ដំណេក

ចំណេះដឹងទូទៅ

ដំណេក

ប៉ុន្មានវិធីនេះអាចដោះស្រាយបញ្ហាងងុយគេងក្រោយបាយថ្ងៃត្រង់

បន្ទាប់ពីម៉ោងបាយថ្ងៃត្រង់ហើយស្រាប់តែមានមានអារម្មណ៍ថា ងងុយគេង ទន់ភ្នែក អស់កម្លាំង ដែលនេះស្ទើរតែក្លាយជាទម្លាប់ប្រចាំថ្ងៃទៅហើយ។ មកទល់ពេលនេះក៏មិនទាន់មានការសិក្សាណាអាចស្រាយបង្ហាញពីមូលហេតុឲ្យបានច្បាស់លាស់នៅឡើយទេ ប៉ុន្ដែយើងអាចដោះស្រាយទម្លាប់នេះបានដោយសាកល្បងអនុវត្ដវិធីមួយ​ចំនួន​។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ១.ធ្វើសម្មភាពរាងកាយ បន្ទាប់ពីញ៉ាំបាយហើយ មានអារម្មណ៍ថាងងុយគេង យើងអាចធ្វើសកម្មភាពផ្សេងៗបានដូចជា ការដើរទៅនេះទៅនោះ ឬការនិយាយលេងជាមួយមិត្ដភក្ដិជាដើម។ ការធ្វើសកម្មភាពរាងកាយ ជួយឲ្យសាច់ដុំធ្វើចលនាប្រើប្រាស់ថាមពល និងចរន្ដឈាមដំណើរការស្រួល ដូច្នេះយើងអាចចំណាយពេល យ៉ាងហោចបានចន្លោះពី ៥ ទៅ ១០នាទី បន្ទាប់ពីញ៉ាំអាហារគឺគ្រប់គ្រាន់ហើយ។ ២.ញ៉ាំចំណីចំណុក ញ៉ាំចំណីចំណុកបន្ដិចបន្ដួច ប៉ុន្ដែច្រើនដងអាចជួយបន្លប់អារម្មណ៍យើងមិនឲ្យងងុយគេងបាន។ ពិសេសពពួកផ្លែឈើសម្បូរវីតាមីន C, B, A, ប៉ូតាស្យូម ដែលជំនួយដល់ស្មារតី និង ខួរក្បាល។ ៣.ផឹកទឹកឲ្យបានគ្រប់គ្រាន់ ការញ៉ាំទឹកឲ្យបានគ្រប់គ្រាន់គឺជួយទៅដល់ការបំពេញជាតិទឹកក្នុងរាងកាយ មិនតែប៉ុណ្ណោះ ក៏ជាចំណែកមួយជួយបង្កើនថាមពលផងដែរ។ ការសិក្សាបានបង្ហាញថា រាងកាយបាត់បង់ជាតិទឹក ១% អាចធ្វើឲ្យថាមពលយើងចុះខ្សោយដល់ទៅ ១០%។ ៤.ញ៉ាំតែ ឬកាហ្វេ ជាតិកាហ្វេអ៊ីនដែលមាននៅក្នុងតែ ឬ កាហ្វេទោះមានបរិមាណតិច ក៏អាចជួយកាត់បន្ថយអាការៈ​ងងុយគេងបានដែរ។ ដូច្នេះយើងអាចអនុវត្ដវិធីនេះបាន ត្រឹមកាហ្វេ ឬតែមួយពែង អាចជួយដាស់ស្មារតីឲ្យរឹងមាំ ប៉ុន្ដែត្រូវប្រយ័ត្នប្រយែង ពេលឆុងកាហ្វេ ឬតែ គួរកាត់បន្ថយការបន្ថែមស្ករ ព្រោះស្ករច្រើនអាចធ្វើឲ្យយើងមានអារម្មណ៍ងងុយគេងវិញ។ ៥.មើលវីដេអូ […]

អត្ថបទផ្សេងទៀតពី ដំណេក

ដំណេកស្កប់ស្កល់

ស្វែងរក ដំណេក

ដំណេកស្កប់ស្កល់

គ្រោះថ្នាក់កម្រិតណា បើអត់ឧស្សាហ៍សម្អាតកន្លែងគេង?

ក្នុង​មួយថ្ងៃៗ យ៉ាងតិច​ក៏យើង​គេងលើ​គ្រែ ប្រមាណ ៥ម៉ោងដែរ ដូច្នេះ​បើកន្លែងគេងមាន​អនាម័យ​ល្អ ផ្ដល់ឲ្យ​យើង​នូវសុខភាព​ល្អដូចគ្នា ក្រៅពីគេងបានឆ្អែត។ តែបើគ្រែ ភួយ ខ្នើយ ពួក និង​សម្ភារៈ​ផ្សេងទៀត គ្មាន​អនាម័យ​ល្អទេ នោះវានឹង​ងាយ​បង្ក​គ្រោះថ្នាក់​ដល់​សុខភាព​របស់​យើង។ ១. បញ្ហា​អនាម័យ​លើគ្រែ នៅលើគ្រែ ឬពួក ដែល​យើង​គេងពីលើ មាន​ញើស អង្កែ និង​បាក់តេរី​ជាច្រើន ដែល​យើង​បាន​បន្សល់​ទុក​លើ​នោះ។ ដើម្បី​បំបាត់​បញ្ហា​ទាំង​នេះ ជម្រើស​ល្អ យើង​គួរបោកគក់​ភួយ ខ្នើយ កម្រាល​ពួក រៀងរាល់​សប្ដាហ៍។ ២. កោសិកាងាប់ រាងកាយយើង បញ្ចេញ​កោសិកា​ប្រមាណ ៥០០​លាន/ថ្ងៃ ហើយ​កោសិកា​ជាច្រើន បាន​ងាប់ និង​ស្ថិតនៅលើ​កម្រាល​ពួក ពេល​យើង​គេង។ ពពួក​ចៃ​តូចៗ (Mites) ចូលចិត្ត​ស៊ីកោសិកា​ដែល​ចេញមក​នេះណាស់ ហើយ​វាក៏អាច​បង្ក​អាលែកហ្ស៊ី ជំងឺហឺត និង​បញ្ហា​រមាស់​ដល់​យើង​ផងដែរ។ ៣. បាក់តេរី​លើគ្រែ កោសិកា​ងាប់ ញើស និង​ទឹកមាត់ អាច​ធ្វើឲ្យ​កម្រាល​ពួករបស់​យើង ក្លាយជា​កន្លែង ដែល​ពពួក Germs លូតលាស់ ហើយ​វាក៏​ជាមូលហេតុ​ធ្វើឲ្យ​យើង កើត​មុន​ផងដែរ។ តាម​ការពិសោធន៍ ខ្នើយ​មិនបាន​បោក​សម្អាត​រយៈ ពេល ១​សប្ដាហ៍ មាន​បាក់តេរី […]


ដំណេកស្កប់ស្កល់

ធ្លាប់ដេកហៀរទឹកមាត់អត់? នេះជាមូលហេតុ និងវិធីបំបាត់

ការដេក​ហៀរទឹកមាត់ កើតឡើង​នៅពេល​ទឹកមាត់​មាន​បរិមាណ​ច្រើន នៅក្នុង​មាត់ ហើយ​គ្រប់គ្នា អាច​មាន​បញ្ហា​នេះ យូរៗម្តង។ ប៉ុន្ដែ​បើ​ការហៀរ​ទឹកមាត់នេះ កើតឡើង​ជាទៀងទាត់ និង​ច្រើន វាអាច​ជាសញ្ញា​នៃ​ការ​វិវត្ត​ជំងឺ ឬ​រាងកាយ​យើង​ដំណើរការ​មុខងារ​ខុសប្រក្រតី។ ១. ហេតុអ្វី​បានយើង​ដេកហៀរ​ទឹកមាត់? ពេលយើង​ដេក សាច់ដុំ​ផ្ទៃមុខ​របស់​យើង ក៏មិន​ដំណើរការ​ដែរ ហើយនៅពេល​ទឹកមាត់មាន​បរិមាណ​ពេញ​ក្នុងមាត់ វា​ចាប់ផ្ដើម​ហៀរចេញ​មក​ខាងក្រៅ។ នេះក៏ដោយសារ​សាច់ដុំ​ផ្ទៃមុខ​ផងដែរ ដែល​ធ្វើឲ្យ​មាត់​ចំហ។ អ៊ីចឹងហើយ បាន​ជាពេល​ភ្ញាក់មក យើងឃើញ​ខ្នើយ​សើម។ ការហៀរទឹកមាត់ច្រើន អាចជា​សញ្ញា នៃ​ជំងឺប្រព័ន្ធសរសៃប្រសាទ ឬបណ្ដាល​មកពី​ការស្ទះ​សំបោរ។ អ្នកហៀរទឹកមាត់ ក៏អាច​បណ្ដាល​មកពី​បញ្ហា​សុខភាព​ជាច្រើន​ទៀត​ផងដែរ ដូចជា ជំងឺ​ដាច់សរសៃឈាម​ខួរក្បាល​ជាដើម។ ២. តើយើងអាច​បំបាត់​​បញ្ហានេះ ដោយ​វិធីណា? - សម្អាត​ប្រហោង​ច្រមុះ មូលហេតុ​មួយ នៃ​ការ​ដេកហៀរ​ទឹកមាត់ បណ្ដាល​មកពី​ការ​ស្ទះ​នៅក្នុង​ច្រមុះ ដែល​ធ្វើឲ្យ​យើង​ដក​ដង្ហើម​តាម​មាត់ និង​ធ្វើឲ្យ​ហៀរ​ទឹកមាត់។ ដូច្នេះ ការ​សម្អាត​សំបោរ​នៅ​ក្នុង​ប្រហោង​ច្រមុះ អាច​ជួយ​មិន​ឲ្យ​ដេក​ហៀរ​ទឹកមាត់​បាន។ ការ​មុជទឹកក្តៅ ក៏​ជួយសម្អាត​ច្រមុះ និង​ធ្វើ​ឲ្យ​ដកដង្ហើម​ស្រួល​ផងដែរ នៅពេលយប់។ យើង​ក៏អាច​ប្រើ​ផលិតផល​ផ្សេងទៀត ដើម្បី​សម្អាត​ប្រហោង​ច្រមុះ​ផងដែរ។ - ផ្លាស់ប្ដូរ​ទម្លាប់​គេង ការដេកហៀរទឹកមាត់ អាច​បណ្ដាល​មកពី​ទម្លាប់​ដេកផ្កាប់​មុខ ដែល​ធ្វើឲ្យ​ទឹកមាត់​ហៀរចេញ​មក​ខាងក្រៅ ដូច្នេះ​យើង​គួរ​ទម្លាប់​ដេកផ្ងា​វិញ ព្រោះ​ឥរិយាបទ​បែប​នេះ មិន​ធ្វើឲ្យ​ហៀរ​ទឹកមាត់​ចេញក្រៅ​ទេ ទោះបីមាន​ការ​ផលិត​ទឹកមាត់​ជាច្រើន។ ការដេក​លើ​ខ្នើយ​ខ្ពស់ ក៏ជួយ​មិនឲ្យ​ហៀរ​ទឹកមាត់​ផងដែរ។ - ពិនិត្យ​បញ្ហា​គេងមិនដកដង្ហើម (Sleep […]


បញ្ហាដំណេកផ្សេងទៀត

Jet lag (បញ្ហា​ការ​គេង​ក្រោយ​​​ឆ្លង​កាត់​ល្វែង​ម៉ោង​ខុសគ្នា)

និយម​ន័យ១- អ្វី​ជាបញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នា (Jet Lag)? បញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នា ជាភាសា​បច្ចេកទេស​ហៅថា Jet Lag ​ជា​បញ្ហា​ពិបាក​ក្នុង​ការ​គេង​បណ្ដោះ​អាសន្ន ​កើត​ឡើង​ចំពោះ​អ្នក​​ធ្វើ​ដំណើរ​លឿន ​ឆ្លង​កាត់​ដំបន់​​មាន​ល្វែង​ម៉ោង​ខុស​ៗ​គ្នា​ច្រើន។ រាង​កាយ​មនុស្ស​យើង​មាន​ម៉ោង​ពេលកំណត់​ខាង​ក្នុង ឬ​អាច​ហៅ​ថា ចង្វាក់​នៃ​សកម្មភាព​ប្រចាំ​ថ្ងៃ ជា​អ្នក​ផ្ដល់​សញ្ញា​ឲ្យ​រាង​កាយ​ពេល​ណា​ត្រូវ​ភ្ញាក់ និង​ពេល​ណា​ត្រូវ​គេង ខណៈបញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នា កើត​ឡើង​ព្រោះ​តែ​ម៉ោង​ពេលក្នុង​​រាង​កាយ នៅ​តែ​បន្តកំណត់​សកម្ម​ភាព​​ម៉ោង​តំបន់​យើង​រស់​នៅ​ចាស់នៅឡើយ​ ​មិន​ផ្លាស់​ប្ដូរ​ពេល​ទៅ​តាម​តំបន់ថ្មី យើង​​ធ្វើ​ដំណើរ​ទៅ​ដល់។ ពេល​ប្ដូរតំបន់​មាន​ល្វែង​ម៉ោង​ខុស​គ្នា​កាន់​តែ​ច្រើន យើង​​ធ្វើ​ដំណើរ​នឹង​មាន​អាការៈនឿយ​ហត់​តែ​ខ្លាំង។ បញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នា អាច​ធ្វើ​ឲ្យ​នឿយ​ហត់​នៅ​ពេល​ថ្ងៃ មាន​អារម្មណ៍​មិន​ល្អ ពិបាក​ផ្ចង់​អារម្មណ៍ និង​មាន​បញ្ហា​ក្រពះ​ពោះវៀន។ អាការៈ​ទាំង​នេះ ​កើត​មាន​ត្រឹម​រយៈពេល​ខ្លី​ប៉ុណ្ណោះ ប៉ុន្តែ​ធ្វើ​ឲ្យ​​វេលា​វិស្សមកាល ឬ​បរិស្ថាន​​ការ​ងារយើង ​មិនមាន​ផាកសុភាព​បាន។ យ៉ាង​ណា យើង​មាន​វិធី​ខ្លះ​ អាច​ជួយ​ការ​ពារ ​ឬ​កាត់​បន្ថយបញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នានេះ​បាន។ ២- វា​កើតឡើង​​ញឹក​ញាប់​ដែរ​ទេ? បញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នា កើត​មាន​ញឹក​ញាប់​ណាស់ ដូច​នេះ​សូម​ពិគ្រោះ​ជាមួយ​គ្រូពេទ្យ​ដើម្បី​ដឹង​ពីព័ត៌មាន​បន្ថែម។ រោគ​សញ្ញា៣- រោគ​សញ្ញាបញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នាមាន​អ្វី​ខ្លះ? រោគ​សញ្ញា​ទូទៅ​នៃ​ មាន​ដូច​ជា៖ – ពិបាក​គេង ភ្ញាក់​ពី​ដំណេក​លឿន​ជាង​ធម្មតា ឬ​ងងុយ​គេង​ខ្លាំង – អស់​កម្លាំង​នៅ​ពេល​ថ្ងៃ – ពិបាក​ផ្ចង់​អារម្មណ៍ ឬ​បំពេញ​មុខងារ​មិន​ល្អ​ដូច​មុន – មាន​បញ្ហា​ក្រពះ ទល់លាមក ឬ​រាក – មាន​អារម្មណ៍​ថា​មិន​ស្រួល​ខ្លួន – ផ្លាស់​ប្ដូរ​អារម្មណ៍ រោគ​សញ្ញា​អាច​មាន​ខុសៗ​គ្នា អាស្រ័យ​លើ​​មនុស្ស​ម្នាក់ៗ ​អាច​មាន​មួយ ឬ​អាច​មាន​ច្រើន​ ​ក្នុង​ចំណោម​រោគ​សញ្ញា​បង្ហាញ​ខាង​លើ។ រោគសញ្ញា បញ្ហាការ​គេង​ក្រោយ​ឆ្លង​កាត់​ល្វែង​ម៉ោង​ខុសគ្នាជា​ទូទៅ​កើត​មាន​នៅ​អំឡុង​ថ្ងៃ​ធ្វើ​ដំណើរ […]


បញ្ហាដំណេកផ្សេងទៀត

ម៉េចបានពេទ្យហាមមិនឲ្យយើង ឬក្មេងៗគេងផ្កាប់មុខ ហើយប៉ះពាល់អីខ្លះ?

ចាស់ៗ​តែងហាមកូនចៅមិនឲ្យគេង​ផ្កាប់មុខ ខ្លាច​រកស៊ី​អត់ឡើង។តែបើតាម​ហេតុផល​វេជ្ជសាស្ត្រ ពេទ្យ​ក៏​ហាម​មិន​ឲ្យ​ក្មេងៗ ឬគ្នា​យើង ទម្លាប់​គេង​ផ្កាប់​មុខដែរ ព្រោះ​ប៉ះពាល់​សុខភាព​ច្រើន។ “Hello គ្រូពេទ្យ” នឹង​បញ្ជាក់​ពី​ហេតុផល​​ខាងក្រោម។ ១- ប៉ះពាល់​ឆ្អឹង​កងខ្នង មនុស្ស​ជា​ច្រើន មិន​ថា​ក្មេង​មិន​ថា​ចាស់ សុទ្ធ​តែ​ធ្លាប់​គេង​ផ្កាប់ ហើយ​គេង​បែប​នេះ នឹង​បង្ក​ឲ្យ​មាន​ការ​ឈឺ​ចាប់​ចំនួន មិន​ថា​តែ​ក្នុង​សន្លាក់ ខ្នង ឆ្អឹង​កង ឬ​ក​នោះ​ទេ។ ពេល​ខ្លះ អាច​បង្ក​ឲ្យ​ឈឺ​កាន់​តែ​ខ្លាំង នាំ​ឲ្យ​យើង​ភ្ញាក់​ភ្លាមៗ​ទាំង​កណ្តាល​យប់​ក៏​មាន។ ផល​វិបាក​អាការៈ​ឈឺ​ចាប់​នេះ អាច​ប៉ះពាល់​ដល់​ផាសុកភាព​ជីវិត មាន​ទាំង​ការគេង​មិន​លក់ និង​ឈឺ​ចាប់​ ​ពេល​បញ្ចេញ​សកម្មភាព​រាង​កាយ​ម្តងៗ ព្រោះ​ថា ពេល​គេង​ផ្កាប់​មុខ ការ​សង្កត់ និង​ភាព​តឹង​ណែន​លើ​ឆ្អឹង​ខ្នង ឆ្អឹង​ជំនីរ​កាន់​តែ​កើន​ឡើង ហេតុ​នេះ​ទម្រង់​ឆ្អឹង​ផ្សេងៗ​ត្រូវ​ទ្រ​បន្ទុក​កាន់​តែ​ខ្លាំង។ ឆ្អឹង​ខ្នង​ស្រដៀង​ទៅ​នឹង​បំពង់​សម្រាប់​ដាក់​សរសៃ​ប្រសាទ នាំ​ឲ្យ​រាង​កាយ​ទាំង​មូល មាន​ការ​ឈឺចាប់​បណ្តាល​មក​ពី​ការ​សង្កត់​លើ​ឆ្អឹង​ខ្នង។ ២- ប៉ះ​ពាល់​ដល់ឆ្អឹង​ក អំឡុង​ពេល​គេង​ផ្កាប់​មុខ ​យើង​ច្បាស់​ជា​ត្រូវ​គេង​ងាក​កទៅ​ម្ខាង​ ដើម្បី​ងាយ​ស្រូប​យក​អុកស៊ីហ្សែន។ ធ្វើ​បែប​នេះ នឹង​នាំ​ឲ្យ​ក្បាល និងឆ្អឹង​កង​មិន​ត្រង់ មាន​ន័យ​ថា ក​យើង​រមួល។ បញ្ហា​​នេះ ភ្លាមៗ​មិន​បង្ក​ផល​វិបាក​ធំ​ដុំ​អី​ទេ តែ​យូរៗ​ទៅ​នឹង​កាន់​តែ​ធ្ងន់ និង​ក៏​ជា​កត្តា​គ្រោះថ្នាក់​បំផុត​មួយ​ផង​ដែរ។ បន្ទាប់​មក ពេល​គេង​ក្នុង​ទម្រង់​បែប​នេះ ក​នឹង​មាន​ហានិភ័យ​លៀន​ទ្រនាប់​ឆ្អឹង​កង​នៅ​ក ដែល​ចាត់​ទុក​ជា​ការ​ភ្លាត់​ឆ្អឹង​ធ្ងន់ធ្ងរ​ ត្រូវ​ចៀស​វាង​ឲ្យ​បាន។ ពេល​ឆ្អឹង​ខ្នង​ឈាន​ព្រំដែន​របស់​វា ឬ​និយាយ​ម្យ៉ាង​ទៀត ការ​បត់​បែន​ដល់​ព្រំ​ដែន​ នោះ​ទ្រនាប់​ឆ្អឹង​ខ្នង​នឹង​មាន​សភាព​ទន់​ ងាយ​នឹង​បែក​បាក់​បាន។ […]


ដំណេកស្កប់ស្កល់

គេងលក់ស្កប់ស្កល់ជួយរាងកាយយើងបានច្រើនដល់ម្ល៉ឹង!

មនុស្ស​ម្នាក់​ៗ​ប្រាកដជា​ត្រូវការ​សម្រាក​ពេល​យប់​ឲ្យ​បាន​គ្រប់គ្រាន់ ដូចនេះ​ការ​គេង​បាន​ស្កប់ស្កល់​ពិតជា​សំខាន់​ណាស់។ លោក​វេជ្ជបណ្ឌិត​ផ្នែក​ទូទៅ​ លី ឬទ្ធី​គុណ និង​ជា​​ម្ចាស់​សេវា​កម្ម​ថែទាំ​មនុស្ស​ចាស់​តាម​គេហដ្ឋាន បាន​​ឲ្យ​​ប្រាប់​​ពី​​អត្ថប្រយោជន៍​​បាន​​មក​ពី​​ការ​​គេង​​លក់​ស្កប់​យោ៉ង​ហោច​ណាស់​ឲ្យ​បាន ៨ ម៉ោង ទើប​ល្អ​​ចំពោះ​​សុខភាព​​រាងកាយ និង​​សុខភាព​​ផ្លូវ​ចិត្ត​​។ ប្រសិនបើ​យើង​មាន​អាការៈ​មិន​ស្រួល​ខ្លួន ឬ​មាន​ជំងឺ​ណា​មួយ មកពី​គេង​មិន​បាន​គ្រប់គ្រាន់ ដូចនេះ​គួរ​សម្រាក​ដោយ​ការ​គេង​សន្សំ​កម្លាំង នោះ​ពេល​ដឹង​ខ្លួន​ម្ដង​ទៀត​នឹង​ស្រស់ស្រាយ។ លោក​ក៏​បាន​បន្ត​ទៀត​ថា ពេល​គេង​ត្រឹមត្រូវ​ជួយ​ឲ្យ​អារម្មណ៍​ស្រស់ថ្លា និង​មាន​ស្មារតី​រឹងមាំ​ល្អ៖ ” ការ​ដេក​លក់​មាន​សារៈសំខាន់​ណាស់ ហើយ​វា​ជា​ផ្នែក​មួយ​នៃ​ជីវិត​របស់​យើង ព្រោះ​ពេល​គេង​រាងកាយ​របស់​យើង​បាន​បញ្ចូល​ថាមពល​ឡើងវិញ​បន្ទាប់ពី​ធ្វើការ ឬ​សិក្សា​អស់​កម្លាំង​ពេញ​មួយ​ថ្ងៃ”។ អត្ថបទ​ពាក់ព័ន្ធ៖ ​​កើត​ជំងឺ​លើស​ឈាម គួរ​គេង​របៀប​នេះ ទើប​មិនដាច់​សរសៃ​ឈាម ការ​គេង​លក់​គ្រប់គ្រាន់​​នៅ​កន្លែង​​ពុំ​មាន​សំឡេង​រំខាន បរិយាកាស​ល្អ មានផាសុកភាព​ធ្វើឲ្យ​ការ​ចងចាំ​បាន​ល្អ គ្មាន​សម្ពាធ ឬ​ស្ដ្រេស គ្រប់គ្រង​ជាតិស្ករ​ក្នុង​ខ្លួន​បាន​ល្អ ប្រព័ន្ធភាព​សុាំដំណើរការ​ល្អ ​សុខភាពបេះដូងដើរបានល្អ។ ​វេជ្ជបណ្ឌិត  ឬទ្ធីគុណ ក៏​បាន​បញ្ជាក់​តាម​រយៈការ​សិក្សា​កន្លង​មក​របស់​លោក​បាន​បង្ហាញ​ថា គេង​លក់​ស្កប់​នឹង​អាច​បញ្ច្រៀស​គ្រោះថ្នាក់​ចរាចរណ៍​បាន​ទៀត​ផង។ វេជ្ជបណ្ឌិត​វ័យ ២៩ ឆ្នាំ បាន​ឲ្យ​ដំបូន្មាន​​ថា ពេល​យើង​កំពុង​ដេក រាងកាយ​របស់​យើង​បាន​សម្រាក ហើយ​សរីរាង្គ​ទាំងអស់​ក៏​ដូចគ្នា​ដែរ វា​ប្រៀប​ដូច​បុគ្គលិក​ធ្វើការ​ងារ គ្មាន​មេកើយ​ដែរ ពីព្រោះ​គ្មាន​នរណា​ម្នាក់មក​​គ្រប់គ្រង​ពួកគេ​ទៀត​ទេ។ មិន​តែ​ប៉ុណ្ណោះ​ការ​គេង​ត្រឹមត្រូវ​អាច​ជួយ​មនុស្ស​ឲ្យ​ឆាប់​សះស្បើយ​ពី​ជំងឺ និង​អាច​រស់​នៅ​បាន​យូរ​អង្វែង​ថែម​ទៀត​ផង។ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា […]


ដំណេកស្កប់ស្កល់

មានបញ្ហា​រមាស់​ពេល​យប់ អាចសាកដោះស្រាយ​វិធី​នេះ

ឲ្យ​តែ​ដល់​ពេល​គេង​ រមាស់​នោះ​រមាស់ ងូត​ទឹក​ហើយនៅ​តែ​មិន​បាត់​ទៀត ធុញ​ខ្លាំង​មិន​អ៊ីចឹង? គ្នា​យើង​ណា​ខ្លះ​ធ្លាប់​ជួប​បញ្ហា​រមាស់​ស្បែកពេល​យប់? មាន​ដឹងម៉េច​បាន​ជា​រមាស់​អត់? ចុះ​ធ្វើ​ម៉េច​បាត់​រមាស់? សំណួរ​ទាំង​នេះ “Hello គ្រូពេទ្យ” នឹង​លម្អិត​ឲ្យ​គ្នា​យើង​បាន​ដឹង​ ទាំង​​មូល​ហេតុ​នាំ​ឲ្យ​រមាស់ ក៏​ដូច​​​ជា​វិធី​ដោះ​ស្រាយ​ទៀត​ផង។ ១- បញ្ហា​រមាស់​ស្បែក​នៅ​ពេល​យប់ រមាស់​ ឬរមាស់​ស្បែក ​ជា​រឿយៗ​រើ​ខ្លាំង​ឡើង​នៅ​ពេល​យប់ ​បណ្តាល​ឲ្យ​រំខានការ​គេង​ នាំ​ឲ្យ​​គុណ​ភាព​ជីវិត​យើង​ចុះ​ខ្សោយ​ទៅ​តាម​នឹង​ដែរ ហើយ​បញ្ហា​នេះ​ ភាគ​ច្រើន​កើត​លើ​គ្នា​យើង​មាន​​ជំងឺរលាក​ស្បែក​ ដូច​ជា ​ជំងឺ Psoriasis និង​ជំងឺ​សើស្បែក។ ​ក្នុង​ចំណោម​គ្នា​យើង​មាន​បញ្ហា​រលាក​ស្បែក​ទាំង​អស់ ៦៥%​ ត្រូវ​រាយ​ការណ៍​ថា ​មាន​អាការៈរមាស់កាន់​តែ​ខ្លាំង​​នៅពេល​យប់ ហើយ​ត្រូវ​ហៅ​ជា​ទូទៅ ​រមាស់​ពេល​យប់​។​ បញ្ហា​នេះ ត្រូវ​ចាត់​ចូល​ទៅ​​ក្នុង​ជំងឺ​រមាស់ (Scabies) តែងកើតលើ​គ្នា​យើង​មាន​​ជំងឺ​ប៉ះ​ពាល់​ជាមួយ​ប្រព័ន្ធ​សរសៃឈាមក្នុង​​រាង​កាយ​ ដូច​ជា​ជំងឺ​ថ្លើម​ និង​ជំងឺ​ខ្សោយ​តម្រង​នោម​រ៉ាំ​រ៉ៃ​។​ រឿង​រំខាន​​ដំណេក​​ដោយ​សារ​ការ​រមាស់​ពេល​យប់​ បណ្តាល​ឲ្យ​ក្មេង​ៗមាន​ជំងឺសើស្បែក​ដោយ​សារ​​ងាយ​​ប្រតិកម្ម​អាលែក​ហ្ស៊ី ត្រូវ​ចំណាយ​ពេល​ដេក​ជា​មធ្យម​ ៤៦​នាទី ​​តិច​ជាង​ក្មេងៗ​ដទៃ​​ទៀត​​។​ សម្រាប់​មនុស្ស​ពេញ​វ័យ​មាន​​ជំងឺស្បែក​ ដូចជា​រលាក​ស្បែក​ដោយ​សារងាយ​មាន​ប្រតិកម្ម​អាលែក​ហ្ស៊ី​ ត្រូវ​រាយ​ការ​ណ៍​ថា អាច​​ដេក​បាន​កាន់​តែ​តិច​ និងភ្ញាក់ ២-៣ ដង/យប់ ​ធៀប​នឹង​​មនុស្ស​ពេញ​វ័យ​ដទៃ​ទៀត​ ជា​ហេតុ​ធ្វើ​ឲ្យ​គុណ​ភាព​ជីវិត​ធ្លាក់​ចុះ​​។​ ដំណេក​តិចតួច ជា​មូល​ហេតុ​បង្ក​ឲ្យ​មាន​អារម្មណ៍​មួម៉ៅ និងង​ងុយ​គេង​នៅ​ពេល​ថ្ងៃ​ នាំ​ឲ្យ​​បំពេញ​កិច្ច​ការ​ងារ​មិនបាន​ល្អ​ ថែម​ទាំង​បង្ក​ជា​​បញ្ហា​ផ្លូវ​ចិត្តទៀត​ផង​។ កាន់​តែ​គួរ​ឲ្យ​ព្រួយ​បារម្ភទៀត​នោះ​ បញ្ហា​រមាស់​នេះ […]


បញ្ហាដំណេកផ្សេងទៀត

​ក្រោក​ពី​គេង​មាន​អារម្មណ៍​ថា​ខ្សោះៗ​ខ្លួន មកពី​បែប​នេះ​សោះ!

ធ្លាប់​អត់​ពេល​ខ្លះ​ក្រោក​ពី​គេង​ មាន​អារម្មណ៍​ថា​ខ្សោះ​អស់​ពី​ក្នុង​ខ្លួន​រលីង ទាំង​ដែល​យប់​ឡើង​គេង​ដូច​រាល់​ដង​សោះ? ចម្ងល់​នេះ​ត្រូវ​បាន​វេជ្ជបណ្ឌិត​ផ្នែក​ទូទៅ​ លី ឬទ្ធី​គុណ និង​ជា​​ម្ចាស់​សេវា​កម្ម​ថែទាំ​មនុស្ស​ចាស់​តាម​គេហដ្ឋាន បាន​ប្រាប់​ឲ្យ​ដឹង​ថា ​បណ្ដាល​មក​ពី​យើង​គេង​ខ្វះ​ខ្យល់​អុកស៊ីសែន និង​កត្តា​មួយ​ចំនួន​ទៀត។ រឿង​ខ្សោះ​អស់​កម្លាំង​នេះ​មិនមែន​មកពី​កន្លែង​គេង​នោះទេ អាច​មកពី​យើងជា​មនុស្ស​ធាត់ គេង​ផ្ងារ៖“ពេល​យើង​ក្រោក​ពី​គេង​ហើយ​ខ្សោះ​នោះ ច្រើន​តែ​ជា​អ្នក​ធាត់ ហើយ​គេ​ផ្ងារ និង​គេង​ស្រមុក។ ការ​គេង​ស្រមុក​នេះ​ទៀត​សោត ជា​សញ្ញា​ដក​ដង្ហើម​មិន​បាន​គ្រប់គ្រាន់ ហើយ​ខ្លួន​យើង​ខំប្រឹង​ដក​ដង្ហើម​ត្បៀត​នឹង​បំពង់​ខ្យល់ ចឹង​ហើយ​ពេល​គេង​យើង​មិន​ដឹង​ថា​មាន​រឿង​ឡើយ”។ លោក​បាន​បន្ត​ទៀត​ថា បើ​មិន​ចង់​ដេក​ស្រមុក គួរ​ចៀសវាង​ដេក​ផ្ងារ ហើយដូរ​មក​ដេក​ចំហៀង​វិញ​បាន។ អត្ថបទ​ពាក់ព័ន្ធ៖ វិធី​ជ្រើស​រើស​ពូកគេង កុំឲ្យឈឺខ្នង ឈឺចង្កេះ វេជ្ជបណ្ឌិត​វ័យ​ក្មេង​ខាង​លើ​ក៏​បាន​បញ្ជាក់​ទៀត​ដែរ​ថា អាការៈ​បែប​នោះ​អាច​មកពី​ពេល​គេង​យើង​ឃ្លុំ​ជិត​មុខ​ពេក ឬ​ក៏​ក្នុង​បន្ទប់​គេង​ហប់​គ្មាន​ខ្យល់​អាកាស​គ្រប់គ្រាន់​ជាដើម។ អាការៈ​បែប​នេះ​មិន​បាច់​រក​ថ្នាំ ឬ​ព្យាបាល​អ្វី​ពិសេស​ឡើយ គ្រាន់តែ​យើង​ប្ដូរ​មក​គេង​ប្រកប​ដោយ​ផាសុកភាព ដោយ​ក្នុង​បន្ទប់​ត្រូវ​មាន​ខ្យល់​ចេញ​ចូល​ឲ្យ​បាន​គ្រប់គ្រាន់ និង​ឥរិយាបថ​មួយ​ចំនួន។ មួយ​វិញ​ទៀត​ករណី​នេះ​មិនមែន​មកពី​ការ​គេង​ផ្ទាល់​នៅ​លើ​ឥដ្ឋ​ការ៉ូ​ដូច​ពាក្យ​ចចាមអារ៉ាម​កន្លង​មកនោះ​​ទេ ។ អត្ថបទពាក់ព័ន្ធ៖ ៦ ក្បាច់ ជួយបង្កើនកម្លាំងក្នុងខ្លួន អត់​ខ្ចី​ផឹក​ភេសជ្ជៈ​ប៉ូវ​កម្លាំង​នាំខូច​សុខភាព   ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


ដំណេកស្កប់ស្កល់

វិធី​ជ្រើស​រើស​ពូកគេង កុំឲ្យឈឺខ្នង ឈឺចង្កេះ

ជ្រើសរើស​ប្រភេទ​ពូក​ខុស អាច​ធ្វើ​ឲ្យ​យើង​គេង​ទៅ​មិន​ស្កប់ស្កល់ ភ្ញាក់​ឡើង​ឈឺ​ចង្កេះ ឈឺ​ខ្នង។ បើ​កំពុង​មាន​បញ្ហា​នេះ ស្ដាប់​ការ​បកស្រាយ​ខាង​ក្រោម៖ ១- ស្តង់​ដារ​ពូក​​មិន​សម្រាប់​មនុស្ស​គ្រប់​គ្នា​នោះទេ ​វេជ្ជបណ្ឌិត​ Steven H. Feinsilver ​ប្រធាន​មជ្ឈមណ្ឌល​សិក្សា​អំពី​​សុខភាព​ផ្នែក​ដំណេក​ នៃ​មន្ទីរ​ពេទ្យ​ Lenox Hill សហរដ្ឋ​អាមេរិក​បាន​និយាយ​ថា គ្មាន​ពូក​ណា​​ល្អ​អាចតម្រូវ​គ្រប់​រាង​កាយ​មនុស្ស​ឡើយ ប៉ុន្តែ​យើងអាច​​ដឹង​ខ្លួន​ឯង​ថា យើង​​ត្រូវជាមួយ​​ប្រភេទពូកណា។ ឧទាហរណ៍ ​​បើ​យើង​ចូលចិត្ត​​គេង​ពូករឹងៗ​ ឬ​​កម្រិត​​រឹង​ល្មម​ ​ហើយ​មាន​អារម្មណ៍​មិន​ឈឺ​ចុក​រោយ​ខ្នង​នោះ​ យើង​អាច​រើស​ដោយ​ខ្លួន​ឯង​បាន​។ ការ​លើក​ឡើង​បែប​នេះ ក៏​ព្រោះ​តែ​ការ​សិក្សា​នៅ​ឆ្នាំ​ ២០១១ បាន​ពិសោធ​លើអ្នក​​ស្ម័គ្រ​ចិត្ត​គេង​ពូក​ប្រភេទ​ផ្សេង​ៗ​គ្នា ដោយ​លទ្ធ​ផល​បង្ហាញ​ថា ពួក​គេ​មាន​ចំណូល​ចិត្ត​រៀង​ៗ​ខ្លួន​ ពោល​គឺ​អាស្រ័យ​លើ​ភាព​សុខ​ស្រួល​ម្នាក់​ៗ​ពេញ​ចិត្ត​។ ២- ប្រភេទ​ពូក និង​កម្រិត​ឈឺ​ខ្នង​ លោក​វេជ្ជបណ្ឌិត​ Kevin M. Cerrone នាយក​ផ្នែក​ស្តារ​នីតិ​សម្បទា​នៃ​មន្ទីរ​ពេទ្យ​ NorthWell Huntington សហរដ្ឋ​អាមេរិក​ បាន​ឲ្យ​ដឹង​ថា ការ​ជ្រើស​រើស​ប្រភេទ​ពូក ​​​ជា​រឿង​ឈឺ​ក្បាល​មួយ​ដែរ​ ប៉ុន្តែ​ត្រូវ​ចាំ​ថា គួរ​រើស​យក​ប្រភេទ​ពូក​ណា​មិន​រឹង​​ពេក និង​មិន​ទន់​ពេក​។ ផ្អែក​តាម​ការ​សិក្សា​ គឺ​ពិត​ជាបង្ហាញ​​ដូចអ្វី​លោក​វេជ្ជបណ្ឌិត​លើក​ឡើង ពូក​ប្រភេទ​​​​នេះ (មិន​ទន់ មិន​រឹង​) ​ពិត​ជា​ជួយ​ទប់​​មិន​ឲ្យ​មាន​បញ្ហា​ឈឺ​ខ្នង និង​ក​ ចង្កេះ កើត​ឡើង​។ ដោយ​ឡែក​ របាយការណ៍​សិក្សា​មួយ​ពី​ប្រទេស​កាណាដា​ ធ្វើ​ឡើង​ក្នុង​​ឆ្នាំ ​២០១៤ ប្រភេទ​ពូក​កម្រិត​កណ្តាល​ […]

ad iconផ្សព្វផ្សាយពាណិជ្ជកម្ម
សំណួរដែលសួរញឹកញាប់
ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស
មាតិកា
ឧបករណ៍សុខភាព
សុខភាពរបស់ខ្ញុំ