គ្នាយើងមួយចំនួនតែងមានអារម្មណ៍នឿយហត់ និងអស់កម្លាំងក្រោយភ្ញាក់ពីគេង ដែលកត្តានេះ អាចរំខានដល់កិច្ចការប្រចាំថ្ងៃ។ ដូច្នេះហើយ ដើម្បីកម្ចាត់ភាពខ្ជិលច្រអូសនេះចេញ ដោយបង្កើនភាពស្វាហាប់ និងការគិតវិជ្ជមានក្រោយភ្ញាក់ពីគេង យើងអាចសាកល្បងអនុវត្តន៍តិចនិកងាយៗទាំងប៉ុន្មាននេះ។
គន្លឹះទាំង៤ ជួយកម្ចាត់ភាពខ្ជិលច្រអូស និងក្រោកពីគេងដោយភាពស្វាហាប់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ធ្វើម៉េចទើបអាចភ្ញាក់ពីគេងដោយថាមពល និងភាពស្វាហាប់?
១. បង្កើតកាលវិភាគគេង
ការបង្កើតកាលវិភាគគេងឲ្យបានត្រឹមត្រូវ ព្រមទាំងថែទាំកន្លែងគេងឲ្យមានអនាម័យ និងផាសុកភាព អាចជួយឲ្យយើងគេងលក់បានស្កប់ស្កល់ និងមានសុខភាពល្អ។ អ្នកជំនាញបានណែនាំថា យើងគួរតែគេងឲ្យបានទៀងទាត់ពេលវេលា ទើបជាការប្រសើរ។
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
២. ជៀសវាងប្រើឧបករណ៍អេឡិចត្រូនិកនៅម៉ោងគេង
មួយវិញទៀត យើងក៏មិនគួរប្រើប្រាស់ឧបករណ៍អេឡិចត្រូនិករហូតដល់ពេលយប់ជ្រៅពេកដែរ ពីព្រោះពន្លឺពណ៌ខៀវពីឧបករណ៍ទាំងនោះ អាចធ្វើឲ្យយើងគេងមិនលក់ និងកាត់បន្ថយការបញ្ចេញអ័រម៉ូនគេង។ ជំនួសមករិញ យើងគួរតែជ្រើសយកការស្តាប់តន្ត្រី ឬអានសៀវភៅ ដើម្បីជួយឲ្យយើងមានអារម្មណ៍ស្ងប់ល្អ និងគេងលក់ស្រួល។
៣. កត់ត្រាកិច្ចការត្រូវធ្វើសម្រាប់ថ្ងៃបន្ទាប់
ពិតណាស់ ការកត់ត្រាកិច្ចការដែលត្រូវធ្វើប្រចាំថ្ងៃ អាចជួយឲ្យយើងមានអារម្មណ៍ក្លៀវក្លា និងពោរពេញទៅដោយថាមពលនៅថ្ងៃបន្ទាប់ នេះក៏ដោយសារតែយើងបានរៀបចំកិច្ចការតាមលំដាប់លំដោយរួចរាល់។
៤. បង្កើតទម្លាប់ល្អជារៀងរាល់ព្រឹក
ដើម្បីទទួលបានអារម្មណ៍ល្អ និងខួរក្បាលឈ្លាសវៃ យើងគួរតែសាកល្បងហាត់យូហ្គា ឬធ្វើសមាធិត្រឹមតែ១៥នាទីក្នុងមួយថ្ងៃ ឬអាចជ្រើសរើសលំហាត់ប្រាណណាមួយដែលស័ក្តិសម។ ធ្វើដូចនេះ យើងមិនត្រឹមតែមានរាងកាយមាំមួនប៉ុណ្ណោះទេ ថែមទាំងមានសុខភាពល្អថែមទៀតផង។
អត្ថបទគួរអាន៖
- ប្រើអាល់កុលដឺក្រេខ្ពស់ មិនអាចសម្លាប់មេរោគបាន ហើយគ្រោះថ្នាក់ស្បែកទៀត!
- លាងដៃនឹងអាល់កុលញឹកញាប់ធ្វើឲ្យស្ងួត រលាកដៃ គួរធ្វើបែបណា?
- កាំកុងត្រូលរកឃើញអាល់កុលលក់លើទីផ្សារ ភាគច្រើនមានមេតាណុលខ្ពស់ បង្កគ្រោះថ្នាក់ចំពោះសុខភាព
- ជំទាវ ឱ វណ្ណឌីន ណែនាំវិធីលាងដៃមិនឲ្យរបក ស្ងួត ប្រេះ
- កុំចាញ់បោក! កន្សែងសើមមិនអាចសម្លាប់ COVID-19 បានទេ
- អាល់កុលមេតាណុលអាចសម្លាប់វីរុស COVID-19 បានអត់?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម