បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
ក្រោយសម្រាលកូនរួច ទន្ទឹមនឹងរីករាយទទួលសមាជិកថ្មី ស្រីៗមួយចំនួនបែរជាមានបញ្ហាផ្លូវចិត្ត អ្នកខ្លះដល់ថ្នាក់ធ្ងន់ធ្ងរទៀតផង ទាំងនេះបណ្តាលមកពីបញ្ហាអ្វីខ្លះ? បើតាមលោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ ស្រីៗដែលមានកូនដំបូង ខ្វះបទពិសោធ ជួបវិបត្តិផ្លូវចិត្តច្រើន ដែលបញ្ហាសំខាន់មកពីកត្តាផ្លូវចិត្ត និងជីវសាស្ត្រ។
១- អ័រម៉ូនប្រែប្រួល
អ័រម៉ូនប្រែប្រួល ក៏ធ្វើឲ្យអារម្មណ៍មនុស្សស្រីយើងប្រែប្រួលទៅតាមនោះដែរ ជួនកាលទៅជាមួរម៉ៅខុសធម្មតា ឆាប់ខឹងជាដើម ជាពិសេស Love Hormone (អ័រម៉ូនអុកសុីតូសុីន)។
២- កត្តាជីវភាព
និយាយដល់រឿងជីវភាព នរណាក៏ដូចនរណាដែរបើខ្វះមុខខ្វះក្រោយ ចំពេលដែលយើងមានកូនត្រូវចំណាយច្រើនទៀតនោះ ច្បាស់ជាម៉ាក់ៗពិបាកចិត្ត ទៅជាមានបញ្ហាផ្លូវចិត្តធ្ងន់ធ្ងរក៏មាន។
៣- បែកផ្ទះ
ខ្មែរយើងមិនដូចបរទេសនោះទេ ការដែលស្រីៗយើងរស់នៅបែកផ្ទះពីគ្រួសារ ស្របពេលដែលយើងមានកូនទៀតនោះ ច្បាស់ជាឯកោ ទ័លដៃទ័លជើង យូរៗទៅអាចមានវិបត្តិសរសៃប្រសាទ។
អត្ថបទពាក់ព័ន្ធ៖ ប្តីល្អត្រូវប្រយ័ត្ន! ប្រពន្ធកើតជំងឺបាក់ទឹកចិត្តក្រោយផ្តល់កំណើត បេប៊ី
៤- ទំនាក់ទំនងប្តីប្រពន្ធលែងដូចមុន
ក្រោយមានកូនប្រាកដណាស់ ទំនាក់ទំនងប្តីប្រពន្ធលែងផ្អែមល្ហែមដូចមុនទៀតហើយ ព្រោះយើងត្រូវចំណាយពេលច្រើនលើសលុបលើការមើលថែទាំកូនតូច ពេលខ្លះៗម៉ាក់រកតែសម្រាក ឬតែងខ្លួនសឹងតែមិនបាន។ កត្តានេះហើយធ្វើឲ្យស្រីៗមួយចំនួនទៅជាមានបញ្ហាផ្លូវចិត្ត បារម្ភខ្លាចជីវិតប្រេះស្រាំ ខ្លះទៀតខ្វល់ខ្លាចប្តីបែកចិត្តទៅមានថ្មី។
៥- កូនធ្វើទុក្ខ សម្រាកមិនគ្រប់គ្រាន់
មានកូនតូចមិនសូវធ្វើទុក្ខអត់បញ្ហាចោទទេ តែបើចំអាអូនធ្វើទុក្ខវិញ ម៉ាក់ៗច្បាស់ជាអត់បានដេកទាំងថ្ងៃទាំងយប់ហើយ ងាកៗយំរករឿង បៅ នោម ជុះ មិនស្វាងទេ។ សរសៃខ្ចីផង ណាកូនរករឿងមិនបានដេក មិនបានញ៉ាំពេញមាត់ ជាមូលហេតុធ្វើឲ្យម៉ាក់ៗមានបញ្ហាផ្លូវចិត្តលឿនបំផុត។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
