home

ចំណេះដឹងទូទៅ

ចំណេះដឹងទូទៅ

អត្ថបទ ចំណេះដឹងទូទៅ

ចំណេះដឹងទូទៅ

និយាយ​ដល់​ផ្លែ​ស្រកានាគ គ្នា​យើង​ពិត​ជា​ស្គាល់​ច្បាស់​ណាស់ ផ្លែនេះ​មិន​ត្រឹម​តែ​មាន​តម្លៃ​សមរម្យ​ទេ ថែម​ទាំង​មាន​រស​ជាតិ​ឆ្ងាញ់​ផង​ដែរ។ ក្រៅពី​រសជាតិ គ្នា​យើង​ដឹង​ទេ​ថា​ផ្លែ​ស្រកានាគ​មាន​គុណ​ប្រ​យោជន៍​ចំពោះ​សុខភាព​ច្រើន​យ៉ាង​។ ​​​​១. សារធាតុ​ចិញ្ចឹម​ខ្ពស់​ ​ផ្លែ​ស្រកានាគ ដ្បិត​មាន​កាឡូរី​តិច តែ​មាន​សារ​ធាតុរ៉ែ វិតាមីន​សំខាន់ៗ​ជា​ច្រើន ព្រម​ទាំង​មាន​ជាតិ​សរសៃ​ទៀត​ផង។ ក្នុង​ផ្លែស្រកា​នាគ​មាន​ប្រូតេអ៊ីន កាបូអ៊ីដ្រាត ជាតិ​សរសៃ ជាតិ​ដែក ម៉ាញ៉េស្យូម វីតាមីន C និង​វីតាមីន​E។ ២. ជួយ​ស្បែក​ ផ្លែ​ស្រកា​នាគ​មាន​ផ្ទុក​សារធាតុ​ប្រឆាំង​អុក​ស៊ីតកម្ម និង​វីតាមីន ដែល​​មាន​ផល​ល្អ ដល់​សុខភាព​ស្បែក​។ វីតាមីន C នៅ​ក្នុង​ផ្លែឈើ​នេះ​ជួយ​ឲ្យ​ស្បែក​ភ្លឺ​ថ្លា ការពារ​ស្បែក​ស្រអាប់ និង​កាត់​បន្ថយ​ភាព​ចាស់​ជា​ដើម​។ ៣. ជាតិ​សរសៃ​ ផ្លែ​ស្រកា​នាគ​មាន​ជាតិ​សរសៃ​ខ្ពស់ កាឡូរី​ទាប និ​គ្មាន​ជាតិ​ខ្លាញ់។ ដូច​នេះ​ហើយ ការ​ដាក់​​ផ្លែ​ស្រកា​នាគ​ចូល​ក្នុង​របប​អាហារ នឹង​អាច​ជួយ​ឲ្យ​ប្រព័ន្ធ​រំលាយ​អាហារ​របស់​យើង​ដំណើរ​ការ​បាន​យ៉ាង​រលូន​។ ៤. សុខភាព​ពោះ​វៀន​ ផ្លែ​ស្រកាន​នាគ​ក៏​មាន​ដែរ​ prebiotics ដែល​សារធាតុ​នេះ​ជួយ​ជំរុញ​ឲ្យ​មាន​ការ​លូត​លាស់​របស់​បាក់​តេរី​ល្អៗ​នៅ​ក្នុង​ក្រពះ ដែល​ជំនួយ​ដល់​ការ​រំលាយ​អាហារ។ Prebiotics គឺ​ជា​តិ​សរសៃ​ម្យ៉ាង​ដែល​បាក់​តេរី​ល្អ​ក្នុងពោះ​វៀន​ត្រូវ​ការ​សម្រាប់​លូត​លាស់។ លើស​ពី​នេះ ផ្លែ​ស្រកានាគ​ក៏​មាន​ទំនាក់ទំនង​ក្នុង​ការ​ធ្វើ​ឲ្យ​ថយ​ចុះ​នូវ​ហានិភ័យ​កើត​ជំងឺ​មហារីក​ក្រ​ពះ​ដូច​គ្នា​។​​ ៥. ពង្រឹង​ប្រព័ន្ធ​ភាព​ស៊ាំ​ ដោយ​សារ​តែផ្លែ​ស្រកា​នាគ​មាន​ផ្ទុក​វីតាមីន​ C ទើប​ផ្លែ​ឈើ​នេះ​អាច​រួម​ចំណែក​ក្នុង​ការ​ពង្រឹង​ប្រព័ន្ធ​ភាព​ស៊ាំ​រ​បស់​យើង​បាន។ មួយ​វិញ​ទៀត ផ្លែ​ស្រកា​នាគ​ក៏​មាន​សារធាតុ​ប្រឆាំង​ការ​រលាក ដែល​ជួយ​ទៅ​ដល់​ប្រ​ព័ន្ធភាព​ស៊ាំ​ការ​ពារ​រាង​កាយ​ពី​ពពួក​បាក់តេរី និង​មេរោគ​។ ៦. ​ជាតិ​ដែក​ ផ្លែ​ស្រកានាគ​ ក៏​ជួយ​បង្កើ​កម្រិត​ជាតិ​ដែក​នៅ​ក្នុង​រាង​កាយ។ ជា​តិ​ដែក​មាន​សារ​សំខាន់​ក្នុង​ការ​ជួយ​ដឹង​ជញ្ជូន​អុក​ស៊ី​សែន​ក្នុង​រាង​កាយ។ ដូច​នេះ បើ​យើង​ចង់​បង្ការ​បញ្ហា​​ប្រឈម​នឹង​ខ្វះ​ជាតិ​ដែក កុំ​ភ្លេច​បន្ថែម​ផ្លែ​ស្រកា​នាគ​ទៅ​ក្នុង​របប​អាហារ​។

ចំណេះដឹងទូទៅ

​ថ្វី​ត្បិត​តែ​រោម​ច្រមុះ​ គឺ​ជា​រោម​ដែល​យើង​មិន​សូវ​ចង់​បាន​ក៏​ពិត​មែន​ ប៉ុន្តែ​វា​​មាន​អត្ថប្រយោជន៍​យ៉ាង​ខ្លាំង​​ចំពោះ​​សុខភាព​របស់​យើង​​​​។​ ជាក់​ស្ដែង រោម​ច្រមុះ​​រួម​ចំណែក​ក្នុង​ការ​ការពារ​សួត​របស់​យើង​ពី​ធូលី​ដី​ និង​កម្ទេចកំទី​ផ្សេងៗ​ដែល​ចូល​ទៅ​ក្នុង​ផ្លូវ​ដង្ហើម​ និង​ចរន្ត​ឈាម​​។ ប្រសិនបើ​យើង​មិន​មាន​រោម​ច្រមុះ​ទេ​នោះ​ យើង​អាច​នឹង​ឆ្លង​មេរោគ​ ការ​រលាក​ភ្នាស​ប្រអប់​រន្ធ​ច្រមុះ​  និង​ឆ្លងរោគ​ផ្លូវ​ដង្ហើមជាដើម​។​ ដូច្នេះ​ហើយ​ យើង​មិន​គួរ​កម្ចាត់​រោម​ច្រមុះ​ទាំង​អស់​​ឡើយ​។​ យ៉ាង​ណា​មិញ​ គ្នា​យើង​អាច​អនុវត្តន៍​តាម​វិធីសាស្ត្រ​ទាំង​នេះ​ ដើម្បី​កាត់បន្ថយ​​រោម​ច្រមុះ​ ដោយ​មិន​បង្ក​គ្រោះ​ថ្នាក់​ដល់​សុខភាព​របស់​យើង​។ ១.​ កុំ​​​បក​ ឬដក​រោម​ច្រមុះ​ឲ្យ​សោះ!​ ​​​ពិត​ណាស់​ ការបក ឬ​ដក​រោម​ច្រមុះ​ ធ្វើ​ឲ្យ​យើង​​មាន​ការ​ឈឺ​ចាប់​ខ្លាំង​ ព្រម​ទាំង​មិន​មាន​សុវត្ថិភាព​ផង​ដែរ ពីព្រោះ​វា​នឹង​ធ្វើ​ឲ្យ​ឫស​រោម​ច្រមុះ​បាត់បង់​ ដែល​អាច​បង្ក​​ទៅ​ជា​ការ​ឆ្លង​មេរោគ​ ឬ​ហើម​ជាដើម​។​ ​ជា​លទ្ធផល​ យើង​មិន​ត្រឹមតែ​ងាយ​កើត​បញ្ហា​​អាលែកហ្ស៊ី​ ការ​រលាក​ភ្នាស​ប្រអប់​រន្ធ​ច្រមុះ​  និង​ឆ្លង​រោគ​ផ្លូវ​ដង្ហើម ប៉ុណ្ណោះ​ទេ​ វា​ក៏​​អាច​​ចូល​ទៅ​កាន់​​ទី​តាំង​ដែល​សរសៃ​ឈាម​វ៉ែន​ប្រមូល​ផ្ដុំ​ និង​បង្ក​​គ្រោះថ្នាក់​ដល់​សុខភាព​យ៉ាង​ធ្ងន់ធ្ងរ​ ដោយ​ការ​​ឆ្លង​មេរោគ​ដោយ​ផ្ទាល់​ទៅ​ក្នុង​ខួរ​ក្បាល​ថែម​ទៀត​ផង​។ ២. កាត់​តម្រឹម​ ​​​​យើង​អាច​កម្ចាត់​រោម​ច្រមុះ​​បាន​​ដោយ​សុវត្ថិភាព​ និង​ងាយ​ស្រួល​បំផុត​តាម​រយៈ​ការ​កាត់​តម្រឹម​ដោយ​​​ប្រើ​កូន​​កន្ត្រៃ​កាត់​រោម​ច្រមុះ​។​ ជា​ទូទៅ​ កូន​កន្ត្រៃ​ប្រភេទ​នេះ​ ​ត្រូវ​បាន​រចនា​ឡើង​ជា​ពិសេស​សម្រាប់​​កាត់​រោម​ច្រមុះ​នៅ​ត្រង់​ផ្នែក​ដែល​​ពិបាក​កាត់​បំផុត​។​ យ៉ាង​ណា​មិញ​ ចូរ​​សម្អាត​ច្រមុះ​ និង​កន្ត្រៃ​ឲ្យ​បាន​ស្អាត​ជា​មុន​សិន​ មុន​ពេល​ដែល​យើង​ចាប់ផ្ដើម​កាត់​។ ៣. ម៉ាស៊ីន​កាត់​រោម​ច្រមុះ​ ​​​​​ជា​មួយ​គ្នា​នេះ​ដែរ​ ម៉ាស៊ីន​កាត់​រោម​ច្រមុះ​ ឬ​ Electric Buzzer ក៏​ជា​ជម្រើស​ដ៏​ប្រសើរ​បំផុត​ក្នុង​ការ​កាត់​រោម​ច្រមុះ​របស់​យើង​ប្រកប​ដោយ​សុវត្ថិភាព​ផង​ដែរ។​ វិធី​កាត់​រោម​ដោយ​ពុំ​មាន​ការ​ឈឺ​ចាប់​ និង​រហ័ស​នេះ​ អាច​ជួយ​​សន្សំ​សំចៃ​ពេលវេលា​របស់​យើង​​បាន​ច្រើន​ បើ​ប្រៀបធៀប​ជាមួយ​នឹង​ការ​ប្រើ​កន្ត្រៃ​។​   ៤. ការ​កម្ចាត់​រោម​ដោយ​ប្រើ​ម៉ាស៊ីន​ឡាស៊ែរ​ ​នៅ​ក្នុង​ករណី​ដែល​រោម​ច្រមុះ​របស់​យើង​​​ដុះ​ចេញ​មក​​ […]

ចំណេះដឹងទូទៅ

គ្នា​យើង​ពិត​ជា​ដឹង​ហើយ​ថា​ទឹក​ឃ្មុំ​មាន​ប្រ​យោជន៍​ច្រើន​ដល់​សុខ​ភាព ប៉ុន្តែ​គ្នា​យើង​​ដឹង​ទេ​ថា​គួរ​ញ៉ាំ​កម្រិត​ណា​មិន​ប៉ះពាល់​សុខភាព? តាម​ការណែនាំ​គ្នា​យើង​មិន​គួរ​ញ៉ាំ​ទឹក​ឃ្មុំ​លើស​ពី​៥០​មិល្លី​លីត្រ​ក្នុង​មួយ​ថ្ងៃ​នោះ​ទេ បើ​ញ៉ាំ​លើស​នេះ​អាច​ធ្វើ​ឲ្យ​យើង​មាន​បញ្ហា​ចំពោះ​សុខ​ភាព​មួយ​ចំនួន​ដែរ​។​ ១. អាច​ធ្វើ​ឲ្យ​ឡើង​កម្រិត​ជាតិ​ស្ករ​ក្នុង​ឈាម ទឹក​ឃ្មុំ​មាន​ផ្ទុក​ជាតិ​ស្ករ និង​កាបូអ៊ីដ្រាត ក្នុង​បរិមាណ​ដ៏​ច្រើន​។ ដូច​នេះ​ហើយ បើ​សិន​ជា​យើង​ញ៉ាំ​ទឹក​ឃ្មុំ​ច្រើន​ពេក​ កម្រិត​ជាតិ​ស្ករ​ក្នុង​ឈាម​របស់​យើង​ក៏​ហក់​ឡើង​ដូច​គ្នា​។​ មួយ​វិញ​ទៀត បើ​យើង​ជា​អ្នក​មាន​ជំងឺ​ទឹក​នោម​ផ្អែម​ទៀត​​នោះ យើង​នឹង​បាន​ដឹង​ពី​ភាព​មិន​ប្រ​ក្រ​តី​នៃ​កម្រិត​ជាតិ​ស្ករ​កាន់តែ​លឿន​ និង​អាច​មាន​គ្រោះ​ថ្នាក់​​ទៀត​ផង​។​ ២. ទឹកឃ្មុំ​អាច​បញ្ចុះ​សម្ពាធ​ឈាម​ ​ទឹក​ឃ្មុំ​ត្រូវ​គេ​ដឹង​ថា​មាន​សារធាតុ​ផ្សំ​ដ៏​អស្ចារ្យ​ក្នុង​ការ​ជួយ​គ្រប់​គ្រង​សម្ពាធ​ឈាម​។ ប៉ុន្តែ​បើ​យើង​ញ៉ាំ​ច្រើន​លើស​ការ​កំណត់ វា​ក៏​ធ្វើ​ឲ្យ​យើង​ប្រឈម​នឹង​ការ​ធ្លាក់​ចុះ​សម្ពាធ​ឈាម​ដូច​គ្នា។ បើ​សិន​ជា​យើង​បន្ត​ឲ្យ​មាន​អាការៈ​បែប​នេះ​យូរ​អង្វែង នោះ​នឹង​ប៉ះ​ពាល់​ដល់​ដំណើរ​ការ​បេះ​ដូង​​មិន​ខាន​។​ ៣. បង្ក​ជា​បញ្ហា​ក្រពះ​ពោះ​វៀន​ ក្នុង​ករណី​គ្នា​យើង​កំពុង​ជួប​បញ្ហា​ទល់លាមក​ផង​នោះ បើ​ញ៉ាំ​ទឹក​ឃ្មុំ​ច្រើន​ទៀត​នឹង​ធ្វើ​ឲ្យ​បញ្ហា​កាន់​តែ​អាក្រក់​ជាង​មុន។​ ក្រៅពី​នេះ ញ៉ាំ​ទឹក​ឃ្មុំ​លើស​កម្រិត​ក៏​អាច​ធ្វើ​ឲ្យ​យើង​ជួប​បញ្ហា​ហើម​ពោះ ឬ​រាក ព្រោះ​តែ​រាង​កាយ​មិន​អាច​បំបែក​ស្ករ​នៅ​ក្នុង​ទឹក​ឃ្មុំ​បាន​។​ ៤. ធ្វើ​ឲ្យ​ឡើង​គីឡូ បើ​និយាយ​ដល់​ការ​ឡើង​គីឡូ ស្រីៗ​ឮ​ច្បាស់​ជា​ភ្ញាក់​ផ្អើល​មិន​ខាន​ បើ​កំពុង​តែ​មាន​ផែនការ​សម្រក​ទម្ងន់​ផង​នោះ។ អ៊ីចឹង​ហើយ បើ​យើង​ស្ថិត​ក្នុង​ផែនការ​សម្រក​ទម្ងន់​ ត្រូវ​ញ៉ាំ​ទឹក​ឃ្មុំ​ឲ្យ​មាន​កម្រិត​។ ទឹក​ឃ្មុំ​មាន​កាឡូរី និង​ស្ករ​ ខ្ពស់ និង​មាន​កាបូអ៊ីដ្រាត​ថែមទៀត​ផង ដែល​អ្វី​ទាំង​នេះ​សុទ្ធ​តែ​អាច​ធ្វើ​ឲ្យ​គីឡូ​ឡើង​បាន​។​ ៥. អាច​មាន​បញ្ហា​ធ្មេញ ពេល​យើង​ញ៉ាំ​ទឹក​ឃ្មុំ​ច្រើន​ពេក គឺ​ប្រៀប​ដូច​ជា​យើង​ញ៉ាំ​ស្ករ​ច្រើន​អ៊ីចឹង​ដែរ ដែល​អាច​ធ្វើ​ឲ្យ​ធ្មេញ​ពុក​បាន។​ តាម​ការ​ស្រាវ​ជ្រាវ ទឹក​ឃ្មុំ​មាន​ផ្ទុក​ជាតិ​ស្ករ​ប្រហែល​៨២​ភាគ​រយ ដែល​ចំនួន​នេះ​អាច​ធ្វើ​ឲ្យ​ធ្មេញ​យើង​ខូច​បាន​។ មួយ​វិញទៀត ទឹក​ឃ្មុំ​ក៏​មាន​ភាព​ស្អិត​ពី​ធម្មជា​តិ ដែល​អាច​តោង​ជាប់​នៅ​នឹង​ធ្មេញ​ ដែល​​ជា​ហេតុ​ធ្វើ​ឲ្យ​យើង​ពុក​ធ្មេញ។​ បើ​អ៊ីចឹង​គួរ​ធ្វើ​ម៉េច​ល្អ? តាម​ការ​ណែ​នាំគ្នា​យើង​មិន​គួរ​ញ៉ាំ​ទឹក​ឃ្មុំ​លើស​ពី៥០​មិល្លី​លីត្រ​ក្នុង​មួយ​ថ្ងៃ​នោះ​ទេ ហើយ​ក្មេង​អាយុ​ក្រោម​មួយ​ឆ្នាំ​ក៏​មិន​ត្រូវ​ឲ្យ​ញ៉ាំទឹក​ឃ្មុំ​នោះ​ដែរ​។ មួយ​វិញ​ទៀត​ បើ​យើង​មាន​ជំងឺ​ណាមួយ​ក្នុង​ខ្លួន គួរ​ប្រឹក្សា​ជាមួយ​គ្រូពេទ្យ​មុន​នឹង​សម្រេច​ដាក់​ទឹក​ឃ្មុំ​ចូល​ក្នុង​របប​អាហារ។

ចំណេះដឹងទូទៅ

គ្រាន់តែ​​ឮ "តែ​បៃ​តង" ជួយ​សុខ​ភាព​ល្អ រាង​ស្អាត កាត់​បន្ថយ​ហានិភ័យ​មហារីក គ្នា​យើង ពិសេស​ស្រីៗ នាំ​គ្នា​ផឹក​ភ្លូក​ទឹក​ភ្លូក​ដី មិនអ៊ី​ចឹង? "Hello គ្រូពេទ្យ" ចង់​ប្រាប់​ដំណឹង​ល្អ​មួយ​ទៀត ក្រៅ​ពី​ជួយ​សុខ​ភាព "តៃ​បៃ​តង" ថែមទាំង​អាច​ជួយ​ស្រីៗ​ឲ្យ​ឆាប់​មាន​អូនៗ​គួរ​ឲ្យ​ស្រលាញ់​ទៀត​ផង។ មក​ទល់​នឹង​ពេល​នេះ ​នៅ​មាន​ចំណុច​ខ្វែង​គំនិត​គ្នា​ច្រើន ពាក់​ព័ន្ធ​អត្ថ​ប្រយោជន៍​ តែបៃតង ដោយ​ការ​សិក្សា​មួយ​ចំនួន​បាន​បង្ហាញ​ថា ផឹក តែ​បៃតង អាច​ជួយ​បង្កើន​ឱកាស​មាន​ផ្ទៃ​ពោះ ប៉ុន្តែ​មាន​ការ​សិក្សា​ផ្សេង​ទៀត បង្ហាញ​ថា ជាតិ​កាហ្វេអ៊ីន​ក្នុង​តែ​បៃតង អាច​ជះ​ឥទ្ធពល​លើ​រាងកាយ ពិសេស​អាច​ប៉ះ​ពាល់​ដល់​ការ​បង្ក​កំណើត​ទៀត​ផង។ យ៉ាង​ណា អត្ថបទ​នេះ និង​បង្ហាញ​ច្បាស់​ ការសិក្សា​មួយ​ណា​អាច​ជឿ​ជាក់​បាន។ ១- យើង​បាន​ដឹង​ពី​អ្វី​ខ្លះ​ពី​តែ​បៃតង? តែ​បៃតង ជា​ភេសជ្ជៈ​ដ៏​ពេញ​និយម​សម្រាប់​មនុស្ស​ទូទៅ ទូ​ទាំង​ពិភពលោក ដោយ​សារ​អត្ថ​ប្រយោជន៍​របស់​វា​តែ​ម្តង។ តែ​ប្រភេទ​នេះ ត្រូវ​គេ​ចម្រាញ់​ចេញ​ពី​ស្លឹក​រុក្ខជាតិ​ម្យ៉ាង ​ឈ្មោះ Camellia Sinensis ដោយ​ប្រើ​ស្លឹក​មិន​ទាន់​ដុះ​មេ មក​ធ្វើ​ជា​តែ។ តែ​បៃតង មាន​ផ្ទុក​សារធាតុ Polyphenols (គីមី​ធម្មជាតិ) ដល់​ទៅ ៣០-៤០ ភាគរយ ដែល​សារធាតុ​ប្រឆាំង​អុកស៊ីតកម្ម​ដ៏​អស្ចារ្យ​មួយ។ ក្រៅ​ពី​សារធាតុ Polyphenols តែ​បៃ​តង មាន​ស្តុក​សារធាតុ​ប្រឆាំង​រ៉ាឌីកាល់​សេរី ពពួក​ Catechins […]

ចំណេះដឹងទូទៅ

ជំងឺ​ឆ្កែឆ្កួត​ត្បិត​តែកាចសាហាវ អាច​សម្លាប់​មនុស្ស​​គ្រប់​ពេល​វេលា​ក្តី តែ​យើង​អាច​បង្ការ​បាន​បង្ការ​១០០% ទាំងមុន និងក្រោយសត្វឆ្កែ ឆ្មា ស្វា ខាំ ក្រញៅ ឬខ្វាច។ Hello គ្រូពេទ្យ​នឹង​បង្ហាញ​ពី​វិធីបង្ការ​ជំងឺ​ឆ្កែ​ឆ្កួត និង​ការចាក់​វ៉ាក់សាំងត្រឹមត្រូវ​តាម​ក្បួន​​ខ្នាត ហើយ​មាន​ប្រសិទ្ធ​ភាព​ខ្ពស់។ ១. វិធីបង្ការ បើ​នៅ​ផ្ទះ​យើង​មាន​សត្វ​ចិញ្ចឹម​ដូចជា ឆ្កែ ឆ្មា ជ្រូក គោក្របី នោះ​អាច​បង្ការជំងឺឆ្កែឆ្កួត​ជាមុន​បាន ដោយ​ចាក់​វ៉ាក់សាំង​សត្វ​ទាំង​នោះ។ ធ្វើ​បែប​នេះ​មាន​សុវត្ថិភាព​ទាំង​សត្វ និង​មនុស្ស នៅ​ពេល​សត្វ​ចិញ្ចឹម​យើង​ទៅ​ខាំ ក្រញៅ ឬ​ខ្វាច​មនុស្ស​ជា​ទីស្រលាញ់​ក្នុង​ផ្ទះ ពិសេស​ក្មេងៗ ឬ​អ្នក​ក្រៅ​មិន​បង្ក​ឲ្យ​មាន​ជំងឺ​ឆ្កែឆ្កួត​នោះ​ទេ។ ម្យ៉ាងវិញ​ទៀត បើ​ឆ្កែ ឬ​សត្វ​ដទៃ​ទៀត​មក​ខាំ​ឆ្កែ​យើង ក៏​មិន​បង្ក​ឲ្យ​ឆ្កួតដែរ។ ប៉ុន្តែ​ក្នុង​ករណី​មាន​សត្វ ឆ្កែ ឆ្មា ឬស្វា ដែល​យើង​មិន​ដឹងប្រវត្តិថា​បាន​វ៉ាក់សាំង ខាំយើង ឬ​កូនចៅ​ភ្លាម យើង​ចាំបាច់​ត្រូវ៖ - លាងដៃ​នឹង​សាប៊ូ រួចបង្ហូរទឹកលាង​មុខ​របួស ១០-១៥នាទី - ប្រើអាល់កុល ឬ​បេតាឌីន ដើម្បី​សម្អាត​របួស - មិន​ត្រូវ​ដេរ ឬ​រុំបិទ​មុខ​របួសដោយ​ឆ្កែខាំនោះទេ - ចាក់​ថ្នាំ​បង្ការ​ជំងឺ​ឆ្កែឆ្កួត និងថ្នាំ​ផ្សេង​ទៀត​ដែល​ចាំបាច់។ ២. ចាក់​ថ្នាំ​បង្ការ​ពេលណា? ប៉ុន្មាន​ដង? សត្វ​ឆ្កែ ឆ្មា ខាំ ក្រញៅ ឬខ្វាច​ភ្លាម […]

x