បើរវល់ ហើយចង់រក្សាអត្ថបទទុកអានពេលក្រោយច្រើនប៉ុណ្ណាក៏បាន គ្រាន់តែ Login ហើយចូលទៅកាន់ សុខភាពខ្ញុំ ឥឡូវនេះ!

មាតិកា

រង្វាស់សុខភាព

ចែករំលែក

ចង់ឲ្យថ្លើមសុខភាពល្អ គួរដឹងអាហារត្រូវញ៉ាំនិងចៀសវាងទាំងនេះ

ថ្លើមមានតួនាទីបំបែកកាបូអ៊ីដ្រាត បង្កើតគ្លុយកូស និងកម្ចាត់ជាតិពុលក្នុងរាងកាយ។ ថ្លើមក៏ស្តុកសារធាតុចិញ្ចឹម និងបង្កើតទឹកប្រមាត់ដែលសំខាន់សម្រាប់ការរំលាយអាហារ និងស្រូបយកសារធាតុចិញ្ចឹមនៅក្នុងអាហារ។ បើថ្លើមដំណើរការមិនល្អអាចប្រឈមនឹងជំងឺច្រើន បញ្ហារំលាយអាហារ និងជំងឺទឹកនោមផ្អែមប្រភេទ២ ជាដើម។ ដើម្បីឲ្យថ្លើមសុខភាពល្អ របបអាហារប្រចាំថ្ងៃសំខាន់ណាស់ចំពោះសុខភាពថ្លើមយើង។ ទាំងនេះជាអាហារគួរញ៉ាំនិងមិនគួរញ៉ាំ ដើម្បីជាជំនួយដល់ថ្លើម។

អាហារគួរញ៉ាំ

១. កាហ្វេ

កាហ្វេមានផលល្អដល់សុខភាពថ្លើម ជាពិសេសអាចជួយការពារជំងឺខ្លាញ់រុំថ្លើម។ ការសិក្សាបានបង្ហាញ ថាការផឹកកាហ្វេរាល់ថ្ងៃអាចកាត់បន្ថយហានិភ័យជំងឺថ្លើមរ៉ាំរ៉ៃ និងជួយការពារថ្លើមពីការខូចខាតដូចជាជំងឺមហារីកថ្លើម។ ការសិក្សាមួយទៀតបានលើកឡើងថាឥទ្ធិពលការពាររបស់កាហ្វេមកមានឥទ្ធិពលទៅលើអង់ស៊ីមថ្លើម។ ម៉្យាងទៀតកាហ្វេអាចកាត់បន្ថយការកើនឡើងនៃខ្លាញ់ក្នុងថ្លើម និងបង្កើនសារធាតុប្រឆាំងអុកស៊ីតកម្មក្នុងថ្លើម ហើយសមាសធាតុក្នុងកាហ្វេក៏ជួយអង់ស៊ីមថ្លើមក្នុងការកំចាត់សារធាតុបង្កមហារីកដែរ។

គួរអាន៖

២. តែបៃតង

ការសិក្សាឆ្នាំ២០១៥ បានសម្គាល់ថាតែបៃតងអាចជួយកាត់បន្ថយជាតិខ្លាញ់ ប្រឆាំងនឹងអាការៈ oxidative stress និងបន្ថយរោគសញ្ញាផ្សេងៗនៃជំងឺខ្លាញ់រុំថ្លើមមិនមែនដោយសារការផឹកស្រា ដែលនេះសុទ្ធតែជាប្រយោជន៍ដល់សុខភាពថ្លើមយើងទេ។ យកល្អគួរផឹកទឹកតែ ព្រោះវាល្អជាងញ៉ាំផលិតផលធ្វើពីតែបៃតង។

តែបៃតង

៣. ខ្ទឹមស

ការបន្ថែមខ្ទឹមសទៅក្នុងរបបអាហារក៏អាចជួយដល់ថ្លើម។ ការសិក្សាមួយបង្ហាញថាការញ៉ាំខ្ទឹមសអាចសម្រកទម្ងន់ និងបន្ថយជាតិខ្លាញ់នៃអ្នកមានជំងឺខ្លាញ់រុំថ្លើមមិនមែនដោយសារការផឹកស្រា។ នេះដោយសារតែជំងឺខ្លាញ់រុំថ្លើមមិនមែនដោយសារការផឹកស្រាបង្កដោយការធាត់ជ្រុល។

៥. ពពួកបឺរី

ពពួកបឺរីដូចជាផ្លែប្លូបឺរី raspberry និងcranberry មានផ្ទុកសារធាតុប្រឆាំងអុកស៊ីតកម្ម polyphenols ដែលអាចការពារថ្លើមពីការខូចខាតបាន។

៦. ផ្លែទំពាំងបាយជូរ

ការសិក្សានៅក្នុងព្រឹត្តិបត្រ World Journal of Gastroenterology បានលើកឡើងថាផ្លែទំពាំងបាយជូរ ទឹកទំពាំងបាយជូរ និងគ្រាប់ទំពាំងបាយជូរសំបូរដោយសារធាតុប្រឆាំងអុកស៊ីតកម្មដែលជួយថ្លើមដោយបន្ថយការរលាក និងបង្ការការខូចខាតថ្លើម។

៧. ក្រូចថ្លុង

ក្រូចថ្លុងមានសារធាតុប្រឆាំងអុកស៊ីតកម្ម naringin និងnaringenin ដែលអាចជួយការពារថ្លើមពីរបួសដោយបន្ថយការរលាក និងការពារកោសិកាថ្លើម។ សារធាតុទាំងនេះក៏អាចកាត់បន្ថយការកើននៃខ្លាញ់ក្នុងថ្លើម និងបង្កើនអង់ស៊ីមដុតបំផ្លាញជាតិខ្លាញ់។ ផ្លែនេះអាចប្រឆាំងនឹងជំងឺខ្លាញ់រុំថ្លើមមិនមែនដោយសារការផឹកស្រាបាន។

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

៨. ត្រីមានខ្លាញ់ច្រើន

ត្រីមានខ្លាញ់ច្រើនសំបូរដោយអាស៊ីតខ្លាញ់អូមេហ្គា៣ ដែលជាខ្លាញ់ល្អអាចជួយបន្ថយការរលាក។ ខ្លាញ់ទាំងនេះមានប្រយោជន៍ដល់ថ្លើមដោយការពារមិនឲ្យមានជាតិខ្លាញ់កើន និងរក្សាកម្រិតអង់ស៊ីមក្នុងថ្លើម។ ការសិក្សាណែនាំថាគួរញ៉ាំពីរដង ឬច្រើនជាងនេះក្នុងមួយសប្តាហ៍។

៩. ប្រេងអូលីវ

ការញ៉ាំខ្លាញ់ច្រើនពេកគឺមិនល្អសម្រាប់ថ្លើមទេ ប៉ុន្តែខ្លាញ់ខ្លះគឺល្អសម្រាប់ថ្លើម។ ការបន្ថែមប្រេងអូលីវទៅក្នុងរបបអាហារប្រចាំថ្ងៃអាចកាត់បន្ថយអាការៈ oxidative stress និងជួយដំណើរថ្លើមឲ្យប្រសើរជាងមុន។ នេះមកពីអាស៊ីតខ្លាញ់មិនឆ្អែតក្នុងប្រេងអូលីវ។

១០. បន្លែ និងផ្លែឈើផ្សេងៗ

បន្លែ និងផ្លែឈើមួយចំនួនមានប្រយោជន៍ដល់ថ្លើមមានដូចជា ផ្លែបឺរ ផ្លែចេក មើមឆៃថាវក្រហម ផ្កាខាត់ណាខៀវ អង្ករសម្រូប ការ៉ុត ក្រូចឆ្មារ ផ្លែល្ហុង និងផ្លែឪឡឹក។

អាហារគួរចៀសវាង

ចង់ការពារផ្លើមឲ្យមានសុខភាពល្អ គួរចៀសវាងអាហារទាំងនេះដែលធ្វើឲ្យថ្លើមមានការពិបាកក្នុងការដំណើរការ៖

១. អាហារមានជាតិខ្លាញ់៖ នេះមានប្រភេទអាហារបំពង Fast foods នំដំឡូងកញ្ចប់ និងគ្រាប់ធញ្ញជាតិដែលមានខ្លាញ់ច្រើន។

២. អាហារមានជាតិម្សៅ៖ អាហារទាំងនេះរួមមាននំប៉័ង ផាស្តា និងនំខេក។

៣. ស្ករ៖ អាហារមានជាតិស្ករដូចជា cereal ផលិតផលដុត និងស្ករគ្រាប់ រួមទាំងការប្រើប្រាស់ស្ករ។

៤. អំបិល៖ ដើម្បីកាត់បន្ថយការញ៉ាំអំបិលកុំញ៉ាំអាហារក្រៅច្រើន និងចៀសវាងអាហារ ឬបន្លែកំប៉ុង។

៥. គ្រឿងស្រវឹង៖ ការបន្ថយការផឹកគ្រឿងស្រវឹងអាចជួយឲ្យថ្លើមមានពេលសម្រាក។

គួរអាន៖

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ថាត់ រ័ត្នមូនីតា · កែ 02/02/2022

ចង់ឲ្យ​​ថ្លើមសុខភាពល្អ គួរដឹងអាហារត្រូវញ៉ាំនិងចៀសវាងទាំងនេះ

អាហារគួរញ៉ាំ

អាហារ​គួរ​ចៀស​វាង

ចង់ឲ្យថ្លើមសុខភាពល្អ គួរដឹងអាហារត្រូវញ៉ាំនិងចៀសវាងទាំងនេះ

អាហារគួរចៀសវាង