ពិតណាស់ គ្នាយើងរាល់គ្នាសុទ្ធតែមានទម្លាប់មិនល្អដែលចង់ផ្លាស់ប្ដូរ ហើយអាកប្បកិរិយាជាក់លាក់មួយចំនួន អាចជះឥទ្ធិពលអវិជ្ជមានដល់សមត្ថភាពខួរក្បាល។ ដូចនេះ ដើម្បីពង្រឹងការចងចាំ និងបង្កើនសមត្ថភាពខួរក្បាល គ្នាយើងគប្បីអនុវត្តទម្លាប់ប្រចាំថ្ងៃល្អៗខាងក្រោម។
ទម្លាប់រស់នៅ ៥យ៉ាង បង្កើនការចងចាំ និងសមត្ថភាពខួរក្បាល
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១. ធ្វើសមាធិ
បើគ្នាយើងចង់ឲ្យការផ្ដោតអារម្មណ៍កាន់តែប្រសើរឡើង គួរចំណាយពេលខ្លះធ្វើសមាធិជារៀងរាល់ថ្ងៃ។ ពិតណាស់ ការធ្វើសមាធិអាចកាត់បន្ថយស្រ្តេស និងការថប់បារម្ភ ព្រមទាំងបង្កើនសមត្ថភាពខួរក្បាលថែមទៀតផង។
២. គេងឲ្យបានគ្រប់គ្រាន់
ទន្ទឹមនឹងនេះដែរ ការគេងគ្រប់គ្រាន់ជារៀងរាល់យប់ ជាទម្លាប់ដ៏ល្អមួយ ដែលអាចផ្ដល់ផលវិជ្ជមានដល់ប្រព័ន្ធជាច្រើននៅក្នុងរាងកាយរបស់យើង រួមទាំងការផ្ដោតអារម្មណ៍ផងដែរ។ អំឡុងពេលដែលយើងគេង ខួរក្បាលនឹងធ្វើការជួសជុល ស្តារចនាសម្ព័ន្ធ និងមុខងារសំខាន់ៗ។ ផ្ទុយទៅវិញ ការគេងមិនគ្រប់គ្រាន់ អាចរំខានដល់ដំណើរការទាំងនេះ។ ម្យ៉ាងវិញទៀត ការគេងមិនគ្រប់គ្រាន់ត្រូវបានផ្សារភ្ជាប់ទៅនឹងជំងឺមួយចំនួន រួមមានជំងឺទឹកនោមផ្អែម ធាត់ជ្រុល និងជំងឺបេះដូង។
៣. កាត់បន្ថយការញ៉ាំគ្រឿងស្រវឹង
បន្ថែមពីនេះ គ្រឿងស្រវឹងក៏អាចប៉ះពាល់ដល់ការចងចាំដូចគ្នា។ ជាតិអាកុលជាសារធាតុNeurotoxin ហើយការផឹកគ្រឿងស្រវឹងលើសកម្រិតជាប្រចាំ អាចបំផ្លាញដល់ផ្នែកនៃខួរក្បាលដែលទាក់ទងនឹងការចងចាំ ព្រោះអាចនាំឲ្យខ្វះសារធាតុចិញ្ចឹមសំខាន់ៗ ដូចជាវីតាមីនB-1 ដែលមានសារសំខាន់ក្នុងការផ្ដល់ថាមពលដល់កោសិកាខួរក្បាល។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៤. ញ៉ាំអាហារល្អៗ
ខួរក្បាលរបស់យើងត្រូវការសារធាតុចិញ្ចឹមជាប្រចាំ ដើម្បីរក្សាថាមពល និងដំណើរការបានល្អបំផុតហើយការញ៉ាំអាហារមិនល្អច្រើនជ្រុល អាចជះឥទ្ធិពលអវិជ្ជមានដល់ខួរក្បាលទៅវិញ។ អាហារដែលមានជាតិកាបូអ៊ីដ្រាតចម្រាញ់ខ្ពស់ ដូចជាស្ករគ្រាប់ ភេសជ្ជៈបន្ថែមជាតិស្ករ អាចនាំឲ្យជាតិស្ករក្នុងឈាមកើនឡើង និងបំផ្លាញសុខភាពខួរក្បាលបន្តិចម្ដងៗ។ ជាងនេះទៅទៀត កាបូអ៊ីដ្រាតចម្រាញ់អាចកាត់បន្ថយមុខងារនៃការចងចាំ និងធ្វើឲ្យការយល់ដឹងថយចុះ។ ជំនួសឲ្យការញ៉ាំអាហារដែលមានជាតិស្ករច្រើន គ្នាយើងគួរញ៉ាំអាហារដែលសម្បូរទៅដោយវីតាមីន និងសារធាតុចិញ្ចឹមដែលអាចជួយដល់ខួរក្បាល ដូចជាបន្លែស្លឹកបៃតង ផ្លែឈើ និងគ្រាប់ធញ្ញជាតិ ទើបជាការប្រសើរ។
៥. ហាត់ប្រាណជាប្រចាំ
លំហាត់ប្រាណអាចជួយសម្រួលដល់លំហូរឈាម ជួយឲ្យខួរក្បាលទទួលបានអុកស៊ីសែនកាន់តែច្រើន ក៏ដូចជាសារធាតុចិញ្ចឹមសំខាន់ៗគ្រប់ប្រភេទ។ សូម្បីតែលំហាត់ប្រាណប្រចាំថ្ងៃកម្រិតមធ្យម ក៏អាចបង្កើនមុខងារយល់ដឹងសំខាន់ៗដូចជាការចងចាំ និងការផ្ដោតអារម្មណ៍។ លំហាត់ប្រាណក៏ជួយបញ្ចេញអ័រម៉ូនEndorphins ទៅក្នុងចរន្តឈាម ជាអ័រម៉ូនដែលធ្វើឲ្យយើងមានអារម្មណ៍ល្អ ព្រមទាំងជួយកាត់បន្ថយស្រ្តេស។
អានបន្ថែម៖
- ការរីកប៉ោងសរសៃឈាមខួរក្បាល អាចគ្រោះថ្នាក់ នេះជារោគសញ្ញា
- ពាក់ម៉ាសយូរម៉ោង អាចធ្វើឲ្យឈឺក្បាល ឬថ្គាម?
- ដុំគីសក្នុងខួរក្បាលបណ្ដាលមកពីអ្វី? ការពារបែបណា?
- សញ្ញាព្រមានទាំង៦ អាចជាគ្រោះថ្នាក់សរសៃឈាមខួរក្បាលដំណឹងល្អ!
- ពិបាកទប់លំនឹង ឬពិបាកដើរ អាចមកពីមានបញ្ហាប្រព័ន្ធប្រសាទ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម