តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

null

កូនញុំាជាតិផ្អែមច្រើន អាចប៉ះពាល់សុខភាពក្រពះពោះវៀនពេលធំឡើង

    កូនញុំាជាតិផ្អែមច្រើន អាចប៉ះពាល់សុខភាពក្រពះពោះវៀនពេលធំឡើង

    ក្មេងៗចូលចិត្តញុំាអាហារមានជាតិផ្អែមៗដូចជា ស្ករគ្រាប់ ដូណាត់ ទឹកក្រូចជាដើមណាស់​ព្រោះពួក​គេ​គិត​ថា​​ឆ្ងាញ់ ប៉ុន្តែតាមការសិក្សាបានឱ្យដឹងថា អាហារទាំងនេះអាចប៉ះពាល់ដល់សុខភាព​ក្រពះពោះវៀន​ក្មេង​នៅពេល​ធំឡើង​ទៀត​ផង​។ តើអាហារ​ទាំងនេះប៉ះពាល់ដល់សុខភាពក្រពះពោះវៀនក្មេងបែបណាខ្លះ? ហើយម៉ាក់ប៉ាគួរធ្វើម៉េចដើម្បីស្តារសុខភាពប្រព័ន្ធរំលាយអាហារកូន​ឱ្យល្អឡើងវិញ?

    ការញុំាជាតិស្ករកែច្នៃច្រើនដែលមានក្នុងអាហារដូចជា ស្ករសម្លី នំខេក បង្អែម ភេជ្ជៈផ្អែមៗ និង​ការ៉េម​ជា​ដើម​ អាច​ធ្វើឱ្យបាត់បង់តុល្យភាពបាក់តេរីល្អៗនៅក្នុងពោះវៀន ព្រោះជាតិស្ករជំរុញឱ្យបាក់តេរីអាក្រក់​នៅក្នុងពោះវៀន​លូតលាស់ ​និងកើនឡើង។

    តាមការសិក្សារបស់សាកលវិទ្យាល័យ California-Riverside បានឱ្យដឹង​ថា ការញ៉ាំជាតិផ្អែមច្រើន​ពី​ក្មេងអាចផ្លាស់ប្តូរតុល្យភាពបាក់តេរីល្អ និងអាក្រក់ក្នុងពោះវៀនកូនជាអចិន្ត្រៃយ៍ ព្រោះបាក់តេរី​ក្នុង​ពោះវៀន​ក្មេងដុះលូតលាស់ពេញលេញនៅពេលកុមារអាយុ ៥ ឆ្នាំ។

    ម្យ៉ាងទៀតការញុំាជាតិស្ករច្រើនបង្កឱ្យមានការរលាកក្នុងខ្លួន និងក្នុងពោះវៀន ហើយយូរៗ​ទៅ​កូន​នឹង​មានជំងឺអូតូអ៊ីម្ញូន (ជំងឺប្រព័ន្ធភាពសុំាវាយប្រហារខ្លួនឯង) ដែលបង្កឱ្យមានបញ្ហាស្បែក ឬ​អាលែក​ហ្ស៊ី

    health-tool-icon

    គណនាថ្ងៃសម្រាលកូន

    ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

    រយៈពេល​វដ្ដរដូវ

    28 ចំំនួន​ថ្ងៃ​

    ១. ផលប៉ះពាល់នៃការកើនឡើងបាក់តេរីអាក្រក់ក្នុងពោះវៀនកូន

    ក្រពះពោះវៀនមានសុខភាពល្អគឺមានតុល្យភាពរវាងបាក់តេរីល្អ (៨០%) និងអាក្រក់នៅក្នុងពោះវៀន (២០%)។ ការកើនឡើងនៃបាក់តេរីអាក្រក់ក្នុងពោះវៀនបង្កឱ្យកូន៖

    ខ្វះសារធាតុចិញ្ចឹម៖ ខ្វះបាក់តេរីល្អៗដើម្បីបំបែក និងស្រូបយកសារធាតុចិញ្ចឹម​ពីចំណី អាហារ​ទៅចិញ្ចឹមរាងកាយ

    ងាយឈឺ៖ ប្រព័ន្ធភាពសុំាកូនចុះខ្សោយ ព្រោះកង្វះបាក់តេរីល្អៗដើម្បីប្រយុទ្ធប្រឆាំង​នឹង​បាក់តេរី ឬវីរុសអាក្រក់ពីខាងក្រៅ

    មានសុខភាពផ្លូវចិត្តមិនល្អ៖ ពេលបាក់តេរីល្អៗក្នុងពោះវៀនថយចុះ ការផលិតអ័រម៉ូន serotonin (អ័រម៉ូនធ្វើឱ្យអារម្មណ៍ល្អ) ក៏ថយចុះដែលប៉ះពាល់ដល់ការអភិវឌ្ឍខួរក្បាល

    ទល់លាមក៖ ខ្វះបាក់តេរីល្អៗក្នុងការជួយពោះវៀន​បញ្ចេញកាកសំណល់​អាហារ​ពី​រាងកាយ

    ទល់លាមក

    ចង់គណនាថ្ងៃមេជីវិតញីទុំធ្លាក់ ចុចទីនេះ!
    ចង់គណនាថ្ងៃសម្រាលកូន ចុចទីនេះ!
    ចង់គណនាទម្ងន់ស្រ្តីពពោះ ចុចទីនេះ!
    ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

    ២. តិចនិចស្តារសុខភាពក្រពះពោះវៀនកូន

    ម៉ាក់ប៉ាអាចស្តារសុខភាពក្រពះពោះវៀនកូនតាមរយៈការបង្កើនបាក់តេរីល្អៗក្នុងពោះវៀនកូនដោយឱ្យកូន៖

    – កាត់បន្ថយការញុំាអាហារមានជាតិផ្អែម
    – ញុំាអាហារសម្បូរបាក់តេរីល្អៗ (Probiotics) ដូចជា ទឹកដោះគោជូរ គីមឈី ជ្រក់។ល។ ដើម្បី​បង្កើន​បាក់តេ​រី​ល្អៗ​នៅក្នុងពោះរៀន
    – ញុំាបន្លែ និងផ្លែឈើស្រស់ឱ្យបានច្រើនព្រោះ​សម្បូរជាតិសរសៃ (Prebiotics) ដើម្បីជំនួយ​ដល់​ការ​លូតលាស់​បាក់តេរីល្អៗនៅក្នុងពោះរៀន

    ដើម្បីស្តារ និងថែទាំសុខភាពក្រពះពោះវៀនកូន ម៉ាក់ប៉ាក៏អាចជ្រើសរើស​ឱ្យកូនញុំាទឹកដោះគោម្សៅ​ដែល​មានសារធាតុ SYNBIOTICS ដែលជាការសំយោគរវាងបាក់តេរីល្អៗ (Probiotics) ជាមួយ​នឹង​អាហារ​ជំនួយបាក់តេរីល្អៗ (Prebiotics) បានដែរ។

    អត្ថបទគួរអាន៖

    ចំណុចសំខាន់

    – ផលប៉ះពាល់នៃការញុំាជាតិស្ករកែច្នៃច្រើនពីក្មេង៖
    • ជំរុញការលូតលាស់បាក់តេរីអាក្រក់​នៅក្នុងពោះវៀន
    • ផ្លាស់ប្តូរតុល្យភាពបាក់តេរីល្អ និងអាក្រក់ក្នុងពោះវៀនកូនជាអចិន្ត្រៃយ៍
    • បង្កឱ្យក្មេងមានការរលាកក្នុងពោះវៀន និង​មានជំងឺអូតូអ៊ីម្ញូន
    – ការកើនឡើងនៃបាក់តេរីអាក្រក់ក្នុងពោះវៀនបង្កឱ្យកូន៖
    • ខ្វះសារធាតុចិញ្ចឹម
    • ងាយឈឺ
    • មានសុខភាពផ្លូវចិត្តមិនល្អ
    • ទល់លាមក
    – ម៉ាក់ប៉ាអាចស្តារសុខភាពក្រពះពោះវៀនកូនដោយឱ្យកូន៖
    • កាត់បន្ថយការញុំាអាហារមានជាតិផ្អែម
    • ញុំាអាហារសម្បូរបាក់តេរីល្អៗ (Probiotics)
    • ញុំាអាហារ​សម្បូរជាតិសរសៃ (Prebiotics)
    • ឬឱ្យកូនញុំាទឹក​ដោះ​គោម្សៅដែលមានសារធាតុ SYNBIOTICS (Probiotics + Prebiotics)

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Too much fat and sugar as a child may affect your gut health for life
    https://www.studyfinds.org/fat-sugar-affect-children-for-life/

    3 Ways Sugar & Artificial Sweeteners Affect Gut Health
    https://explore.globalhealing.com/3-ways-sugar-and-artificial-sweeteners-affect-gut-health/

    The community of bacteria living in your body have a bigger impact than you may realize — from your mood to your heart health.
    https://www.the-well.com/editorial/6-ways-out-balance-gut-affects-your-well-being

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 2 សប្ដាហ៍​កន្លងទៅ
    ត្រួតពិនិត្យដោយ វេជ្ជ. ចាន់ ស៊ីណេត