បញ្ហាប្រព័ន្ធរំលាយអាហារ

សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?

សារធាតុ Gluten ជាប្រភេទប្រូតេអ៊ីនដែលមាននៅក្នុងស្រូវសាលី។ ប្រព័ន្ធរំលាយអាហារយើងមិនអាចបំបែកនិងរំលាយសារធាតុ Gluten បានទាំងស្រុងទេ។ កុមារភាគច្រើនអាចទប់ទល់នឹងសារធាតុ gluten ដែលមិនអាចរំលាយបានដោយគ្មានបញ្ហា ប៉ុន្តែចំពោះកុមារមួយចំនួន សារធាតុ Gluten អាចបង្កឱ្យមានបញ្ហាសុខភាពច្រើនយ៉ាង។ សារធាតុ Gluten មាននៅក្នុងអាហារដូចជានំបុ័ង នំខេក ដូណាត់ នំផាយ ភីសា បឺហ្គឺរ ផាស្តា ខូឃឺ និងនំស្រួយជាដើម។ សារធាតុ Gluten ក្នុងស្រូវសាលី ជួយឱ្យម្សៅធ្វើនំស្អិតខាំជាប់គ្នាល្អ មានសភាពយឺត និងធ្វើឱ្យនំ ឬផាស្តាទន់ឆ្ងាញ់។ កុមារគួរចៀសវាងអាហារមានផ្ទុកសារធាតុ Gluten ឬស្រូវសាលីបើមានបញ្ហាសុខភាពទាំងនេះ ១. មានជំងឺ Celiac ជំងឺ Celiac ជាជំងឺប្រព័ន្ធភាពសុំាវាយប្រហារខ្លួនឯងដែលបណ្តាលមកពីកត្តាហ្សែន។ នៅពេលកុមារមានជំងឺ Celiac ញុំាអាហារមានសារធាតុ Gluten នឹងបង្កឱ្យមានប្រតិកម្មនៅក្នុងពោះវៀនតូច ហើយបណ្តាលឱ្យកុមារ រាកឬទល់លាមក។ យូរៗទៅ ស្រទាប់ពោះវៀនតូចរបស់កុមារនឹងខូច ហើយលែងអាចស្រូបយកសារធាតុចិញ្ចឹមបានទៀតដែលបណ្តាលឱ្យកុមារស្រកគីឡូ គ្មានកម្លាំងនិងស្លេកស្លាំង ហើយអាចបណ្តាលឱ្យកើតមហារីកពោះវៀនតូចទៀតផង។ ២. ប្រតិកម្មនឹងសារធាតុ Gluten នៅពេលកុមារមានប្រតិកម្មនឹងសារធាតុ Gluten ញុំាំអាហារមានផ្ទុកសារធាតុនេះ កុមារអាចនឹងឈឺពោះ ហើមពោះ រាក […]

បញ្ហាប្រព័ន្ធរំលាយអាហារ

ម៉ាក់ៗមើលម៉េចទើបដឹងថាអូនៗជួបបញ្ហាទល់លាមក?

ទល់លាមក គឺជាបញ្ហាមួយកើតឡើងញឹកញាប់លើកុមារ។ ប៉ាម៉ាក់ត្រូវដឹងថាពេលណាកូនៗទល់លាមក ដើម្បីដោះស្រាយឲ្យបានត្រឹមត្រូវ។ ១– រោគសញ្ញានៃបញ្ហាទល់លាមក – កូនមិនសូវបន្ទោបង់ (អាចជុះតិចជាងបីដងក្នុងមួយសប្ដាហ៍) – លាមករបស់ក្មេងមានសភាពរឹង និងស្ងួត ធ្វើឲ្យលាមកមិនងាយចេញមកក្រៅ ឬឈឺចាប់ពេលបន្ទោបង់ ឬទំហំលាមកធំពេករហូតអាចស្ទះបន្គន់។ – ក្មេងៗឈឺចាប់ ឬយំពេលបន្ទោបង់ម្ដងៗ – ឈឺឆ្អល់ក្នុងពោះ និងហើមពោះ – អាចចុកពោះ – ពេលខ្លះអាចមានឈាមនៅជាប់លើលាមក សញ្ញានៃបញ្ហាទល់លាមកដែលប៉ាម៉ាក់តែងយល់ច្រឡំនោះគឺ រាក។ ការរាកក្នុងបញ្ហាមួយនេះ គឺកើតឡើងដោយសារដុំលាមករឹងនៅស្ទះជាប់ក្នុងទ្វារលាមក ហើយលាមករាវៗហូរមកតាមក្រោយចេញតាមចន្លោះលាមករឹងទាំងនោះ។ ការឈឺចាប់រាល់ពេលបន្ទោបង់ អាចធ្វើឲ្យក្មេងព្យាយាមគេចមិនចង់បន្ទោបង់។ ដូចនេះប៉ាម៉ាក់គួរសង្កេតមើលអាកប្បកិរិយារបស់កូន ពេលបន្ទោបង់ សង្កេតមើលអំពីការខ្ជឹបរន្ធគូទ កូនមានខ្វែងជើងចូលគ្នាឬអត់ ឬពេលប្រឹងបត់ជើងកូនមានប្រែប្រួលទឹកមុខដែរឬអត់។ អត្ថបទពាក់ព័ន្ធ៖ របៀបថែទាំកូនកើតមិនគ្រប់ខែ ឲ្យមានសុខភាពល្អ របៀបថែទាំកូនបែបបុរាណ តែឥឡូវពេទ្យហាមធ្វើដាច់ខាត បើកូនដួលបោកក្បាល ហើយចេញសញ្ញាទាំងនេះ ត្រូវទៅពេទ្យភ្លាម រឿងប៉ាម៉ាក់ត្រូវដឹងរឿងនេះពេលអូនៗមានរបួសក្បាលថាគ្រោះថ្នាក់ស្រាល ឬធ្ងន់កម្រិតណា ម៉េចបានពេលក្មេងក្ដៅខ្លួន សុលចូលទៅ ឆាប់ត្រជាក់ជាងលេបថ្នាំ? ២– មូលហេតុធ្វើឲ្យទល់លាមក ក្មេងៗខ្លះព្យាយាមទប់លាមក ដោយសារពួកគេមិនចង់ចូលជុះតាមបន្គន់សារធារណៈ មិនចូលចិត្ដពេលរៀនបត់ជើងក្នុងបន្គន់ ឬមិនចង់ឈប់លេងដើម្បីទៅជុះ ឬមានពេលខ្លះដោយសារតែកូនខ្លាចឈឺពេលជុះម្ដងៗជាដើម។ បើក្មេងជុះទៅឈឺ លើកក្រោយៗទៀតកូនច្បាស់ជាមិនចង់ជុះទៀតទេ។ បញ្ហាទល់លាមកអាចកើតឡើងដោយសារតែរបបអាហារ មិនសូវមានបន្លែ និងផ្លែឈើ ដែលមានផ្ទុកជាតិសរសៃ fiber ច្រើន ឬមិនមានទឹកគ្រប់គ្រាន់ក្នុងអាហារ។ ក្មេងៗងាយនឹងជួបបញ្ហាទល់លាមកពេលប្ដូររបបអាហារ យើងអាចសង្កេតឃើញដោយខ្លួនឯងបាន គឺនៅពេលកូនចាប់ផ្ដើមប្ដូរពីញ៉ាំអាហាររាវៗទៅជាអាហាររឹងៗ។ ក្មេងខ្លះអាចទល់លាមកដោយសារតែផលរំខានរបស់ថ្នាំ។ ការទល់លាមកអាចកើតឡើងដោយសារតែផលរំខានរបស់ថ្នាំមួយចំនួនដូចជា ថ្នាំព្យាបាលជំងឺបាក់ទឹកចិត្ដ ឬថ្នាំមួយចំនួនផ្សេងទៀត។ ចំណែកប្រវត្ដិក្រុមគ្រួសារធ្លាប់កើតបញ្ហាទល់លាមក […]