យើងត្រូវដឹងថា រាងកាយរបស់មនុស្សជាប្រព័ន្ធស្មុគស្មាញមួយ ហើយការមានផ្ទៃពោះនាំមកនូវការផ្លាស់ប្ដូរជាច្រើនលើរាងកាយ។ ដូច្នេះ នៅពេលដែលស្រីៗមានផ្ទៃពោះ រាងកាយនឹងចាប់ផ្ដើមបង្ហាញរោគសញ្ញាជាក់លាក់ណាមួយ។ ជួនកាល ស្ត្រីបង្ហាញរោគសញ្ញាពពោះដំបូងចម្លែកៗ ហើយបើយើងសង្កេតឃើញមានរោគសញ្ញាខាងក្រោមលេចឡើង វាអាចជាសញ្ញាថាកំពុងមានអីលូតលាស់ក្នុងពោះហើយ។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

១. ពិបាកគេង

ប្រសិនបើយើងឃើញថា យប់ឡើងពិបាកគេងលក់ ឬឧស្សាហ៍ភ្ញាក់ពីគេងកណ្ដាលយប់ វាអាចជារោគសញ្ញាពពោះដំបូងៗ។ ទោះជាយ៉ាងនេះក៏ដោយ យើងត្រូវរក្សាចិត្តឲ្យស្ងប់ស្ងាត់ និងសម្រាក ធ្វើលំហាត់ប្រាណ កាត់បន្ថយការទទួលទានជាតិកាហ្វេអ៊ីនប្រចាំថ្ងៃ ដើម្បីជួយឲ្យគេងលក់ប្រសើរជាងមុន។

២. តឹងច្រមុះ ឬឈាមច្រមុះ

ស្ដាប់ទៅរាងចម្លែកបន្តិចមែន តែស្ត្រីពពោះខ្លះចេញអាការៈតឹងច្រមុះ ឬឈាមច្រមុះពេលដំបូងៗ។ បញ្ហានេះអាចកើតឡើងដោយសារតែការខ្វះជាតិទឹកក្នុងរាងកាយ។

៣. ឧស្សាហ៍ផោម ឬប៉ោងពោះ

រោគសញ្ញាពពោះដំបូងចម្លែកមួយទៀតនោះគឺ អារម្មណ៍មានខ្យល់ក្នុងពោះ ប៉ោងពោះ ឬឧស្សាហ៍ផោម ឬភើ។ ការពពោះអាចប៉ះពាល់ទៅលើផ្លូវក្រពះពោះវៀន ជាហេតុបណ្ដាលឲ្យមានខ្យល់ក្នុងពោះ ផោម ឬភើញឹក។

រោគសញ្ញាពពោះដំបូង

៤. ធ្លាក់សច្រើនខុសធម្មតា

ការធ្លាក់សជារឿងធម្មតាទេអំឡុងពេលពពោះ តែបើសិនយើងសម្គាល់ឃើញថា ធ្លាក់សច្រើនខុសធម្មតា វាអាចជាសញ្ញានៃការមានផ្ទៃពោះ។ ផ្ទុយទៅវិញ បើការធ្លាក់សមានក្លិនមិនល្អ ឬមានពណ៌មិនប្រក្រតី គួរទៅជួបគ្រូពេទ្យរោគស្ត្រី។

៥. មានរសជាតិដែកជាប់មាត់

ស្ត្រីមានផ្ទៃពោះមួយចំនួនមានអារម្មណ៍ដូចកំពុងទំពាវត្ថុធ្វើពីដែក ពេលកំពុងញ៉ាំអី។ នេះក៏ព្រោះតែការកើនឡើងនៃអ័រម៉ូន Estrogen និង Progesterone នៅក្នុងខ្លួន ហើយត្រូវបានគេហៅថា Dysgeusia ។

៦. ចំណង់ផ្លូវភេទផ្លាស់ប្ដូរ

និយាយទៅ ការពពោះធ្វើរាងកាយយើងជួបរឿងចម្លែកៗច្រើនយ៉ាង ដូច្នេះការប្រែប្រួលចំណង់ផ្លូវភេទក៏អាចកើតឡើងបានដែរ។ ស្ត្រីខ្លះពេលចាប់ផ្ដើមពពោះអាចមានចំណង់ផ្លូវភេទខ្ពស់ ចំណែកខ្លះទៀតចំណង់ផ្លូវភេទអាចនឹងធ្លាក់ចុះ អាស្រ័យទៅតាមបុគ្គលម្នាក់ៗ។

ចំណុចសំខាន់

ជួនកាល ស្ត្រីបង្ហាញរោគសញ្ញាពពោះដំបូងចម្លែកៗ ហើយបើយើងសង្កេតឃើញមានរោគសញ្ញាខាងក្រោមលេចឡើង វាអាចជាសញ្ញាថាកំពុងមានអីលូតលាស់ក្នុងពោះហើយ៖

ពិបាកគេង
តឹងច្រមុះ ឬឈាមច្រមុះ
ឧស្សាហ៍ផោម ឬប៉ោងពោះ
ធ្លាក់សច្រើនខុសធម្មតា
មានរសជាតិដែកជាប់មាត់
ចំណង់ផ្លូវភេទផ្លាស់ប្ដូរ ។

អត្ថបទគួរអាន៖

រោគសញ្ញាពពោះដំបូងចម្លែកៗ ស្រីៗគួរចាប់អារម្មណ៍

១. ពិបាក​គេង

២. តឹង​ច្រមុះ ឬ​ឈាម​ច្រមុះ

៣. ឧស្សាហ៍​ផោម ឬ​ប៉ោង​ពោះ

៤. ធ្លាក់​ស​ច្រើន​ខុស​ធម្មតា

៥. មាន​រសជាតិ​ដែក​ជាប់​មាត់

៦. ចំណង់​ផ្លូវ​ភេទ​ផ្លាស់​ប្ដូរ