រូបមន្តសុខភាព

អ្នកវិទ្យាសាស្ត្របង្ហើបគន្លឹះឲ្យរស់នៅបានលើសពី ១០០ឆ្នាំ

ជាច្រើនឆ្នាំមកហើយដែលអ្នកវិទ្យាសាស្ត្រកំពុងព្យាយាមស្រាវជ្រាវស្វែងរកមធ្យោបាយដើម្បីពន្យារភាពចាស់ នឹងអាចរស់នៅបានលើសពី ១០០ឆ្នាំ ខណៈពេលដែលមិនទាន់បានទទួលចម្លើយជាក់ស្តែងនៅឡើយក៏ដោយ។ ខណៈពេលដែលកំពុងធ្វើដំណើរការស្រាវជ្រាវ អ្នកវិទ្យាសាស្ត្របានបង្វែរទៅផលិតជាអាហារបំប៉នធម្មជាតិដើម្បីជួយពន្យារភាពចាស់ ដោយឡែកអ្នកវិទ្យាសាស្ត្រមួយចំនួន ផ្សេងទៀតផលិតនូវសក្តានុពលប្រឆាំងភាពចាស់តាមរយៈភេសជ្ជៈបំប៉នសុខភាពផ្សេងៗ ទម្រាំការស្រាវជ្រាវរកមធ្យោបាយពន្យារភាពចាស់ចេញជាលទ្ធផលជាក់លាក់។ អ្នកជំនាញវិទ្យាសាស្ត្រ ៣ រូបក្នុងវិស័យប្រត្តិបត្តិការណ៍ស្រាវជ្រាវការពន្យារភាពចាស់បានប្រាប់ពីទម្លាប់រស់នៅដ៏ខ្ជាប់ខ្ជួនរបស់ខ្លួនថា ការទទួលទានអាហារដែលមានសុខភាពល្អ និងធ្វើលំហាត់ប្រាណ គឺជាគន្លឹះសំខាន់ដែលអាចជួយឲ្យពួកគេរស់នៅរហូតដល់អាយុ ១២០ឆ្នាំ បាន។ វេជ្ជបណ្ឌិត David Clancy នៃសាកលវិទ្យាល័យ Lancaster ដែលបានចំណាយពេលជាច្រើនទសវត្សរ៍ក្នុងការស្រាវជ្រាវពីរបៀបពន្យារភាពចាស់បាននិយាយថា ការធ្វើលំហាត់ប្រាណជាវិធីជួយឲ្យរាងកាយនៅក្មេងបានយូរ។ ការគ្រប់គ្រងសុខភាពបេះដូង កម្រិតនៃកូឡេស្តេរ៉ុល ក៏ដូចជាសម្ពាធឈាមឲ្យបានត្រឹមត្រូវ គឺអាចកាត់បន្ថយហានិភ័យដល់អាយុជីវិតផងដែរ។ ដោយឡែកអ្នកស្រាវជ្រាវនៅប្រទេសហ្វាំងឡង់បានរកឃើញថា ការហាត់ប្រាណច្រើនអាចជួយពន្យារភាពចាស់ និងអាចរស់នៅបានយូរ បូករួមនឹងរបបអាហារដែលមានសុខភាពល្អ និងគេងបានគ្រប់គ្រាន់។ វេជ្ជបណ្ឌិត Clancy បានពន្យល់ថា ការថែរក្សារាងក៏អាចជួយសម្អាតកោសិកា Senescent ដែលជាកោសិកាម៉្យាងបង្កើនល្បឿននៃភាពចាស់ បង្កើនស្ត្រេស បញ្ចេញជាតិពុលដែលជំរុញឱ្យរលាកអវៈយវៈផ្សេងៗ។ ក្រៅពីការហាត់ប្រាណ លោកវេជ្ជបណ្ឌិតក៏បានបន្ថែមអាហារបំប៉នប្រភេទថ្នាំគ្រាប់ប្រចាំថ្ងៃដែលផលិតឡើងពីស្លឹកស្ងួតរបស់ Ginkgo ដែលជាប្រភេទដើមឈើមានវ័យចំណាស់ជាងគេបំផុតរបស់ពិភពលោក ដោយហ្វូស៊ីលនៃស្លឹករបស់វាសម្បូរទៅដោយសារធាតុប្រឆាំងអុកស៊ីតកម្ម ជួយដល់ដំណើរការនៃបេះដូង និងជំនួយដល់សុខភាពភ្នែកថែមទៀតផង។ ចង់គណនា BMR ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! ទន្ទឹមនឹងនេះដែរ លោក David McCarthy សាស្ត្រាចារ្យរងនៅសាកលវិទ្យាល័យ Georgia […]

រូបមន្តសុខភាព

ចូលដល់វ័យ៣០ឆ្នាំ គប្បីដឹងពីអាហារគួរញ៉ាំ និងមិនគួរញ៉ាំ

នៅពេលដែលយើងឈានចូលវ័យកាន់តែច្រើន រាងកាយរបស់យើងច្បាស់ជាប្រឈមនឹងការប្រែប្រួលមួយចំនួន។ នៅវ័យ៣០ឆ្នាំ គឺជាដំណាក់កាលដ៏សំខាន់ ជាពិសេសសម្រាប់ស្រីៗយើង ពីព្រោះវាគឺជាវ័យដែលយើងត្រូវចំណាយពេលវេលាច្រើន និងយកចិត្តទុកដាក់ចំពោះមុខរបរ គ្រួសារ និងសុខភាពជាចាំបាច់។ ដើម្បីចំណាយពេលលើកិច្ចការទាំងនេះប្រកបដោយប្រសិទ្ធភាព គ្នាយើងចាំបាច់ត្រូវមានថាមពលគ្រប់គ្រាន់ ដែលទាមទារឲ្យយើងត្រូវញ៉ាំអាហារត្រឹមត្រូវ និងមានតុល្យភាព។ អាហារដែលយើងត្រូវញ៉ាំនៅក្នុងវ័យ៣០ឆ្នាំ មានដូចខាងក្រោម៖ ១. អាហារជួយពង្រឹងម៉ាស់ឆ្អឹង សុខភាពឆ្អឹងគឺជាកង្វល់ដ៏ធំមួយសម្រាប់ស្ត្រីនៅវ័យ៣០ឆ្នាំ។ ប្រសិនបើយើងចាប់ផ្ដើមញ៉ាំអាហារត្រឹមត្រូវចាប់ពីពេលឥឡូវនេះទៅ យើងអាចគ្រប់គ្រងបញ្ហាមួយចំនួនដូចជាជំងឺពុកឆ្អឹង ឬជំងឺរលាកសន្លាក់នៅថ្ងៃអនាគតបានយ៉ាងល្អប្រសើរ។ អាហារដែលល្អបំផុតសម្រាប់ពង្រឹងម៉ាសឆ្អឹង៖ កាល់ស្យូម និងវីតាមីនD មានសារសំខាន់ក្នុងការជួយពង្រឹងឆ្អឹង ដែលមាននៅក្នុងទឹកដោះគោ និងទឹកដោះគោជូរ បន្លែបៃតងមានផ្ទុកជាតិដែក និងវីតាមីនដទៃទៀតដែលល្អចំពោះសុខភាព សាច់ត្រី ដូចជាត្រីសាល់ម៉ុនជាដើម ផ្លែអាល់ម៉ុន ២. អាហារដែលមានសារធាតុប្រឆាំងនឹងអុកស៊ីតកម្ម រ៉ាឌីកាល់សេរីជួយជំរុញភាពចាស់នៃជាលិកា ហើយដើម្បីប្រឆាំងនឹងរ៉ាឌីកាល់សេរី ស្រីៗយើងចាំបាច់ជ្រើសរើសអាហារដែលសំបូរទៅដោយសារធាតុប្រឆាំងនឹងអុកស៊ីតកម្ម។ ញ៉ាំតែ និងកាហ្វេនៅក្នុងបរិមាណសមល្មម ពីព្រោះភេសជ្ជៈទាំងនេះសុទ្ធតែមានសារធាតុប្រឆាំងនឹងអុកស៊ីតកម្ម ផ្លែប៊ឺរី ជាពិសេសគឺផ្លែប្លូប៊ឺរីដែលមានសារធាតុប្រឆាំងនឹងការរលាកខ្លាំង ហើយវាក៏សំបូរទៅដោយសារធាតុប្រឆាំងនឹងអុកស៊ីតកម្មផងដែរ អង្ករដំណើបខ្មៅ។ ៣. អាហារជួយឲ្យយើងគេងលក់ស្រួល ការគេងមានសារសំខាន់ណាស់ សម្រាប់ជួយឲ្យមុខងាររាងកាយដំណើរការបានត្រឹមត្រូវ។ ទឹកដោះគោមួយកែវនៅពេលយប់ អាល់ម៉ុន និងត្រីដែលមានខ្លាញ់ ៤. អាហារជួយគ្រប់គ្រងសម្ពាធឈាមបានល្អ ដើម្បីជៀសវាងបញ្ហាផ្សេងៗដែលបណ្ដាលមកពីជំងឺលើសសម្ពាធឈាម ស្រីៗយើងគប្បីបញ្ចូលអាហារទាំងនេះនៅក្នុងរបបអាហារ។ អាហារដែលសំបូរដោយជាតិប៉ូតាស្យូម ដែលអាចគ្រប់គ្រងសម្ពាធឈាមបានល្អ រួមមានដំឡូង សណ្ដែក និងប៉េងប៉ោះ។ អាហារដែលមិនគួរញ៉ាំច្រើននៅក្នុងវ័យ៣០ឆ្នាំ អាហារដែលបន្ថែមជាតិស្ករ ភេសជ្ជៈដែលមានជាតិហ្គាស សូកូឡា គ្រឿងស្រវឹង និងការជក់បារី ទឹកស៊ីអ៊ីវ សាច់ជាប់ខ្លាញ់ អាហារដែលមានជាតិប្រៃខ្លាំង ដូចជាដំឡូងបារាំងបំពង ឬអាហារចៀន។