ញ៉ាំ គឺសំខាន់ខ្លាំងណាស់ ទោះបីជាយើងឈឺយ៉ាងណាក៏ដោយ។ អាហារមានជីវជាតិទាំងនោះអាចជួយឲ្យ មានកម្លាំង មានអារម្មណ៍ល្អ និងឆាប់ជា។ ពិសេសសម្រាប់គ្នាយើងមានជំងឺមហារីកសុដន់ ដែលទើបព្យាបាលរួច ត្រូវដឹងថា គួរញ៉ាំរបៀបម៉េច? គួរញ៉ាំអីខ្លះ? តមអ្វីខ្លះ? អត្ថបទនេះ “Hello គ្រូពេទ្យ” នឹងប្រាប់ពីវិធីញ៉ាំអាហារដើម្បីទទួលបានសុខភាពល្អ។
១- វិធីទទួលបានអាហារសុខភាព
នរណាក៏ចង់ញ៉ាំអាហារល្អចំពោះសុខភាពដែរ ប៉ុន្តែពេលខ្លះធ្វើការហត់ពេកគ្មានពេលសម្រាប់ចម្អិន ឬមិនចេះចម្អិន ជាហេតុធ្វើឲ្យជ្រើសយកប្រភេទអាហារលឿន និងងាយស្រួល ដូចជា ភីហ្សា ឬមាន់បំពង ជាដើម។ ជំហានខាងក្រោមនេះអាចជួយបាន៖
– គួរតែរកអាហារដែលមិនត្រូវការពេលយូរក្នុងការចម្អិន ក្លាសេទុកក្នុងទូទឹកកក។ ដូចនេះយើងអាចកម្ដៅ ញ៉ាំពេលណាក៏បាន។
– ប្រមូលស្តុកទុក អាហារមានជីវជាតិ ឬអាហារអាចញ៉ាំបាននៅពេលឈឺ។ ចៀសវាងប្រមូល មី ទឹកក្រូច ស្តុកទុក។
- គួររកអ្នកចម្អិនឲ្យ អាចជាមិត្តភក្តិ ឬសមាជិកគ្រួសារ មិនចាំបាច់ខ្មាសអៀនទេ។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
២- ពិគ្រោះជាមួយគ្រូពេទ្យ
ពិគ្រោះជាមួយគ្រូពេទ្យ ដើម្បីទទួលបានការណែនាំ អាហារណាល្ អគួរញ៉ាំ។ បើមានរបស់ចូលចិត្តញ៉ាំ ហើយឈប់អត់បាន អាចសួរគ្រូពេទ្យ ក្រែងពេទ្យមានវិធីជួយបាន។ ក្នុងករណី មានផ្ទៃពោះ ឬបញ្ហាសុខភាពផ្សេងៗ សូមប្រាប់គ្រូពេទ្យឲ្យអស់កុំលាក់។
៣- ប្រយ័ត្នចំពោះអាហារយើងញ៉ាំ
ក្នុងករណីខ្លះ ការព្យាបាលជំងឺមហារីកសុដន់ អាចធ្វើឲ្យប្រព័ន្ធការពាររាងកាយចុះខ្សោយ ងាយឆ្លងជំងឺ ដូចនេះត្រូវតែប្រយ័ត្នចំពោះការញ៉ាំអាហារ។ ខាងក្រោមនេះជាគន្លឹះខ្លះៗ៖
– កុំញ៉ាំអយស្ទើរឆៅ ឬស៊ូស៊ី
– កុំញ៉ាំអាហារផុតថ្ងៃកំណត់
– កុំញ៉ាំអាហារដុះផ្សិត
– ដាក់ត្រី និងសាច់ ក្នុងទូទឹកកក
– លាងដៃ កាំបិត ឲ្យបានស្អាតពេលធ្វើម្ហូប
– ចម្អិនអាហារឲ្យបានឆ្អិនល្អ។ ចៀសវាងញ៉ាំសាច់ ឬពងទាមិនឆ្អិនល្អ
– គួរប្រើជ្រុញពីរ មួយសម្រាប់អាហារឆ្អិន និងមួយទៀតសម្រាប់អាហារឆៅ
– លាងសម្អាតបន្លែ និងផ្លែឈើ ឲ្យបានស្អាតមុនញ៉ាំ ហើយបើផ្លែឈើណាមានប្រភពមិនច្បាស់លាស់ កុំញ៉ាំអី
– អាហារដែលញ៉ាំមិនអស់ គួររក្សាទុកក្នុងទូទឹកកក ដើម្បីកុំឲ្យដុះផ្សិត ឬបោះចោលតែម្តងក៏បាន។ យល់ល្អគួរតែធ្វើល្មមញ៉ាំបានហើយ។
៤- គួរញ៉ាំថ្នាំបំប៉នថែមទេ?
គ្នាយើងមានជំងឺមហារីកសុដន់ តែងគិតថាថ្នាំបំប៉នមួយចំនួនអាចជួយឲ្យជំងឹមហារីកជាសះស្បើយបាន តែផ្ទុយមកវិញ វាធ្វើឲ្យប៉ះពាល់ដល់ការព្យាបាលទៅវិញទេ។ ដូចនេះ បើចង់លេបថ្នាំបំប៉ន ឬវីតាមីនទាំងនោះ គួរពិភាក្សាជាមួយគ្រូពេទ្យជាមុនសិន។ ការព្យាបាលជំងឺមហារីកដោះ ផ្តល់ផលរំខានជាច្រើន តែញ៉ាំអាហារមានជីវជាតិគ្រប់គ្រាន់ ដើម្បីជួយរាងកាយតទល់ជំងឺ។
អាន៖
- មហារីកសុដន់ អត់វ៉ាក់សាំងការពារមែន តែស្រីៗយើងអាចបង្ការបាន
- ធ្វើម៉េចដឹងថា មហារីកសុដន់ឈានដល់ដំណាក់កាលចុងក្រោយ?
- តិចនិកស្ទាប និងពិនិត្យសុដន់ រកជំងឺមហារីកដោយខ្លួនឯង
- ស្រីៗវះកាត់ពង្រីកដើមទ្រូងញឹកញាប់ អាចប្រឈមមហារីកសុដន់?
- ស្រីៗប្រយ័ត្នកើតមហារីកមិនដឹងខ្លួន បើនៅតែមានទម្លាប់អាក្រក់ទាំងនេះ
- ក្រោយព្យាបាលមហារីកសុដន់ អាចយកកូនបានអត់?
- បើស៊ាំនឹងថ្នាំ ពេលព្យាបាលជំងឺមហារីកសុដន់គួរធ្វើម៉េច?
- ស្វែងយល់ពីជំងឺមហារីកច្រើនទៀត
[embed-health-tool-bmi]
