ក្នុងអំឡុងពេលឈឺពោះសម្រាលកូន ស្ត្រីដែលលេចចេញសញ្ញាគ្រោះថ្នាក់ពេលសម្រាល ត្រូវការបញ្ជូនទៅសង្គ្រោះនៅមន្ទីរមន្ទីរពេទ្យក្នុងរយៈពេលក្រោម ២ម៉ោង បើមិនដូច្នេះទេទាំងម៉ាក់ៗ ឬទារកអាចប្រឈមការស្លាប់ខ្ពស់។ នេះបើតាមការឲ្យដឹងពីលោកវេជ្ជបណ្ឌិត ច័ន្ទ រស្មី ឯកទេសផ្នែកសម្ភព និងរោគស្ត្រី។
ការធ្លាក់ឈាមខ្លាំងភ្លាមៗ ឬការហូរឈាមតិចៗជាប់ជាបន្ត មានគ្រោះថ្នាក់ខ្លាំងណាស់។ សមាជិកគ្រួសារ ២នាក់គួរទៅមន្ទីរពេទ្យជាមួយស្ត្រី ក្នុងករណីត្រូវការបញ្ចូលឈាម។ មួយវិញទៀត ការឈឺចាប់ខ្លាំងជាប់ជានិច្ចនៅក្នុងពោះ ខុសពីការកន្ត្រាក់ស្បូនពេលឈឺពោះ អាចមានន័យថា សុកកំពុងរបេះពីស្បូនដែលអាចសម្លាប់ម្ដាយ ឬទារក។
សញ្ញាគ្រោះថ្នាក់ពេលសម្រាលនេះ អាចជាសញ្ញានៃក្រឡាភ្លើង។ ស្ត្រីត្រូវការជំនួយវេជ្ជសាស្ត្រជាបន្ទាន់ បើឈឺពោះសម្រាលរយៈពេលយូរ។ ការឈឺពោះសម្រាលខ្លាំង យូរជាង១ថ្ងៃ ឬ១យប់ (១២ម៉ោង) ឬការប្រឹងសម្រាលយូរជាង ២ម៉ោង ហើយនៅតែគ្មានសញ្ញាថាទារកនឹងកើត គឺជាសញ្ញានៃការឈឺពោះសម្រាលអូសបន្លាយ ដែលអាចសម្លាប់ទាំងម្ដាយ និងទារក។
សញ្ញាគ្រោះថ្នាក់ពេលសម្រាលមួយទៀត គឺដៃ ឬជើងទារកចេញមកមុន ពោលគឺទារកកំពុងស្ថិតក្នុងទីតាំងខុសប្រក្រតី។ ជាធម្មតា ពេលសម្រាលកូន ទារកគឺកើតចេញក្បាលមុនដៃជើង។
វេជ្ជបណ្ឌិតខាងលើបន្តថា ដើម្បីបង្ការការបង្ករោគ ការសម្រាលគួរកើតឡើងក្នុងអំឡុង ២៤ម៉ោង បន្ទាប់ពីបែកទឹកភ្លោះ។ សមាជិកគ្រួសារ ត្រូវស្វែងរកជំនួយវេជ្ជសាស្ត្រប្រសិនបើស្ត្រីបែកទឹកភ្លោះយូរជាង ១២ម៉ោង ហើយមិនឈឺពោះ។ បើឃើញ ទឹកភ្លោះពណ៌បៃតង ឬពណ៌ត្នោត នោះអាចថាទារកបញ្ចេញលាមកនៅក្នុងស្បូន ដែលជាធម្មតាទារកអាចបញ្ចេញលាមកដំបូងតែពេលកើតប៉ុណ្ណោះ។ បើនៅបន្តទុកយូរទៀត ទារកក៏អាចខ្សោយខ្វះឈាមនាំអុកស៊ីសែន ថប់ដង្ហើម ឬឆ្លងមេរោគព្រោះលាមកទៅក្នុងមាត់ និងសួត។
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Labour complications https://www.pregnancybirthbaby.org.au/labour-complications
Most Dangerous Birth Complications https://www.birthinjuryhelpcenter.org/pregnancy-dangerous-complications.html
Childbirth Problems https://medlineplus.gov/childbirthproblems.html
