ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ពេលមករដូវម្តងៗ ស្រីៗយើងមួយចំនួនមិនត្រឹមតែខ្សោយ ឈឺពោះ ឬ មានអារម្មណ៍ប្រែប្រួល ទេ ថែមទាំងអាចមានអាការៈឡើងកន្ទួលរោលនៅភ្លៅ ក្រលៀន ឬគូទទៀតផង។ ហេតុអ្វីបានជាស្រីៗយើងមួយចំនួនមានអាការៈឡើងកន្ទួលរោលពេលមករដូវ? គួរដោះស្រាយបែបណា?
ស្រីៗយើងមួយចំនួនអាចមានអាការៈឡើងរោលនៅភ្លៅ ក្រលៀន ឬគូទដោយសារភាពហប់ ការកកិត និងសំណើមពីសម្លីអនាម័យដែលធ្វើឱ្យស្បែករលាក និងឡើងកន្ទួលរមាស់។
ប្រសិនបើយើងមានអាការៈឡើងកន្ទួលរោលពេលមករដូវ យើងគួរ៖
មិនថាមករដូវតិច ឬច្រើនទេ យើងគួរប្តូរសម្លីអនាម័យ ៣ ម៉ោងម្តង។ ការប្ដូរនេះ គឺដើម្បីរក្សាភាពស្ងួត និងរក្សាអនាម័យ ព្រោះស្បែកតំបន់ក្រលៀនមានសភាពសើម និងក្តៅជាងស្បែកនៅតំបន់ផ្សេងទៀតនៃរាងកាយ។ បូកផ្សំនឹងបាក់តេរីនៅក្នុងឈាមរដូវ សំណើមពីសម្លីអនាម័យ ញើស និងភាពហប់ អាចធ្វើឱ្យបាក់តេរីរីកលូតលាស់លឿន និងកាន់តែច្រើនដែលអាចធ្វើឱ្យយើងឆ្លងមេរោគផ្លូវទឹកនោម ឡើងកន្ទួលរោល និងឆ្លងមេរោគចូលទ្វារមាស។
ហេតុផលមួយទៀតដែលធ្វើឲ្យឡើងកន្ទួលរោលពេលមករដូវ ដោយសារស្បែករបស់យើងកកិតជាមួយសម្លីអនាម័យ។ ដូច្នេះយើងអាចជ្រើសរើសសម្លីអនាម័យប្រភេទស៊ក ក្រណាត់ ឬប្រភេទដែលអាចឱ្យខ្យល់ចេញចូលបានល្អ ស្តើង និងទន់ដែលមិនសូវធ្វើឱ្យស្បែករបស់យើងកកិតដូចសម្លីអនាម័យប្រភេទមានទ្រាប់ថង់ប្លាស្ទិក។
ការស្លៀកខោតឹង ឬរឹតពេកធ្វើឱ្យធ្វើឱ្យក្រលៀន ភ្លៅ និងគូទរបស់យើងហប់ គ្មានខ្យល់ចេញចូលល្អ និងបែកញើសដែលជាហេតុធ្វើឱ្យបាក់តេរីកកើត និងឡើងកន្ទួលរោល។
ចង់ពិនិត្យជំំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
យើងគួរស្លៀកខោក្នុងដែលធ្វើពីកប្បាសពេលមករដូវ ព្រោះខោក្នុងដែលធ្វើពីកប្បាសអនុញ្ញាតឱ្យខ្យល់ចេញចូលបានល្អ និងកាត់បន្ថយសំណើម។ យើងត្រូវប្រាកដថា ខោក្នុងរបស់ល្មមនឹងខ្លួន ហើយអាចទប់សំឡីអនាម័យនឹងល្អ។
នៅពេលមករដូវ ឈាមរដូវអាចហូរចូលចន្លោះតូចៗនៅតំបន់ទ្វារមាស ដូច្នេះយើងត្រូវឧស្សាហ៍លាងសម្អាតទ្វារមាសជាមួយទឹកក្តៅឧណ្ហៗ រួចជូតឱ្យស្ងួតដើម្បីរក្សាអនាម័យ ការពារការធុំក្លិន និងកុំឱ្យកកើតបាក់តេរីដែលជាហេតុធ្វើឱ្យយើងឡើងកន្ទួលរោល។ យើងក៏គួរសម្អាតទ្វារមាសមុនពេលដូរសម្លីអនាម័យថ្មីដែរ។
ការប្រើសាប៊ូ ឬទឹកអនាម័យលាងសម្អាតបរិវេណទ្វារមាសផ្នែកខាងក្នុងអាចសម្លាប់បាក់តេរីល្អៗនៅក្នុងទ្វារមាសដែលអាចការពារយើងពីការឆ្លងមេរោគផ្សេងៗ។ ដូច្នេះយើងគួរលាងសម្អាតទ្វារមាសជាមួយសាប៊ូ ឬទឹកអនាម័យតែផ្នែកខាងក្រៅបានហើយ ចំណែកផ្នែកខាងក្នុងយើងត្រូវលាងសម្អាតជាមួយទឹកក្តៅឧណ្ហៗ។
ការលាបម្សៅរោលក្រោយពេលសម្អាតទ្វារមាស និងមុនពេលប្រើសម្លីអនាម័យថ្មីអាចកាត់បន្ថយអាការៈឡើងកន្ទួលរោល រក្សាស្បែកតំបន់ភ្លៅ ក្រលៀន និងគូទឱ្យស្ងួតព្រោះម្សៅរោលអាចស្រូបយកជាតិសំណើម និងញើសបាន។
ការរក្សាអនាម័យពេលមករដូវអាចការពារ និងកាត់បន្ថយការឡើងកន្ទួលរោលពេលមករដូវបាន។ ជាទូទៅអាការៈឡើងកន្ទួលរោលនឹងបាត់ទៅវិញ បន្ទាប់ពីយើងមករដូវរួចពីរបីថ្ងៃ។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
