home

ចំណេះដឹងទូទៅ

ចំណេះដឹងទូទៅ

ចំណេះដឹងទូទៅ

ទំពាំងបាយជូរជាផ្លែឈើដែលស្ថិតក្នុងប្រភេទផលិតផលដែលមានកំហាប់ថ្នាំ​សម្លាប់សត្វល្អិតខ្ពស់។ ប្រសិនបើយើងលាងសម្អាតមិនបានស្អាតត្រឹមត្រូវទេ ថ្នាំ​សម្លាប់​សត្វ​ល្អិត​អាច​នៅ​ជាប់​នឹង​ផ្លែ​ទំពាំងបាយជូរ ពេលយើងញុំាទៅអាចប៉ះពាល់ដល់ខួរក្បាល និង​ប្រព័ន្ធ​ប្រសាទ។ យើងគួរលាង​សម្អាត​​ផ្លែ​ទំពាំងបាយជូរ​បែបណា​ទើប​ស្អាត​ល្អ? សារធាតុពណ៌សនៅលើទំពាំងបាយជូ (និងប៊្លូបឺរី) មិន​មែន​ជា​សារធាតុ​ពុល ឬ​ថ្នាំ​សម្លាប់​សត្វ​ល្អិត​ទេ តែជាក្រមួនដែលផលិតដោយដើមទំពាំងបាយជូរ ហើយដើរតួជា​របាំង​ការពារ​សត្វល្អិត បាក់តេរី និងការពារផ្លែទំពាំងបាយ​ជូរ​ឱ្យនៅស្រស់ល្អ។ យើងអាចញុំាទាំងក្រមួននៅលើសំបកផ្លែទំពាំងបាយជូរបាន ប៉ុន្តែក្រមួនទាំងនេះ​អាច​មាន​រសជាតិ​ចត់បន្តិចបន្តួច ដូច្នេះភាគច្រើនយើងចូលចិត្ត​លាង​វាចេញ។ ខាងក្រោមនេះជាតិចនិច ៣ យ៉ាងដែលយើងអាចលាងសម្អាតផ្លែទំពាំងបាយ​ជូរបាន៖ ១. លាងជាមួយទឹកស្អាត មុនដំបូងយើងត្រូវបើកទឹករ៉ូប៊ីណេ រួចលាងផ្លែទំពាំងបាយជូរថ្នមៗ ៣០ វិនាទី។ ការ​លាង​បែបនេះអាចកម្ចាត់បាក់តេរីនៅលើផ្លែទំពាំងបាយជូរបាន​ប្រហែល ៨៥% ហើយ​ក៏អាចលាងជម្រះថ្នាំសំលាប់សត្វល្អិតបានដែរ។ បន្ទាប់មកដាក់ចានដែកត្រាំផ្លែទំពាំងបាយជូរជាមួយទឹកពី ៥ ទៅ ១០ នាទី​​ដើម្បី​កម្ចាត់​បាក់តេរី និងថ្នាំសម្អាប់សត្វល្អិតបន្ថែម។ យើងគួរចៀសវាងត្រាំទំពាំងបាយជូរក្នុងឡាប៊ូលាងចានផ្ទាល់ ព្រោះអាចបណ្តាល​​ឆ្លង​បាក់តេរី និងអាចបង្កជាជំងឺ។ ប្រសិនបើយើងចង់ត្រាំទំពាំងបាយជូរក្នុងឡាប៊ូលាងចានផ្ទាល់ យើងត្រូវលាង​ឡាប៊ូ​លាង​ចាន​ឱ្យស្អាតជាមុនសិន។ បន្ទាប់​មក​យើងចាក់ទឹកចេញ ហើយលាងទំពាំងបាយជូរម្តងទៀត រួចបេះទំពាំង​​បាយជូរ​ដែល​ខូច ឬរលួយចេញ ហើយទុកឱ្យទំពាំងបាយជូរស្រក់ទឹករហូតដល់ស្ងួត។ ២. ត្រាំក្នុងទឹកលាយទឹកខ្មេះ យើងត្រូវត្រាំផ្លែទំពាំងបាយជូរក្នុងទឹក ៣ ភាគ ជាមួយទឹកខ្មេះ ១ ភាគ​ប្រហែល ៥ ទៅ ១០ នាទី។ ការត្រាំបែបនេះអាចដើម្បីកម្ចាត់បាក់តេរី និងថ្នាំសម្លាប់សត្វល្អិតបាន​ប្រហែល​ ៩៨% ។ បន្ទាប់មក​លាង​ជម្រះផ្លែ​ទំពាំងបាយជូរក្រោមទឹករ៉ូប៊ីណេ​រយៈពេល ១ នាទី​ដើម្បី​លាង​សម្អាត​បាក់តេរី ថ្នាំសម្លាប់សត្វល្អិត និងទឹកខ្មេះដែលនៅ​សេស​សល់ […]

អត្ថបទផ្សេងទៀតពី ចំណេះដឹងទូទៅ

ចំណេះដឹងទូទៅ

ការថែរក្សាសុខភាពពេលអាកាសធាតុចុះត្រជាក់មានសារៈសំខាន់ណាស់ ព្រោះ​​អាកាសធាតុត្រជាក់​អាចបង្កបញ្ហាសុខភាពដូចជា ជំងឺហឺត ផ្តាសាយ ឈឺបំពង់ក ឈឺសន្លាក់ និងបង្កើន​ហានិភ័យ​នៃ​ការ​គាំងបេះដូង។ តើយើងត្រូវធ្វើដូចម្តេចដើម្បី​ថែរក្សាសុខភាព​ពេលអាកាស​ធាតុ​ចុះ​ត្រជាក់? យើងអាចសាកល្បងថែរក្សាសុខភាពពេលអាកាសធាតុចុះត្រជាក់តាមវិធីសាស្រ្តដូចខាងក្រោម៖ ១. រក្សារាងកាយឱ្យមានភាពកក់ក្តៅ ប្រសិនបើរងា យើងគួរពាក់អាវរងា ស្រោមដៃ ស្រោមជើង មួក រុំកន្សែង​នៅ​ក ដើម្បីរក្សា​រាងកាយ​ឱ្យ​មាន​ភាពកក់ក្តៅ ព្រោះអាកាសធាតុ​ត្រជាក់អាចធ្វើ​ឱ្យយើងផ្តាសាយ គ្រុនផ្តាសាយ រលាកសួត ឬគាំងបេះដូងជាដើម។ ២. ឧស្សាហ៍ហាលថ្ងៃ ពេលអាកាសធាតុចុះត្រជាក់ មេឃឧស្សាហ៍ស្រទំ មិនសូវមានពន្លឺថ្ងៃទេ។ យើង​ក៏មិនសូវចេញក្រៅ​ដែរព្រោះត្រជាក់។ ការមិនបានប៉ះ​ពន្លឺព្រះអាទិត្យ​​គ្រប់គ្រាន់​ក្នុង​អំឡុង​រដូវរងា​អាច​បណ្តាល​ឱ្យ​ស្បែក​យើងស្លេក និងអាចធ្វើឱ្យយើង​ខ្វះ​វីតាមីន D ដែល​អាច​ប៉ះពាល់​ដល់​សុខភាព​យើង ជាពិសេស​សុខភាព​​ឆ្អឹង​។ ៣. ឧស្សាហ៍លាងដៃ យើងត្រូវឧស្សាហ៍លាងដៃដើម្បីការពារខ្លួនពីការឆ្លង ឬចម្លងបាក់តេរី ឬវីរុស។ ៤. ឈប់ជក់បារី ការជក់បារីធ្វើឱ្យយើងងាយនឹងឆ្លងមេរោគផ្លូវដង្ហើមក្នុងរដូវរងាណាស់។   ៥. ញុំាទឹកឱ្យបានច្រើន យើងគួរញុំាទឹកយ៉ាងហោចណាស់ ៦-៨ កែវក្នុងមួយថ្ងៃដើម្បីកុំឱ្យរាងកាយខ្វះ​ជាតិ​ទឹក​។ ទឹក​អាច​ជួយ​កម្ចាត់​ជាតិពុលចេញពីរាងកាយ និងធ្វើឱ្យស្បែកយើងមានសំណើម។ យើងគួរចៀសវាង​ការញុំា​គ្រឿងស្រវឹង ព្រោះគ្រឿងស្រវឹង​ធ្វើឱ្យយើងបត់ជើងតូចច្រើនដែលងាយធ្វើឱ្យយើងខ្សោះជាតិទឹក។ ៦. ហាត់ប្រាណឱ្យបានទៀងទាត់ ពេលអាកាសធាតុចុះត្រជាក់ យើងអាចមានអារម្មណ៍ងងុយគេង ឬខ្ជិល។ ការហាត់ប្រាណ​អាចជួយ​ដាស់អារម្មណ៍ និងធ្វើឱ្យយើងមានអារម្មណ៍ល្អ ព្រោះ​ខួរក្បាលរបស់យើងនឹងបញ្ចេញអ័រម៉ូន Endorphins ដែលជាអ័រម៉ូនធ្វើឱ្យយើង​សប្បាយចិត្ត។ មិនត្រឹមតែប៉ុណ្ណោះ​ ការហាត់ប្រាណ​ជួយ​បង្កើន​កម្តៅរាងកាយ និងជួយពង្រឹង​ប្រព័ន្ធការពាររាងកាយក្នុងការប្រយុទ្ធប្រឆាំងនឹងជំងឺផ្តាសាយ និងគ្រុនផ្តាសាយ ព្រមទាំងអាចជួយឱ្យយើងរក្សា ឬសម្រកទម្ងន់ ធ្វើឱ្យឈាមរត់បានល្អ (បន្ថយ​សម្ពាធឈាម) និងជួយឱ្យយើងគេងលក់ស្រួល។ ៧. […]

ចំណេះដឹងទូទៅ

ការប្រើប្រាស់ក្រដាសអាលុយមីញ៉ូមខ្ចប់អាហារក្នុងការចម្អិន ជាពិសេសដើម្បី​ខ្ចប់ត្រីអាំងកំពុង​ទទួល​ការពេញនិយម ព្រោះវាផ្តល់ភាពងាយស្រួលក្នុង​ការអាំង ប៉ុន្តែការធ្វើបែបនេះ​អាចបង្ក​ផលប៉ះពាល់​ដល់​សុខភាព។ គ្រោះថ្នាក់នៃការចម្អិនអាហារជាមួយក្រដាសអាលុយមីញ៉ូមកើតឡើងនៅ​ពេលក្រដាស​អាលុយមីញ៉ូម​ត្រូវកម្តៅខ្ពស់ដែលបណ្តាលជាតិអាលុយមីញ៉ូមជ្រាបចូលអាហារ។ ការសិក្សាបានបង្ហាញថា ការប្រើក្រដាសអាលុយមីញ៉ូមចម្អិនអាហារ​ដែលមានជាតិអាស៊ីដ​បណ្តាល​ឱ្យ​ជាតិអាលុយមីញ៉ូមជ្រាបចូលក្នុងអាហារកាន់តែច្រើន។ ឧទាហរណ៍ ការប្រើក្រូចឆ្មារ ទឹកខ្មេះ ម្ទេស ប៉េងប៉ោះ ឬទឹកប៉េងប៉ោះក្នុងការប្រលាក់អាហារ។ ដោយសារតែសារធាតុអាលុយមីញ៉ូមមិនត្រូវបានបំប្លែងដោយរាងកាយ ពេលចូលក្នុង​រាងកាយ វា​អាចស្ថិត​នៅក្នុង​ឈាម សាច់ដុំ និង​សរីរាង្គផ្សេងៗ។ រាងកាយយើងអាច​បញ្ចេញ​សារធាតុ​អាលុយមីញ៉ូមក្នុងបរិមាណតិចតួចប៉ុណ្ណោះ។ ការមានសារធាតុ​អាលុយមីញ៉ូម​ច្រើន​ក្នុងរាងកាយ​អាច​បណ្តាលឱ្យ៖ ១. ប៉ះពាល់ខួរក្បាល អ្នកវិទ្យាសាស្រ្តបានលើកឡើងថា ការមានសារធាតុអាលុយមីញ៉ូម​ច្រើនក្នុងខ្លួន​បណ្តាល​ឱ្យការ​ចងចាំ​ចុះខ្សោយ មានជំងឺប្រព័ន្ធសរសៃប្រសាទ និង ជំងឺប៉ាគីនសិនជាដើម ព្រោះអាលុយមីញ៉ូម​អាច​កាត់​បន្ថយ​អត្រាលូតលាស់របស់កោសិកាខួរក្បាល។ ២. ពុកឆ្អឹង ការកើនឡើងកម្រិតអាលុយមីញ៉ូមក្នុងខ្លួនក៏បណ្តាលឱ្យមានជំងឺពុកឆ្អឹងដែរ ព្រោះសារធាតុ​អាលុយមីញ៉ូម​រំខាន​ដល់​ការ​ស្រូប​យកកាល់ស្យូម​​របស់​រាងកាយ។ អង្គការសុខភាពពិភពលោក (WHO) បានលើកឡើងថា ក្នុង ១ថ្ងៃយើងអាចញុំា​សារធាតុ​អាលុយមីញ៉ូម​ ១មិល្លីក្រាមធៀបនឹងទម្ងន់រាងកាយ ១គីឡូ​ក្រាម​។ ដូច្នេះអ្នកដែលមានទម្ងន់ ៥០គីឡូ​អាចញុំាសារធាតុអាលុយមីញ៉ូម ៥០មិល្លីក្រាមក្នុង ១ថ្ងៃ។ ប៉ុន្តែភាគច្រើនយើងញុំាសារធាតុអាលុយមីញ៉ូមលើសកម្រិត។ សារធាតុអាលុយមីញ៉ូម​មាននៅ​ក្នុង​ពោត ឈីសពណ៌លឿង អំបិល ឱសថ គ្រឿងទេស តែ ឧបករណ៍ចម្អិន​​ម្ហូបដូចជា ឆ្នាំង ខ្ទះ ឬវែក​ធ្វើ​ពី​អាលុយមីញ៉ូម ថ្នាំ​បន្សាប​​ជាតិ​អាស៊ីដក្នុងក្រពះ និងទឹកសម្រាប់​ញុំា​ដែល​ឆ្លង​កាត់ការ​បន្សុត ដោយប្រើ​សារធាតុអាលុយមីញ៉ូមស៊ុលហ្វាតជាដើម។ យើងអាចចៀសវាងប្រើក្រដាសអាលុយមីញ៉ូមខ្ចប់អាហារក្នុងការចម្អិនដោយប្រើស្លឹកចេក ឬ​អំបិល​ជំនួសវិញ។ ឧទាហរណ៍ ត្រីដុតអំបិល ប្រហុកដុតស្លឹកចេក។

ចំណេះដឹងទូទៅ

អាការៈ​សាមញ្ញ​​មួយ​ចំនួន​ ដូចជា​​អស់​កម្លាំង​រ៉ាំរ៉ៃ​ ឬ​ការ​ប្រែប្រួល​អារម្មណ៍​ជាប់​រហូត​ សុទ្ធ​តែ​អាច​បញ្ជាក់​ពី​បញ្ហា​សុខភាព​ធ្ងន់ធ្ងរ​។ ហេតុ​នេះ​ហើយ​ គ្នា​យើង​គប្បី​យក​ចិត្ត​ទុក​ដាក់ នៅ​ពេល​ដែល​មាន​ការ​ប្រែប្រួល​ណា​មួយ​​កើត​ឡើង​ភ្លាម​ៗ​ចំពោះ​រាងកាយ។ សញ្ញា​ព្រមាន​​ដែល​បញ្ជាក់​ថា​ រាងកាយ​យើង​មាន​សុខភាព​ទន់ខ្សោយ​ រួម​មាន​៖ ១. ស្រក​ទម្ងន់​យ៉ាង​ឆាប់​រហ័ស​ ការ​ស្រក​ទម្ងន់​លើស​ពី​ ១០%​នៃ​ទម្ងន់​ខ្លួន​ក្នុង​រយៈ​ពេល​៦​ខែ​ ​គឺ​ជា​រឿង​ដ៏​គួរ​ឲ្យ​បារម្ភ​មួយ​​ និង​អាច​ជា​លទ្ធផល​នៃ​បញ្ហា​សុខភាព​ធ្ងន់ធ្ងរ​ ដូចជា​ជំងឺ​ទឹក​នោម​ផ្អែម​ ដុំ​សាច់​ ឬ​ការ​ឆ្លង​មេរោគ​រ៉ាំរ៉ៃ​ជា​ដើម​។ ២. ការ​ប្រែប្រួល​អារម្មណ៍​ ជាមួយ​គ្នា​នេះ​ដែរ ការ​ប្រែប្រួល​អារម្មណ៍​ក៏​អាច​បង្ហាញ​ពី​បញ្ហា​សុខភាព​ផ្លូវ​ចិត្ត​ធ្ងន់ធ្ងរ​ដូចជា​ជំងឺ​បាយ​ប៉ូ​ឡា​  ​និង​ការ​បាក់​ទឹក​ចិត្ត​រ៉ាំរ៉ៃ​ជា​ដើម​។ ៣. ឈឺ​ក្បាល​ ​អាការៈ​ឈឺ​ក្បាល​ប្រកាំង​ ឬ​ឈឺ​ក្បាល​រយៈពេល​វែង​កើត​ឡើង​ជា​ទូទៅ និង​មិន​មាន​ភាព​ធ្ងន់ធ្ងរ​នោះ​ទេ​។ ​ ប៉ុន្តែ​​បើ​​ការ​ឈឺ​ក្បាល​រយៈ​ពេល​ខ្លី កាន់​តែ​យ៉ាប់យ៉ឺន​នៅ​ពេល​យប់​ ឬ​នៅ​ពេល​ព្រឹក​​​ដោយ​មិន​បាត់​ទៅ​វិញ​​ ទោះ​​ប្រើ​ថ្នាំ​បំបាត់​ការ​ឈឺ​ចាប់​យ៉ាង​ណា​ក្ដី​យើង​អាច​នឹង​មាន​បញ្ហា​សុខភាព។​ ពិសេស​បើ​អម​មក​ជាមួយ​នឹង​​អាការៈ​គ្រុន​ក្ដៅ ព្រម​ទាំង​ដៃ​ និង​ជើង​ទន់​ខ្សោយទៀត​​ វា​អាច​ជា​សញ្ញា​នៃ​ជំងឺ​ធ្ងន់ធ្ងរ​ដូចជា​ដុំ​សាច់​ ឬ​រលាក​ស្រោម​ខួរក្បាល​។ ៤. អស់​កម្លាំង​ ក្នុង​ករណី​ដែល​​យើង​នៅ​តែ​អស់​កម្លាំង​ ទោះ​ជា​​បាន​​ញ៉ាំ​របប​អាហារ​ល្អ​ៗ​ និង​គេង​បាន​គ្រប់គ្រាន់​​ហើយ​នោះ​ វា​អាច​ជា​សញ្ញា​នៃ​​ជំងឺ​អស់​កម្លាំង​រ៉ាំរ៉ៃ ។ ដូច្នេះ​ហើយ​ ចូរ​ណាត់​ជួប​ជាមួយ​គ្រូពេទ្យ​ និង​ធ្វើ​រោគវិនិច្ឆ័យ​​ឲ្យ​បាន​ឆាប់​រហ័ស​ ទើប​ជា​ការ​ប្រសើរ​។ ៥. ក្អក​ជាប់​រហូត​ ចំណែក​ឯ​អាការៈ​ក្អក​ជា​ប្រចាំ​ និង​អម​ដោយ​ការ​ស្រក​ទម្ងន់​ គ្រុន​ក្ដៅ​កម្រិត​ស្រាល​​  និង​អស់​កម្លាំង អាច​ជា​រោគសញ្ញា​នៃ​ការ​ឆ្លង​មេរោគ​រ៉ាំរ៉ៃ ដូចជា​ជំងឺ​របេង​ ឬ​ដុំ​សាច់​។ ៦. ឈឺ​ទ្រូង​ ប្រសិនបើ​យើង​មាន​អារម្មណ៍​​ថា​មាន​ណែនទ្រូង​ ​ តឹង ឬ​បុក​​នៅ​ក្រោម​ឆ្អឹង​ជំនី ហើយ​ការ​ឈឺ​ចាប់​រាលដាល​ដល់​ថ្គាម​ ដៃ​ឆ្វេង​ ឬ​ខ្នង […]

ចំណេះដឹងទូទៅ

អាល់កុលមាន ៣ ប្រភេទ ក្នុងនោះមាន ១ ប្រភេទយើងអាចញុំាបាន តែ ២ ប្រភេទទៀត​យើងមិន​អាច​ញុំាបានទេ ព្រោះពួកវាអាចបណ្តាលឱ្យគ្រោះថ្នាក់។ តើអាល់កុលប្រភេទណាអាចញុំាបាន ប្រភេទ​ណាញុំាមិនបាន? អាល់កុល​​ដែល​យើងប្រើ​រាល់ថ្ងៃមាន ៣ ប្រភេទ​គឺ មេតាណុល ​អេតាណុល​ និង​អ៊ី​សូ​ប្រូ​ប៉ា​ណុល។ ១. មេតាណុល អាចហៅថាមេទីល ឬអាល់កុលឈើ ហើយយើងប្រើប្រាស់វានៅក្នុងឧស្សាហកម្ម។ យើងប្រើប្រាស់​មេតាណុលជាសមាសធាតុផ្សំនៅក្នុងប្រេងឥន្ធនៈ​សម្រាប់រថយន្ត និងទូក ឬផលិតជាសារធាតុ​ប្រឆាំង​ការកក ទឹក​លាង ​​ថ្នាំលាប ទឹកជូតកញ្ចក់ឡាន សារធាតុ​ផ្ទុះ ឬផ្លាស្ទិច។ ២. អេតាណុល​ អាចហៅថាអាល់កុលអេទីល ឬអាល់កុលគ្រាប់ធញ្ញជាតិ គឺជាប្រភេទ​អាល់កុល​​ដែល​យើងអាច​ញុំា​បាន។ អាចញ៉ាំបាន​មាន​ន័យ​ថា វត្តមាន​របស់វា​នៅក្នុង​ផលិត​ផល​ណាមួយ​ ដែលអាច​ញាំ​បាន មិន​បង្កគ្រោះ​ថ្នាក់ មិន​សំដៅ​លើ​ការ​យក​មកញ៉ាំ​ផ្ទាល់​នោះទេ​។ យើងផលិតអាល់កុលប្រភេទនេះដោយការបណ្តុះមេជាមួយស្ករ និងជាតិម្សៅ ហើយប្រើក្នុង​ការបិតស្រា ឬផលិត​ស្រាបៀរ។ ទោះជាយ៉ាងណាក៏ដោយ អេតាណុលក៏មាន​ផលប៉ះពាល់ដល់​រាងកាយ​យើងដែរ។ ថ្លើមរបស់យើងអាចបំប្លែងអេតាណុលបាន តែ​ក្នុងបរិមាណកំណត់ប៉ុណ្ណោះ។ ប្រសិនបើយើងញុំា​ច្រើន​អាចបណ្តាលឱ្យខូចថ្លើម ខួរក្បាល និងសរីរាង្គផ្សេងទៀត ។ លើសពីនេះទៅទៀត ការញុំា​គ្រឿង​ស្រវឹងច្រើនអាចបណ្តាល​ឱ្យយើងញៀន។ អាល់កុលអេទីលក៏ត្រូវបានផលិតដោយសំយោគផងដែរ។ យើងមិនប្រើ​អាល់កុល​អេទីល​សំយោគ​នៅក្នុងភេសជ្ជៈទេ ប៉ុន្តែយើងប្រើវាជាសារធាតុផ្សំនៅក្នុងជែលលាងដៃ និងទឹកអប់។ ចង់ស្វែងយល់បន្ថែមពីបញ្ហាក្រពះពោះវៀន​ ចុចទីនេះ! ៣. អ៊ី​សូ​ប្រូ​ប៉ា​ណុល ឬអាល់កុលអ៊ី​សូ​ប្រូភីល (isopropyl […]

ចំណេះដឹងទូទៅ

​​ជំងឺ​រ៉ាំរ៉ៃ ​​​រួម​មាន​ ជំងឺ​បេះដូង ជំងឺ​ទឹក​នោម​ផ្អែម​ គ្រោះថ្នាក់​សរសៃ​ឈាម​ខួរ​ក្បាល​ និង​ជំងឺ​មហារីក​ ជាឃាតក​ដ៏សាហាវ​ ឬ​អ្នក​ស្លាប់​ដោយសារ​ជំងឺ​ទាំងនេះ​មាន​ជាង​ពាក់កណ្ដាល​នៃ​អត្រា​មរណភាព​​​នៅ​បណ្ដាប្រទេស​នៅ​អាស៊ីអាគ្នេយ៍​យើង។ តើ​ជំងឺ​ទាំងនេះ​បង្ក​ផល​ប៉ះពាល់ដូចម្ដេច​ខ្លះ​? ជាក់​ស្ដែង ​ប្រជា​ជន​ក្នុង​តំបន់​អាស៊ី​អាគ្នេយ៍​ ប្រឈម​នឹង​បញ្ហា​ជំងឺ​រ៉ាំរ៉ៃ​​ជា​ច្រើន​ប្រភេទ​ ហើយ​បើ​យោង​តាម​អង្គការ​សុខភាព​ពិភពលោក​ (WHO) អត្រា​មរណៈ ​នៅ​ក្នុង​តំបន់​ដោយ​សារ​តែ​ជំងឺ​រ៉ាំរ៉ៃ​មាន​រហូត​ដល់​៥៥%​។ ជំងឺ​ទាំង​នេះ រួម​មាន​ជំងឺ​បេះដូង ជំងឺ​ទឹក​នោម​ផ្អែម​ គ្រោះថ្នាក់​សរសៃ​ឈាម​ខួរ​ក្បាល​ និង​ជំងឺ​មហារីក​។ ពិត​ណាស់​ ជំងឺ​រ៉ាំរ៉ៃ​​​ ជា​ប្រភេទ​ជំងឺ​មិន​ឆ្លងទាំងនេះ​ ជា​ឃាតករ​លេខ​១ ដែល​​បាន​ឆក់​យក​ជីវិត​មនុស្ស​ប្រមាណ​៨,៥​លាន​នាក់​ក្នុង​មួយ​ឆ្នាំៗ​។ ការ​សិក្សា​​​លើ​អាការៈ​ខ្សោយ​បេះដូង​នៅ​ក្នុង​បណ្ដា​ប្រទេស​អាស៊ី​អាគ្នេយ៍​ បាន​បង្ហាញ​ថា​ប្រជាជន​អាស៊ី​អាគ្នេយ៍​យើង​ប្រឈម​នឹង​ការ​ស្លាប់​មុន​អាយុ​សង្ឃឹម​រស់​ដោយ​សារ​ជំងឺ​រ៉ាំរ៉ៃ​ចន្លោះ​ពី​ ១០​ទៅ​ជិត​៣០​ភាគ​រយ​។​ ​ហ្វីលីពីន​ ២៧,៩% ​មីយ៉ាន់ម៉ា ២៤,៣% ​ឥណ្ឌូណេស៊ី ២៣,១% ​ម៉ាឡេស៊ី ១៩,៦% ​កម្ពុជា ១៧,៧% ​វៀតណាម​ ១៧,៤% ​ថៃ​ ១៦,២% ​​​សិង្ហបុរី ១០,២% ការសិក្សា​មួយ​ទៀត​ដែល​ធ្វើ​ឡើង​នៅ​​កោះ​តៃវ៉ាន់​ បាន​រក​ឃើញ​ជំងឺ​ក្រិន​សរសៃ​ឈាម​បេះដូង ​ឬ​កំណក​ខ្លាញ់​នៅ​តាម​ជញ្ជាំង​សរសៃ​ឈាម​ ជា​មូលហេតុ​ចម្បង​ទី​២​​​​ ដែល​ធ្វើ​ឲ្យ​មនុស្ស​បាត់បង់​ជីវិត​។ ចំណែកការ​សិក្សា​​នៅ​ប្រទេស​ឥណ្ឌា​វិញ ​​ជំងឺ​រ៉ាំរ៉ៃ​​​ ដូចជា​ជំងឺ​សរសៃ​ឈាម​បេះដូង និង​គ្រោះថ្នាក់​សរសៃ​ឈាម​ខួរ​ក្បាល​ បាន​រួម​ចំណែក​​​​នៃ​អត្រា​មរណៈ​ដល់​ទៅ​៦០% ។​ ​ជា​ទូទៅ ជំងឺ​ដ៏​កាច​សាហាវ​នេះ កើត​ឡើង​បណ្ដាល​មក​ពី​របៀបរបប​​នៃ​ការ​រស់​នៅ​ប្រចាំ​ថ្ងៃ​របស់​យើង​ម្នាក់​ៗ។ ទម្លាប់​អាក្រក់​មួយ​ចំនួន​ដូច​ជា​របប​អាហារ​មិន​ល្អ អសកម្ម​ និង​ការ​ប្រើប្រាស់​​ថ្នាំ​ជក់​ សុទ្ធ​តែ​​បង្កើន​ហានិភ័យ​នៃ​ជំងឺ​រ៉ាំរ៉ៃ​ទាំង​នេះ​។ ផ្ទុយ​ទៅ​វិញ ប្រសិនបើ​យើង​​មាន​ទម្លាប់​ប្រចាំ​ថ្ងៃ​ល្អ រួម​មាន​របប​អាហារ​ត្រឹមត្រូវ ហាត់ប្រាណ​ទៀងទាត់​ និង​ជៀសវាង​ការ​ជក់​បារី​ ឬ​ថ្នាំ​ជក់​ផ្សេង​ៗ […]

ចំណេះដឹងទូទៅ

នាឡិការាងកាយរបស់ក្បួនចិនបុរាណមានកាលវិភាគ​ដ៏តឹងរ៉ឹង​ក្នុងការ​ថែ​ទាំរាងកាយ និងគ្រប់គ្រងសរីរាង្គផ្សេងៗនៅក្នុងខ្លួនយើងតាមពេលវេលាជាក់លាក់ទាំងពេលថ្ងៃ និង​ពេល​យប់។ តើនាឡិការាងកាយតាមក្បួនចិនបុរាណប្រាប់យើងពីអ្វីខ្លះ? លោកគ្រូ Jessica Maynard គ្រូពេទ្យជំនាញខាងចាក់ម្ជុលវិទ្យាសាស្ត្រដែលទទួលបានអាជ្ញាប័ណ្ណ បំរើការនៅគ្លីនិក Northwestern Health Sciences University’s Bloomington បានលើកឡើងថា “តាមក្បូនថ្នាំចិនបុរាណប្រព័ន្ធសរីរាង្គក្នុងរាងកាយទាំង ១២ របស់យើង​មាន​ពេលវេលាដំណើរការ​បាន​ល្អបំផុតខុសៗគ្នាក្នុងរយៈពេល ២៤ ម៉ោង។” ខាងក្រោមជាពេលវេលាដែលសរីរាង្គនីមួយៗក្នុងរាងកាយយើងដំណើរការបាន​ល្អបំផុត៖ ១. ម៉ោង ៣– ៥ ភ្លឺ៖ សួត វេលានេះ ជាពេលដែលសួតបន្សាបជាតិពុល។ សួតមាននាទីគ្រប់គ្រង​ប្រព័ន្ធ​ផ្លូវដង្ហើម និងថែរក្សា​ប្រព័ន្ធ​ភាព​ស៊ាំ​របស់យើងឱ្យមានសុខភាពល្អ។ ម៉ោង ៤–៥ ភ្លឺជាពេលវេលាហាត់ប្រាណដ៏ល្អបំផុត។ ២. ម៉ោង ៥– ៧ ព្រឹក៖ ពោះវៀនធំ សម្រាប់​ម៉ោង​នេះ ជាពេលដែលយើងត្រូវក្រោកពីគេងដើម្បីឱ្យពោះវៀនធំបញ្ចេញកាកសំណល់។ ​យើងអាច​ញុំា​ទឹក​ក្តៅ​ឧណ្ហៗមួយកែវ បន្ទាប់ពីក្រោកពីគេងដើម្បី​ជួយ​​ពោះវៀន​ធំក្នុងដំណើរ​ការសម្អាតពោះវៀន។ ៣. ម៉ោង ៧– ៩ ព្រឹក៖ ក្រពះ យើងគួរញុំាអាហារដំបូងសម្រាប់​ថ្ងៃថ្មីនៅពេលនេះដើម្បីឱ្យរាងកាយស្រូបយកសារធាតុចិញ្ចឹមបានល្អ និង​ការពារបញ្ហាក្រពះពោះវៀន ដូចជាការពិបាករំលាយអាហារ ក្រហាយទ្រូង ឬ​បញ្ហាទល់លាមក។ ចង់ដឹងពីបញ្ជាប្រព័ន្ធរំលាយអាហារ ចុចទីនេះ! ៤. ម៉ោង ៩– ១១ ព្រឹក៖ អណ្តើក អណ្តើកបំប្លែងអាហារទៅជាសារធាតុចិញ្ចឹម និងថាមពលសម្រាប់រាងកាយរបស់យើង។ ម៉ោង​នេះ […]

ចំណេះដឹងទូទៅ

ជឿ​ថា គ្នា​យើង​ច្បាស់​ជា​ឃើញ​អ្នកប្រើ​ប្រាស់​​បណ្ដាញ​សង្គម​ហ្វេសប៊ុក កំពុងតាម​ដាន​​រឿង​ញ៉ាំ​ដើម​ដំបង​យក្ស​ជាមួយ​អំបិល​ម្ទេស​ប៉ុន្មាន​ថ្ងៃ​កន្លង​ទៅ​នេះ។ ពិត​ណាស់​នៅ​បរទេស​​​ ក៏​គេ​មាន​មុខ​ម្ហូប​ធ្វើ​ពី​ដើម ឬ​ផ្លែ​របស់​ដើម​​ដំបង​យក្ស​នេះ​ដែរ​ ប៉ុន្តែ​មិន​ច្បាស់ថា​ពូជ​នៅ​បរទេស ដូច​ពូជ​ដែលមាន​នៅ​ស្រុក​យើង​ឬយ៉ាងណា​។ យ៉ាងណា អ្នក​ជំនាញ​ព្រមាន​ថាការ​ញ៉ាំ​ដើម​ដំបង​យក្ស​ប្រៀប​ដូច​យើង​ញ៉ាំ​ថ្នាំ​រុក្ខជាតិ​ខ្មែរ​ផ្ដេសផ្ដាស ដែល​មិន​ដឹង​ពី​កម្រិត​ជាតិ​ពុល​ច្បាស់​លាស់ អាច​ប៉ះពាល់​សុខភាព​បាន ឬ​អត់​។​ គណនា BMI នៅទីនេះ ទាក់ទងនឹង​បញ្ហានេះ លោក​វេជ្ជបណ្ឌិត ចាន់ ស៊ីណេត ឯកទេសជំងឺទូទៅ​បាន​ឲ្យ​ដឹង​ថា មុន​នឹង​យើង​ជ្រើស​រើស​ញ៉ាំ​ដើម​ដំបង​យក្ស យើង​គួរ​មើល​ពូជ​វា​ជាមុន ប្រយ័ត្ន​ញ៉ាំ​ខុស ព្រោះ​ដើម​ដំបង​យក្ស​ខ្លះ​គេ​យក​ទៅ​តែ​សម្រាប់​ធ្វើ​ជា​ថ្នាំ​សម្លាប់​សត្វ​ល្អិត និង​ខ្លះ​ទៀត​គេ​យក​ទៅ​ផលិត​ធ្វើ​ជា​ប្រេង​ឥន្ធនៈ។ លោក​បន្ត​ថា បើ​យើង​ញ៉ាំ​ច្រើន​ជ្រុល អាច​ធ្វើ​ឲ្យ​ពុល​ដល់​កោសិកា​ថ្លើម ព្រោះ​យើង​មិន​ដឹង​ពី​បរិមាណ និង​សមាសធាតុ​ពុល​ច្រើន ឬ​តិច​នោះ​ទេ និង​អាច​ឈាន​ដល់​ការ​ខូច​ថ្លើម​ក៏​មាន។ យក​ល្អ មុន​ជ្រើស​រើស​ញ៉ាំ​ដើម​ដំបង​យក្ស យើង​គួរ​ពិនិត្យ​ឲ្យ​បាន​ល្អិត​ល្អន់ ថា​​ពូជណា​អាច​ញ៉ាំ​បាន​ ដើម្បីកុំ​ឲ្យ​មាន​គ្រោះ​ថ្នាក់​ដល់​សុខភាព។ ដើម​ដំបងយក្ស មាន​ច្រើន​ប្រភេទ ហើយ​ជា​ទូទៅ ខ្មែរ​យើង​ចូល​ចិត្ត​ដាំ​នៅ​ខាង​ក្រៅ​របង​ទ្វារ​ផ្ទះ ពិសេស​អ្នក​នៅ​តាម​ទី​រួម​ខេត្ត។ ពូជ​ដំបង​យក្ស​ខ្លះ​អាច​ញ៉ាំ​បាន​បន្ទាប់​ពី​យើង​យក​បន្លា​ចេញ​អស់ ប៉ុន្តែពូជ​ដើម​ដំបង​យក្ស​ខ្លះ​ទៀត​​មិន​អាច​ញ៉ាំឆៅបាន​ទេ​ ព្រោះ​មាន​​ផ្ទុក​ oxalic acid អាច​ធ្វើ​ឲ្យ​យើង​រមាស់​បំពង់​ក ខណៈ​ប្រភេទ​ដើម​ដំបង​យក្ស​ខ្លះទៀត​ គេ​ញ៉ាំ​តែ​ផ្លែ​វា​តែ​ប៉ុណ្ណោះ​។​

ចំណេះដឹងទូទៅ

ពេល​កើត​ត្រអក ឬ​ឡើង​កន្ទួល​លើ​ស្បែក ឬ​ពេល​ឈឺ​ជំងឺ​អ្វីមួយ គ្នា​យើង​ច្បាស់​ជា​ត្រូវ​ញ៉ាំថ្នាំ ថ្នាំលាប ដើម្បី​ព្យាបាល​ឲ្យ​វា​បាត់​ទៅ​វិញ ។ ប៉ុន្តែ យើង​ត្រូវ​ដឹង​ថា នៅ​ក្នុង​ថ្នាំ​លាប ឬញ៉ាំមួយចំនួនមាន​មាន​ផ្ទុក​សារធាតុ​ម៉្យាង ធ្វើ​ឲ្យ​យើង​ប្រឈម​នឹង​កើត​ជំងឺ Cushing Syndrome។ អ្វី​ទៅ​ជា​ជំងឺ Cushing Syndrome? Cushing Syndrome ឬ​អាច​ហៅ​ថា ជំងឺ​មុខ​មូល​ដូច​ព្រះ​ចន្ទ កើត​ឡើង​នៅ​ពេល​ដែល​រាងកាយ​យើង​មាន​អ័រម៉ូន cortisol ច្រើន​ពេក។ វា​អាច​បណ្ដាល​មក​ពី​ការ​ប្រើ​ថ្នាំ​មាន​ផ្ទុក​សារធាតុ corticosteroid ឬ​រាងកាយ​ផលិត​អ័រម៉ូន cortisol លើស​កម្រិត។ ការ​ញ៉ាំ​ថ្នាំ corticosteroid លើស​កម្រិត​ក្នុង​រយៈ​ពេល​យូរ ក៏​អាច​បង្ក​ជា​ជំងឺ Cushing Syndrome ដែរ។ ថ្នាំ​ប្រភេទ corticosteroid ចាំបាច់ ដើម្បី​ព្យាបាល​ជំងឺ​រលាក​ដូចជា ជំងឺ​រលាក​សន្លាក់​រ៉ាំរ៉ៃ ជំងឺ lupus និង​ជំងឺ​ហឺត។ ពពួក​ថ្នាំ​ប្រភេទ​នេះ ក៏​ត្រូវ​បាន​ប្រើ​ដើម្បី​ទប់ស្កាត់​រាងកាយ​ពី​ការ​បដិសេធ​សរីរាង្គ ក្រោយ​ការ​វះកាត់​ផ្លាស់​ប្ដូរ​សរីរាង្គ​រួច។ ក្រៅ​ពី​ការ​ញ៉ាំ​ថ្នាំ ជំងឺ Cushing Syndrome ក៏​អាច​កើត​ឡើង​បាន​ដោយ​សារ​ការ​ចាក់​ថ្នាំ corticosteroid ដែរ។ ឧទាហរណ៍ ការ​ចាក់​ម្ដង​ហើយ​ម្ដង​ទៀត សម្រាប់​ព្យាបាល​ជំងឺ​ឈឺ​សន្លាក់​ជាដើម។ កម្មវិធីពិនិត្យជំងឺហឺតអនឡាញ ពពួក​ថ្នាំ steroid […]

ចំណេះដឹងទូទៅ

ចង់​ស្អាត គ្នា​យើង​ស្រី​ៗ​មួយ​ចំនួន​ព្យាយាម​លាប​ឡេ​លាយ ខាត់​ស្បែក ចាក់ ឬ​លេប​ថ្នាំ​ផ្សេងៗ ធ្វើ​យ៉ាង​ណា​ឲ្យ​បាន​ស្បែក​ស​ភ្លឺ​ថ្លា។ មិន​ត្រឹម​តែ​លាប​ឡេ​ទេ ស្រី​ៗ​ខ្លះ មុន​នឹង​ចេញ​ក្រៅ​ពេល​ថ្ងៃ ខំ​ប្រឹង​ឃ្លុំ​ខោ​អាវ​វែង​ៗ ២-៣​ជាន់ ព្រោះ​ខ្លាច​ត្រូវ​ថ្ងៃ​ទៅ​ស្បែក​ខ្មៅ ប៉ុន្តែ​ការ​ដែល​ប្រឹង​ឃ្លុំ​ខ្លាំង​ពេក​ទាំង​ដែល​មេឃ​ក្ដៅ អាច​បង្កើន​កម្ដៅ​រាងកាយ ប្រឈម​នឹង​បញ្ហា​ខ្យល់​គរ​ដោយ​សារ​កម្ដៅ​ខ្លាំង​ពេក។ បើ​យើង​ស្លៀក​សម្លៀកបំពាក់​ច្រើន​ជាន់​ពេក​ក្នុង​អាកាសធាតុ​ក្ដៅ វា​អាច​បណ្ដាល​ឲ្យ​ខ្យល់​គរ​ដោយ​សារ​កម្ដៅ​ខ្លាំង​ពេក។ បញ្ហា​ខ្យល់​គរ​ដោយ​សារ​កម្ដៅ​ខ្លាំង​ពេក គឺ​ជា​ស្ថានភាព​មួយ​ធ្វើ​ឲ្យ​មាន​ការ​បែក​ញើស​ខ្លាំង និង​ជីពចរ​ដើរ​លឿន ជា​ហេតុ​បណ្ដាល​ឲ្យ​រាងកាយ​យើង​ឡើង​កម្ដៅ។ បើ​មិន​បាន​ព្យាបាល ឬ​ដោះ​ស្រាយ​ទាន់​ពេល​វេលា​ទេ បញ្ហា​ខ្យល់​គរ​ដោយ​សារ​កម្ដៅ​អាច​បណ្ដាល​ទៅ​ជា​សន្លប់​ដោយ​សារ​ក្ដៅ​ខ្លាំង​ពេក ជា​ស្ថាន​ភាព​មួយ​អាច​គំរាម​កំហែង​ដល់​អាយុ​ជីវិត​យើង​បាន។ ចុចត្រង់នេះ ដើម្បីគណនា BMI រោគសញ្ញា​នៃ​បញ្ហា​ខ្យល់​គរ​ដោយ​សារ​កម្ដៅ​ខ្លាំង​ពេក៖ ហត់ ល្ហិតល្ហៃ ចង្អោរ ឬ​ក្អួត ដង្ហក់ វិល​មុខ ឈឺ​ក្បាល ស្រវាំង​ភ្នែក ខ្សោយ ចង្វាក់​បេះដូង​លឿន និង​សម្ពាធ​ឈាម​ធ្លាក់។ល។ តាម​ពិត​ទៅ បញ្ហា​ខ្យល់​គរ​ដោយ​សារ​កម្ដៅ​ខ្លាំង​ពេក ជា​ធម្មតា​បាត់​ទៅ​វិញ​ដោយ​ឯក​ឯង បន្ទាប់​ពី​ផឹក​ទឹក និង​សម្រាក​នៅ​កន្លែង​ត្រជាក់​ៗ​ឲ្យ​បាន​ឆាប់​បំផុត។ វា​ចាំ​បាច់​ណាស់​ដែល​យើង​បំពេញ​ជាតិ​ទឹក​ក្នុង​រាងកាយ​វិញ ដើម្បី​ការពារ​គ្រោះ​ថ្នាក់​ផ្សេងៗ​កើត​ឡើង។ លើស​ពី​នេះ បើ​យើង​មិន​បាន​ដោះ​ស្រាយ​វា​លឿន បញ្ហា​ខ្យល់​គរ​អាច​បណ្ដាល​ឲ្យ​យើង​សន្លប់​ដោយ​សារ​ក្ដៅ​ខ្លាំង​ពេក ជា​ហេតុ​អាច​ប៉ះពាល់​ដល់​ខួរ​ក្បាល ធ្វើ​ឲ្យ​ខូច​សរីរាង្គ និង​អាច​ធ្វើ​ឲ្យ​យើង​ស្លាប់​បាន​ថែម​ទៀត។

ចំណេះដឹងទូទៅ

តាំង​ពី​មាន​ការ​រាតត្បាត​ជំងឺ​ឆ្លង​កូវីដ-១៩​ជា​សកល​មក មិន​ថា​ទៅ​ណា​មក​ណា​ឡើយ​គឺ​យើង​តែង​តែ​មាន​ដប​ជែល ឬ​អាល់កុល​សម្រាប់​លាង​ដៃ​ជាប់​ខ្លួន​ជានិច្ច ដើម្បី​សម្លាប់​មេរោគ។ ទន្ទឹម​នឹង​នេះ មាន​គ្នា​យើង​ខ្លះ ឬ​តាម​ទី​កន្លែង​មួយ​ចំនួន មុន​នឹង​ឲ្យ​ចូល​ផ្ទះ ឬ​ខាង​ក្នុង​ហាង ត្រូវ​បាញ់​អាល់កុល​នៅ​ពី​ក្បាល​ដល់​ចុង​ជើង ព្រោះ​ខ្លាច​មាន​នាំ​មេរោគ​ចូល​តាម ប៉ុន្តែ​នេះ​មិន​មែន​ជា​សកម្មភាព​ត្រឹម​ត្រូវ​ទេ។ យោង​តាម​ការ​ឲ្យ​ដឹង​ពី​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ និង​រោគ​កុមារ បាន​ឲ្យ​ដឹង​ថា អាល់កុល​ប្រើ​សម្រាប់​សម្លាប់​មេរោគ គឺ​ប្រើ​សម្រាប់​តែ​លាង​ដៃ​ប៉ុណ្ណោះ មិន​មែន​បាញ់​ទាំង​លើ​រាងកាយ​យើង​ទេ។ ការ​ធ្វើ​បែប​នេះ​មិន​មែន​សម្លាប់​មេរោគ​ទេ វា​ប្រៀប​ដូច​ជា សម្លាប់​មនុស្ស​ទៅ​វិញ ហើយ​ណា​មួយ​វា​ខាត​លុយ​ទៀត ព្រោះ​អាល់កុល​ថ្លៃ។ ” វា​កាន់​តែ​ប៉ះពាល់​ដល់​យើង ប្រសិន​បើ​អាល់កុល​នោះ​មាន​ជាតិ​មេតាណុល និង​អាច​ផ្ដល់​គ្រោះ​ថ្នាក់​ខ្លាំង បើ​អាល់កុល​នោះ​ចូល​ភ្នែក ច្រមុះ មាត់​ញឹក​ញាប់។” កម្មវិធីពិនិត្យ​គ្រោះថ្នាក់ជំងឺកូវីដ-១៩ អនឡាញ​ បន្ថែម​ពី​លើ​នេះ អគ្គ​នាយកដ្ឋាន​ការពារ​អ្នក​ប្រើ​ប្រាស់ កិច្ចការ​ប្រកួត​ប្រជែង និង​បង្ក្រាប​ការ​ក្លែង​បន្លំ បាន​ពន្យល់​ថា សារធាតុ​គីមី​មេតាណុល ​គឺ​ជា​សារធាតុ​ពុល ដែល​គេ​ច្រើន​ប្រើ​ធ្វើ​ជា​សារធាតុ​សម្រាប់​រំលាយ។ ការ​ប្រើប្រាស់​មេតាណុល​ធ្វើ​ជា​សារធាតុ​សម្លាប់​មេរោគ មិន​ត្រឹម​តែ​មិន​មាន​ប្រសិទ្ធ​ភាព​ក្នុង​ការ​សម្លាប់​មេរោគ​ប៉ុណ្ណោះ​ទេ តែ​ថែម​ទាំង​បណ្ដាល​ឲ្យ​ប៉ះពាល់​ដល់​សុខភាព​របស់​អ្នកប្រើ​ដូចជា៖ បណ្ដាល​ឲ្យ​រលាក​ស្បែក រលាក​ភ្នែក ឈឺក្បាល វិលមុខ ស្រវាំងភ្នែក ងងុយដេក បាត់បង់​ស្មារតី ក្អួតចង្អោរ រំខាន​ដល់​ការ​រំលាយ​អាហារ ​អាច​បណ្ដាល​ឲ្យ​ស្លាប់ បើ​យក​ទៅ​លាយ​ជាមួយ​ស្រា ហើយ​បរិភោគ​លើស​កម្រិត។