ជំងឺឆ្លងពីលាមកឆ្មា (Toxoplasmosis) បង្កឡើងដោយប៉ារ៉ាស៊ីត Toxoplasma gondii។ ភាគច្រើនយើងអាចឆ្លង និងជាពីជំងឺនេះដោយមិនដឹងខ្លួន ព្រោះជំងឺនេះមិនបង្កឱ្យមានអាការៈអ្វីទេ តែបើម៉ាក់ៗពពោះឆ្លងជំងឺនេះវិញ កូនក្នុងផ្ទៃអាចមានគ្រោះថ្នាក់ ឬពិការភាពពីកំណើត។ តើជំងឺ Toxoplasmosis អាចបង្កគ្រោះថ្នាក់ដល់កូនក្នុងផ្ទៃបែបណាខ្លះ?
ឆ្មាអាចឆ្លងជំងឺ Toxoplasmosis ដោយស៊ីសាច់ឆៅ ឬកណ្តុរដែលមានផ្ទុកប៉ារ៉ាស៊ីត Toxoplasma gondii ហើយអាចបញ្ចេញប៉ារ៉ាស៊ីតទៅក្នុងលាមករហូតដល់ទៅពីរសប្តាហ៍។ ពងប៉ារ៉ាស៊ីត Toxoplasma gondii អាចរស់នៅក្នុងលាមកឆ្មា ឬក្នុងដីរហូតដល់ទៅ ១៨ ខែ។
ហេតុអ្វីម៉ាក់ៗមានផ្ទៃពោះត្រូវប្រយ័ត្នជំងឺឆ្លងពីលាមកឆ្មា?
ប្រសិនបើម៉ាក់ៗឆ្លងជំងឺនេះមុនពេលពពោះ ប៉ារ៉ាស៊ីតនឹងចូលក្នុងខ្លួនម៉ាក់ៗ តែប្រព័ន្ធភាពស៊ាំម៉ាក់ៗមានពេលវេលាប្រយុទ្ធប្រឆាំងនឹងប៉ារ៉ាស៊ីតនេះ។ នៅពេលម៉ាក់ៗជាពីជំងឺនេះ ប្រព័ន្ធភាពស៊ាំម៉ាក់ៗនឹងសុំានឹងជំងឺ ហើយអាចការពារពីជំងឺនេះមួយជីវិត។
ផ្ទុយមកវិញ បើម៉ាក់ៗឆ្លងជំងឺនេះលើកដំបូងក្នុងអំឡុងពេលពពោះ នោះអាចមានបញ្ហាផ្ទៃពោះ ហើយកូនក្នុងផ្ទៃក៏អាចមានពិការភាពពីកំណើតដែរ៖
ក្នុងរយៈពេលនេះ ទារកក្នុងផ្ទៃមានហានិភ័យទាបក្នុងការឆ្លងជំងឺ តែបើទារកក្នុងផ្ទៃឆ្លងជំងឺ ទារកក្នុងផ្ទៃនឹងមានបញ្ហាសុខភាពធ្ងន់ធ្ងរ។ លើសពីនេះទៅទៀត ម៉ាក់ៗអាចប្រឈមនឹងការរលូត ស្លាប់កូនក្នុងផ្ទៃ ឬសម្រាលមិនគ្រប់ខែ។
ក្នុងត្រីមាសនេះ ទារកក្នុងផ្ទៃមានហានិភ័យខ្ពស់ក្នុងការឆ្លងជំងឺ ប៉ុន្តែបើទោះជាទារកឆ្លងជំងឺនេះក៏ពិតមែន គឺមិនសូវមានបញ្ហាសុខភាពធ្ងន់ធ្ងរទេ។
ទារកក្នុងផ្ទៃភាគច្រើនដែលកើតជំងឺឆ្លងពីលាមកឆ្មាហាក់ដូចជាមានសុខភាពល្អនៅពេលកើត តែមានទារកទើបកើតប្រហែលម្នាក់ក្នុងចំណោម ១០ នាក់នឹងមានអាការៈដូចជា៖
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
បើទារកទើបកើតមិនបានទទួលការព្យាបាលត្រឹមត្រូវទេ អូនតូចនឹងមានបញ្ហាដូចខាងក្រោមនៅ ២០ ឬ ៣០ ឆ្នាំក្រោយ ទោះបីជាមិនបង្ហាញរោគសញ្ញានៅពេលទើបកើតក៏ដោយ៖
ជំងឺឆ្លងពីលាមកឆ្មាអាចបង្កគ្រោះថ្នាក់ដល់ម៉ាក់ៗ និងកូនក្នុងផ្ទៃ បើម៉ាក់ៗឆ្លងនៅពេលពពោះ។ ដូច្នេះ ដើម្បីចៀសវាងឆ្លងជំងឺនេះពេលពពោះ ម៉ាក់ៗគួរចៀសវាងញុំាអាហារឆៅ និងលាងសម្អាតដៃឱ្យបានស្អាតបន្ទាប់ពីប៉ះពាល់លាមកសត្វ ជាពិសេសលាមកឆ្មា ឬដី។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
