ការពិតទៅ ការធ្លាក់ទឹករម្អិលទ្វារមាស ជារឿងធម្មតាប៉ុណ្ណោះក្នុងឆាកជីវិតរបស់ស្រីៗយើង។ ប៉ុន្តែ គ្នាយើងអាចមានការព្រួយបារម្ភ ឬមិនស្រណុកចិត្ត នៅពេលដែលធ្លាក់ទឹករម្អិលច្រើនជ្រុល។ ជាទូទៅ ការធ្លាក់ទឹករម្អិលធម្មតា មានពណ៌ស និងស្អិត ឬពណ៌ថ្លា និងរាវ ព្រមទាំងមានក្លិនតិចតួច។ ការធ្លាក់ទឹករម្អិលខ្លះ អាចជួយបញ្ចៀសការឆ្លងមេរោគនៅទ្វារមាស និងផ្លូវទឹកនោម ក៏ដូចជាជួយឲ្យមានការបញ្ចេញជាតិរម្អិល។
មូលហេតុ ៣យ៉ាង បណ្ដាលឲ្យស្រីៗធ្លាក់ទឹករម្អិលទ្វារមាសច្រើន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
យោងតាម Cleveland Clinic ស្រីៗយើងផលិតទឹករម្អិលទ្វារមាសក្នុងបរិមាណខុសៗគ្នា។ ដូច្នេះហើយ បើយើងធ្លាក់ទឹករម្អិលតិច ឬច្រើនជាងធម្មតា ក៏មិនបង្កជាបញ្ហាណាមួយឡើយ លើកលែងតែក្នុងករណី មានធ្លាក់ទឹករម្អិលច្រើនជ្រុលដែលចាំបាច់ត្រូវប្រើប្រាស់សំឡីអនាម័យជាញឹកញាប់។
មូលហេតុដែលនាំធ្លាក់ទឹករម្អិលទ្វារមាសច្រើនជ្រុល និងគន្លឹះដោះស្រាយ
១. រលាកទ្វារមាស
ការធ្លាក់ទឹករម្អិលច្រើនជ្រុល ឬរាវ អាចជាសញ្ញានៃជំងឺរលាកទ្វារមាស។ ជំងឺនេះកើតឡើងដោយសារ៖
- ការលូតលាស់ជ្រុលនៃបាក់តេរី ដែលធ្វើឲ្យខូចតុល្យភាពនៃទ្វារមាស
- ផ្សិតលូតលាស់លឿនពេក
- ពពួកវីរុសដូចជាHSV និងHPV
- រលាកដោយសារសារធាតុគីមីនៅក្នុងគ្រីម ស្ព្រៃយ៍ និងសំលៀកបំពាក់
- ស្ងួតទ្វារមាស
- កង្វះអ័រម៉ូនEstrogen ដោយសារតែកត្តាវ័យចំណាស់ និងការអស់រដូវ
ស្រីៗអាចប្រឈមនឹងជំងឺរលាកទ្វារមាសច្រើនជាងមួយប្រភេទក្នុងពេលតែមួយ ហើយប្រភេទនីមួយៗមានរោគសញ្ញាខុសៗគ្នា។ ជាធម្មតា យើងអាចសង្កេតមើលការប្រែប្រួលនៃការធ្លាក់ទឹករម្អិលដែលមានសភាពខាប់ ស្ដើង និងរាវ មានក្លិនខ្លាំង និងមិនស្រួលពោះ ឬឈឺទ្វារមាស។
ដំណោះស្រាយ៖ ពាក់ខោទ្រនាប់ដែលមានខ្យល់ចេញចូល លាងសម្អាតទ្វារមាសជាមួយនឹងទឹកស្អាត ឬទឹកអនាម័យដែលគ្មានក្លិន និងគ្មានជាតិកាត់ ព្រមទាំងញ៉ាំពពួកProbiotics (ទឹកដោះគោជូរ គីមឈី) ក៏ដូចជារួមភេទដោយមានការការពារ។
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
២. អតុល្យភាពអ័រម៉ូន
ទន្ទឹមនឹងនេះដែរ អតុល្យភាពអ័រម៉ូនក៏អាចនាំឲ្យការធ្លាក់ទឹករម្អិលទ្វារមាសខុសប្រក្រតីដូចគ្នា។ ជាពិសេស នៅពេលដែលយើងស្រ្តេស អាចជះឥទ្ធិពលដល់សុខភាពទ្វារមាស ដោយធ្វើឲ្យទ្វារមាសស្ងួត និងរំខានដល់កម្រិតpH។
ដំណោះស្រាយ៖ ការគ្រប់គ្រងកម្រិតស្រ្តេសបានល្អ អាចជួយទ្រទ្រង់សុខភាពទ្វារមាស ដូច្នេះហើយ ស្រីៗយើងគួរធ្វើសមាធិ ហាត់ប្រាណ និងញ៉ាំអាហារដែលមានសារធាតុចិញ្ចឹមល្អៗ។
៣. ជំងឺកាមរោគ
ប្រភេទជំងឺកាមរោគដូចជាជំងឺប្រមេះទឹកបាយ និងប្រមេះទឹកថ្លា ក៏មានពាក់ព័ន្ធនឹងការបញ្ចេញទឹករម្អិលទ្វារមាសខុសប្រក្រតី ឬច្រើនជ្រុល។ រោគសញ្ញានៃជំងឺកាមរោគមានដូចជា៖
ជំងឺប្រមេះទឹកថ្លា មានរោគសញ្ញាដូចជាការធ្លាក់ទឹករម្អិល ឈឺចាប់នៅពេលរួមភេទ ធ្លាក់ឈាមចន្លោះពេលមករដូវ និងឈឺចាប់ត្រង់ពោះផ្នែកខាងក្រោម។
ជំងឺប្រមេះទឹកបាយ មានរោគសញ្ញាដូចជាធ្លាក់ទឹករម្អិលខាប់ ឬមានឈាម ឈឺចាប់ពេលបន្ទោបង់ រមាស់គូទ និងមករដូវច្រើនជ្រុល ឬធ្លាក់ឈាមនៅចន្លោះពេលមករដូវ។
ដំណោះស្រាយ៖ រួមភេទដោយប្រើស្រោមអនាម័យ និងពិនិត្យរកមើលជំងឺកាមរោគជាទៀងទាត់។
អត្ថបទគួរអាន៖
- ជំងឺគីសស្រទាប់រដូវក្រពេញអូវ៉ែ បង្កការឈឺចាប់ ៥ យ៉ាងនេះ
- ជំងឺដុំគីសទឹកលើក្រពេញអូវែ អាចជាបញ្ហាធ្វើឲ្យស្រីៗគ្មានកូន
- ចេញសញ្ញាទាំងនេះ អាចថាមានដុំគីសក្រពេញអូវែ
- ៥ ចំណុចទាក់ទងនឹងដុំសាច់ក្នុងស្បូន ស្រីៗគួរដឹង
- បើមានដុំសាច់ក្នុងស្បូន អាចជាដោយការញុំាថ្នាំឬទេ?
- មូលហេតុទាំងនេះហើយ ធ្វើឲ្យស្រីៗប្រឈមបញ្ហារលាកទ្វារមាស
ពេលណាគួរជួបគ្រូពេទ្យ?
ប្រសិនបើស្រីៗយើងមានរោគសញ្ញាណាមួយដូចខាងលើ ដែលនាំឲ្យធ្លាក់ទឹករម្អិលច្រើនជ្រុល យើងគួរទៅពិគ្រោះជាមួយនឹងគ្រូពេទ្យជំនាញ ទើបជាការប្រសើរ។
ម្យ៉ាងវិញទៀត យើងក៏មិនគួរធ្វេសប្រហែសចំពោះរោគសញ្ញាមួយចំនួនខាងក្រោមនេះដែរ៖
- ទឹករម្អិលមានក្លិនខ្លាំង
- រមាស់ និងក្រហាយ
- ធ្លាក់ឈាម
- ធ្លាក់ទឹករម្អិលច្រើនជ្រុល និងមិនបាត់ទៅវិញ។
បើមានរោគសញ្ញាទាំងនេះ គួរតែទៅជួបប្រឹក្សាជាមួយគ្រូពេទ្យ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម