មានផ្ទៃពោះ

បើស្រ្តីពពោះមិនបញ្ឈប់ទង្វើទាំងនេះទេ អាចនឹងប៉ះពាល់ដល់កូនមិនខាន

ការពពោះ គឺជារយៈពេលដ៏សំខាន់ និងមានអត្ថន័យបំផុតសម្រាប់ម៉ាក់ៗ។ អំឡុងពេលនេះដែរ យើងចាំបាច់ត្រូវមានការប្រុងប្រយ័ត្នចំពោះទម្លាប់ខុសឆ្គងមួយចំនួន ដែលអាចប៉ះពាល់ដល់សុខភាពអាអូនក្នុងផ្ទៃ។ តើរឿងអ្វីខ្លះ ដែលម៉ាក់ៗមិនគួរធ្វើអំឡុងពេលពពោះ? ១. ខ្ជិលច្រអូស និងមិនធ្វើអ្វីទាំងអស់ ម៉ាក់ៗគួរធ្វើសកម្មភាពប្រចាំថ្ងៃស្រាលៗ រួមបញ្ចូលការហាត់យូហ្គា ដើរជារៀងរាល់ថ្ងៃ ឬចំណាយពេលខ្លះ ធ្វើរឿងដែលខ្លួនឯងចូលចិត្ត។ ទង្វើទាំងនេះ អាចជួយគ្រប់គ្រងអារម្មណ៍ កាត់បន្ថយអាការៈចាញ់កូន ជួយឲ្យគេងលក់ស្កប់ស្កល់ និងបញ្ចៀសបញ្ហាសុខភាពផ្សេងៗ។ ម្យ៉ាងវិញទៀត បើយើងអង្គុយច្រើនពេក នោះនឹងអាចបណ្តាលឲ្យមានបញ្ហាសុខភាពមួយចំនួន ដូចជាឡើងទម្ងន់ ឬជំងឺទឹកនោមផ្អែមពេលពពោះ។ល។ ២. ជក់បារី ញ៉ាំគ្រឿងស្រវឹង និងជាតិកាហ្វេអ៊ីន នៅពេលដែលយើងជក់បារី ញ៉ាំគ្រឿងស្រវឹង ឬជាតិកាហ្វេអ៊ីន សារធាតុទាំងនោះនឹងចូលទៅកាន់សុករបស់ម៉ាក់ៗ ហើយប៉ះពាល់ដល់ទារកក្នុងផ្ទៃដោយផ្ទាល់។ ហានិភ័យនៃកូនស្លាប់ក្នុងផ្ទៃ សម្រាលមិនគ្រប់ខែ ការរលូតកូន កូនកើតមិនគ្រប់គីឡូ និងបញ្ហាទារកស្លាប់ភ្លាមៗ អាចនឹងកើនឡើងខ្ពស់។ គ្រឿងស្រវឹង ក៏រួមចំណែកដល់បញ្ហាមិនប្រក្រតីខាងរាងកាយ និងបញ្ញាស្មារតី ហើយការជក់បារីទៀតសោត អាចប៉ះពាល់ដល់សមត្ថភាពក្នុងការមានផ្ទៃពោះម្តងទៀត និងបង្កជាបញ្ហាផ្លូវដង្ហើម។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ គណនាថ្ងៃមេជីវិតញីទុំធ្លាក់ ចុចទីនេះ! ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ៣. ញ៉ាំអាហារជាក់លាក់ ទន្ទឹមនឹងនេះដែរ សាច់ បន្លែ ត្រី ឬស៊ុតឆៅ ទឹកផ្លែឈើ ឈីស និងអាហារកែច្នៃមួយចំនួន អាចបណ្តាលឲ្យមានផលវិបាកក្នុងពេលសម្រាល។ អ៊ីចឹងហើយ […]

ការថែទាំផ្ទៃពោះមុនសម្រាល

នៅត្រីមាសទី ៣ ម៉ាក់ៗគួរតេស្តរកមេរោគម្យ៉ាង បង្ការបញ្ហាផ្សេងៗកើតលើកូន

ការធ្វើតេស្តរកមេរោគស្រ្តេបតូកូកអាចឱ្យម៉ាក់ៗដឹងថា ម៉ាក់ៗមាន ឬគ្មានមេរោគស្រ្តេបតូកូកនៅទ្វារមាស ឬរន្ធគូទ។ ការមានមេរោគស្រ្តេបតូកូកអាចមិនបណ្តាលឱ្យម៉ាក់ៗមានបញ្ហាសុខភាព តែអាចចម្លងដល់កូនក្នុងផ្ទៃក្នុងអំឡុងពេលសម្រាល និងអាចបង្កបញ្ហាសុខភាពច្រើនដល់កូន ឬអាចគ្រោះថ្នាក់ដល់ជីវិតក៏មាន។ តើតេស្តរកមេរោគស្រ្តេបតូកូកអាចការពារកូនក្នុងផ្ទៃពីហានិភ័យសុខភាពអ្វីខ្លះ? ជាទូទៅម៉ាក់ៗពពោះអាចធ្វើតេស្តរកមេរោគស្រ្តេបតូកូកក្នុងអំឡុងសប្តាហ៍ទី ៣៥ ដល់ ៣៧។ គ្រូពេទ្យនឹងធ្វើការកៀរយកទឹករម្អិលពីក្នុងទ្វារមាស និងកៀរយកកោសិកាពីរន្ធគូទមកពិនិត្យ។ ក្នុងករណីខ្លះ គ្រូពេទ្យអាចធ្វើការណែនាំម៉ាក់ៗពីរបៀបប្រមូលសំណាកដោយខ្លួនឯង។ ប្រសិនបើលទ្ធផលវិជ្ជមានមានន័យថា ម៉ាក់ៗមានមេរោគស្រ្តេបតូកូកហើយ។ ដូច្នេះ ក្នុងអំឡុងពេលសម្រាលដោយធម្មជាតិ គ្រូពេទ្យ ឬឆ្មបនឹងប្រើថ្នាំអង់ទីប្យូ៊ទិចឱ្យម៉ាក់ៗដើម្បីសម្លាប់មេរោគស្រ្តេបតូកូក និងដើម្បីកាត់បន្ថយហានិភ័យកូនក្នុងផ្ទៃពីការឆ្លងមេរោគស្រ្តេបតូកូក។ ម៉ាក់ៗដែលមានមេរោគស្រ្តេបតូកូកអាចមិនមានរោគសញ្ញានៃការឆ្លងមេរោគ ហើយប្រសិនបើម៉ាក់ៗមិនបានធ្វើតេស្តរកមេរោគស្រ្តេបតូកូកទេ ម៉ាក់ៗអាចចម្លងមេរោគនេះដល់កូនក្នុងផ្ទៃក្នុងពេលសម្រាល។ ទោះបីជាអត្រាឆ្លងមេរោគស្រ្តេបតូកូកអាចមានតិចក៏ដោយ ការឆ្លងមេរោគនេះអាចបណ្តាលឱ្យទារកទើបកើតមានបញ្ហាសុខភាពដែលអាចគំរាមកំហែងដល់អាយុជីវិត។ ចង់ដឹងអត្ថន័យពណ៌ និងរូបរាងលាមកទារក ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ចង់គណនាថ្ងៃមេជីវិតញីទុំធ្លាក់ ចុចទីនេះ! ប្រសិនបើទារកទើបកើតឆ្លងមេរោគស្រ្តេបតូកូក អាចឈឺភ្លាមៗក្នុងអំឡុងពេលមួយសប្តាហ៍បន្ទាប់ពីសម្រាលរួច។ យើងហៅថា ការឆ្លងមេរោគកើតឡើងភ្លាមៗ តែបើទារកទើបកើតឈឺក្នុងរយៈពេលប៉ុន្មានអាទិត្យ ឬខែបន្ទាប់ពីសម្រាលរួច យើងហៅថាការឆ្លងមេរោគកើតឡើងយឺត។ - ការឆ្លងមេរោគស្រ្តេបតូកូកកើតឡើងភ្លាមៗអាចធ្វើឱ្យទារកមានបញ្ហាសុខភាពធ្ងន់ធ្ងរដូចជា៖ រលាកស្រោមខួរក្បាល ឬខួរឆ្អឹងខ្នង (រលាកស្រោមខួរ) ការឆ្លងមេរោគក្នុងសួត (រលាកសួត) ការឆ្លងមេរោគក្នុងឈាម (ការបង្ករោគក្នុងឈាម) ទារកទើបកើតមួយចំនួនដែលឈឺភ្លាមៗដោយសារឆ្លងមេរោគស្រ្តេបតូកូកអាចស្លាប់ ទោះបីជាមានការព្យាបាលភ្លាមៗក៏ដោយ។ - ការឆ្លងមេរោគស្រ្តេបតូកូកដែលកើតឡើងយឺតអាចធ្វើឱ្យទារកមានបញ្ហាសុខភាពដូចជា៖ គ្មានកម្លាំង មួម៉ៅ មិនសូវបៅ ក្តៅខ្លួនខ្លាំង ប្រសិនបើប៉ាម៉ាក់សម្គាល់ឃើញអាអូនមានរោគសញ្ញាដូចបានរៀបរាប់ខាងលើ ប៉ាម៉ាក់ត្រូវប្រាប់គ្រូពេទ្យជាបន្ទាន់។ ការធ្វើតេស្តរកមេរោគស្រ្តេបតូកូកមិនត្រឹមតែអាចការពារទារកក្នុងផ្ទៃពីការឆ្លងមេរោគស្រ្តេបតូកូកក្នុងអំឡុងពេលសម្រាលទេ ថែមទាំងអាចការពារម៉ាក់ៗពីការឆ្លងមេរោគក្នុងផ្លូវទឹកនោម សុក ទឹកភ្លោះ ឬចរន្តឈាមទៀតផង […]