home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ប្រុសៗយកកូន​នៅវ័យចាស់ពេក អាចប៉ះពាល់សុខភាពកូន

ប្រុសៗយកកូន​នៅវ័យចាស់ពេក អាចប៉ះពាល់សុខភាពកូន

ប្រុសៗ​​ប្រហែល​ជា​គិត​ថា​ខ្លួន​នៅ​តែ​អាច​មាន​កូន​ទោះ​នៅ​វ័យ​ចាស់​ក៏ដោយ។ ការ​គិត​បែប​នេះ​មិន​ខុស​នោះ​ទេ តែ​ថា​ប្រុស​វ័យ​កាន់តែ​ចាស់​ សមត្ថភាព​បង្ក​កំណើត​ក៏​ថយ​ចុះ​ទៅ​តាម​នឹង​ដែរ។ លើស​ពី​នេះ​ កូន​កើត​មក​ក៏​អាច​មាន​បញ្ហា​សុខភាព​ទៀត​ផង បើ​ប៉ាៗ​គេ​មាន​វ័យ​ចំណាស់​ពេក​​នោះ​។​

១. បុរស​វ័យ​ចំណាស់ និង​សមត្ថភាព​បង្ក​កំណើត​

ការ​សិក្សា​មួយ​ធ្វើ​ឡើង​ដោយ​សាកលវិទ្យាល័យ​Saroka ក្នុង​ប្រទេស​អ៊ីស្រាអែល ​បាន​រក​ឃើញ​ថា​បរិមាណ​ទឹក​កាម​បុរស​មាន​ច្រើន​ខ្លាំង​នៅ​វ័យ​ចន្លោះ​ពី​៣០​ទៅ ៣៥​ឆ្នាំ និង​ធ្លាក់​ចុះ​ទាប​បំផុត​នៅ​វ័យ​លើស​ពី​៥៥​ឆ្នាំ​។

ការ​សិក្សា​បាន​រក​ឃើញ​ទៀត​ថា​សមត្ថភាព​ធ្វើ​ចលនា ឬ​ហែល ​របស់​មេ​ជីវិត​ឈ្មោល​ក៏​ប្រែ​ប្រួល​ទៅ​តាម​វ័យ​ដែរ​។ មេ​ជីវិត​ឈ្មោល​ដែល​អាច​មាន​សមត្ថភាព​ហែល ឬ​ធ្វើ​ចលនា​បាន​ល្អ​គឺ​មុន​ពេល​ប្រុសៗ​មាន​វ័យ​២៥ឆ្នាំ និង​សមត្ថភាព​ហែល​ទាប​បំផុត​ចាប់ពី​ក្រោយ​វ័យ​៥៥​ឆ្នាំ​។

ការ​សិក្សា​ក៏​បាន​រក​ឃើញ​ថា សមត្ថភាព​ហែល​របស់​មេ​ជីវិត​លើ​​បុរស​មាន​វ័យ​លើស​ពី​៥៥​ឆ្នាំ​បាន​ថយ​ចុះ​រហូត​៥៤​ភាគ​រយ បើ​ធៀប​ទៅ​នឹង​បុរស​មាន​វ័យ​៣០​ទៅ​៣៥​ឆ្នាំ​។

សមត្ថភាព​បង្ក​កំណើត​របស់​ប្រុសៗ​​ជា​ទូ​ទៅ​នឹង​ចាប់​ផ្ដើម​ធ្លាក់​ចុះ​​នៅ​វ័យ​ប្រហែល​ជា​៤០ ​ឬ​៤៥​ឆ្នាំ ពេល​ដែល​គុណភាព​មេ​ជីវិត​ចាប់​ផ្ដើម​ថយ​ចុះ​ដែរ​។ ប្រុសៗ​មាន​វ័យ​កាន់​តែ​ច្រើន នឹង​កាត់​បន្ថយ​ឱកាស​ធ្វើ​ឲ្យ​ដៃគូ​មាន​ផ្ទៃ​ពោះ និង​ត្រូវ​ការ​ពេល​ច្រើន​ដើម្បីឲ្យ​ដៃគូ​មាន​ផ្ទៃ​ពោះ​ ហើយ​ក៏​ប្រឈម​នឹង​ដៃ​គូ​ងាយ​​រលូត​កូន និង​កូន​ស្លាប់​ក្នុង​ផ្ទៃ​ដែរ​។

ប្រុសៗមានកូនវ័ចំណាស់

២. ហានិភ័យ​លើ​កូន​មាន​ឪពុក​វ័យ​ចំណាស់​

ក្រៅ​ពី​គុណ​ភាព​​ទឹក​កាម​ទាប បុរ​ស​វ័យ​កាន់​តែ​ច្រើន​ក៏​ប៉ះ​ពាល់​ដល់​គុណភាព​ហ្សែន​របស់​មេ​ជីវិត​ដែរ​។ ការ​សិក្សា​បាន​រក​ឃើញ​ថា​គុណភាព​ហ្សែន​របស់​មេ​ជីវិត​ឈ្មោល​ធ្លាក់​ចុះ​ទៅ​តាម​វ័យ​របស់​ប្រុសៗ​។

ហ្សែន​​នៅ​ក្នុង​មេ​ជីវិត​ខុស​ប្រក្រតី​អាច​បង្ក​៖

  • កាត់​បន្ថយ​សមត្ថភាព​មាន​កូន​​
  • ​បង្កើន​ឱកាស​ដៃគូ​រលូតកូន
  • បង្កើត​ហានិភ័យ​ដល់​កូន​ក្នុង​ផ្ទៃ​លូត​លាស់​មិន​ពេញ​លេញ
  • បង្កើន​ហានិភ័យ​កូន​ស្លាប់​ក្នុង​ផ្ទៃ​
  • កូន​អាច​កើត​មក​​មាន​ជំងឺ​អូទីស្សឹម
  • កូន​កើត​មក​មាន​ហានិភ័យ​កើត​ជំងឺ​មហារីក​គ្រាប់​ឈាម​

​កូន​ដែល​កើត​ពី​ឪពុក​មាន​វ័យ​ចំណាស់​មាន​ហានិភ័យ​កើត​បញ្ហា​បញ្ញា​ស្មារតី ទោះ​បី​ជា​ករណី​នេះ​កម្រ​មាន​​ក៏​ដោយ​។ ក្មេង​កើត​ពី​ឪពុក​មាន​អាយុ​៤០ ឬ​លើស​ពី​នេះ​មាន​ហានិភ័យ​ប្រាំ​ដង​ខ្ពស់​ជាង​​ក្មេង​កើត​ពី​ឪពុក​មាន​វ័យ​៣០​ឆ្នាំ ឬ​តិច​ជាង​នេះ​ក្នុង​ការ​កើត​ជំងឺ អូទីស្សឹម​។

បើ​គ្នា​យើង​មាន​វ័យ​លើស​ពី​៤០​ឆ្នាំ កំពុង​ពិចារណា​យក​កូន និង​បារម្ភ​ពី​បញ្ហា​សុខ​ភាព​បន្ត​ពូជ គួរ​ពិភាក្សា​ជាមួយ​គ្រូពេទ្យ​។​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.betterhealth.vic.gov.au/health/ConditionsAndTreatments/age-and-fertility

https://www.verywellfamily.com/does-age-affect-male-fertility-1959934

https://www.yourfertility.org.au/everyone/age

https://www.mayoclinic.org/healthy-lifestyle/getting-pregnant/expert-answers/paternal-age/faq-20057873

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយ 4 weeks ago
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x