ដំណេក

ចំណេះដឹងទូទៅ

ដំណេក

ប៉ុន្មានវិធីនេះអាចដោះស្រាយបញ្ហាងងុយគេងក្រោយបាយថ្ងៃត្រង់

បន្ទាប់ពីម៉ោងបាយថ្ងៃត្រង់ហើយស្រាប់តែមានមានអារម្មណ៍ថា ងងុយគេង ទន់ភ្នែក អស់កម្លាំង ដែលនេះស្ទើរតែក្លាយជាទម្លាប់ប្រចាំថ្ងៃទៅហើយ។ មកទល់ពេលនេះក៏មិនទាន់មានការសិក្សាណាអាចស្រាយបង្ហាញពីមូលហេតុឲ្យបានច្បាស់លាស់នៅឡើយទេ ប៉ុន្ដែយើងអាចដោះស្រាយទម្លាប់នេះបានដោយសាកល្បងអនុវត្ដវិធីមួយ​ចំនួន​។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ១.ធ្វើសម្មភាពរាងកាយ បន្ទាប់ពីញ៉ាំបាយហើយ មានអារម្មណ៍ថាងងុយគេង យើងអាចធ្វើសកម្មភាពផ្សេងៗបានដូចជា ការដើរទៅនេះទៅនោះ ឬការនិយាយលេងជាមួយមិត្ដភក្ដិជាដើម។ ការធ្វើសកម្មភាពរាងកាយ ជួយឲ្យសាច់ដុំធ្វើចលនាប្រើប្រាស់ថាមពល និងចរន្ដឈាមដំណើរការស្រួល ដូច្នេះយើងអាចចំណាយពេល យ៉ាងហោចបានចន្លោះពី ៥ ទៅ ១០នាទី បន្ទាប់ពីញ៉ាំអាហារគឺគ្រប់គ្រាន់ហើយ។ ២.ញ៉ាំចំណីចំណុក ញ៉ាំចំណីចំណុកបន្ដិចបន្ដួច ប៉ុន្ដែច្រើនដងអាចជួយបន្លប់អារម្មណ៍យើងមិនឲ្យងងុយគេងបាន។ ពិសេសពពួកផ្លែឈើសម្បូរវីតាមីន C, B, A, ប៉ូតាស្យូម ដែលជំនួយដល់ស្មារតី និង ខួរក្បាល។ ៣.ផឹកទឹកឲ្យបានគ្រប់គ្រាន់ ការញ៉ាំទឹកឲ្យបានគ្រប់គ្រាន់គឺជួយទៅដល់ការបំពេញជាតិទឹកក្នុងរាងកាយ មិនតែប៉ុណ្ណោះ ក៏ជាចំណែកមួយជួយបង្កើនថាមពលផងដែរ។ ការសិក្សាបានបង្ហាញថា រាងកាយបាត់បង់ជាតិទឹក ១% អាចធ្វើឲ្យថាមពលយើងចុះខ្សោយដល់ទៅ ១០%។ ៤.ញ៉ាំតែ ឬកាហ្វេ ជាតិកាហ្វេអ៊ីនដែលមាននៅក្នុងតែ ឬ កាហ្វេទោះមានបរិមាណតិច ក៏អាចជួយកាត់បន្ថយអាការៈ​ងងុយគេងបានដែរ។ ដូច្នេះយើងអាចអនុវត្ដវិធីនេះបាន ត្រឹមកាហ្វេ ឬតែមួយពែង អាចជួយដាស់ស្មារតីឲ្យរឹងមាំ ប៉ុន្ដែត្រូវប្រយ័ត្នប្រយែង ពេលឆុងកាហ្វេ ឬតែ គួរកាត់បន្ថយការបន្ថែមស្ករ ព្រោះស្ករច្រើនអាចធ្វើឲ្យយើងមានអារម្មណ៍ងងុយគេងវិញ។ ៥.មើលវីដេអូ […]

អត្ថបទផ្សេងទៀតពី ដំណេក

ដំណេកស្កប់ស្កល់

ស្វែងរក ដំណេក

ដំណេកស្កប់ស្កល់

ដណ្ដប់ភួយពេលគេងមិនត្រឹមតែជាទម្លាប់ តែនៅមានហេតុផលច្រើនទៀត​

នៅ​ពេល​យប់​យើង​អាច​នឹង​គេង​រើ​ទៅ​រើ​មក ហើយ​ភួយ​គឺ​របស់​តែ​មួយ​ដែល​អាច​ជួយ​ឲ្យយើង​​គេង​លក់។ នៅ​ពេល​ដណ្ដប់​ភួយ​ យើង​​អាច​នឹង​គេង​លក់​លឿន​ជាង​មុន​ទោះ​បី​ស្ថិត​ក្នុង​អាកាសធាតុ​ក្ដៅ​ក៏​ដោយ។ នេះ​អាច​មក​ពី​មូលហេតុ​មួយ​ចំនួន​ដែល​ធ្វើឲ្យ​យើង​ត្រូវ​គេង​ដណ្ដប់ភួយ​ទោះបីអាកាសធាតុ​ក្ដៅ​ប៉ុនណាក៏ដោយ។ ១. ភួយ​ជួយ​រក្សា​សីតុណ្ហភាព​រាងកាយ មនុស្សយើង​​គឺ​មាន​ឈាមក្ដៅ​​ដែលនេះ​មាន​ន័យ​ថា​រាងកាយ​​រក្សា​សីតុណ្ហភាព​ខាង​ក្នុង​ និង​ជួយ​ឲ្យ​រាងកាយ​មាន​ភាព​កក់ក្ដៅ។ ប៉ុន្តែ​នៅ​ពេល​គេង​លក់​ស្ងប់​ ការ​គ្រប់គ្រង​របស់​រាងកាយ​នឹង​មាន​ការ​ចុះ​ខ្សោយ។ ដូចនេះ​ហើយ​ទើបយើង​​ព្យាយាម​រក​របស់​នៅ​ជុំវិញ​ខ្លួន​ជា​ជំនួយ ហើយ​ភួយ​គឺ​ជា​របស់មួយ​ដែល​អាច​ជួយ​រក្សា​សីតុណ្ហភាព និង​ជួយ​រាងកាយ​ឲ្យ​ស៊ាំ​ទៅ​នឹង​សីតុណ្ហ​ភាព​​ដែល​យើង​ត្រូវការ។ ២. ភួយ​ជា​របស់​មួយ​ក្នុង​ទម្លាប់​នៃ​ការ​គេង​របស់យើង​ ទម្លាប់​អាច​ជា​មូលហេតុ​មួយ​ដែល​យើង​​ត្រូវ​ការ​ភួយ​ពេល​គេង។ នេះ​មក​ពីយើង​ទម្លាប់ដណ្ដប់​ភួយ​តាំង​ពី​ក្មេង​មក​ ហើយ​ក៏​ក្លាយ​ជាទម្លាប់​រហូត​ដល់​ពេល​ធំ​ឡើង។ ហេតុនេះ​ហើយ​ពេលយើង​​ចូល​គេង​ហើយ​ដណ្ដប់​ភួយ រាងកាយ​អាច​នឹង​ទទួល​សញ្ញា​ថា​ដល់​ម៉ោង​គេង​ហើយ។ ៣. ភួយ​ជួយ​បន្ថយ​ភាព​តានតឹង និង​អាការៈ​ថប់បារម្ភ អ័រម៉ូន serotonin គឺ​មាន​តួនាទី​សំខាន់​ក្នុង​ការ​ជួយ​ឲ្យ​យើង​​មាន​អារម្មណ៍​សប្បាយ​រីករាយ និង​ស្ងប់។ នៅ​ពេលយើង​​មាន​ភាព​តានតឹង និងអាការៈ​ថប់បារម្ភ យើង​​នឹង​មាន​ការ​លំបាក​ក្នុង​ការ​គេង​លក់។ ប៉ុន្តែនៅ​ពេល​ដែល​យើង​​ដណ្ដប់​ភួយ បរិមាណ​នៃ​អ័រម៉ូន​នេះ​នឹង​កើន​ឡើង​ ហើយ​ភាព​តានតឹង និង​ធុញថប់​ក៏​បាត់​ទៅ​ដែរ។ ៤.ភួយ​ជួយ​ឲ្យ​គេង​លក់ ភួយ​ជួយ​បង្កើត​បរិយាកាស​មួយធ្វើឲ្យ​សីតុណ្ហភាព​មិន​មាន​ការ​ប្រែប្រួល​ខ្លាំង​។ នេះ​អាច​ជួយ​ឲ្យ​យើង​​មាន​អារម្មណ៍​កក់ក្ដៅ ហើយ​កត្តា​ជំរុញឲ្យ​សីតុណ្ហភាព​រាងកាយ​ចុះ​ត្រជាក់​ក៏​មិន​ជះ​ឥទ្ធិពល​ខ្លាំងដល់រាងកាយ​ដែរ។ ដូចនេះ​យើង​នឹង​គេង​លក់​លឿន​​ហើយ​ស្ងប់​ដោយ​មិន​មាន​ការ​រំខានអ្វី។ ៥. ភួយ​ជួយ​ឲ្យ​យើង​​មាន​អារម្មណ៍​ថា​មាន​សុវត្ថិភាព ភួយ​ជំរុញ​ឲ្យ​យើង​​មាន​អារម្មណ៍​ថា​មាន​សុវត្ថិភាព​ព្រោះ​ពេល​នៅ​ក្មេងយើង​​តែង​ខ្លាច​ភាព​ងងឹត។ ដូចនេះ​ពេល​មាន​អារម្មណ៍​ភ័យ​ខ្លាច​ យើង​​នឹង​ដណ្ដប់​ភួយ​ដោយ​ជឿ​ថា​ការ​ធ្វើ​បែប​នេះ​អាច​ជួយ​ការពារ​យើង​បាន​។ អារម្មណ៍​ដែល​ត្រូវ​បាន​ការពារ​នេះ​ក៏​នៅ​រហូត​ដល់​សព្វ​ថ្ងៃ​នៅ​ពេល​យើង​​ដណ្ដប់​ភួយ។ អត្ថបទពាក់ព័ន្ធ៖ ក្រោក​ពី​គេង​មាន​អារម្មណ៍​ថា​ខ្សោះៗ​ខ្លួន មកពី​បែប​នេះ​សោះ! ចូល​គេង​មិន​ទៀង​ទាត់ ប្រយ័ត្នកើត​ជំងឺ​បេះដូង មិន​មែន​តែគេងតិច​ទេប៉ះពាល់​សុខភាព គេង​ច្រើន​ក៏​ប៉ះពាល់​​ដែរ ដឹងម៉ោងពេលចូលគេងបានត្រឹមត្រូវ ជួយកុំឲ្យ​ថ្ងៃឡើងងងុយរកធ្វើអ្វីមិនកើត ភេសជ្ជៈទាំង៥មុខនេះ ជួយសម្រាលបញ្ហារឿងគេងមិនលក់ស្កប់ស្កល់ តើយើង​ត្រូវគេងប៉ុន្មានម៉ោងទើបគ្រប់គ្រាន់? ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


បញ្ហាដំណេកផ្សេងទៀត

ហេតុផលសំខាន់៣យ៉ាង​ មិនគួរទុកទូរសព្ទជិត​ខ្លួន​នៅពេលគេង

សម្រាប់​យុវវ័យ​ ភ្ញាក់​ឡើង​ពេល​ព្រឹក​​ ហើយ​មាន​ទូរសព្ទ​នៅ​ក្បែរ​ដៃ ឆែក​មើល​ Mail ឬ Facebook ឬ​សារ​ អាច​ជា​​ទម្លាប់​ប្រចាំ​ថ្ងៃ​​ទៅ​ហើយ ដែល​មាន​ន័យ​ថា ទូរសព្ទ​នៅ​ក្បែរ​យើង​គ្រប់​​ពេល​វេលា មិន​ថា​ពេល​ថ្ងៃ​​ ឬ​ពេល​គេង​ឡើយ។ ប៉ុន្តែ​ ជា​មួយ​សកម្មភាព​នេះ យើង​ក៏​គួរ​ស្វែង​យល់ ពី​ការ​ទុក​ទូរសព្ទ​​នៅ​ក្បែរ​ខ្លួន ថា​តើ​នឹង​បង្ក​​ជា​ ផល​​មិន​ល្អ​អ្វី​ខ្លះ ក្រៅ​តែ​ពី​ផល​ប្រយោជន៍​ខាង​ទំនាក់ទំនង​។ ១. បង្ក​ជា​​អគ្គិភ័យ​ (ករណី​កម្រ​ធ្លាប់​កើត​មាន​ឡើង) នៅ​ខែ​កក្កដា ឆ្នាំ​២០១៤ នៅ​សហរដ្ឋអាមេរិក មាន​​ករណី​អគ្គិភ័យ​​កើត​ឡើង ដោយ​សារ​យុវជន​ម្នាក់ ​បាន​​​ទុក​ទូរសព្ទ​​​ចោល​នៅ​​លើ​ខ្នើយ​កើយ​​ និង​​គេង​លង់​លក់ បង្ក​ឱ្យ​ទូរសព្ទ​ឡើង​កម្តៅ និង​ឆេះ​ខ្នើយ។ ករណី​ដែល​បាន​កើត​ឡើង​នេះ បាន​​ក្លាយ​ជា​មេរៀន ដែល​មិន​គួរ​ធ្វេស​ប្រហែស ទៅ​លើ​​កម្តៅ​ចេញ​ពី​ទូរសព្ទ ដែល​យើង​​​​មិន​បាន​ចាប់​អារម្មណ៍។ អត្ថបទពាក់ព័ន្ធ៖ មើល​អេក្រង់​យូរ ភ្នែក​អាច​មាន​បញ្ហា! ប៉ុន្មាន​របៀប​ស្រួលៗ​នេះ ជួយ​ភ្នែក​ច្រើន​ណាស់ អាជ្ញាធរ​​​បារាំងឲ្យ​ប្រយ័ត្ន​​​ភ្លើង ​​LED ប្រយ័ត្ន​​ខូច​ភ្នែក ២. វិទ្យុសកម្ម ​បង្ក​ផល​ប៉ះ​ពាល់​ដល់​សុខភាព​ ទូរសព្ទ ១​គ្រឿង បញ្ចេញ​​​កម្តៅ ជា​ការ​បញ្ចូន​រលក​សញ្ញា ប្រមាណ​៩០០​ MHz ហើយ​​នេះ ​ជា​ហេតុ​ផល​ ដែល​ថាការ​ទុក​ទូរសព្ទ​ក្បែរ​ខ្លួន​យូរ បង្ក​ឱ្យ​យើង​​ឈឺ​ក្បាល ចុក​សាច់​ដុំ និង​ឈឺ​ផ្នែក​ផ្សេង​ៗ​ទៀត​នៃ​រាង​កាយ។ ដូច​នេះ ការ​បិទ​ទូរសព្ទ […]


បញ្ហាគេងមិនលក់

គេងមិនលក់រ៉ាំរ៉ៃ អាចប៉ះពាល់ដល់ខួរក្បាល ហើយអាចកើតជំងឺទាំងនេះទៀត

បញ្ហា​គេង​មិន​លក់ ជា​ធម្មតា វា​បណ្តាល​ឲ្យ​យើង​មាន​អារម្មណ៍​មិនល្អ ធីងធោង រសាប់រសល់​ពេញ​ខ្លួន ហើយ​បញ្ហា​នេះ មនុស្ស​សម័យ​ឥឡូវ​ឧស្សាហ៍កើត មិន​ថា ចាស់ ឬ​ក្មេង​ទេ។ លោក​វេជ្ជបណ្ឌិត ចាន់ ស៊ី​ណេត ឯក​ទេស​ជំងឺទូទៅ បាន​ឲ្យ​ដឹង​ថា ការ​គេង​មិន​លក់​រ៉ាំរ៉ៃ​អាច​បណ្តាល​ឲ្យ​មាន​​ផល​ប៉ះពាល់​ដល់​ខួរ​ក្បាល​របស់​យើង​។ លោក​វេជ្ជបណ្ឌិត បាន​បន្ត​ឲ្យ​ដឹង​ថា មិន​តែ​ប៉ុណ្ណោះ អ្នក​ដែល​​មាន​ជំងឺ​គេង​មិន​លក់​រ៉ាំរ៉ៃ អាច​ប្រឈម​នឹង​ការ​កើត​ជំងឺ​ជាច្រើន​រួម​មាន៖ – ជំងឺមហារីក ​​- ជំងឺបេះដូង – ជំងឺទឹកនោមផ្អែម – ជំងឺក្រពេញទីរ៉ូអ៊ីត – ច្រាលអាស៊ីដក្រពះ – ជំងឺទាក់ទង​​នឹង​ខួរក្បាល ដូចជា ស្រេ្តស និង បាក់​ទឹកចិត្ត។ ដូចនេះ ដើម្បី​ថែរក្សាសុខភាព និងសុខភាពខួរក្បាលឲ្យនៅដំណើរការបានល្អ យើងត្រូវរៀបពេលវេលាគេងឲ្យបានត្រឹមត្រូវ និងគេងឲ្យបានគ្រប់គ្រាន់។ ប្រសិនបើសង្កេតឃើញថា ខ្លួនមានជំងឺគេងមិនលក់រ៉ាំរ៉ៃ ត្រូវទៅ​ពិគ្រោះជាមួយគ្រូពេទ្យជំនាញ ដើម្បីទទួលបានការព្យាបាល​ទាន់ពេល មុនពេលវាបណ្តាលឲ្យកើតជំងឺខាងលើប៉ុន្មាននេះ។ អត្ថបទពាក់ព័ន្ធ​៖ គេង​មិនគ្រប់គ្រាន់ធ្វើឲ្យ​មាន​បញ្ហាទាំងនេះ​ដល់​ខួរក្បាល​ លេប​ថ្នាំ​ងងុយគេង​​ជួយ​បញ្ហា​ដំណេក​បាន តែ​មាន​ផល​រំខាន​ច្រើន ទម្លាប់​ញ៉ាំឆ្អែត​ភ្លាម ទម្រេតខ្លួន​គេង​ភ្លាម គ្រោះ​ថ្នាក់បំផុត កើត​មហារីក ពិបាក​គេង ​​សាក​វិធី​ទាំង​នេះ​មើល៍! ទើប​សម្រាល​ថ្មីៗ ម៉ាក់ៗ​គេង​អត់​សូវ​ស្កប់ អាច​សាក​វិធី​នេះ​បាន ចូល​គេង​មិន​ទៀង​ទាត់ ប្រយ័ត្នកើត​ជំងឺ​បេះដូង មុនពេលចូលគេង គួរចៀសវាងអាហារប៉ុន្មានប្រភេទនេះ អាចរំខានដល់​ដំណេក ប្រើ​ទូរសព្ទ​ច្រើននៅពេល​យប់ អាចប៉ះពាល់​ដល់​គុណ​ភាព​ដំណេក​ ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello […]


ដំណេកស្កប់ស្កល់

វីតាមីន និង​រ៉ែសំខាន់ៗទាំងនេះ ជួយ​ដោះស្រាយ​​បញ្ហាដំណេក

ក្រោយ​ពី​ធ្វើ​ការ​ពេញ​មួយ​ថ្ងៃ យើង​គ្រប់​គ្នា​ពិត​ជា​មាន​អារម្មណ៍​ថា​ហត់ និង​ចង់​សម្រាក។ ប៉ុន្តែ​នៅ​ពេល​ចូល​គេង យើង​ពិបាក​ក្នុង​ការ​គេង​ឲ្យ​បាន​លក់ ហើយ​នៅ​ពេល​គេង​លក់វិញ​​ បែរជាភ្ញាក់​ក្រោយ​ពី​គេង​បាន​ប៉ុន្មាន​ម៉ោង​ និង​មិន​អាច​គេង​លក់​ម្ដង​ទៀត​ទៅវិញ។ ការណ៍​នេះ​អាច​មក​ពី​របប​អាហារ​មិន​ត្រឹមត្រូវ​ដែល​មិនមាន​សារធាតុ​ចិញ្ចឹម​រាងកាយ​ត្រូវ​ការ​ក្នុង​ការ​ដំណើរការរបស់​រាងកាយ​។ អត្ថបទ​នេះ​នឹង​បង្ហាញ​គ្នា​យើង​ពីវីតាមីន និង​រ៉ែ​​សំខាន់ៗ​៧ប្រភេទ​ដែល​ជួយ​ឲ្យ​គ្នាយើង​គេង​លក់​ស្រួល និង​បង្កើន​ថាមពល​ដល់​រាងកាយ​ផងដែរ។ ១. វីតាមីន D អ្នក​ជំនាញ​ជឿ​ថា​វីតាមីន D មិនមែន​ជា​វីតាមីន​ទេ តែ​ជា​អ័រម៉ូន​ដែល​រាងកាយ​ផលិត​ក្រោម​ជំនួយ​ពីពន្លឺ​ព្រះ​អាទិត្យ។ ការ​វិភាគ​ទៅ​លើ​ការ​សិក្សា​ជាច្រើន​បាន​ចេញ​ផ្សាយ​នៅ មជ្ឈមណ្ឌលព័ត៌មាន​ជាតិ​ស្ដី​ពី បច្ចេកវិទ្យាជីវសាស្ត្រ​របស់​អាមេរិក (National Center for Biotechnology Information) បាន​រក​ឃើញ​ថា​កង្វះ​វីតាមីន D មានទំនាក់ទំនង​ខ្ពស់​នឹង​ហានិភ័យ​បញ្ហា​ក្នុង​ការ​គេង ហើយ​អ្នក​ដែល​ទទួល​បាន​វីតាមីន D តិច​ជាង​ ២០ណានូក្រាម(ng)/មីល្លិលីត្រ ​អាច​បង្កើន​ហានិភ័យ​បញ្ហា​ក្នុង​ការ​គេង។យើង​អាច​ទទួល​បាន​វីតាមីន D ពី​អាហារបំប៉ន និង​ពន្លឺ​ព្រះអាទិត្យ។ អាហារ​ដែល​មាន​វីតាមីន D មាន​ស៊ុត ត្រីសាល់ម៉ុន ត្រីធូណា និង​ផ្សិត។ ២. វីតាមីន E ការសិក្សា​ឆ្នាំ​២០១១​ ពីឥទ្ធិពលរបស់​វីតាមីន E ទៅ​លើ​ការ​ការពារ​ប្រព័ន្ធ​ប្រសាទ​បាន​បង្ហាញ​ថា​វីតាមីន E អាច​បង្ការ​ការ​គេង​មិន​គ្រប់គ្រាន់​ដែល​អាច​បង្កឲ្យ​ការ​ចងចាំ​ចុះ​ខ្សោយ ក៏​ដូចជា​រក្សា​លំនឹង​សកម្មភាពសារធាតុ​អុកស៊ីតកម្ម​នៅផ្នែក hippocampus នៅ​ក្នុង​ខួរក្បាល​នៅ​ពេល​គេង​មិន​គ្រប់គ្រាន់។ បន្ថែម​ពី​នេះ​ទៀត វីតាមីន […]


ដំណេកស្កប់ស្កល់

ក្រោយបាយថ្ងៃត្រង់​​ចេះតែងងុយគេង​ពិបាកធ្វើការ សាកតិចនិក​នេះជួយ​ដោះស្រាយ​បាន

នៅ​ថ្ងៃ​ធ្វើ​ការ​ក្រោយ​បាយ​ថ្ងៃ​ត្រង់​គ្នា​យើង​ខ្លះអាចមាន​អារម្មណ៍ថា​​ងងុយគេង ដែលនេះ​មក​ពី​កម្រិត​គ្លុយកូស​ អ័រម៉ូន cortisol និង​អ័រម៉ូន​អាំងស៊ុយលីន​មាន​ការ​ធ្លាក់​ចុះ​។ ដោយសារ​នៅ​កន្លែង​ធ្វើ​ការ​មិន​អនុញ្ញាត​ឲ្យ​យើង​គេង​ក្នុង​ម៉ោង​ធ្វើ​ការ​ តើយើង​អាចដោះស្រាយ​បែបណាបាន​? ប៉ុន្មាន​វិធី​ខាងក្រោម​នេះ​អាច​ជួយ​យើង​​បង្កើន​ថាមពល​បាន និង​បង្ការ​ភាព​ហត់នឿយ​នៅ​ពេល​រសៀល​ផងដែរ។ ១. អាហារ​សម្រន់ ការ​ញ៉ាំ​អាហារ​សម្រន់​ពេល​រសៀល​អាច​ផ្តល់​សារធាតុ​ចិញ្ចឹម និង​ថាមពល​ដល់​រាងកាយរបស់​យើង។ ប៉ុន្តែ​យក​ល្អ​យើង​គួរ​ជ្រើសរើស​អាហារ​សម្រន់​ឲ្យ​បាន​ត្រឹមត្រូវ​ដើម្បី​ទទួល​បាន​ថាមពល។​ យើង​អាច​ជ្រើសរើស​អាហារ​សម្រន់​ដែល​មាន​ប្រូតេអ៊ីន និង​Complex Carbs។ ប្រូតេអ៊ីន​ជួយ​បង្កើន​ថាមពល និង​ធ្វើ​ឲ្យ​ឆ្អែត។ Complex Carbs មាន​ជាតិ​សរសៃ​ខ្ពស់ និង​បង្ការ​ការ​ឡើង​ខ្លាំង​នៃ​កម្រិត​ជាតិ​ស្ករ​ក្នុង​ឈាម។ យើង​អាច​សាក​ញ៉ាំ​អាហារ​សម្រន់​​ដូចជា​ការ៉ុត យ៉ាអួ Greek គ្មាន​ជាតិ​ខ្លាញ់ ឬ​ផ្លែឈើ។ ក្រៅពី​នេះ​យើង​​អាច​ញ៉ាំ​សូកូឡា​ខ្មៅ​ដែល​មាន​ជាតិ​កាកាវ​យ៉ាង​តិច​៦០%​ ដែល​មាន​ជាតិ​កាហ្វេអ៊ីន និង​អាច​ជួយ​ដល់​ការ​ផ្ចង់​អារម្មណ៍​បាន។ អាហារ​សម្រន់​ដែល​គួរ​ចៀសវាង​មាន​ស្ករគ្រាប់ ភេសជ្ជៈ​មាន​ជាតិ​ផ្អែម ឬ​បង្អែម និង​អាហារ​មាន​ជាតិ​ខ្លាញ់​ច្រើន។ ២. ផឹក​កាហ្វេ ឬ​តែ ជាតិ​កាហ្វេអ៊ីន​ក្នុង​បរិមាណ​តិច​អាច​ជួយ​កម្ចាត់​​ភាព​ហត់​នឿយនៅ​ពេល​រសៀល​បាន​ព្រោះ​ជាតិ​កាហ្វេអ៊ីន​ជួយ​ដាស់​ស្មារតី និង​បង្កើនការផ្ចង់​អារម្មណ៍។ នៅ​ពេល​ឆុង​កាហ្វេ ឬ​តែ យើង​គួរ​ប្រយ័ត្ន​ទៅ​លើ​ការ​បន្ថែម​ស្ករ​ ព្រោះ​ស្ករ​ច្រើន​អាច​ធ្វើ​ឲ្យ​យើង​មានអារម្មណ៍ថា​​ហត់​នៅ​ពេល​ក្រោយទៅវិញ​។ ដូចនេះ​ប្រើ​ស្ករ​ក្នុង​កម្រិត​តិចតួច​ ឬ​មិន​ប្រើ​តែ​ម្ដង។ គួរ​បញ្ជាក់​ដែរ​ថា​គួរ​កំណត់​​កម្រិត​កាហ្វេអ៊ីន​ដែល​យើងផឹកផង​ដែរ។ ការសិក្សា​ជា​ច្រើន​បាន​បង្ហាញ​ថា​ការ​ផឹក​កាហ្វេ​ពីរ​ទៅ​បី​ពែង​ក្នុង​មួយ​ថ្ងៃ​គឺ​មិន​មាន​ផល​ប៉ះពាល់​សម្រាប់​មនុស្ស​ពេញ​វ័យ​ទេ។ អត្ថបទពាក់ព័ន្ធ៖ ការសិក្សាអាមេរិក រកឃើញថា ផឹកកាហ្វេ លើស ៣កែវ បណ្ដាលឲ្យឈឺក្បាលប្រកាំង ៣. ស្តាប់​ចម្រៀង ការ​ស្តាប់​ចម្រៀង​ដែល​យើង​ចូលចិត្ត​អាច​ជួយ​ឲ្យ​យើងមាន​ថាមពល ជាពិសេស​ចម្រៀង​ចង្វាក់បែប​កន្រាក់អារម្មណ៍​។ យើង​​អាច​ស្តាប់​ចម្រៀង​ដោយ​ប្រើ​កាស​ចៀស​វាង​រំខាន​ដល់​អ្នក​ដទៃ។ ការ​ស្តាប់​ចម្រៀង​​អាច​ជួយ​ឲ្យ​ខួរក្បាល​ផ្ចង់​អារម្មណ៍​បានល្អ​ផង​ដែរ​។ […]


បញ្ហាដំណេកផ្សេងទៀត

មុនពេលចូលគេង គួរចៀសវាងអាហារប៉ុន្មានប្រភេទនេះ អាចរំខានដល់​ដំណេក

របប​អាហារ​ក៏​ជា​ផ្នែក​មួយ​ដែល​អាច​រំខានការគេងរបស់​យើង​បាន​ដែរ។ ការ​ផ្លាស់​ប្តូរ​របប​អាហារ​មួយ​ចំនួន​អាច​ជួយ​យើង​ឲ្យ​គេង​លក់​ស្រួល និង​មាន​ប្រយោជន៍​ដល់​សុខភាព។​ អាហារ​ប៉ុន្មាន​ប្រភេទ​ខាងក្រោម​នេះ​អាច​រំខាន​ដំណេក​យើងបាន។​ ១. សាច់ក្រហម សាច់ក្រហម​ដូចជា​សាច់គោ សាច់ជ្រូក សាច់​ចៀម​គឺ​ពិបាក​ក្នុង​ការ​រំលាយ​ដែល​ធ្វើ​ឲ្យ​ពិបាក​ក្នុង​ការ​គេង​លក់។ នៅ​ពេល​គេង​លក់ រាងកាយ​នឹង​ធ្វើ​ការ​ខ្លាំង​ក្នុង​ការ​បំបែក​ពពួក​សាច់​ទាំងនេះ។ ហេតុ​នេះ​ហើយយើង​អាច​នឹង​ភ្ញាក់​អំឡុងពេល​យប់។ ម៉្យាងទៀត​សាច់ក្រហម​មាន​ផ្ទុក​ខ្លាញ់​ឆ្អែត ហើយ​ការ​សិក្សា​បង្ហាញ​ថា​ការ​ញ៉ាំ​ជាតិ​ខ្លាញ់​ឆ្អែត​ច្រើន​អាច​ធ្វើឲ្យ​គុណភាព​នៃ​ការ​គេង​ធ្លាក់ចុះ​ដែល​ធ្វើ​ឲ្យ​យើង​ហត់ និង​ឆាប់​ខឹង។ ២. អាហារ​មាន​ជាតិ​ខ្លាញ់ និង​រសជាតិ​ហឹរ អាហារ​មាន​ជាតិ​ខ្លាញ់ និង​រសជាតិ​ហឹរ​សុទ្ធ​តែ​ពិបាក​ក្នុង​រំលាយ​ដែល​អាច​ពន្យារ​ពេល​គេង​លក់។ អាហារ​មាន​រសជាតិ​ហឹរ​បង្ក​ឲ្យ​មាន​អាការៈ​ក្រហាយ​ទ្រូង និង​ចាល់អាស៊ីត​ក្នុង​ក្រពះ​ដែល​នេះ​ធ្វើ​ឲ្យ​មិន​អាច​គេង​លក់​បាន។ គួរ​ចងចាំ​ថា​ផ្លែ​ក្រូច និង​ទឹក​ក្រូច​ស្រស់​ក៏​អាច​រំខាន​ដំណេក​ដោយសារ ក្រហាយ​ទ្រូង​ដែរ។ ៣. ពពួក​សណ្តែក ឬ​អាហារ​ធ្វើ​ពី​សណ្ដែក សណ្ដែក​គឺ​ពិបាក​ក្នុង​ការ​រំលាយ និង​អាច​បង្ក​ឲ្យ​មាន​ខ្យល់​ក្នុង​ពោះ និង​ហើម​ពោះ។ បន្ថែមពីនេះទៀត អាហារ​ធ្វើ​ពី​សណ្តែក​ក៏ដូច​អាហារ​មាន​រសជាតិ​ហឹរ​ដែរ​អាច​រំខាន​ដំណេក​ដែល​បណ្ដាល​មកពី​អាការៈ​ក្រហាយ​ទ្រូង និង​ចាល់អាស៊ីត។ ៤. បន្លែ បន្លែ​គឺ​មាន​ប្រយោជន៍​ច្រើន​សម្រាប់​សុខភាព ប៉ុន្តែ​ការ​ញ៉ាំ​បន្លែ​មុន​ចូល​គេង​អាច​រំខាន​ការ​គេង​បាន។ បន្លែ​ទាំង​នោះ​រួមមាន​ត្រសក់ និង​ឆៃថាវ​ជាដើម ហើយ​បន្លែ​ទាំង​នេះ​មាន​ជាតិ​ទឹក​ច្រើន​ដែល​ធ្វើ​ឲ្យ​យើង​ក្រោក​ពាក់​កណ្ដាល​យប់​ដើម្បី​ចូល​បន្ទប់ទឹក។ សម្រាប់​ផ្លែ​ប៉េងប៉ោះ​វិញ​មាន​អាស៊ីត​អាមីណូ tyramine ដែល​ភ្ញោច​ខួរក្បាល​ឲ្យ​បញ្ចេញ​អរម៉ូន norepinephrine។ អរម៉ូន​នេះ​អាច​ពន្យារ​ពេល​គេង​លក់​បាន។ រីឯ​ផ្កាខាត់ណា និង​ផ្កាខាត់ណា​ខៀវ​មាន​ជាតិ​សរសៃ​ខ្ពស់​ដែល​អាច​ធ្វើ​ឲ្យ​ប្រព័ន្ធ​រំលាយ​អាហារ​ដំណើរការ​ខ្លាំង និង​រំខាន​មិន​ឲ្យ​គេង​ស្ងប់។ ៥. សូកូឡា សូកូឡា​សុទ្ធ​តែ​មាន​កាហ្វេអ៊ីន​។ ជាតិ​កាហ្វេអ៊ីន​ធ្វើឲ្យ​យើងមិន​ងងុយ​គេង​ បើ​សិនជាយើង​ញ៉ាំ​ជិត​ពេល​ចូល​គេង។ សូកូឡា​ខ្មៅ​គឺ​មាន​ជាតិ​កាហ្វេអ៊ីន​ច្រើន​ដែល​សូកូឡា​ខ្មៅ​មួយ​ដុំ​មាន​ផ្ទុក​ជាតិ​កាហ្វេអ៊ីនស្មើ​មួយ​​ភាគ​បួន​នៃ​កាហ្វេ​មួយ​ពែង។ ៦. ជាតិស្ករ យក​ល្អ​គួរ​ចៀសវាង​ការ​ញ៉ាំ​នំឃុកគី និង​អាហារ​ផ្សេង​ទៀត​ដែល​មាន​ជាតិ​ស្ករមុនចូលគេង។ ទោះបី​ភេសជ្ជៈ Soft Drink មិន​មាន​ជាតិ​កាហ្វេអ៊ីន ប៉ុន្តែ​ភេសជ្ជៈ​ប្រភេទ​នេះ គឺ​មាន​ជាតិ​ស្ករ​ច្រើន […]


បញ្ហាដំណេកផ្សេងទៀត

ប្រើ​ទូរសព្ទ​ច្រើននៅពេល​យប់ អាចប៉ះពាល់​ដល់​គុណ​ភាព​ដំណេក​

ទូរសព្ទ​ជា​ផ្នែក​មួយ​ដ៏​សំខាន់​ក្នុង​ជីវិត​ប្រចាំថ្ងៃនាពេល​បច្ចុប្បន្ននេះ គឺជួយ​សម្រួល​កិច្ច​ការងារ​ជាច្រើន​សម្រាប់​យើង។ ប៉ុន្តែ​ទន្ទឹម​នឹង​គុណ​សម្បត្តិ ទូរសព្ទ​ក៏​មាន​គុណ​វិបត្តិច្រើន​ដូច​គ្នា ពិសេស​បើ​យើង​ប្រើ​ប្រាស់​វា​​ច្រើន​នៅ​ពេល​យប់ នឹង​ធ្វើ​ឲ្យ​គុណ​ភាព​ដំណេក​យើង កាន់​តែ​ចុះ​ខ្សោយ។ ចង់​ដឹង​ថា ចុះ​ខ្សោយ​យ៉ាង​ម៉េច​ខ្លះ អត្ថបទ​ខាង​ក្រោម​នេះ​នឹង​បញ្ជាក់​ប្រាប់។ ១- ធ្វើ​ឲ្យ​យើង​មិន​ងាយ​ងងុយ​គេង ការ​សិក្សា​ទៅ​លើ​អ្នក​ចូល​រួម​ដែល​និយម​លើការ​អាន​បែប​អេឡិចត្រូនិក​មុន​ពេល​ចូល​គេង (ដែល​ឧបករណ៍​ទាំង​នេះ មាន​បញ្ចេញ​បន្លឺ​ពណ៌ខៀវ ដូច​គ្នា​ទៅ​នឹង​អេក្រង់ទូរសព្ទ ថេបផ្លេត) គឺ​ពន្យារ​ពេល​ងងុយ​គេង​របស់​យើង​ប្រមាណ​ជាង ១០​នាទី បើធៀប​ទៅ​នឹង​គ្នា​យើង​ដែល​អាន​សៀវ​ភៅ​ធម្មតា។ នៅ​ពេល​យើង​ព្យាយាម​មិន​មើល​ទូរសពទ្ទ ទូរទស្សន៍​មុន​ចូល​គេ យើង​នឹង​សង្កេត​ឃើញ​ថា មានអារម្មណ៍​ងងុយ​គេង និង​ការគេង​លក់​មាន​សភាពល្អឡើងវិញ។ អត្ថបទ​ពាក់​ព័ន្ធ៖ ទម្លាប់ធ្វើរឿងទាំងនេះមុនចូលគេង ដឹងតែឡើងគីឡូមិនខាន កែទម្លាប់ ៧យ៉ាងនេះ ក្រែងជួយឲ្យស្រកគីឡូ តាមការចង់បាន តិច​​អត់​​ជឿ​​ទៅ! ស្រីៗគេង​ក្នុង​បន្ទប់​មាន​ពន្លឺ​ភ្លើង នឹង​ឡើង​គីឡូ ២- ប៉ះពាល់​មុខងារ REM នៃ​ការ​គេង មុខងារ REM នៃ​ដំណេក គឺ​ជា​ដំណាក់​កាល​នៃ​ការ​គេង​របស់​យើង ដែល​រាង​កាយ និង​ខួរ​ក្បាល​ត្រូវ​ការ​បង្កើន​ថាម​ពល​ឡើង​វិញ។ មុខ​ងារ​នេះ គឺ​ជួយ​ឲ្យ​ការ​ចង​ចាំ​យើង​បាន​ល្អ មាន​ទំនាក់​ទំនង​ជា​មួយ​នឹង​ភាព​ច្នៃ​ប្រឌិត ងាយ​ដោះ​ស្រាយ​បញ្ហា​ចំពោះ​មុខ។ បើ​សិន​ជា​មុខ​ងារ​នេះ​ដំណើរ​ការ​មិន​បាន​ល្អ អាច​នឹង​ធ្វើ​ឲ្យ​យើង​ងីងើ​នៅ​ព្រឹក​បន្ទាប់ និង​ពិបាក​ផ្ចង់​អារម្មណ៍។ អត្ថបទពាក់ព័ន្ធ៖  ល្បីយូរហើយ​តើ​ពិតអត់ វិទ្យុសកម្មចេញពីទូរស័ព្ទ បង្កជាមហារីក? កំហុស ៣ យ៉ាង យុវវ័យពេញនិយមធ្វើ បំផ្លាញសុខភាពខ្លួនឯង គេង​មិនគ្រប់គ្រាន់ធ្វើឲ្យ​មាន​បញ្ហាទាំងនេះ​ដល់​ខួរក្បាល​ ៣- ធ្វើ​ឲ្យ​ងាយ​ភ្ញាក់​ពី​ដំណេក ដេក​អាន​អ្វី​មួយ​លើ​ទូរសព្ទ​ពេល​យប់ ធ្វើ​ឲ្យ​យើង​ធូរ​ស្រាល​អារម្មណ៍​មិន​អ៊ីចឹង? ទស្សនៈនេះ​ខុស​ទាំង​ស្រុង ដោយ​អ្នក​ស្រាវជ្រាវ​លើក​ឡើង​ថា ធ្វើ​បែប​នេះ យើង​នឹង​មាន​អារម្មណ៍​ប្រុង​ប្រយ័ត្ន​ខ្ពស់​ទៅ​វិញ […]


បញ្ហាដំណេកផ្សេងទៀត

ទម្លាប់ធ្វើរឿងទាំងនេះមុនចូលគេង ដឹងតែឡើងគីឡូមិនខាន

តាម​ការ​ស្រាវជ្រាវ​បាន​ឲ្យ​ដឹង​ថា​ការ​ឡើង​ទម្ងន់​មានទំនាក់ទំនង​ទៅ​នឹង​ទម្លាប់​នៅ​ពេល​ល្ងាច ឬ​មុន​ចូលគេង។ ដូចនេះ​ការ​ដឹង​ពី​មូលហេតុ​នៃ​ការ​ឡើង​ទម្ងន់​ភ្លាមៗ​នេះ​អាច​ជួយ​ដោះស្រាយ​បញ្ហាឡើង​ទម្ងន់ និង​មាន​ផល​ល្អ​ដល់​សុខភាព​ផង​ដែរ។ អត្ថបទ​នេះ​នឹង​បង្ហាញ​ពី​កំហុស​មុន​ចូលគេងមួយ​ចំនួន​​ដែល​ធ្វើ​ឲ្យយើង​​ឡើង​ទម្ងន់បាន។​ ១. ការ​ញ៉ាំ​អាហារ​សម្រន់​ពេល​យប់ យើង​ដឹង​ពី​ច្បាប់​ដែល​មិន​គួរ​ញ៉ាំ​អាហារ​ក្រោយ​ម៉ោង​៦ល្ងាច ប៉ុន្តែ​នេះ​មិន​បាន​បញ្ឈប់​យើង​ពី​ការ​ឃ្លាន​ពេល​យប់ និង​ការ​ញ៉ាំ​អាហារ​សម្រន់​ពេល​យប់​ទេ។ ការសិក្សា​ជាច្រើន​ក៏​បាន​ឲ្យ​ដឹង​ថា​ការ​ញ៉ាំ​អាហារ​ពេល​យប់​ជ្រៅ​អាច​ធ្វើ​ឲ្យ​ឡើង​ទម្ងន់។ បន្ថែម​ពី​នេះ​ទៀត​អាច​បង្កើន​កម្រិត​កូលេស្តេរ៉ូល កម្រិត​អ័រម៉ូន​អាំង​ស៊ុយ​លីន និង​មាន​ផល​អវិជ្ជមាន​ចំពោះ​ការ​កំណត់​របស់​អ័រម៉ូន។ ការ​ញ៉ាំ​អាហារ​ពេល​យប់​ជ្រៅ​ភាគច្រើន​ធ្វើ​ឲ្យ​យើង​ញ៉ាំ​អាហារ​ដែល​មាន​កាឡូរី​ខ្ពស់ ហើយ​ការ​ញ៉ាំ​កាឡូរី​ច្រើន​ជាង​កាឡូរី​ដែល​រាងកាយ​បាន​ដុត​អាច​ធ្វើ​ឲ្យ​ឡើង​ទម្ងន់។ ២. ការ​ផឹក​កាហ្វេ​នៅ​ពេល​យប់ ការ​ផឹក​កាហ្វេ​នៅ​ពេល​ល្ងាច​អាច​ប៉ះពាល់​ដល់​ដំណេក។ យើង​គួរ​ផឹក​កាហ្វេ​យ៉ាង​តិច​៦ម៉ោង​មុន​ចូល​គេង។ អ្នក​ស្រាវជ្រាវ​បាន​ឲ្យ​ដឹង​ពី​អាស៊ីត chlorogenic ដែល​មាន​ក្នុង​កាហ្វេ​​អាច​ធ្វើ​ឲ្យ​ឡើង​ទម្ងន់។ ដូចនេះ​ដើម្បីឲ្យឡើងទម្ងន់​គ្នាយើងគួរ​ជំនួស​កាហ្វេ​ដោយ​ផឹក​តែ​រុក្ខជាតិ (Herbal tea) និង​ទឹក​ក្តៅវិញ​។ ៣. ការ​គេង​មិន​គ្រប់គ្រាន់ ការ​គេង​ឲ្យ​គ្រប់​គ្រាន់​គឺ​គេ​ងពី​៧​ទៅ​៨ម៉ោង ហើយការគេងរាល់ថ្ងៃតិចជាងនេះអាចនាំឲ្យសុខភាពជួបនឹង​បញ្ហា​ផ្សេងៗ។ ការសិក្សា​ជា​ច្រើន​បាន​បង្ហាញ​ថា​ការ​គេង​មិន​គ្រប់គ្រាន់​អាច​ផ្លាស់ប្តូរ​ការ​ធ្វើ​មេតាប៉ូលីសរបស់រាងកាយ។ ក្រៅ​ពី​នេះ​ការ​គេង​មិន​គ្រប់គ្រាន់​អាច​ផ្លាស់​ប្តូរ​អ័រម៉ូន Leptin ដែលជាអ័រម៉ូនរក្សាការឃ្លាន និង​ចំណង់អាហារ ហើយការគេងមិនគ្រប់គ្រាន់កាត់បន្ថយការបញ្ចេញអ័រម៉ូន leptin​នេះ។ ម៉្យាងទៀត​អ័រម៉ូន​នេះ​នឹងធ្វើ​ឲ្យ​រាងកាយ​ចង់​ញ៉ាំ​តែ​អាហារ​សំបូរ​ជាតិ​ស្ករ និង​ជាតិ​ខ្លាញ់។ ៤. ការ​មិន​ហាត់​ប្រាណ ការ​ហាត់ប្រាណ​មាន​តួនាទី​សំខាន់​ក្នុង​ការ​សម្រក​ទម្ងន់​ដោយ​ជួយ​ដល់​ការ​ធ្វើ​មេតាប៉ូលីស និង​ការ​ដុត​កាឡូរី។ ដូចនេះ​គួរ​ហាត់ប្រាណ​ជា​ប្រចាំ។ ការ​ដើរ​ប្រហែល១៥នាទី អាច​ជួយ​ដុត​បំផ្លាញ​បាន​១០០​កាឡូរី។ អត្ថបទពាក់ព័ន្ធ៖ កែទម្លាប់ ៧យ៉ាងនេះ ក្រែងជួយឲ្យស្រកគីឡូ តាមការចង់បាន តិច​​អត់​​ជឿ​​ទៅ! ស្រីៗគេង​ក្នុង​បន្ទប់​មាន​ពន្លឺ​ភ្លើង នឹង​ឡើង​គីឡូ ៥. ការ​ប្រើប្រាស់​គ្រឿង​អេឡិចត្រូនិច​នៅ​ពេល​ល្ងាច ការ​សិក្សា​ជាច្រើន​បាន​បញ្ជាក់​ថា​ការ​ប្រើ​ប្រាស់​គ្រឿង​អេឡិចត្រូនិច​ដែល​បញ្ចេញ​នូវ​ពន្លឺ​ពណ៌​ខៀវ (blue light) មុន​ចូល​គេង​អាច​ធ្វើ​ឲ្យ​គេង​មិន​គ្រប់គ្រាន់​ ហើយ​យូរ​ទៅ​នឹង​​ឡើង​ទម្ងន់។ គ្រឿង​អេឡិចត្រូនិច​ទាំង​នេះ​រំខាន​ដល់​រាងកាយ​ក្នុង​ការ​ផលិត​អ័រម៉ូន melatonin […]


បញ្ហាគេងមិនលក់

យប់ឡើងគេងមិនងាយលក់ សាក៦វិធីនេះអាចជួយឲ្យគេងលក់ស្រួល

កត្តាមួយចំនួន​​ដូចជា​ភាពតានតឹង​ពី​ការងារ ទំនួល​ខុសត្រូវ​ក្នុង​គ្រួសារ និង​មានជំងឺ​ជាដើម អាច​រំខាន​ដល់ដំណេក​របស់​យើង​បាន​។ ពេល​ខ្លះ​យើង​អាច​នឹង​មិន​អាច​គ្រប់គ្រង​កត្តា​ទាំងនេះ ប៉ុន្តែ​យើង​អាច​បង្កើត​ទម្លាប់​​​ដែល​ជួយ​ឲ្យ​គេង​លក់ស្រួល​តាម​វិធី​ងាយៗ​មួយ​ចំនួន។ ១. កាលវិភាគ​ក្នុង​ការ​គេង យើង​​គួរ​កំណត់​ការ​គេង​មិន​ឲ្យ​លើស​ពី​៨ម៉ោង។ សម្រាប់​មនុស្ស​ពេញ​វ័យ​គួរ​គេង​យ៉ាងតិច​៧ម៉ោង។ យក​ល្អ​​យើង​គួរ​ចូលគេង និង​ក្រោក​ពី​គេង​នៅ​ម៉ោង​ដដែល​ជា​រៀងរាល់ថ្ងៃ និង​ចៀស​វាង​កុំ​ឲ្យ​ម៉ោង​ចូល​គេង​នៅ​ថ្ងៃ​ធ្វើ​ការ​ និង​ថ្ងៃ​ចុងសប្តាហ៍​ខុស​គ្នា​ច្រើន​ជាង​មួយ​ម៉ោង​។ ប្រសិនជា​យើង​មិន​អាច​គេង​លក់​ក្នុង​រយៈពេល​២០នាទី​ទេ យើង​អាច​សាក​ចេញ​ពី​បន្ទប់គេង និង​បន្ធូរ​អារម្មណ៍​ដោយ​អាន​សៀវភៅ ឬ​ស្តាប់​ចម្រៀង។ ​រួចយើង​អាច​ត្រលប់​ទៅ​គេង​វិញ​នៅ​ពេល​បន្តិចក្រោយពីនោះ​។ ២. របបអាហារ យើង​មិន​គួរ​ចូល​គេង​ទាំង​ឃ្លាន ឬ​ឆ្អែត​ពេក​ទេ។ មុន​ចូល​គេង​២ម៉ោង យើង​គួរ​ចៀសវាង​​ញ៉ាំ​អាហារ​ច្រើន ឬ​​អាហារ​ដែល​ពិបាក​រំលាយ ព្រោះ​ថា​អាច​នឹង​មាន​អារម្មណ៍​មិន​ស្រួល​ក្នុង​ខ្លួន​ដែល​រំខាន​ដល់​ការ​គេង។ ជាតិ​នីកូទីន កាហ្វេអ៊ីន និង​គ្រឿងស្រវឹង​ក៏​គួរ​តែ​ប្រយ័ត្ន​ដែរ។ ​នីកូទីន និង​កាហ្វេអ៊ីន​ត្រូវ​ការ​រយៈពេល​ច្រើន​ម៉ោង​ក្នុង​ការអស់​ឥទ្ធិពលពីរាងកាយ និង​អាច​រំខាន​ដល់​ដំណេកបាន។ គ្រឿងស្រវឹង​អាច​ធ្វើ​ឲ្យ​ងងុយ​គេង​ តែ​ក៏​អាច​រំខាន​ដំណេក​នៅ​ពេល​យប់​។ អត្ថបទ​ពាក់ព័ន្ធ៖ ទាំងនេះជាមូលហេតុខ្លះៗ មិនគួរទ្រាំគេងទាំងឃ្លាន​នៅពេលយប់ យប់ឡើងឃ្លាន តែខ្លាចធាត់ សាកអាហារសម្រន់នេះជួយដោះស្រាយបាន ទម្លាប់​ញ៉ាំឆ្អែត​ភ្លាម ទម្រេតខ្លួន​គេង​ភ្លាម គ្រោះ​ថ្នាក់បំផុត ៣. បរិយាកាស បន្ទប់គេងយើង​​គួរ​រៀប​ចំ​ឲ្យ​ត្រជាក់ ងងឹត និង​ស្ងប់ស្ងាត់។ នៅ​ពេល​បន្ទប់គេង​មាន​ពន្លឺ​ខ្លាំង​ពេក​អាច​ធ្វើ​ឲ្យ​ពិបាក​ក្នុង​ការ​គេង។ បន្ថែម​ពី​នេះ​ទៀត យើង​គួរ​ចៀស​វាស​ប្រើប្រាស់​គ្រឿងអេឡិចត្រូនិច​ដូចជា​ទូរស័ព្ទ​មុន​ចូល​គេង។ សកម្មភាព​បន្ធូរ​អារម្មណ៍​មួយ​ចំនួន​ដែលយើង​អាច​ធ្វើ​មុន​ចូលគេងមាន​​​ដូចជា ការ​ងូតទឹក សមាធិ ឬ​ស្តាប់​ចម្រៀង​ កឺ​ជា​រឿង​ល្អ។ ៤. ការគេងថ្ងៃ ការគេងថ្ងៃ​យូរ​អាច​រំខាន​ដំណេក​ពេលយប់​បាន។ ប្រសិនជាយើង​​គេង​ថ្ងៃ គួរ​កំណត់​ការ​គេង​ត្រឹម​តែ​៣០នាទី​ និង​ចៀសវាង​ការ​គេង​នៅ​រសៀល​ពេក​ទេ។ ដោយឡែក​បើ​យើង​​ត្រូវ​ធ្វើ​ការ​នៅ​ពេលយប់ […]


បញ្ហាដំណេកផ្សេងទៀត

ទម្លាប់​៥យ៉ាង នាំឲ្យ​ក្រោក​ពីគេង​មាន​បញ្ហា​ឈឺក្បាល

រឿង​គេង​សំខាន់​ណាស់​សម្រាប់​សុខភាព​យើង ហើយ “Hello គ្រូពេទ្យ” ណែនាំ​គ្នា​យើង គេង​ឲ្យ​បាន​គ្រប់​គ្រាន់ កុំ​នៅ​យប់​ជ្រៅ ហើយ​ព្យាយាម​គេង​ថ្ងៃ​ជំនួស​នោះ មិន​ល្អ​ចំពោះ​សុខភាព​ទេ។ ដោយ​ឡែក គ្នា​យើង​ធ្លាប់​មាន​បញ្ហា​ក្រោក​ពី​គេង​ស្រាប់​តែ​ឈឺ​ក្បាល​ខ្ទោកៗ​ដែលឬ​អត់? ដឹង​ថា​ដោយ​សារ​មូលហេតុ​អីទេ? បើ​ចង់​ដឹង អត្ថបទ​ខាង​ក្រោយ​នេះ អាច​ពន្យល់​បាន​ខ្លះ។ ១– អ្វី​ជា​ការ​ឈឺ​ក្បាល​ក្រោយ​ភ្ញាក់​ពី​គេង? ភ្ញាក់​ពី​គេង មាន​អារម្មណ៍​មិន​ល្អ ឈឺ​ក្បាល គេ​អាច​ហៅ​ម្យ៉ាង​ថា ឈឺក្បាល​ប្រកាំង ដែល​ស្ថានភាព​នេះ នឹង​ធ្វើ​ឲ្យ​ការ​ចាប់​ផ្តើម​ថ្ងៃ​ថ្មី​របស់​ហើយ មាន​បញ្ហា។ យ៉ាងណា នេះ​មិន​​មែន​ជា​រឿង​ចម្លែក​នោះ​ឡើយ ខណៈ ៥០% គ្នា​យើង​មាន​បញ្ហា​ឈឺ​ក្បាល​ប្រកាំង​ក្រោយ​ក្រោក​ពី​គេង កើត​ឡើង​ចន្លោះ​ម៉ោង ៤ ទាបភ្លឺ ដល់​ម៉ោង ៩ព្រឹក ហើយ​ក៏​គ្មាន​អ្វី​ត្រូវ​សង្ស័យ​នោះ​ដែរ ដោយ ៨០% គ្នា​យើង​មាន​បញ្ហា​នេះ តែង​មាន​អារម្មណ៍​ហត់​នឿយ អស់​កម្លាំង។ ប៉ុន្តែ​រឿង​នេះ មិន​អាច​បន្ទោស​ថា បញ្ហា​ឈឺ​ក្បាល​រំខាន ដល់​ដំណេក​យើង​នោះ​ទេ គួរ​តែ​បន្ទោស​ថា ទម្លាប់​ការ​គេង​របស់​យើង ជា​មូលហេតុ​នាំ​ឲ្យ​មាន​បញ្ហា​នេះ ទើប​ត្រឹម​ត្រូវ។ ប៉ុន្តែ​កុំ​បារម្ភ​ពេក ព្រោះ​ការ​សិក្សា​ជាច្រើន​រក​ឃើញ​ថា ទំនាក់​ទំនង​រវាង​ការ​គេង និង​បញ្ហា​ឈឺ​ក្បាល តែង​កើត​មាន​ឡើង​ដោយ​សារ​ទម្លាប់​គេង ហើយ​អាច​ដោះ​ស្រាយ​បាន​តាម​រយៈ​ការ​ផ្លាស់​ប្តូរ​ទៅ​រក​ទម្លាប់​គេង​ត្រឹម​ត្រូវ​មួយ។ ផ្សារ​ភ្ជាប់​រវាង​ទម្លាប់​មិន​ល្អ​ក្នុង​ការ​គេង ឬ​បញ្ហា​អំឡុង​ពេល​គេង​មួយ​ចំនួន ជាមូល​ហេតុ​នាំឲ្យ​យើង​ឈឺ​ក្បាល​ពេល​ក្រោក​ឡើង ខណៈ​បញ្ហា​សុខភាព​អំឡុង​ពេល​គេង​ទាំង​នោះ […]

ad iconផ្សព្វផ្សាយពាណិជ្ជកម្ម
សំណួរដែលសួរញឹកញាប់
ad iconផ្សព្វផ្សាយពាណិជ្ជកម្ម
ad iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស
មាតិកា
ឧបករណ៍សុខភាព
សុខភាពរបស់ខ្ញុំ