ ដល់​៣​ឆ្នាំ​។​ ភាគ​ច្រើន​ អាកប្បកិរិយា​នេះ​​​​កើត​ឡើង​នៅ​ដំណាក់កាល​ដែល​ក្មេង​មិន​អាច​និយាយ​បាន​​ច្រើន​ ទើប​ធ្វើ​ឲ្យ​ពួក​គេ​ស្រែក​ខ្លាំង​ៗ​។ ប៉ា​ម៉ាក់​អាច​ដោះស្រាយ​បញ្ហា​មួយ​នេះ​ តាម​វិធីសាស្ត្រ​ខាង​ក្រោម​នេះ​។ ១. អង្អែល​ខ្នង​កូន​តូច​ថ្នម​ៗ​ ប្រសិនបើ​អា​អូន​ស្រែក​ខ្លាំង​ៗ​ ដើម្បី​បញ្ចេញ​ថាមពល​របស់​ខ្លួន​ ចូរ​លើក​​អា​អូន​ឡើង​ និង​អង្អែល​ខ្នង​របស់​ពួក​គេ​ថ្នម​ៗ។​ […]

រោគសញ្ញាទូទៅ

​អាការៈ​ឈឺ​ជើង​​កើត​ឡើង​ជា​ញឹកញាប់​​​​ចំពោះ​ក្មេង​​តូច​ៗ​ដែល​មាន​អាយុ​ចាប់​ពី​៣ទៅ​៥​ឆ្នាំ និង​ក្មេង​​ជិត​ចូល​ជំទង់​ ហើយ​​ជា​ទូទៅ​ វា​នឹង​បាត់​ទៅ​វិញ​នៅ​ពេល​​ពួក​គេ​ឈាន​ចូល​ដល់​​វ័យ​ជំទង់​។ ការ​ឈឺចាប់​នេះ​គឺ​ពុំ​បង្ក​គ្រោះថ្នាក់​ឡើយ​ ហើយ​ក៏​គ្មាន​សញ្ញា​នៃ​ជំងឺ​ធ្ងន់ធ្ងរ​ណា​មួយ​ផង​ដែរ​។ ជា​ធម្មតា​ ការ​ឈឺ​ជើង​កើត​មាន​នៅ​សាច់​ដុំ​ភ្លៅ និង​កំភួន​ជើង​ ឬ​​ខាង​ក្រោយ​ជង្គង់​។​ ចំពោះ​កុមារ​ដែល​កើត​មាន​អាការៈ​ឈឺ​ចាប់​នេះ​ អាច​ប្រឈម​នឹង​ការ​រមួល​ក្រពើ​ ឬ​ការ​​ឈឺ​ចាប់​ពី​ស្រាល​ទៅ​ធ្ងន់ធ្ងរ​។ ​​​​​​​អាការៈ​ឈឺ​ជើង​ទាំង​នេះ​រួម​មាន​៖ កើត​ឡើង​នៅ​ពេល​ល្ងាច​ ឬ​យប់​ និង​អាច​បាត់​ទៅ​វិញ​នៅ​ពេល​ព្រឹក​ មាន​សភាព​ធ្ងន់ធ្ងរ​ដែល​អាច​ធ្វើ​ឲ្យ​ក្មេង​ភ្ញាក់​ពី​គេង​ ជា​ទូទៅ​ កើត​មាន​ចំពោះ​ជើង​ទាំង​សង​ខាង​ កើត​ឡើង​ម្ដងម្កាល​ ឬ​ជា​ច្រើន​យប់​ជាប់​គ្នា​ អម​មក​ជាមួយ​នឹង​អាការៈ​ឈឺ​​ក្បាល​ ឬ​ឈឺ​ពោះ​ អាការៈ​ឈឺ​ជើង​នេះ​អាច​បណ្ដាល​មក​ពី​ការ​រត់​ លោត​ និង​តោង​​ឡើង​នៅ​ពេល​ដែល​ក្មេង​លេង​ នៅ​អំឡុង​ពេល​ថ្ងៃ​។ ការ​ឈឺ​ជើង​នេះ​ក៏​អាច​ពាក់ព័ន្ធ​ទៅ​នឹង​កត្តា​ដទៃ​ទៀត​ដូចជា​ហត់​នឿយ​ រួយ​ជើង​ ឬ​កង្វះ​វីតាមីន​D​ ជា​ដើម។​ វិធី​ដោះស្រាយ​បញ្ហា​ឈឺ​ជើង​ ​ជាក់​ស្ដែង​ ពុំ​មាន​ការ​ព្យាបាល​ច្បាស់លាស់​ចំពោះ​អាការៈ​ឈឺ​ជើង​ដែល​កើត​ឡើង​ចំពោះ​កុមារ​ឡើយ​។​ ប៉ុន្តែ​ ប៉ា​ម៉ាក់​អាច​អនុវត្ត​វិធីសាស្ត្រ​ងាយ​ៗ​ខាង​ក្រោម​​នេះ ដើម្បី​កាត់​បន្ថយ​ការ​ឈឺ​ចាប់​របស់​កូន​​៖ ងូត​ទឹក​ក្តៅ​ឧណ្ហ​ៗ​៖ ឲ្យ​កូន​ងូត​ទឹក​ក្តៅ​ឧណ្ហ​ៗ​ ជា​ពិសេស​នៅ​មុន​ពេល​ចូល​គេង​ ដើម្បី​ជួយ​កាត់​បន្ថយ​ការ​ឈឺចាប់​ ក៏​ដូចជា​ជួយ​ជំរុញ​ការ​គេង​របស់​ក្មេង​។ ម៉ាស្សា៖ ធ្វើ​ការ​ម៉ាស្សា ឬ​ច្របាច់​បរិវេណ​ដែល​ឈឺ​ចាប់​ ដើម្បី​ឲ្យ​កូន​មាន​អារម្មណ៍​ប្រសើរ​ឡើង​។​ ការ​ពត់​ពែន​ខ្លួន​៖ ការ​ពត់​ពែន​​កំភួន​ជើង​ និង​ភ្លៅ​ថ្នម​ៗ​​នៅ​ពេល​ថ្ងៃ​ អាច​ជួយ​បំបាត់​ ឬ​ការពារ​អាការៈ​ឈឺ​ជើង​នេះ​បាន​​។​ ស្អំ​ទឹក​ក្ដៅ​៖ ​ចូរ​ស្អំ​កំណាត់​ក្ដៅ​ឧណ្ហ​ៗ​នៅ​បរិវេណ​ឈឺ​ចាប់​ និង​ជៀសវាង​ប្រើប្រាស់​ទឹក​ក្ដៅ​ខ្លាំង​ ដើម្បី​ការពារ​ស្បែក​ក្មេង​ពី​ការ​រលាក​។​ យ៉ាង​ណា​មិញ​ ប៉ា​ម៉ាក់​មិន​គួរ​ស្អំ​ទឹក​ក្ដៅ​នៅ​អំឡុង​ពេល​គេង​ឡើយ​។ ថ្នាំ​បំបាត់​ការ​ឈឺ​ចាប់​៖ ថ្នាំ​បំបាត់​ការ​ឈឺ​ចាប់​មួយ​ចំនួន​ក៏​អាច​ជួយ​បំបាត់​អាការៈ​ឈឺ​ចាប់​ជើង​នេះ​​​ម្ដងម្កាល​ផង​ដែរ​។ ពេល​ណា​យើង​គួរ​នាំ​កូន​ទៅ​ជួប​​គ្រូពេទ្យ​? នៅ​ក្នុង​ករណី​ដែល​កូន​មាន​រោគ​​សញ្ញា​ខាង​ក្រោម​នេះ​ ប៉ា​ម៉ាក់​គប្បី​នាំ​កូន​ទៅ​ពិគ្រោះ​យោបល់​ជាមួយ​នឹង​គ្រូពេទ្យ​ […]

បញ្ហាសុខភាពកុមារផ្សេងទៀត

ជា​ទូ​ទៅ​ ជំងឺ​រលាក​បំពង់​ក​កើត​ឡើង​​ចំពោះ​កុមារ​តូច​ៗ​ ដែល​ភាគ​ច្រើន​មាន​អាយុ​ក្រោម​៥​ឆ្នាំ​ ហើយ​ជា​ធម្មតា វា​មិន​មាន​លក្ខណៈ​ធ្ងន់ធ្ងរ​​ឡើយ​។ ការ​រលាក​គឺ​បណ្ដាល​មក​ពី​វីរុស​ដូច​គ្នា​ទៅ​នឹង​ជំងឺ​ផ្ដាសាយ​ ហើយ​វា​តែងតែ​កើត​ឡើង​នៅ​ក្នុង​រដូវ​រងា​។ ជំងឺ​រលាក​បំពង់​ក ​នឹង​បង្ក​ឲ្យ​មាន​ការ​ហើម​នៅ​បំពង់​ខ្យល់​ ដែល​ជា​ផ្លូវ​ដង្ហើម​ទៅ​កាន់​សួត​ ​និង​ខ្សែ​សំឡេង​។ ការ​ហើម​នេះ​នឹង​ធ្វើ​ឲ្យ​ផ្លូវ​ដង្ហើម​តូច​ចង្អៀត​ និង​ធ្វើ​ឲ្យ​ក្មេង​ពិបាក​ក្នុង​ការ​ដក​ដង្ហើម​។ កុមារ​ដែល​មាន​ជំងឺ​រលាក​បំពង់​ក​​ច្រើន​តែ​ក្អក​ខ្លាំង​ៗ​ និង​មាន​សំឡេង​​ថ្ងូរ​នៅ​ពេល​ដក​ដង្ហើម​ចូល​។​ ពិត​ណាស់​ ​ជំងឺ​រលាក​បំពង់​ក​គឺ​ជា​ជំងឺ​ស្រាល​នោះ​ទេ​ ប៉ុន្តែ​វា​នឹង​ចាប់ផ្ដើម​ធ្ងន់ធ្ងរ​​យ៉ាង​ឆាប់​រហ័ស​។ ​រោគ​សញ្ញា​នៃ​ជំងឺ​រលាក​បំពង់​ក​ ​​​កុមារ​អាច​​មាន​រោគ​សញ្ញា​ជំងឺ​ផ្ដាសាយ​ មុន​ពេល​ចាប់ផ្ដើម​កើត​មាន​​ជំងឺ​រលាក​បំពង់​ក រួម​មាន​ហៀរ​សំបោរ​ ឈឺ​ក​ ​និង​គ្រុន​ក្ដៅ​។​ បន្ទាប់​មក​ ពួក​គេ​នឹង​វិវត្តទៅ​ជា​ក្អក​ខ្លាំង​ និង​ពេល​ខ្លះ​មាន​សំឡេង​ស្អក​ទៀត​ផង​។ ជាមួយ​គ្នា​នេះ​ដែរ​ ការ​ដកដង្ហើម​ និង​ក្អក​គឺ​កាន់​តែ​​​មាន​ភាព​អាក្រក់​ឡើង​នៅ​ពេល​យប់​។​ ពេល​ណា​​ប៉ា​ម៉ាក់​គប្បី​នាំ​កូន​ទៅ​ជួប​ជាមួយ​នឹង​គ្រូពេទ្យ​? ប្រសិនបើ​ប៉ា​ម៉ាក់​សង្កេត​ឃើញ​សញ្ញា​ខាង​ក្រោម​នេះ​ ចូរ​ប្រញាប់​នាំ​កូន​ទៅ​ជួប​ជាមួយ​នឹង​គ្រូពេទ្យ​ភ្លាម​ៗ៖ ​ ពិបាក​ដក​ដង្ហើម​ មាន​សំឡេង​ខ្លាំង​នៅ​ពេល​ដកដង្ហើម​ ហត់​ខ្លាំង​នៅ​ពេល​ដក​ដង្ហើម​ មាន​សីតុណ្ហភាព​ក្ដៅ​ខ្លាំង​ ពិបាក​លេប​អាហារ​ មាន​អាការៈ​ស្លេកស្លាំង​​ ឬ​ស្រងូតស្រងាត់​ ឆ្អឹង​ទ្រូង​ផត​ចុះ​ឡើង​ មាន​អាការៈ​រសាប់រសល់ ឬ​រវើរវាយ​​ បបូរ​មាត់​ក្មេង​ឡើង​ខៀវ​ ជំងឺ​រលាក​បំពង់​ក​​​បណ្ដាល​មក​ពី​អ្វី​? ជំងឺ​នេះ​បណ្ដាល​មក​ពី​វីរុស​ដូច​គ្នា​ទៅ​នឹង​ជំងឺ​ផ្ដាសាយ​ដែរ​ ហើយ​វា​ឆ្លង​តាម​រយៈ​ការ​ក្អក​ កណ្ដាស់​ និង​ចាប់​កាន់​វត្ថុ​ដែល​មាន​មេរោគ​។ តើ​ប៉ា​ម៉ាក់​គួរ​ធ្វើ​យ៉ាង​ម៉េច​នៅ​ពេល​កូន​​រលាក​បំពង់​ក​? ​​កុមារ​ភាគ​ច្រើន​ដែល​មាន​ជំងឺ​រលាក​បំពង់​ក​ គឺ​មិន​ត្រូវការ​ការ​ព្យាបាល​ឡើយ​។​ ប៉ា​ម៉ាក់​អាច​គ្រប់គ្រង​រោគ​សញ្ញា​តាម​រយៈ​វិធីសាស្ត្រ​ដូច​គ្នា​នឹង​ជំងឺ​ផ្ដាសាយ​ដែរ។​ ចូរ​​ជំរុញ​ឲ្យ​កូន​ញ៉ាំ​ទឹក​ឲ្យ​បាន​ច្រើន​ ដើម្បី​ឲ្យ​ពួក​គេ​មាន​អារម្មណ៍​ស្ងប់​ល្អ​ ពីព្រោះ​កូន​ៗ​អាច​នឹង​មាន​បញ្ហា​ក្នុង​ការ​ដក​ដង្ហើម​កាន់​តែ​ខ្លាំង​ ប្រសិនបើ​ពួក​គេ​មិន​សប្បាយ​ចិត្ត​ ខ្លាច​ ឬ​ស្រ្តេស​។ ក្នុង​ករណី​ដែល​​ជំងឺ​រលាក​បំពង់​ក​មាន​សភាព​ធ្ងន់ធ្ងរ​ ប៉ា​ម៉ាក់​គួរ​នាំ​កូន​ទៅ​ជួប​ជាមួយ​នឹង​គ្រូពេទ្យ​​ជា​បន្ទាន់​។ តើ​ប៉ា​ម៉ាក់​អាច​ការពារ​កូន​ឲ្យ​ជៀស​ផុត​​​​ជំងឺ​រលាក​បំពង់​ក​​បាន​ដែរ​ឬ​ទេ​? ​ពុំ​មាន​វិធី​ការពារ​ពី​ការ​កើត​​ជំងឺ​រលាក​បំពង់​ក​បាន​ទេ​ ប៉ុន្តែ​ប៉ា​ម៉ាក់​ក៏​អាច​​កាត់​បន្ថយ​ការ​ចម្លង​នៃ​ជំងឺ​នេះ​ តាម​រយៈ៖ ឲ្យ​កូន​លាង​សម្អាត​ដៃ​ជា​ប្រចាំ​ […]

ជំងឺឆ្លង

អំឡុង​ពេល​នេះ​ម៉ាក់​ប៉ា​ច្បាស់​ជា​បារម្ភ​ខ្លាំង​ពី​សុខភាព​កូន ខ្លាច​អា​អូន​ឆ្លង​កូវីដ-១៩ តែ​ការ​ប្រើ​ជែល ឬ​អាល់កុល​លាង​ដៃ​លើ​ទារក និង​ក្មេង​ក្រោម​អាយុ ៥ឆ្នាំ មិនល្អនោះ​ទេ។ ដោយ​សារ​កូន​ក្មេង​អាច​ពុល​នឹង​ជាតិ​អាល់កុល បើ​សិន​ជា​ច្រឡំ​ដាក់ដៃចូល​ក្នុង​មាត់​បន្ទាប់​ពីលាង​អាល់កុល ឬ​ជែល​រួចភ្លាមៗ នេះ​បើ​តាម​ការ​លើក​ឡើង​របស់​ American Academy of Pediatrics (AAP)។ ជំនួស​ដោយ​ការ​ប្រើ​ជែល និង​អាល់កុល​លាង​ដៃ​លើ​ទារក និង​ក្មេង​តូចៗ ម៉ាក់​ប៉ា​អាច​ងាក​មក​ប្រើ​សាប៊ូ និង​ទឹក​ស្អាត​វិញ។ នេះជា​តិចនិក​ល្អ​បំផុត​សម្រាប់​សម្អាត​ដៃ​កូន ហើយ​យើង​មិន​ព្រួយ​ថា​ កូន​អាច​ពុល​ជាតិ​អាល់កុល​ដូច​ការ​ប្រើ​ជែល ឬ​អាល់កុល​លាង​ដៃ ពេល​អា​អូន​ដាក់​ដៃ​ចូល​មាត់​ទេ។ និយាយ​ដល់​ត្រង់​តិចនិក​លាង​ដៃ​កូន មជ្ឈមណ្ឌល​ត្រួត​ពិនិត្យ និង​បង្ការ​ជំងឺ​ឆ្លង​ (CDC) អាមេរិក បាន​ណែនាំ​ពី​តិចនិក​លាង​ដៃ​កូន​ឲ្យ​បាន​ត្រឹម​ត្រូវ​ដូច​ជា៖ ១. ដាក់​ដៃ​កូន​ឲ្យ​សើម រួច​ដាក់​សាប៊ូ​លើ​ដៃ​កូន ២. យក​ដៃ​យើង​ដុស​លើ​ដៃ​កូន​ឲ្យ​គ្រប់​សព្វ ទាំង​បាតដៃ ខ្នង​ដៃ ចន្លោះ​ម្រាម​ដៃ និង​ក្រចក​ដៃ ៣. ដុស​សម្អាត​ដៃ​កូន​យ៉ាង​តិច​ ២០​វិនាទី ៤. លាង​សម្អាត​ដៃ​កូន​ឲ្យ​ស្អាត​ជាមួយ​ទឹក​ស្អាត ៥. ជូត​សម្អាត​ដៃ​កូន​ជាមួយ​កន្សែង ឬ​ កំណាត់​ស្អាត វេជ្ជបណ្ឌិត Patricia Garcia ឯកទេស​ជំងឺ​កុមារ នៃ​មជ្ឈមណ្ឌល​វេជ្ជសាស្ត្រ​កុមារ Connecticut នៃ​សហរដ្ឋអាមេរិក បាន​ឲ្យ​ដឹង​ថា ក្នុង​ករណី​ដែល​យើង​នៅ​កន្លែង​គ្មាន​បន្ទប់​ប្រើ​ប្រាស់ យើង​អាច​លាង​សម្អាត​ដៃ​ដោយ​សាប៊ូ និង​ទឹក​ដប​បរិសុទ្ធ​យើង​ញ៉ាំ​ក៏​បាន​ដែរ រួច​ជូត​សម្អាត​ដោយ​ក្រដាស […]

x