សម្រាលកូន

ក្រោយសម្រាលកូន ម៉េចម៉ាក់ៗជាច្រើន ឧស្សាហ៍មួម៉ៅ ខឹងច្រើន និងពិបាកគ្រប់គ្រងអារម្មណ៍?

ម៉ាក់ៗមានឆ្ងល់អត់ ម៉េចបានក្រោយពេលសម្រាលកូនរួច ម៉ាក់ៗឧស្សាហ៍មួម៉ៅ ខឹងច្រើន ហើយពេលខ្លះពិបាកគ្រប់គ្រងអារម្មណ៍ដោយមិនដឹងខ្លួន? ពិតណាស់ បញ្ហាមួយនេះអាចបណ្តាលមកពីកម្រិតអ័រម៉ូននៅក្នុងខ្លួនយើង ការប្រែប្រួលបែបបទរស់នៅ ឬការប្រែប្រួលលើរូបរាងកាយជាដើម។ យោងតាមការសិក្សាមួយចំនួន បានបង្ហាញថា អាការៈខឹងមួរម៉ៅច្រើន ក្រោយពេលសម្រាលអាចជំរុញឲ្យម៉ាក់ៗប្រឈមនឹងបញ្ហាមួយចំនួនទៀត ដូចជាបាក់ទឹកចិត្ត ឬថប់បារម្ភក្រោយពេលសម្រាលកូនរួច។ ពិតណាស់ ដែលថា បញ្ហាផ្លូវចិត្ត និងការប្រែប្រួលអារម្មណ៍ កើតឡើងជាទូទៅ បន្ទាប់ពីយើងសម្រាលកូនរួច។ ស្របពេលដែលយើងជួបប្រទះការប្រែប្រួលអ័រម៉ូន សុខភាព និងការរស់នៅប្រចាំថ្ងៃផងនោះ អារម្មណ៍របស់យើងក៏ចាប់ផ្តើមមិននឹងនរដែរ។ មួយវិញទៀត នៅពេលដែលយើងមិនបានគេង ដោយសារតែត្រូវមើលថែទាំអាអូន ក៏រួមចំណែកធ្វើឲ្យម៉ាកៗឆាប់ខឹង ឬមួម៉ៅភ្លាមៗផងដែរ។ គណនាថ្ងៃសម្រាលកូន គណនាទម្ងន់ស្ត្រីអំឡុងពពោះ តើអាការៈខឹងមួម៉ៅក្រោយសម្រាល ដូចគ្នាទៅនឹងការបាក់ទឹកចិត្តក្រោយសម្រាលដែរអត់? អាការៈខឹងមួម៉ៅក្រោយសម្រាល និងការបាក់ទឹកចិត្តក្រោយសម្រាល មិនមែនជាស្ថានភាពដូចគ្នាឡើយ ប៉ុន្តែវាមានលក្ខណៈប្រហាក់ប្រហែលគ្នា។ អាការៈខឹងមួម៉ៅក្រោយសម្រាល កើតឡើងនៅពេលដែលម៉ាក់ៗផ្ទុះកំហឹងដោយមិនអាចគ្រប់គ្រងបាន។ ប៉ុន្តែប្រសិនបើម៉ាក់មានជំងឺបាក់ទឹកចិត្តក្រោយសម្រាល នោះនឹងមានរោគសញ្ញាដូចជា ពិបាកចិត្ត គិតថាខ្លួនឯងមានកំហុស ឬមានអារម្មណ៍ឯកកោ រួមជាមួយនឹងអារម្មណ៍ខឹងសម្បារ។ រោគសញ្ញានៃអាការៈខឹងមួរម៉ៅក្រោយសម្រាល មានអារម្មណ៍ចង់ស្រែកដាក់អ្នកផ្សេង វាយវត្ថុផ្សេងៗ ជេរ ឬស្រែកច្រើនជាងធម្មតា មួរម៉ៅ និងពិបាកគ្រប់គ្រងអារម្មណ៍។ [embed-health-tool-vaccination-tool] កត្តាអ្វីខ្លះដែលនាំឲ្យម៉ាក់ៗប្រឈមនឹងអាការៈខឹងមួម៉ៅច្រើនក្រោយសម្រាល? អ័រម៉ូនEstrogen និងអ័រម៉ូនProgesteroneធ្លាក់ចុះ មានប្រវត្តិគ្រួសារកើតជំងឺបាក់ទឹកចិត្ត ឬថប់បារម្ភ គេងមិនគ្រប់គ្រាន់ មានអារម្មណ៍ប្លែកថ្មី ពាក់ព័ន្ធនឹងការចិញ្ចឹមថែទាំកូន ប្រែប្រួលរូបរាងកាយ […]

ថ្ងៃសម្រាល

គ្រូពេទ្យ បកស្រាយបញ្ហាវះកាត់សម្រាលរួចឈឺក្បាល និងអារម្មណ៍ឆេវឆាវ

ម៉ាក់ៗសម្រាលកូនដោយវះកាត់ជាច្រើនបានលើកឡើងថា ក្រោយសម្រាលកូនដោយវះកាត់រួច ប្រែជាឈឺក្បាល ឬអារម្មណ៍ឆេវឆាវ ព្រោះត្រូវជាតិថ្នាំសណ្ដំដែលចាក់ពេលវះកាត់។ ចំពោះបញ្ហានេះ លោកសាស្ត្រាចារ្យវេជ្ជបណ្ឌិត គាន់ អូន បានលើកឡើងថា មិនមែនមកពីការវះកាត់ទាំងស្រុងទេ។ ប្រធានផ្នែករោគស្ត្រី នៃមន្ទីរពេទ្យកាល់ម៉ែត រូបនោះបានឲ្យដឹងទៀតថា អ្នកខ្លះមានបញ្ហាឈឺក្បាលតាំងពីមុនមានកូន ហើយក្រោយវះកាត់មានបញ្ហានេះ ក៏ចោតទាំងថាមកពីសម្រាលដោយមុខកាំបិត។ ចំណែកអ្នកនៅលីវខ្លះ មិនទាន់មានឆ្លងកាត់រឿងរ៉ាវអស់ទាំងនេះ ក៏មានបញ្ហាឈឺក្បាលដែរ តើនោះមកពីអ្វី? គឺវាបណ្ដាលមកពីស្ថានភាពប្រចាំថ្ងៃរបស់យើងខ្លួនឯងដែលគិតច្រើន ឬមានជំងឺឈឺក្បាលតាំងពីដើមរៀងមកដូចជាជំងឺប្រឆាំងជាដើម។ ទោះជាយ៉ាងណា លោកមិនបានបដិសេធទាំងស្រុងថា វះកាត់សម្រាលកូន មិនមែនជាដើមទាំងស្រុងឡើយ វាអាចជាផ្នែកមួយដែលធ្វើឲ្យឈឺក្បាលផងដែរ ដោយសារផលប៉ះពាល់របស់ថ្នាំសណ្ដំ ដោយស្ត្រីខ្លះឈឺក្បាល និងខ្លះទៀតឈឺឆ្អឹងខ្នង តែមានតិចតួចប៉ុណ្ណោះ បូករួមបច្ចេកវិទ្យាកាន់តែទំនើបការឈឺចុកចាប់កាន់តែកាត់បន្ថយ ហើយសូម្បីតែមុខរបួសកន្លែងថ្នេរក៏ពេទ្យមានថ្នាំចាក់ទីនោះមិនឲ្យឈឺដែរ។ ចំណែកអារម្មណ៍ប្រែប្រួលរបស់ស្ត្រីក្រោយសម្រាលកូនរួច ក៏មិនមែនមកពីការវះកាត់សម្រាលដែរ តែជាធម្មតាជាតិជាម្ដាយតែងតែគិតពីកូនគ្រប់ពេលវេលា ខួរក្បាលគ្មានពេលសម្រាលគ្រប់គ្រាន់ ហើយបូករួមយើងមើលកូនតែម្នាក់ឯងគ្មានចាស់ទុំ ឬប្ដីនៅចាំជួយ កូនឈឺ កូនយំ កូនរករឿងទើបធ្វើឲ្យអារម្មណ៍ចាប់ផ្ដើមមួម៉ៅ។ រឿងសំខាន់មួយទៀត គឺកូនរករឿងយំយប់ព្រលប់ មិនបានគេងគ្រប់គ្រាន់ ហើយថ្ងៃឡើងត្រូវរ៉ាប់រងតែឯងទៀត សួរថាស្ត្រីណាដែលមិនខឹង។ ជាចុងក្រោយលោកបានបញ្ជាក់ថា ការវះកាត់សម្រាលមិនបានធ្វើឲ្យម៉ាក់ៗប្រែប្រួលចរិត ឬឈឺក្បាលរ៉ាំរ៉ៃឡើយ ពោលគឺអាចមកពីយើងខ្លួនឯងគ្មានពេលសម្រាលគ្រប់គ្រាន់ និងញ៉ាំមិនទៀងទាត់ទៅវិញ។ អត្ថបទពាក់ព័ន្ធ៖ វះកាត់សម្រាលកូន ប៉ុន្មានម៉ោងក្រោយទើបអាចញ៉ាំអាហារបាន? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ […]