ស្រីៗគួរយកកូនក្នុងវ័យណាល្អ និងសុវត្ថិភាពពេលពពោះ?

ប្តីប្រពន្ធថ្មីថ្មោងភាគច្រើន បន្ទាប់ពីចាប់ដៃសាងជីវិតរួមគ្នា អ្វីសំខាន់តែងគិតបង្កើតមុខរបរប្រសើរមួយសម្រាប់អនាគត។ ទន្ទឹមនឹងអាជីវកម្មជោគជ័យ កត្តាសំខាន់បំផុតសម្រាប់សុភមង្គលក្រុមគ្រួសារ គឺមានអាអូនម្នាក់ ពីរនាក់នឹងគេ។ តែគ្នាយើងខ្លះនៅតែមិនប្រាកដថា មានកូននៅវ័យក្មេងពេកល្អ ឬមិនល្អនៅឡើយ។ អ៊ីចឹង នាំគ្នាអានអត្ថបទនេះសិនមើល៍។

វ័យ ២០ ឆ្នាំឡើង ជាពេលល្អបំផុតសម្រាប់ពពោះ ព្រោះអំឡុងពេលនេះរាងកាយពោរពេញដោយថាមពល និងមានពេលវេលាច្រើនសម្រាប់ថែរក្សាកូន តែទោះជាយ៉ាងណាក៏ដោយចាស់ជាងនេះបន្តិចក៏នូវតែអាចយកកូនបាន គ្រាន់តែមានគុណសម្បត្តិ និងគុណវិបត្តិផ្សេងគ្នា។ ខាងក្រោមនេះជាគុណសម្បត្តិពពោះអាយុ ២០ ជាងដែលគ្នាយើងគួរយល់ដឹង៖

១- ប្រព័ន្ធបន្តពូជល្អ

ស្រីៗកើតមក មានមេជីវិតញីចាប់ពី ១-២ លានក្នុងក្រពេញអូវែ ហៅតាមវេជ្ជសាស្ត្រថា អូវុល។ ពេលឈានចូលវ័យជំទង់ ចំនួនអូវុលទាំងនេះនឹងត្រូវចុះថយមកត្រឹម ៣-៥ សែន ហើយនៅពេលឈាន ចូលដល់វ័យបង្កកំណើត ក្រពេញអូវែបញ្ចេញបានប្រហែលត្រឹម ៣០០ ប៉ុណ្ណោះ ដូចនេះ កុំអែអង់យូរវ័យ ២០ ឆ្នាំជាង វ័យល្អបំផុតសម្រាប់ពពោះ។

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

ចង់ដឹងអត្ថន័យពណ៌ និងរូបរាងលាមកទារក ចុចទីនេះ !

២- សុខភាពអាអូន

បើពន្យារពេលកាន់តែយូរ រាងកាយនឹងចុះទ្រុឌទ្រោម ប្រដាប់បន្តពូជក៏ដូចគ្នាដែរ។ សម្រេចចិត្តយកកូនក្នុងវ័យចំណាស់ អាអូនអាចជួបនឹងជួបបញ្ហាសុខភាព បម្រែបម្រួលហ្សែន បង្កឲ្យមានជំងឺតំណពូជ ដូចជា កើតមក “មិនគ្រប់ទឹក” ជាដើម។ អ៊ីចឹង គួរប្រញាប់យកកូនពេលនៅក្មេង ដើម្បីចៀសវាងផលអាក្រក់ទាំងនេះ។

ពេលដឹងថាមានផ្ទៃពោះ

៣- ករណីរលូតកូនកម្រកើតមាន

មានតួលេខជាច្រើនបញ្ជាក់ថា ក្នុងវ័យជាង ២០ ឆ្នាំ អត្រារលូតកូនមានតែ ១០% ប៉ុណ្ណោះ គឺទាបជាងគេ បើធៀបនឹងអាយុជាង ៣០ ឆ្នាំ ដែលមាន ១២% អាយុ ៣០ ឆ្នាំប្លាយ មាន ១៨% អាយុ ៤០ ឆ្នាំជាង មាន ៣៤% ហើយអាយុ ៤៥ ឆ្នាំវិញគឺមានរហូតដល់ ៥៣% ជាហេតុនាំឲ្យស្រីៗគ្នាយើងគួរសម្រេចចិត្តយកកូនឲ្យបានលឿន។

៤- សុខភាពរឹងមាំមិនប្រឈមបញ្ហារោគស្ត្រី

សម្ពាធឈាមឡើងខ្ពស់ ទឹកនោមផ្អែម និងរោគស្ត្រីផ្សេងទៀត កម្រជួបប្រទះណាស់សម្រាប់ស្រីៗមានកូនក្នុងវ័យខ្ទង់ ២០ ឆ្នាំ។ ផ្ទុយទៅវិញ ពន្យារពេលកាន់តែយូរ ហានិភ័យកាន់តែខ្ពស់ ដូចជា ទម្ងន់កូនក្នុងផ្ទៃស្រាលខុសប្រក្រតី អាចកើតមិនគ្រប់ខែ។

អត្ថបទគួរអាន៖

៥- មានពេលវេលាគ្រប់គ្រាន់បីបាច់ថែរក្សាកូន

មានកូនត្រឹមវ័យ ២០ ឆ្នាំ ឬលើសតិចតួច ជាពេលវេលាល្អ។ យើងមានពេលគ្រប់គ្រាន់ និងសុខភាពបរិបូរមើលថែទាំអាអូន រួមទាំងទទួលបានបទពិសោធន៍ថ្មីច្រើនសម្រាប់ចិញ្ចឹមកូន។ លើសពីនេះ មានឱកាសអាចក្លាយជាយាយតាគេទាំងវ័យក្មេង មានកម្លាំងសុខភាពល្អអាចជួយសម្រាលបន្ទុកកូនថែមទៀតផង។

ក្រៅពីនេះ នៅមានកត្តាល្អមួយចំនួនទៀត ដែលគ្នាយើងច្រើនគិត ឬបង្អាប់គ្នាលេង ឬឮពីចាស់ៗវិញថា បើការអាយុក្មេងបន្តិច អាចមានពេលនៅមើលថែកូនបានយូរ ឬបើមានបញ្ហាប្ដីប្រពន្ធបែកបាក់អី អាចចាប់ដៃសាងគ្រួសារថ្មីបាន។

ថ្វីត្បិតតែរៀបរាប់ពីគុណប្រយោជន៍ច្រើន ប៉ុន្តែក៏នៅមានចំណុចអវិជ្ជមានខ្លះដែរ ក្រៅពីចំណុចល្អដូចបានរៀបរាប់ខាងលើ ដូចជា បញ្ហាអត្តចរិត (នៅក្មេង) ឆេវឆាវជាដើម។