តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

វីតាមីនល្អៗអាចរួមចំណែក​ជួយសុខភាពផ្លូវភេទបុរស​ឲ្យរឹងមាំ

    វីតាមីនល្អៗអាចរួមចំណែក​ជួយសុខភាពផ្លូវភេទបុរស​ឲ្យរឹងមាំ

    អសមត្ថភាពផ្លូវភេទ ឬលិង្គមិនអាចឡើងរឹងដូចក្ដីប្រាថ្នា ជាបញ្ហារបស់បុរសៗដែលប្រឈមច្រើននៅវ័យចាប់​​ពីអាយុ៤៥ឆ្នាំឡើង។ តាមការសិក្សាបានបង្ហាញថា វីតាមីនមួយចំនួនអាចរួមចំណែក​ជួយព្យាបាល និងអាចកាត់បន្ថយការលំបាកមួយនេះបាន។

    ចង់គណនា BMR ចុចទីនេះ!
    ចង់គណនា BMI ចុចទីនេះ!
    ចង់គណនារង្វាស់ចង្វាក់បេះដូង ចុចទីនេះ!
    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ១.វីតាមីន B9

    វីតាមីន B9 មានទំនាក់ទំនងខ្លាំងជាមួយ បញ្ហាអសមត្ថភាពផ្លូវភេទបុរស ព្រោះសារធាតុមួយនេះមានមុខងារពិសេសជួយពង្រឹងទៅដល់ដំណើរការមេតាប៉ូលិសនៃសមាសធាតុ nitric oxide ក្នុងរាងកាយ។ Nitric oxide មានមុខងារ​ជួយ​សម្រួល​ចរន្ដឈាម និងជំរុញឲ្យចលនាសាច់ដុំគ្រប់ផ្នែកក្នុងរាងកាយដំណើរការប្រសើរឡើង ក្នុងនោះរួមទាំងសាច់ដុំលិង្គផងដែរ។ ការខ្វះខាត វីតាមីន B9 គឺជាមូលហេតុធ្វើឲ្យប៉ះពាល់ដល់ដំណើរការបង្កើត nitric oxide ក្នុងរាងកាយ ហើយក៏ប៉ះពាល់ទៅដល់ដំណើរការគ្រប់គ្រងសាច់ដុំ និងក៏ងាយប៉ះពាល់ដល់សមត្ថភាពផ្លូវភេទផងដែរ។

    ២.វីតាមីន D

    វិតាមីន D ក៏ជាចំណែកមួយជួយបង្កើតសមត្ថភាពលិង្គឲ្យខ្លាំងក្លាឡើងវិញបាន ព្រោះវីតាមីនមួយប្រភេទនេះមានមុខងារជួយបង្កើតកោសិកា Endothelial ដែលជាកោសិកាសំខាន់មានតួនាទីក្នុងការគ្រប់លំហូរឈាមពេញរាងកាយ។

    ជាក់ស្ដែងណាស់ ការអសមត្ថភាពផ្លូវភេទគឺបណ្ដាលមកពីចុះខ្សោយចរន្ដឈាមចូលទៅក្នុងសរសៃលិង្គមិនអាចបំពេញមុខងារ ពង្រឹកសាច់ដុំបានល្អ ទើបមិនអាចធ្វើឲ្យលិង្គឡើងរឹងបាន។ ម្យ៉ាងវិញទៀត ក៏មានទាក់ទងនឹងប្រព័ន្ធប្រសាទផងដែរ។ ដូច្នេះវីតាមីន D គឺជាផ្នែកមួយជួយធ្វើឲ្យចរន្ដឈាមធ្វើការល្អ ក៏អាចជួយសុខភាពលិង្គរឹងមាំផងដែរ។

    ៣.វីតាមីន B3 (Niacin)

    ជំងឺក្រិនសរសៃឈាម (Atherosclerosis) ជាជំងឺមួយប្រភេទ ដែលបង្អាក់ដំណើរចរន្ដឈាមទៅចិញ្ចឹមរាងកាយ ហើយ​ជំងឺនេះក៏ជាចំណែកមួយធ្វើឲ្យសមត្ថភាពផ្លូវភេទចុះខ្សោយបាន ព្រោះចរន្ដឈាមមិនអាចទៅបំពេញមុខ​ងារបានល្អ ដូច្នេះវីតាមីន B3 មានមុខងារជួយ បង្កើនកម្រិតកូលេស្ដេរ៉ូល ជួយបំពេញមុខងាររបស់​ឈាម បញ្ជូនសារធាតុចិញ្ចឹមទាំងនេះទៅចិញ្ចឹមសរីរាង្គ។

    ៤.អាស៊ីត L-arginine

    អាស៊ីតប្រភេទនេះមានមុខពិសេសជួយជំរុញឲ្យរាងកាយ អាចបង្កើតប្រូតេអ៊ីនក្នុងសរសៃឈាមបានល្អ។ កាល​ណារាងកាយអាចបង្កើតប្រូតេអ៊ីនសម្រាប់ប្រើប្រាស់គ្រប់គ្រាន់ ក៏ជាចំណែកមួយជួយកាត់បន្ថយការប្រឈមនឹងបញ្ហា​អសមត្ថភាពផ្លូវភេទបានដែរ។ ?

    តើគួរទៅរកសារធាតុចិញ្ចឹមទាំងនេះឯណា?

    សារធាតុចិញ្ចឹមសំខាន់ទាំងនេះៗយើងអាចរកបាននៅក្នុងរបបអាហារដែលយើងញ៉ាំប្រចាំថ្ងៃមានដូចជា បន្លែបៃតង ខាត់ណា ប្រូខូលី ប្រេងអូលីវ ផ្លែឈើ ទឹកដោះគោស្រស់គ្មានជាតិខ្លាញ់ ថ្លើមសត្វ និង​គ្រឿងសមុទ្រ ។ យ៉ាងណាក៏​ដោយ បើបញ្ហា​ខ្សោយ​លិង្គ ឬ​លិង្គ​ពិបាកឡើង​រឹង រំខាន​ដល់​ជីវិត​ផ្លូវភេទ​របស់​យើង នោះ​ជា​ការ​ប្រសើរ គួរ​តែជួបពិគ្រោះ​ជាមួយ​គ្រូពេទ្យ​។​

    របបអាហារ

    អត្ថបទគួរអាន៖

    health-tool-icon

    គណនា BMI

    ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

    ប្រុស

    ស្រី

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    A new potential risk factor in patients with erectile dysfunction and premature ejaculation https://www.ncbi.nlm.nih.gov/pmc/articles/PMC4236337/

    Niacin is a B vitamin that’s made and used by your body to turn food into energy https://www.mayoclinic.org/drugs-supplements-niacin/art-20364984

    Vitamin B3 (Niacin) https://www.mountsinai.org/health-library/supplement/vitamin-b3-niacin

    Sex differences in the association of vitamin D https://journals.plos.org/plosone/article?id=10.1371/journal.pone.0258617 

    The role of vitamin D supplementation on erectile function https://www.ncbi.nlm.nih.gov/pmc/articles/PMC5503426/

    រូបថត​របស់​អ្នក​និពន្ធbadge
    ដោយ អឿ អ៊ុយ កែសម្រួល​ចុងក្រោយ 3 សប្ដាហ៍​កន្លងទៅ
    ត្រួតពិនិត្យដោយ វេជ្ជ. ចាន់ ស៊ីណេត
    Next article: