ស្ត្រីជនជាតិអាមេរិកម្នាក់ ដែលរស់នៅរដ្ឋកាលីហ្វ័រញ៉ា បានបាត់បង់ដៃ និងជើងទាំងសងខាង ក្រោយឆ្លងបាក់តេរីដ៏គ្រោះថ្នាក់មួយប្រភេទ។ យោងតាមរបាយការណ៍បានឲ្យដឹងថា ស្ត្រីរូបនោះ បានឆ្លងមេរោគ ក្រោយពីញ៉ាំត្រីទីឡាយ៉ាដែលមិនបានចម្អិនឆ្អិនល្អ។ ត្រីនេះមានផ្ទុកនូវបាក់តេរីដ៏សាហាវមួយប្រភេទ ដែលមានឈ្មោះថា “Vibro Vulnificus” ហើយភាគច្រើនមាននៅក្នុងទឹកសមុទ្រ និងគ្រឿងសមុទ្រឆៅ។
ស្រ្តីជនជាតិអាមេរិកម្នាក់ធ្លាក់ខ្លួនពិការ និងស្ទើរតែបាត់បង់ជីវិត ក្រោយញ៉ាំត្រីទីឡាយ៉ា
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
តើស្ត្រីរងគ្រោះមានស្ថានភាពយ៉ាងដូចម្តេច?
ក្រោយញ៉ាំត្រីទីឡាយ៉ារួច លោកស្រី Laura Barajas បានធ្លាក់ខ្លួនឈឺភ្លាមៗ ដោយតម្រូវឲ្យដាក់ម៉ាសុីនសប់ដង្ហើម។ ការឆ្លងមេរោគនេះ បានរាលដាលទៅកាន់ផ្នែកផ្សេងៗនៃរាងកាយ ដោយម្រាមដៃ ប្រអប់ជើង និងបបូរមាត់ខាងក្រោមប្រែទៅជាពណ៌ខ្មៅ រួមជាមួយនឹងការបង្ករោគក្នុងឈាម ហើយតម្រងនោមទាំងពីរក៏មិនអាចដំណើរការប្រក្រតីបានដែរ។
តើគ្នាយើងអាចឆ្លងមេរោគនេះដោយរបៀបណា?
ការឆ្លងមេរោគនេះ អាចបង្កគ្រោះថ្នាក់ដល់អាយុជីវិត បើព្យាបាលមិនទាន់ពេលវេលាទេនោះ ហើយបាក់តេរីប្រភេទនេះ ច្រើនតែលូតលាស់នៅក្នុងទឹកសមុទ្រ និងគ្រឿងសមុទ្រ។
យោងទៅតាមមជ្ឈមណ្ឌលត្រួតពិនិត្យ និងបង្ការជំងឺឆ្លង (CDC) បានបញ្ជាក់ថា មានករណីដូចគ្នានេះប្រមាណជា១៥០ ទៅ២០០ករណីដែលកើតឡើងជារៀងរាល់ឆ្នាំនៅក្នុងសហរដ្ឋអាមេរិក ហើយម្នាក់ក្នុងចំណោម៥នាក់ អាចគ្រោះថ្នាក់ដល់អាយុជីវិត។
ហេតុដូច្នេះហើយ គ្នាយើងគួរញ៉ាំអាហារដែលចម្អិនឆ្អិនល្អជានិច្ច ដើម្បីជៀសផុតពីការឆ្លងមេរោគដ៏កាចសាហាវផ្សេងៗ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម