ជំងឺឆ្លង Archives - Page 45 of 61

ជំងឺអាថ៌កំបាំងមួយ បានសម្លាប់កុមារជាង៥០នៅប្រទេសកុងហ្គោ

ជំងឺអាថ៌កំបាំងមួយ ដែលដំបូងត្រូវបានគេរកឃើញថា បានកើតលើកុមារ៣នាក់ ក្រោយពីបានបរិភោគសត្វប្រចៀវ បានសម្លាប់កុមារច្រើនជាង៥០នាក់ នៅភាគពាយ័ព្យនៃប្រទេសសាធារណរដ្ឋប្រជាធិបតេយ្យកុងហ្គោ ក្នុងរយៈពេល៥សប្តាហ៍ចុងក្រោយនេះ។ នេះបើយោងទៅតាមការចេញផ្សាយរបស់គេហទំព័រ South China Morning Post។ លោក Serge Ngalebato នាយកផ្នែកវេជ្ជសាស្រ្តនៃមន្ទីរពេទ្យ Bikoro ដែលជាមជ្ឈមណ្ឌលតាមដានប្រចាំតំបន់នោះ បានបញ្ជាក់ថា ចន្លោះពេលនៃការចាប់ផ្តើមនៃចេញរោគសញ្ញា ដែលរួមមានគ្រុនក្តៅ ក្អួត និងហូរឈាមខាងក្នុងខ្លួន និងការស្លាប់ គឺមានតែរយៈពេល 48 ម៉ោងប៉ុណ្ណោះ ក្នុងករណីស្លាប់ភាគច្រើនរបស់កុមារទាំងនោះ។ ចុចទីនេះ ដើម្បីគណនាថ្ងៃមេជីវិតញីទុំធ្លាក់ ចុចទីនេះ ដើម្បីគណនាថ្ងៃសម្រាលកូន ចុចទីនេះ ដើម្បីគណនាការឡើងទម្ងន់ស្ត្រីអំឡុងពពោះ ចុចទីនេះ ដើម្បីគណនាទម្ងន់ធៀបកម្ពស់ (BMI) ចុចត្រង់នេះ ដើម្បីមើលកាលវិភាគចាក់វ៉ាក់សាំងទារក ហើយលោកបានបញ្ជាក់ថា ការវិវឌ្ឍដ៏រហ័សបែបនេះ ជារឿងដ៏គួរឱ្យព្រួយបារម្ភ។ រោគសញ្ញាដែលនាំឱ្យមានការហូរឈាមទាំងនេះ ហាក់មានទំនាក់ទំនងជាទូទៅទៅនឹងមេរោគដ៏សាហាវដែលគេស្គាល់ដូចជា អេបូឡា គ្រុនឈាម Marburg និងគ្រុនលឿង ប៉ុន្តែក្រុមអ្នកស្រាវជ្រាវបានបញ្ជាក់ថា មិនមានការទងទងនឹងជំងឺទាំងនោះឡើយ បើផ្អែកលើការធ្វើតេស្តគំរូជាច្រើន ដែលប្រមូលបានរហូតមកដល់ពេលនេះ។ ការផ្ទុះឡើងនៃជំងឺឆ្លងក្នុងប្រទេសកុងហ្គោនាពេលថ្មីៗនេះ បានចាប់ផ្តើមកាលថ្ងៃទី 21 ខែមករា ដោយមានករណីឆ្លងចំនួន 419 ករណី ហើយ 53 នាក់បានស្លាប់។ អង្គការសុខភាពពិភពលោកហៅកាត់ថា WHO ប្រចាំនៅទ្វីបអាហ្វ្រិក […]

វីរុសកូរ៉ូណា

រាងកាយកូនក្មេង ឆ្លើយតបនឹងការឆ្លងកូវីដ-១៩ បានល្អជាងមនុស្សចាស់?

យើងឃើញហើយថា ពីមួយថ្ងៃទៅមួយថ្ងៃករណីនៃការឆ្លងកូវីដមានការកើនឡើងស្ទើរគ្រប់ទីកន្លែងក្នុងប្រទេសកម្ពុជាយើង ក្នុងនោះមានទាំំងអ្នកជំងឺចាស់ និងក្មេងៗ រហូតដល់អាយុ២ខែក៏មាន។ ខណៈពេលដែលក្មេងៗអាចឆ្លងជំងឺកូវីដ-១៩នេះបានដូចមនុស្សធំដែរ ប៉ុន្តែពួកគេមិនបញ្ចេញអាការៈឈឺដូចមនុស្សធំធម្មតាទេ។ ក្មេងៗភាគច្រើនដែលកើតជំងឺនេះ បញ្ចេញរោគសញ្ញាស្រាល ឬស្ទើរតែគ្មានរោគសញ្ញាតែម្ដង។ ហេតុអីបានរាងកាយកូនក្មេងឆ្លើយតបនឹងជំងឺកូវីដ-១៩ខុសពីមនុស្សធំ? តាមការឲ្យដឹងពី Mayoclinic ថា មិនទាន់មានចម្លើយច្បាស់លាស់ណាមួយអាចបញ្ជាក់ពីសំណួរនេះបាននៅឡើយទេ។ ប៉ុន្តែ អ្នកជំនាញមួយចំនួនអះអាងថា កូនក្មេងអាចមិនទទួលផលប៉ះពាល់អាក្រក់ដូចមនុស្សធំទេ បើឆ្លងកូវីដ-១៩ ពីព្រោះមានវីរុសផ្លូវដង្ហើមមួយចំនួនបង្កជាជំងឺដូចផ្ដាសាយដែរ។ ដោយសារតែកូនក្មេងភាគច្រើនឧស្សាហ៍កើតជំងឺផ្ដាសាយ ប្រព័ន្ធភាពស៊ាំរបស់ពួកគេ អាចក្លាយជារនាំងប្រឆាំងនឹងជំងឺនេះបានល្អជាងមនុស្សធំ។ វាក៏អាចទៅរួចដែរដែលប្រព័ន្ធភាពស៊ាំរបស់កុមារធ្វើអន្តរកម្មជាមួយវីរុសនេះ ខុសគ្នាជាមួយប្រព័ន្ធភាពស៊ាំរបស់មនុស្សពេញវ័យ។ មនុស្សធំខ្លះ ធ្លាក់ខ្លួនឈឺដោយសារប្រព័ន្ធភាពស៊ាំរបស់មនុស្សបញ្ចេញប្រតិកម្មជ្រុលឆ្លើយតបនឹងវីរុសនេះ ជាហេតុបណ្ដាលមានការខូចខាតលើសដើមដល់សុខភាព។ ផ្ទុយទៅវិញ កុមារមួយចំនួនក៏អាចធ្លាក់ខ្លួនឈឺធ្ងន់ធ្ងរ និងប៉ះពាល់ដល់ជីវិតពីវីរុសកូវីដ-១៩ នៅពេលឆ្លងបានដែរ។ ក្មេងខ្លះទាមទារការយកចិត្តទុកដាក់ខ្ពស់ពីគ្រូពេទ្យ អាចត្រូវការសង្រ្គោះបន្ទាន់ និងត្រូវការជំនួយពីឧបករណ៍ ដើម្បីដកដង្ហើម។ នេះបើតាមការលើកឡើងពីរបស់មជ្ឈមណ្ឌលគ្រប់គ្រង និងបង្ការជំងឺអាមេរិក (CDC)។ លើសពីនេះ ក្មេងដែលប្រឈមគ្រោះថ្នាក់សុខភាពខ្លាំងនៅពេលដែលឆ្លងជំងឺនេះរួមមាន៖ មានជំងឺធាត់ ទឹកនោមផ្អែម ហឺត បេះដូង អាយុក្រោម ២ឆ្នាំ កើតមិនគ្រប់ខែ។ល ទន្ទឹមនឹងនេះ វ៉ាក់សាំងការពារជំងឺកូវីដ-១៩នេះ ត្រូវបានដាក់ឲ្យប្រើប្រាស់ស្ទើរតែគ្រប់ប្រទេស ហើយភាគច្រើនអ្នកដែលអាចចាក់វ៉ាក់សាំងទាំងនោះបានជាមនុស្សធំពេញវ័យចាប់ពី១៦ឆ្នាំឡើងទៅ។ ហេតុនេះហើយ មានក្រុមហ៊ុនជាច្រើនបានកំពុងចាប់ផ្ដើមសិក្សាបន្ថែមពីការប្រើប្រាស់ថ្នាំវ៉ាក់សាំងលើក្មេងអាយុ ១២ឆ្នាំ និងក្មេងអាយុក្រោមនេះ។