តែបៃតងមានអត្ថប្រយោជន៍ច្រើនដល់សុខភាពរាងកាយទាំងមូល ដូចជាជួយទ្រទ្រង់សុខភាពបេះដូង គ្រប់គ្រងជំងឺទឹកនោមផ្អែម ក៏ដូចជាជួយបង្ការបញ្ហាសុខភាពរ៉ាំរ៉ៃមួយចំនួនផងដែរ ប៉ុន្តែសម្រាប់ស្ត្រីពពោះ តើអាចញ៉ាំភេសជ្ជៈមួយប្រភេទនេះបានដែរអត់?
តែបៃតងមានប្រយោជន៍ច្រើនមែន តែម៉ាក់ៗកំពុងពពោះគួរជៀសវាង
តែបៃតងផ្ទុកជាតិកាហ្វេអ៊ីនច្រើនកម្រិតណា?
តែបៃតងប្រមាណ២៣០មីលីលីត្រផ្ទុកជាតិកាហ្វេអ៊ីនចន្លោះពី២៤ ទៅ៤៥មិល្លីក្រាម។ ចំណែកកាហ្វេក្នុងបរិមាណដូចគ្នា អាចផ្ទុកជាតិកាហ្វេអ៊ីនប្រមាណពី៩៥ ទៅ២០០មិល្លីក្រាមឯណោះ។ ជាធម្មតា ស្ត្រីពពោះមិនគួរញ៉ាំជាតិកាហ្វេអ៊ីនលើសពី២០០មិល្លីក្រាមក្នុងមួយថ្ងៃឡើយ។
ជាតិកាហ្វេអ៊ីនអាចឆ្លងទៅកាន់សុក និងចូលទៅក្នុងចរន្តឈាមរបស់ទារកបាន ហើយទារកក្នុងផ្ទៃអាចចំណាយពេលយូរក្នុងការធ្វើមេតាប៉ូលីស ឬបំប្លែងអាហារទៅជាថាមពល។ ទោះបីជាការស្រាវជ្រាវចាស់ៗបានបង្ហាញពីសុវត្ថិភាពក្នុងការញ៉ាំភេសជ្ជៈដែលមានជាតិកាហ្វេអ៊ីនអំឡុងពេលពពោះយ៉ាងណាក្តី ប៉ុន្តែការស្រាវជ្រាវថ្មីៗក្នុងឆ្នាំ២០២១ បានបញ្ជាក់ថា ការញ៉ាំភេសជ្ជៈមួយប្រភេទនេះ ពុំមានសុវត្ថិភាពឡើយ។
ញ៉ាំភេសជ្ជៈដែលមានជាតិកាហ្វេអ៊ីនក្នុងកម្រិតខ្ពស់ អាចបង្កជាបញ្ហាមួយចំនួនដូចខាងក្រោម៖
- រលូតកូន
- កូនស្លាប់ក្នុងផ្ទៃ
- កូនកើតមិនគ្រប់ខែ
- កូនមានទម្ងន់ខ្លួនស្រាល
- ជំងឺមហារីកឈាមស្រួចស្រាល់ក្នុងវ័យកុមារ។
ដោយសារតែបៃតងមានសារធាតុរំញោច ភេសជ្ជៈដែលផ្ទុកជាតិកាហ្វេអ៊ីនមួយនេះ អាចនាំឲ្យយើងគេងមិនលក់ ព្រមទាំងសម្ពាធឈាម និងចង្វាក់បេះដូងកើនឡើង។ លើសពីនេះ តែបៃតងក៏មានសមត្ថភាពក្នុងការបញ្ចុះទឹកនោម ដែលជាហេតុនាំឲ្យយើងបាត់បង់សារធាតុទឹកក្នុងខ្លួនច្រើន។ ដូច្នេះហើយ ម៉ាក់ៗកំពុងពពោះ គួរតែញ៉ាំភេសជ្ជៈដែលមានជាតិកាហ្វេអ៊ីនក្នុងកម្រិតមួយសមល្មម ឬគួរពិគ្រោះយោបល់ជាមួយនឹងគ្រូពេទ្យជំនាញអំពីបរិមាណត្រឹមត្រូវ មុនពេលចាប់ផ្តើមចាប់ញ៉ាំភេសជ្ជៈប្រភេទណាមួយ។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម