គ្នាយើងមួយចំនួនទើបតែមានវ័យ២០ឆ្នាំ ឬ៣០ឆ្នាំប៉ុណ្ណោះ ក៏ចាប់ផ្ដើមមានអាការៈឈឺខ្នង និងជង្គង់។ ពិតណាស់ បញ្ហាទាំងនេះកើតឡើងដោយសារតែឆ្អឹងរបស់យើងខ្សោយ ហើយដើម្បីពង្រឹងសុខភាពឆ្អឹង យើងគប្បីកាត់បន្ថយស្រ្តេស និងគេងឲ្យបានគ្រប់គ្រាន់។ ក្រៅពីនេះ យើងក៏ចាំបាច់ធ្វើការផ្លាស់ប្ដូរបែបបទនៃការរស់នៅមួយចំនួន ដើម្បីបង្ការអាការៈឈឺខ្នង និងជង្គង់ឲ្យមានប្រសិទ្ធភាពផងដែរ។
ឈឺខ្នង ឬជង្គង់នៅវ័យ២០ ឬ៣០ឆ្នាំ អាចដោះស្រាយតាមវិធីទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ការលើសទម្ងន់ ឬធាត់ជ្រុលសុទ្ធតែដាក់បន្ទុកដល់ឆ្អឹង និងឆ្អឹងខ្នង។ ដូចនេះ គ្នាយើងគប្បីរក្សាទម្ងន់ខ្លួនឲ្យសមល្មម ដើម្បីជៀសវាងបន្ថែមសម្ពាធលើឆ្អឹង។ សន្ទស្សន៍ម៉ាសរាងកាយដែលល្អបំផុត គឺនៅចន្លោះពី១៨,៥ ដល់២៤,៩។
២. បង្កើនការស្រូបយកជាតិកាល់ស្យូម និងវីតាមីនD
សារធាតុចិញ្ចឹមទាំងពីរមុខនេះមានសារសំខាន់ណាស់ សម្រាប់សុខភាពឆ្អឹងរបស់យើង។ ដូច្នេះហើយ យើងគប្បីបំពេញជាតិកាល់ស្យូម និងវីតាមីនD ដោយការបញ្ចូលគ្រាប់ធញ្ញជាតិ គ្រាប់ផ្លែឈើ ទឹកដោះគោ និងអាហារធ្វើពីទឹកដោះគោ សណ្ដែក ផ្សិត ក៏ដូចជាពពួកបន្លែស្លឹកបៃតងនៅក្នុងរបបអាហារប្រចាំថ្ងៃ។
៣. ហាត់ប្រាណ
ជាក់ស្ដែង ការហាត់ប្រាណជាវិធីសាស្ត្រដ៏ល្អបំផុតដើម្បីរក្សាសុខភាពឆ្អឹង ក៏ដូចជាសុខភាពទាំងមូល។ ហេតុនេះហើយ យើងគប្បីហាត់ប្រាណយ៉ាងហោចណាស់ឲ្យបាន៣០នាទីក្នុងមួយថ្ងៃ និង៥ដងក្នុងមួយសប្ដាហ៍។
៤. ជៀសវាងជក់បារី និងផឹកគ្រឿងស្រវឹងច្រើនជ្រុល
ការបាត់បង់ដង់ស៊ីតេរ៉ែឆ្អឹងក៏មានពាក់ព័ន្ធនឹងការជក់បារី ព្រមទាំងផឹកគ្រឿងស្រវឹងច្រើនជ្រុល ហើយដើម្បីថែទាំសុខភាពឆ្អឹងឲ្យនៅរឹងមាំល្អ យើងចាំបាច់ត្រូវបញ្ឈប់ទម្លាប់ទាំងនេះ។
៥. កាត់បន្ថយជាតិស្ករបន្ថែម
ទន្ទឹមនឹងនេះដែរ រាងកាយរបស់យើងមិនត្រូវការជាតិស្ករបន្ថែមពីភេសជ្ជៈមានជាតិស្ករ ជាតិកាហ្វេអ៊ីន និងប្រភេទអាហារកែច្នៃនោះទេ។ នៅពេលដែលយើងញ៉ាំអាហារទាំងនេះច្រើនជ្រុល វានឹងធ្វើឲ្យរាងកាយបាត់បង់ជាតិកាល់ស្យូម និងម៉ាញ៉េស្យូមទៅតាមទឹកនោម។ មួយវិញទៀត វាក៏អាចរារាំងពោះវៀនយើងមិនឲ្យទទួលបានជាតិកាល់ស្យូមគ្រប់គ្រាន់ថែមទៀតផង។
អត្ថបទគួរអាន៖
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្រីៗគួរដឹង! ជំងឺមហារីកសុដន់ និងការបំបៅដោះកូន
- មកដឹងពីដំណាក់កាលទាំង៤ នៃជំងឺមហារីកសុដន់
- ស្ទាបសុដន់រកដុំសាច់ជំងឺមហារីកខ្លួនឯង អាចជួយបានកម្រិតណាដែរ?
- មហារីកសុដន់ដោយសារមិនបានបំបៅកូន វិវត្តមកពីបែប
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម