បញ្ហាប្រព័ន្ធរំលាយអាហារ

សារធាតុ Gluten ជាអ្វី? ហេតុអ្វីកុមារមួយចំនួនគួរចៀសវាង?

សារធាតុ Gluten ជាប្រភេទប្រូតេអ៊ីនដែលមាននៅក្នុងស្រូវសាលី។ ប្រព័ន្ធរំលាយអាហារយើងមិនអាចបំបែកនិងរំលាយសារធាតុ Gluten បានទាំងស្រុងទេ។ កុមារភាគច្រើនអាចទប់ទល់នឹងសារធាតុ gluten ដែលមិនអាចរំលាយបានដោយគ្មានបញ្ហា ប៉ុន្តែចំពោះកុមារមួយចំនួន សារធាតុ Gluten អាចបង្កឱ្យមានបញ្ហាសុខភាពច្រើនយ៉ាង។ សារធាតុ Gluten មាននៅក្នុងអាហារដូចជានំបុ័ង នំខេក ដូណាត់ នំផាយ ភីសា បឺហ្គឺរ ផាស្តា ខូឃឺ និងនំស្រួយជាដើម។ សារធាតុ Gluten ក្នុងស្រូវសាលី ជួយឱ្យម្សៅធ្វើនំស្អិតខាំជាប់គ្នាល្អ មានសភាពយឺត និងធ្វើឱ្យនំ ឬផាស្តាទន់ឆ្ងាញ់។ កុមារគួរចៀសវាងអាហារមានផ្ទុកសារធាតុ Gluten ឬស្រូវសាលីបើមានបញ្ហាសុខភាពទាំងនេះ ១. មានជំងឺ Celiac ជំងឺ Celiac ជាជំងឺប្រព័ន្ធភាពសុំាវាយប្រហារខ្លួនឯងដែលបណ្តាលមកពីកត្តាហ្សែន។ នៅពេលកុមារមានជំងឺ Celiac ញុំាអាហារមានសារធាតុ Gluten នឹងបង្កឱ្យមានប្រតិកម្មនៅក្នុងពោះវៀនតូច ហើយបណ្តាលឱ្យកុមារ រាកឬទល់លាមក។ យូរៗទៅ ស្រទាប់ពោះវៀនតូចរបស់កុមារនឹងខូច ហើយលែងអាចស្រូបយកសារធាតុចិញ្ចឹមបានទៀតដែលបណ្តាលឱ្យកុមារស្រកគីឡូ គ្មានកម្លាំងនិងស្លេកស្លាំង ហើយអាចបណ្តាលឱ្យកើតមហារីកពោះវៀនតូចទៀតផង។ ២. ប្រតិកម្មនឹងសារធាតុ Gluten នៅពេលកុមារមានប្រតិកម្មនឹងសារធាតុ Gluten ញុំាំអាហារមានផ្ទុកសារធាតុនេះ កុមារអាចនឹងឈឺពោះ ហើមពោះ រាក […]

បញ្ហាប្រព័ន្ធរំលាយអាហារ

ពិតអត់ កាលពីមុន ក្មេងៗញ៉ាំសាច់ នាំឲ្យកើតពិសអាចម៍កុក?

ជឿថាយើងភាគច្រើនប្រាកដជាធ្លាប់ឮចាស់ៗជំនាន់មុននិយាយពីជំងឺពិសអាចម៍កុក ដោយជោះឃើញនៅបាតដៃមានគ្រាប់តូចៗពណ៌សថ្លាៗ។ តើនោះជាអ្វីឲ្យប្រាកដទៅវិញទៅ? លោកវេជ្ជបណ្ឌិត ហ៊ាង រតនា ឯកទេសជំងឺទូទៅបាន ឲ្យដឹងថា ជំងឺពិសអាចម៍កុកនោះ មិនមានទេ។ លោកបន្តថា ការពិតទៅគ្មានជំងឺពិសអាចម៍កុកអ្វីនោះទេ ហើយដែលថាជំងឺនេះកើតឡើងពីការញ៉ាំសាច់ ក៏មិនត្រឹមត្រូវដែរ តែវាអាចជាបញ្ហាផ្សេងទៅវិញទេ។ កាលពីមុនចាស់ៗមិនឲ្យក្មេងញ៉ាំសាច់ ឬក៏អាចញ៉ាំបានក្នុងបរិមាណតិចតួចប៉ុណ្ណោះ នាំឲ្យកើតព្រូន ឬតេនញ៉ា ព្រោះចម្អិនមិនបានឆ្អិនល្អទៅវិញទេ។ ចំណែកបញ្ហាជោះនៅបាតដៃហើយមានឃើញគ្រាប់តូចៗ ពណ៌ថ្លាអាចជាខ្លាញ់នៅបាតដៃដែលនរណា ក៏មាន ឬក៏ពងតេនញ៉ានេះឯង។ លោកវេជ្ជបណ្ឌិតក៏បានផ្ដល់ដំបូន្មានថា ក្នុងរបបអាហាររបស់កូនត្រូវការជាតិសាច់ឲ្យបានច្រើន និងចម្អិនឲ្យបានឆ្អិនល្អ ព្រោះសាច់សម្បូរជាតិប្រូតេអ៊ីន ដើម្បីទ្រទ្រង់ការលូតលាស់។ វេជ្ជបណ្ឌិតឯកទេសជំងឺបន្ថែមទៀតថា បើកូនមានបញ្ហាអ្វីមិនប្រក្រតី ត្រូវយកកូនទៅពិភាក្សាជាមួយគ្រូពេទ្យជំនាញ ចៀសវាងវិនិច្ឆ័យ និងជោះ ឬធ្វើអ្វីដោយខ្លួនឯង ព្រោះនាំឲ្យកូនប្រែជាមានគ្រោះថ្នាក់ចំពោះសុខភាពទៅវិញ។ ម្យ៉ាងវិញទៀតកុំឲ្យកូនតូចលេងដី ឬរបស់មិនល្អ មិនត្រូវឲ្យកូនបៀម ឬលិឍដៃលេង និងឧស្សាហ៍លាងសម្អាតដៃឲ្យបានញឹកញាប់ ចៀសវាងជាប់បាក់តេរី។ អត្ថបទពាក់ព័ន្ធ៖ ហេតុអ្វីបានត្រូវចាក់វ៉ាក់សាំង ការពារជំងឺផ្ដាសាយធំ? វ៉ាក់សាំងសំខាន់ តើផលអាក្រក់អ្វីខ្លះនៅពីក្រោយ ដឹងអត់? មកដឹងពីអាការៈផ្សេងៗរបស់ទារក ក្រោយចាក់វ៉ាក់សាំងរួច វិធីការពារកូនតូចៗពីជំងឺរលាកទងសួត និងរលាកបំពង់ក កូនៗមានសុវត្ថិភាពពីវីរុសកូរ៉ូណាថ្មី បើម៉ាក់ៗធ្វើតាម ៤ ចំណុចនេះ បកស្រាយចម្ងល់ ស្រីៗពពោះចាក់វ៉ាក់សាំងផ្ដាសាយ នៅតែឈឺដដែល ម៉ាក់ៗដឹងអត់ វ៉ាក់សាំងស្អូចចាក់ឲ្យកូនប៉ុន្មានដង? នៅពេលណាខ្លះ? ចម្ងល់ម៉ាក់ៗ ស្របពេលផ្ទុះ COVID-19 តើគួរយកកូនទៅចាក់វ៉ាក់សាំងអត់? ម៉ាក់ៗចាក់វ៉ាក់សាំងផ្ដាសាយពេលពពោះ អាចជួយការពារដល់កូនកើតបាន […]