អាហារូបត្ថម្ភ

តែផ្កាកូលាបជាតែផលិត​ពីផ្កាកូលាបក្រពុំដែលមិនទាន់រីក មានពណ៌ស្រស់ស្អាត និងមានគុណប្រយោជន៍​មិនចាញ់តែបៃតង ឬតែអ៊ូឡុងទេ។ តើ​តែ​ផ្កាកូលាបផ្តល់ប្រយោជន៍អ្វីខ្លះដល់សុខភាពយើង? ១. កាត់បន្ថយអាការៈឈឺចាប់ពេលមករដូវ តាមការសិក្សានៅកោះតៃវ៉ាន់ក្នុងឆ្នាំ ២០០៥​ បានឱ្យដឹងថា ការញុំាតែផ្កាកុលាប​អាចកាត់​បន្ថយ​អាការៈ​ឈឺចាប់មករដូវដែលជាវិធីព្យាបាលមានសុវត្ថិភាព និងងាយស្រួល។ ២. ជំនួយស្បែក តែផ្កាកូលាបសម្បូរទៅដោយវីតាមីន C ដែលជាសារធាតុប្រឆាំងអុកស៊ីត​កម្មជួយការពារ​ស្បែកពី​ការ​មានស្នាមជ្រីញជ្រួញ និងយារ​ធ្លាក់​។ ម្យ៉ាងទៀត វីតាមីន C អាចជំរុញការផលិតខូឡាជែនដែលជាប្រូតេអ៊ីន​ជួយ​ឱ្យស្បែក និងសក់​របស់​យើងស្អាត ហើយមានសុខភាពល្អ។ លើសពីនេះទៅទៀត តែផ្កាកូលាបមានផ្ទុកសារធាតុប្រឆាំងការរលាក និងបាក់តេរីដែលមាន​ប្រសិទ្ធភាព​​ក្នុងការព្យាបាលបញ្ហាស្បែកដូចជា កើតមុន។ ៣. ជួយពង្រឹងប្រព័ន្ធភាពសុំា បរិមាណវីតាមីន C នៅក្នុងតែផ្កាកូលាបអាចជួយពង្រឹងប្រព័ន្ធភាពសុំា​យើងប្រយុទ្ធប្រឆាំងនឹង​មេរោគ​ផ្តាសាយ និងក្អកជាដើម។ ជាពិសេស តែផ្កាកូលាបសម្បូរទៅដោយវីតាមីន B1, B2, K, និងបេតាកា​រ៉ូ​ទីនដែលអាចជួយឱ្យយើងជាសះស្បើយពីជំងឺផ្តាសាយ ឬគ្រុនផ្តាសាយ​លឿន។ ៤. ជួយប្រព័ន្ធរំលាយអាហារ តែផ្កាកូលាបអាចជំរុញការផលិតទឹកប្រមាត់ដែលជួយបំបែក និងស្រូបជាតិខ្លាញ់​ក្នុងពោះវៀន​របស់​យើង។ ម្យ៉ាងទៀត តែផ្កាកូលាបអាចជួយបង្កើនបាក់តេរីល្អ​ដែលជួយដល់ការរំលាយអាហារ​នៅក្នុង​ពោះវៀន​ទៀត​ផង។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៥. ជួយកាត់បន្ថយស្រេស្ត ការញុំាតែផ្កាកូលាបអាចជួយឱ្យចិត្តយើងស្ងប់ កាត់បន្ថយភាពតានតឹង ធ្វើឱ្យអារម្មណ៍ល្អ និង​ព្យាបាលអាការៈថប់បារម្ភ និងបាក់ទឹកចិត្ត។ ៦. កាត់បន្ថយអត្រាឆ្លងមេរោគផ្លូវទឹកនោម តែផ្កាកូលាបមានផ្ទុកសារធាតុប្រឆាំងបាក់តេរី និងជាសារធាតុ​បញ្ចុះទឹកនោម​​ធម្មជាតិ​ដែលជួយ​ឱ្យ​យើងនោមញឹក។ ដូច្នេះការញុំាតែផ្កា​កូលាប​អាចជួយយើង​កាត់បន្ថយការឆ្លងមេរោគ​ផ្លូវទឹកនោម​បាន​។ [embed-health-tool-bmr] ៧. កាត់បន្ថយអាការៈទល់លាមក តែផ្កាកូលាបមិនត្រឹមតែជួយដល់ការរំលាយអាហារទេ ថែមទាំងអាច​ជួយ​ព្យាបាលបញ្ហា​ទល់លាមក​ទៀត​ផង ព្រោះតែ​ផ្កា​កុលាបជាថ្នាំបញ្ចុះធម្មជាតិ។ តែផ្កាកូលាបគ្មានជាតិកាហ្វេអ៊ីនទេ ដូច្នេះយើងអាចញុំាពេលណាក៏​បាន។ យ៉ាងណាមិញ […]

កង្វះជាតិអ៊ីយ៉ូតអាចបង្កឱ្យក្រពេញទីរ៉ូអ៊ីតអសកម្ម។ រាងកាយរបស់យើងត្រូវការអ៊ីយ៉ូតដើម្បីផលិតអ័រម៉ូនទីរ៉ូអ៊ីតដែលមានឥទ្ធិពលលើការបំប្លែងអាហារ គ្រប់គ្រងមុខងារខួរក្បាល សរសៃប្រសាទ និងឆ្អឹង។ ចុះមានរឿងអ្វីកើតឡើង ប្រសិនបើរាងកាយ​យើង​ខ្វះជាតិអ៊ីយ៉ូត? យើងអាចបំពេញជាតិអ៊ីយ៉ូតតាមរយៈអាហារអ្វីខ្លះ? ប្រសិនបើរាងកាយ​យើង​ខ្វះជាតិអ៊ីយ៉ូត អាច​មាន​អាការៈ​ដូចជា៖ អស់កម្លាំង ខ្សោយសាច់ដុំ ឡើងទម្ងន់ រៀនមិនចេះ ឬពិបាកក្នុងការចងចាំ ទល់លាមក ចង្វាក់បេះដូងលោតយឺត ឬខ្សោយ ស្បែក​ស្ងួត ជ្រុះសក់ មុខហើម មានអារម្មណ៍ត្រជាក់ យើងអាចទទួលបានជាតិអ៊ីយ៉ូតពីអាហារមួយចំនួនដូចជា៖ ១. សារាយសមុទ្រ សារាយសមុទ្រមិនត្រឹមតែមានផ្ទុកជាតិអ៊ីយ៉ូតខ្ពស់ទេ ថែមទាំងសម្បូរទៅដោយសារធាតុប្រឆាំង​អុកស៊ីតកម្ម វីតាមីន និងរ៉ែជាច្រើនប្រភេទទៀត។ ២. គ្រឿងសមុទ្រ គ្រឿងសមុទ្រដូចជា ក្តាម បង្គា បង្កង គ្រំ អយស្ទ័រ ជាដើមសម្បូរទៅដោយ​​ជាតិអ៊ីយ៉ូត ហើយ​ថែម​ទាំង​មានផ្ទុកប្រូតេអ៊ីន កាល់ស្យូម និងវីតាមីនជាច្រើនប្រភេទទៀតផង។ ៣. ដំឡូងបារាំង ដំឡូងបារំាងសម្បូរទៅដោយសារធាតុចិញ្ចឹមចាំបាច់ដូចជា វីតាមីន ជាតិសរសៃ ប៉ូតាស្យូម និង​ជាតិ​អ៊ីយ៉ូត។ ក្នុងដំឡូងបារំាងមួយមើមមានផ្ទុកជាតិអ៊ីយ៉ូតប្រហែល ៦០ មីក្រូក្រាមដែលស្មើនឹង ៤០% នៃជាតិអ៊ីយ៉ូតប្រចាំ​ថ្ងៃដែលយើងគួរញុំា។ ៤. ចេក ការ​ញ៉ាំ​ចេកអាចផ្តល់ថាមពលដល់យើង​លឿន ព្រោះចេកសម្បូរទៅដោយ​ប៉ូតាស្យូម។ លើស​ពី​នេះ​ទៅទៀត ក្នុងចេកមួយផ្លែមានផ្ទុកជាតិអ៊ីយ៉ូត ៣ មីក្រូក្រាម។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យជំងឺសរសៃឈាមបេះដូង […]

ពេលខ្លះយើងអាចចង់ញុំាអាហារអ្វីមួយដូចជា នំខេក ដំឡូងបំពង ទឹកក្រូច នំបុ័ង ឬមី ​យ៉ាង​ខ្លាំង ដែលខុសពីការឃ្លាន​អាហារធម្មតា។ ការ​ឃ្លាន​បែប​នេះ ជាសញ្ញាប្រាប់​យើងថា​ ​ដល់ពេលញុំា​អាហារ​ដើម្បី​បំពេញ​ថាមពលហើយ។ ហេតុអ្វីបានជាពេលខ្លះយើងចង់ញុំាអាហារអ្វីមួយខ្លាំងម្ល៉េះ? តាមការសិក្សាបានឱ្យដឹងថា ហេតុផលនៅពីក្រោយកត្តា​ដែលជំរុញឱ្យ​យើងចង់​ញុំា​អាហារអ្វីមួយ​ខ្លាំង ​គឺដោយសាររាងកាយយើងខ្វះវីតាមីន ឬសារធាតុចិញ្ចឹមណាមួយ ហើយបណ្តាលចិត្ត​យើង​ចង់​ញុំា​អាហារដែលមិនល្អចំពោះសុខភាព ព្រោះអាហារទាំងនោះ​ក៏មានផ្ទុកសារធាតុ​ចិញ្ចឹម​ដែល​រាងកាយ​យើងត្រូវការដែរ។ ១. អាហារផ្អែមៗ ការចង់ញុំាអាហារផ្អែមៗអាចដោយសាររាងកាយយើងខ្វះសារធាតុចិញ្ចឹមសំខាន់ៗប្រាំដូចជា៖ ក្រូមីញ៉ូម (គ្រប់គ្រងកម្រិតជាតិស្ករក្នុងឈាម) កាបូន (ធាតុមួយក្នុងចំណោមធាតុផ្សំរបស់ជាតិស្ករ) ផូស្វ័រ (ជំរុញការផលិតថាមពល) ស្ពាន់ធ័រ (ជួយបណ្តេញជាតិពុលចេញពីរាងកាយ) សារធាតុ tryptophan (ជំរុញការផលិត serotonin ដែលជាអ័រម៉ូនជួយគ្រប់គ្រងអារម្មណ៍ និង​ធ្វើឱ្យ​យើង​មានអារម្មណ៍មិនល្អ) ជំនួសឱ្យការញុំាអាហារផ្អែមៗ យើងអាចញុំាទំពាំងបាយជូ គ្រាប់ផ្លែឈើ គ្រាប់ធញ្ញជាតិ ប្រូខូលី ខ្ទឹមបារាំង​ឆៅ សាឡាដ សណ្តែកបារាំង ផ្សិត ប៉េងប៉ោះ ដំឡូងជ្វាជាដើម។ ការញុំា​អាហារសម្បូរ​ប្រូបាយអូទិកដូចជា ទឹក​ដោះគោជូរ​ក៏អាចជួយបំបាត់អាការៈចង់ញុំាអាហារផ្អែមៗដែរ។ ២. អាហារផ្ទុកកាបូអ៊ីដ្រាតចម្រាញ់ ការចង់ញុំាអាហារផ្ទុកកាបូអ៊ីដ្រាតចម្រាញ់ដូចជានំប៉័ង ប៉ាស្តា នំ ឬមីជាដើមបង្ហាញថា ​រាងកាយ​យើងខ្វះ​សារធាតុក្រូមីញ៉ូម ដែលមាននាទីជួយទ្រទ្រង់មុខងារ​លំពែងក្នុងការរំលាយអាហារ​មាន​ជាតិ​ស្ករ។ យើងអាចញុំាស៊ុត សណ្តែក​ គ្រាប់ផ្លែឈើ គ្រាប់ធញ្ញជាតិ ផ្លែឈើអម្បូរក្រូច ទំពាំងបាយជូរ […]

តាំងអោជាបន្លែពណ៌បៃតងដែលងាយឆ្អិន ស្រួយ និងមានរសជាតិល្វីងតិចតួចលាយផ្អែមឡែម​ៗ​។ តាំងអោសម្បូរទៅដោយសារធាតុរ៉ែ និងវីតាមីនដែលផ្តល់អត្ថប្រយោជន៍​ច្រើនដល់​សុខភាព​យើង​។ តើតាំងអោ​ជួយ​សុខភាពយើងបែបណាខ្លះ? ការញុំាតាំងអោញឹកញាប់ជួយសុខភាពយើងដូចខាងក្រោម៖ ១. ជួយសម្រកទម្ងន់ តាំងអោមានផ្ទុកអាស៊ីដ chlorogenic ដែលអាច​ពន្យឺត​ការ​បញ្ចេញ​ជាតិ​គ្លុយកូស​ចូល​ក្នុង​ចរន្ត​ឈាម​បន្ទាប់ពី​​អាហារត្រូវបានបំប្លែង​។ លើសពីនេះ​ទៀតតាំងអោមានកាឡូរីទាប ដោយតាំងអោ ១០០ ក្រាមមានកាឡូរី​តែ ២២ ប៉ុណ្ណោះ។ ម្យ៉ាងទៀត តាំងអោសម្បូរទៅដោយជាតិសរសៃ និងមាន​ជាតិ​ខ្លាញ់​ទាបដែលជួយដល់ដំណើរការរំលាយអាហារ និងជួយឱ្យយើងស្រកទម្ងន់។ ២. ប្រឆាំងរ៉ាឌីកាល់សេរី បន្ថែមពីលើអត្ថប្រយោជន៍ជួយសម្រកទម្ងន់ អាស៊ីដ chlorogenic ដែលមាននៅក្នុងតាំងអោអាចជួយ​រាងកាយយើងប្រឆាំងនឹងអុកស៊ីតកម្ម។ តាំងអោកក៏ផ្ទុកទៅដោយសារធាតុប្រឆាំងអុកស៊ីតកម្ម​ផ្សេង​ទៀតដូចជា flavonoids វីតាមីន និង carotenoids ។ សារធាតុប្រឆាំងអុកស៊ីតកម្ម ទាំងនេះអាច​ស្រូប​​យករ៉ាឌីកាល់សេរី និងម៉ូលេគុលបំផ្លាញសុខភាពផ្សេងទៀត ដែលពពួក​ម៉ូលេគុល​ទាំងនោះ​ធ្វើឱ្យយើង​មាន​ជំងឺ​បេះដូង មានស្នាមជ្រួញ ចាស់មុនអាយុ កើតមហារីក និងមានជំងឺផ្សេងៗទៀតជាច្រើន។ ៣. ជួយសុខភាពទូទៅ ក្នុងតាំងអោ ១០០ ក្រាមមានផ្ទុកប៉ូតាស្យូម ២៧០ មិល្លីក្រាមដែលច្រើនជាង​ប៉ូតាស្យូម​ដែល​មាន​ក្នុង​ចេក ១០០ ក្រាមដល់ទៅ ៣០%។ ប៉ូតាស្យូមអាចជួយយើងប្រឆាំងនឹងជំងឺលើសសម្ពាធឈាម គ្រោះថ្នាក់សរសៃ​ឈាម​ខួរក្បាល គ្រួសក្នុងតម្រងនោម ហើមពោះ ការឡើងខ្លាញ់នៅក្រោមស្បែក និងការពារការបាត់បង់កំហាប់ឆ្អឹង។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៤. កាត់បន្ថយហានិភ័យកើតមហារីកសួត តាមការសិក្សាដែលបានបោះពុម្ពផ្សាយនៅក្នុង […]

អម្ពិលទឹកមានសាច់ពណ៌ស សម្បកពណ៌បៃតង និងមានរសជាតិចត់តិច​តួច តែ​ពេល​ទុំ​នឹងប្រែជាពណ៌ក្រហមទាំងសាច់ទាំងសម្បក ហើយមានរសជាតិ​​ផ្អែម។ តើអម្ពិល​ទឹក​មានសារធាតុចិញ្ចឹមអ្វីខ្លះ ហើយផ្តល់​​​​​​​​​​​​​​​​​​​​​​អត្ថប្រយោជន៍​​អ្វីខ្លះដល់សុខភាព? ១. ជួយពោះវៀន អម្ពិលទឹកមានផ្ទុកទៅដោយសារធាតុប្រឆាំងអុកស៊ីតកម្មដូចជា quercetin និង flavonoids ដែលអាចជួយលាងសម្អាតជាតិពុលនៅក្នុងពោះវៀន និងក្រពះ ដែលអាចជួយ​ការពារយើងពីជំងឺរាក។ ២. ជួយស្បែក ត្រអកធ្វើឱ្យស្បែកយើងស្ងួត រមាស់ រលាក ប្រេះ ឬរបក។ សារធាតុ Saponins សារធាតុ​ប្រឆាំងអុកស៊ីតកម្ម (Alkaloid, Flavonoid និង Tannin ជាដើម)នៅ​ក្នុង​ផ្លែអម្ពិលទឹក អាចជួយ​ប្រឆាំង​បាក់តេរី និងមេរោគផ្សិតដែលធ្វើឱ្យយើងកើតត្រអក។ ជាង​នេះទៅទៀត វីតាមីន C នៅក្នុង​អម្ពិលទឹកអាចជួយពង្រឹង​ប្រព័ន្ធភាពស៊ាំ​ដែលជួយឱ្យស្បែក​យើង​មាន​សុខភាពល្អ និងភ្លឺថ្លា។ ២. ជួយសុខភាពឆ្អឹង និងសាច់ដុំ អម្ពិលទឹកមានផ្ទុកកាល់ស្យូម និងផូស្វ័រដែលជាសារធាតុរ៉ែជួយធ្វើឱ្យឆ្អឹងយើងរឹងមុំា។ ជាងនេះទៅទៀត ការញុំាអម្ពិលទឹកអាចជួយសម្រួលសាច់ដុំ និងកាត់​បន្ថយ​ការ​ចុក​រួយ​សាច់ដុំ​ ព្រោះអម្ពិល​ទឹក​មានផ្ទុកប្រូតេអ៊ីន​ដែល​ជួយរក្សាម៉ាសសាច់ដុំ និងធ្វើឱ្យសាច់ដុំ​​មានសុខភាព​ល្អ។ ។ ៣. ជួយកាត់បន្ថយភាពតានតឹង និងថប់បារម្ភ សារធាតុប្រឆាំងអុកស៊ីតកម្មដូចជា Alkaloid, Flavonoid និង Tannin ជួយ​​ធ្វើ​ឱ្យយើង​មាន​អារម្មណ៍ល្អ បន្ធូរភាពតានតឹង និងថប់បារម្ភ។ សារធាតុ​​នេះក៏ជួយពង្រឹង​មុខងារ​ខួរក្បាល និងការចងចាំរបស់យើងដែរ។ ចង់គណនា BMI […]

ប្រតិកម្មនឹងសារធាតុអ៊ីស្តាមីន ពី​អាហារ​ដែលយើងញ៉ាំចូល​​ក្នុងខ្លួន​មានរោគសញ្ញា​ស្រដៀងនឹង​អាលែកហ្ស៊ី​ដែរ ដោយសារ​រាងកាយ​យើងមានបញ្ហាក្នុងការបំបែកសារធាតុនោះ ឬដោយសារ​ក្នុងរាងកាយយើង​មាន​ផ្ទុកអ៊ីស្តាមីនច្រើនលើសកម្រិត។ តើអាហារណាខ្លះដែល​មាន​​កម្រិត​អ៊ីស្តាមីនទាប ហើយអាហារណា​ខ្លះ​មាន​អ៊ីស្តាមីនខ្ពស់គួរចៀសវាង? ចុះអ្វីជា​អ៊ីស្តាមីន? ​គឺជាសារធាតុដែលបញ្ចេញដោយកោសិកាឈាមសដើម្បីឆ្លើយតបនឹងការរងប៉ះពាល់ពីអាលែកហ្ស៊ី ឬពីប្រតិកម្មបញ្ចេញពីការរលាក ដែលអាចបង្កគ្រោះថ្នាក់ដូចជា វីរុស បាក់តេរី សារធាតុ​បង្កប្រតិកម្ម ឬសារធាតុគីមីជាដើម កោសិកាឈាមសឈ្មោះម៉ាស (mast) នៅ​ក្នុងរាងកាយយើងនឹងបញ្ចេញសារធាតុអ៊ីស្តាមីនដើម្បី​កម្ចាត់ ឬទប់ស្កាត់​សារធាតុ​ទាំង​នោះ។ រាងកាយយើងក៏ទទួលបានអ៊ីស្តាមីនពីអាហារដែលយើងញ៉ាំដែរ។ អាហារមួយ​ចំនួន​មាន​ផ្ទុក​អ៊ីស្តាមីន អាហារមួយចំនួនជួយជំរុញការបញ្ចេញអ៊ីស្តាមីន និងអាហារមួយ​ចំនួន​ទៀតផ្ទុកអ៊ីស្តាមីនផង ជំរុញការបញ្ចេញអ៊ីស្តាមីនផង។ ឧទាហរណ៍​៖ គ្រឿង​ស្រវឹង​មិនត្រឹមតែ​ផ្ទុកទាំង​អ៊ីស្តាមីនទេ ថែម​ទាំងជំរុញ​ឱ្យ​រាងកាយ​យើង​បញ្ចេញ​អ៊ីស្តាមីន​ទៀតផង។ នៅពេលយើងប្រតិកម្មនឹងជាតិអ៊ីស្តាមីន យើងនឹងមានអាការៈដូចជា៖ កណ្តាស់ រមាស់ ឈឺសន្លាក់ ចង្អោរ រាក សម្ពាធឈាមចុះទាប ឈឺពោះ ឈឺក្បាល ឬឡើង​កន្ទួល​ក្រហម។ ១. អាហារដែលមានអ៊ីស្តាមីនទាបមានដូចជា៖ ផ្លែឈើសឹងតែទាំងអស់លើកលែងតែ ម្នាស់ ស្ត្របឺរី ល្ហុង ផ្លែឈើអម្បូរក្រូច (ក្រូចឆ្មា ក្រូច ក្រូចថ្លុង)​ ចេក បន្លែសឹងតែទាំងអស់លើកលែងតែ ប៉េងប៉ោះ ត្រប់វែង ស្ពៃពួយឡេង គ្រាប់ធញ្ញជាតិដែលគ្មានជាតិហ្គូទីន (Gluten)៖ ពោត អង្ករ គ្រាប់​ឈៀ ប្រេង​អូ​លីវ ប្រូតេអ៊ីនពីសត្វស្រស់៖ […]

ស័ង្កសី គឺជាសារធាតុរ៉ែដែលមាននាទីជួយដល់ប្រព័ន្ធភាពស៊ាំរបស់យើងក្នុងការប្រយុទ្ធប្រឆាំងនឹងមេរោគ ជួយភ្នែក និងជួយបង្កើតប្រូតេអ៊ីនសម្រាប់​​សុខភាពឆ្អឹង សាច់ដុំ ជាលិកា និងឈាម។ តើ​មានរឿងអ្វីកើតឡើង ប្រសិនបើរាងកាយយើងខ្វះជាតិជាតិ​ស័ង្កសី? អាហារអ្វីខ្លះសម្បូរជាតិជាតិស័ង្កសី? បើ​សិន​ជា​រាង​កាយ​យើង​ខ្វះ​ជាតិ​ស័ង្កសី នោះ​អាច​នឹង​ចេញ​រោគ​សញ្ញា​មួយ​ចំនួន​​។​ ១. មិនឃ្លានអាហារ កង្វះស័ង្កសីអាចបណ្តាលឱ្យយើងមិនឃ្លានអាហារ ដោយសារស័ង្កសី​គឺជាអង់ស៊ីម​ដែល​គ្រប់គ្រងឃានវិញ្ញាណ និងជីវហាវិញ្ញាណរប​ស់យើង ធ្វើឱ្យយើង​ហិតមិន​ដឹង​ក្លិន ញុំាមិនដឹងឆ្ងាញ់ ឬសាបមាត់ជាដើម។ ២. ពិបាកផ្ចង់អារម្មណ៍ តាមការសិក្សានៅសកលវិទ្យាល័យ Toronto បានឱ្យដឹងថា សារធាតុស័ង្កសី​មាន​តួនាទី​​សំខាន់ក្នុងការគ្រប់គ្រងណឺរ៉ូន (កោសិកាប្រសាទ)។ កង្វះស័ង្កសីអាចបណ្តាល​ឱ្យ​យើង​ពិបាកផ្ចង់អារម្មណ៍ និងភ្លេចភ្លាំង។ ៣. ក្រជារបួស ប្រសិនបើយើងមានរបួស ហើយក្រជាសះស្បើយក៏អាចជាសញ្ញាកង្វះស័ង្កសីដែរ ព្រោះ​ស័ង្កសីជួយឱ្យឈាមឆាប់កក និងជួយដល់ដំណើរការ​ជាលិកាស្បែក​ក្នុងការ​ជួសជុល​ខ្លួនឯង។ ៤. ឈឺញឹកញាប់ ឬផ្តាសាយយូរ ប្រព័ន្ធភាពស៊ាំរបស់យើងត្រូវការស័ង្កសីដើម្បីដំណើរការ។ ស័ង្កសីជួយកោសិ​កា​ T-Cell ក្នុង​ការសម្លាប់បាក់តេរី វីរុស និងកោសិកាមហារីក។ ប្រសិនបើយើងខ្វះស័ង្កសី រាងកាយ​យើង​នឹងចុះខ្សោយ ហើយងាយនឹង​ឈឺណាស់។ ចង់គណនា BMI ចុចទីនេះ! ៥. ជ្រុះសក់ ស័ង្កសីមាននាទីធ្វើឱ្យអ័រម៉ូនយើងមានតុល្យភាព ដែលមានន័យថា បើរាងកាយ​យើង​ខ្វះ​ស័ង្កសី ក្រពេញទីរ៉ូអ៊ីតបញ្ចេញ​អ័រម៉ូនមិនគ្រប់គ្រាន់​ដែល​ជា​ហេតុ​ធ្វើឱ្យ​យើង​ជ្រុះសក់។ ៦. កើតមុន ស័ង្កសីជាសារធាតុធម្មជាតិដែលអាចជួយកាត់បន្ថយការផលិត​ជាតិខ្លាញ់​របស់កោសិកាស្បែក។ នៅពេលរាងកាយយើងខ្វះស័ង្កសី ស្បែករបស់យើងនឹងផលិត​ជាតិ​ខ្លាញ់​ច្រើនដែលធ្វើឱ្យរន្ធញើសយើងស្ទះ និងឡើងមុន។ ៧. មើលមិនច្បាស់ កង្វះស័ង្កសីធ្វើឱ្យយើងមើលមិនច្បាស់ ដោយសារស័ង្កសីជាសារធាតុប្រឆាំង​អុកស៊ីតកម្ម​ដែលការពារភ្នែកពីការចុះខ្សោយដោយសារមានអាយុច្រើន។ មិនតែ​ប៉ុណ្ណោះ ស័ង្កសីជួយឱ្យថ្លើមសំយោគវីតាមីន A ដែលជាសារធាតុល្អ​ចំពោះ​សុខភាព​ភ្នែក។ ៨. […]

ផ្នែក​ពណ៌​ស​នៃ​ស៊ុតផ្ទុកទៅដោយប្រូតេអ៊ីន គ្មានកូកូលេស្តេរ៉ូល ឬខ្លាញ់ ប៉ុន្តែខ្វះសារធាតុចិញ្ចឹម​សំខាន់ៗ​មួយចំនួនមាន​នៅ​ក្នុង​ផ្នែកលឿង​នៃស៊ុត។ តើ​នឹង​មានអ្វីកើតឡើងចំពោះរាងកាយ ប្រសិន​​បើយើងញុំាស៊ុតតែផ្នែក​ពណ៌​សច្រើនគ្រាប់ក្នុងមួយថ្ងៃ? អ្នកចង់សម្រក់ទម្ងន់ដែលញុំាតែស៊ុតផ្នែក​ពណ៌​សជំនួសសាច់ ហើយញុំាស៊ុតសច្រើនគ្រាប់ជាប្រចាំ​ក្នុងមួយថ្ងៃៗ​អាចមាន​ផល​ប៉ះពាល់​​ដល់សុខភាព​ដូចខាង​ក្រោម៖ ១. កង្វះវីតាមីន​B វីតាមីន B ជួយឱ្យសក់ ស្បែក និងក្រចកមានសុខភាព​ល្អ ហើយ​ជួយ​ដល់ការរំលាយអាហារ បំប្លែងអាហារ និងជំនួយខួរក្បាល។ កង្វះវីតាមីនB អាច​បណ្តាល​​ឱ្យយើងប្រកាច់ ជ្រុះសក់ ឈឺសាច់ដុំ និងឈឺចាប់​សន្លាក់ធ្ងន់ធ្ងរ។ ការញុំាស៊ុតផ្នែក​ពណ៌សច្រើនជារៀងរាល់ថ្ងៃក្នុងរយៈពេលយូរអាចបណ្តាលឱ្យបរិមាណវីតាមីនB ក្នុងរាងកាយយើងថយចុះ ដោយសារតែស៊ុតពណ៌សមាន​ផ្ទុក Avidin ដែលជា​ប្រូតេអ៊ីន​អាច​រារាំងរាងកាយពីការស្រូបយកវីតាមីន B ពីចំណីអាហារ។ ២. លើសប្រូតេអ៊ីនក្នុងខ្លួន ស៊ុតពណ៌សសម្បូរទៅដោយប្រូតេអ៊ីន។ ការញុំាប្រូតេអ៊ីន​ក្នុងបរិមាណច្រើន​អាច​បណ្តាល​ឱ្យយើង​យើងមានបញ្ហាសុខភាពជាច្រើនដូចជា ឈឺក្បាល ខ្សោយ ពុកឆ្អឹង ខ្សោះជាតិទឹកជាដើម។ ជាពិសេសប្រសិនបើយើងមានបញ្ហាតម្រងនោម​ យើងមិន​គួរ​ញ៉ាំ​ស៊ុតពណ៌ស​លើស​ពី​ពីរ​គ្រាប់​ក្នុង​មួយថ្ងៃទេ​។ ឯអ្នកដែល​មានបញ្ហា​ថ្លើម​ស្រួចស្រាល់​គួរតែ​ពិគ្រោះជាមួយគ្រូពេទ្យ​មុនពេល​ចាប់ផ្តើម​របបអាហារ​ដែលមាន​ស៊ុតពណ៌សច្រើន។ ៣. អាលែកហ្ស៊ី ស៊ុតជាកំពូលអាហារបង្កឱ្យយើងអាលែកហ្ស៊ីមិនថាស៊ុតពណ៌ស ឬស៊ុតផ្នែក​លឿងទេ។ ស៊ុតស​មានផ្ទុកអាល់ប៊ុយមីន (Albumin) ដែលជាប្រូតេអ៊ីន​បង្កឱ្យ​មានប្រតិកម្មអាលែកហ្ស៊ី​ ​រួមមានរោគសញ្ញាដូចជា រមាស់ ហៀរទឹកភ្នែក ឡើង​កន្ទួលក្រហម ឈឺពោះ រាក ​ទល់លាមក ថប់ដង្ហើម ឬក្អកជាដើម។ ៤. អាចងាយពុលអាហារ អាល់ប៊ុយមីននៅក្នុងស៊ុតផ្នែក​ពណ៌ស គឺងាយរងការចម្លងរោគដោយបាក់តេរីដូចជា salmonella ដែលជាបាក់តេរីស្ថិតនៅក្នុងពោះវៀនរបស់មាន់។ បាក់តេរីនេះអាច​មាន​វត្តមាន​លើផ្ទៃខាងក្នុង និងខាងក្រៅ​របស់​សំបកស៊ុត។ […]

សាឡាដមានច្រើនប្រភេទ ហើយមានរសជាតិ រូបរាង កម្រិតស្រួយ និងសារធាតុ​ចិញ្ចឹម​ខុសៗគ្នា។ តើសាឡាដនៅទីផ្សារយើងមានប៉ុន្មានប្រភេទ ហើយមាន​ប្រយោជន៍​អ្វីខ្លះ​ដល់​សុខភាព? សាឡាដមានច្រើនប្រភេទ តែសាឡាដដែលពេញនិយមនៅទីផ្សារយើងមាន ៥ ប្រភេទ​គឺ៖ ១. សាឡាដស្លឹក សាឡាត់ស្លឹកដុះជាគុម្ភ និងមានស្លឹកលាចេញពីគ្នា ហើយស្លឹកអាចក្រាស់ ស្តើង ឬរួញ និងមានពណ៌បៃតង ឬបៃតងលាយក្រហម ហើយមានរសជាតិស្រាល ឬហឹរតិចៗ។ ២. សាឡាដរ៉ូម៉ែន សាឡាដរ៉ូម៉ែនក៏ដុះជាគុម្ភដែរ មានស្លឹកវែងៗរាងក្តោបចូលគ្នា។ ស្លឹកស្រទាប់​​ខាងក្រៅ​មានពណ៌បៃតង ឯស្លឹកស្រទាប់ខាងក្នុងមានពណ៌បៃតង​លាយស។ សាឡាដរ៉ូម៉ែន​ស្រួយ និង​មាន​រសជាតិ​ផ្អែម​ស្រទន់ ។ ៣. សាឡាដទឹកកក សាឡាដទឹកកកមានរូបរាងស្រដៀងស្ពៃក្តោប រឹង ស្រួយជាងសាឡាដរ៉ូម៉ែន និងមាន​ជាតិ​ទឹកច្រើន។ ៤. សាឡាដអាហ្គូឡា (Arugula) សាឡាដអាហ្គូឡា ឬសាឡាដរ៉ូកែតមានរសជាតិហិរតិចៗ។ យើងឧស្សាហ៍ឃើញ​សាឡាដ​នេះនៅក្នុង​ម្ហូប​អ៊ីតាលី និងនៅលើភីហ្សា។ ៥. សាឡាដអែនដាយ (Endive) សាឡាដអែនដាយ ឬសាឡាដ Frisée ដុះជាគុម្ភមានស្លឹកវែងតូចៗ រាងក្រញាញ់ អាច​មាន​រ​សជាតិល្វីងបន្តិច ហើយជាទូទៅយើងប្រើតុបតែង​លើម្ហូប។ ចង់គណនា BMI ចុចទីនេះ! សាឡាដជាបន្លែដែលមានកាឡូរីទាប និងផ្ទុកទៅដោយសារធាតុចិញ្ចឹមដូចជា៖ ជាតិសរសៃ៖ ជួយសម្រួលដល់ការបន្ទោរបង់ និងជួយកាត់បន្ថយល្បឿន​បំប្លែងអាហារដែលធ្វើឱ្យយើងឆ្អែតបានយូរ។ វីតាមីន A៖ ជាសាធាតុប្រឆាំងអុកស៊ីតកម្មដែលល្អចំពោះសុខភាពស្បែក និងភ្នែក​របស់​យើង ហើយអាចជួយការពារយើងពីជំងឺមហារីកសួត និងមាត់ធ្មេញទៀតផង។ […]

ភាគច្រើននៅពេលល្វើយ ឬគ្មានកម្លាំង យើងតែងតែញុំាអាហារ ឬភេជ្ជៈផ្អែមៗ​ដើម្បី​បង្កើន​ថាមពល ប៉ុន្តែការញុំា​ជាតិស្ករច្រើន​​អាចប៉ះពាល់ដល់សុខភាព។​ អ៊ឹចឹង​យើងគួរញុំាអាហារប្រភេទណាដើម្បីបង្កើនថាមពល​​តែមិនបង្កផលប៉ះពាល់ដល់សុខភាព? ខាងក្រោមនេះជាអាហារជួយបង្កើមថាមពលដែលល្អចំពោះសុខភាព៖ ១. ចេក ចេក​មានផ្ទុកជាតិសរសៃ វីតាមីន B6 និងប៉ូតាស្យូម ដែលជាសារធាតុចិញ្ចឹម​ដែល​ជំរុញ​ថាមពល និងមុខងារសាច់ដុំ។ ២. យ៉ាអួរ ទឹកដោះគោជូរ ឬយ៉ាអួរមានផ្ទុកបាក់តេរីល្អដែលជួយសម្រួលដល់ការរំលាយអាហារ​ ធ្វើឱ្យយើងស្រូបសារធាតុចិញ្ចឹមបានល្អ និងជួយឱ្យយើងមាន​សុខភាព និងអារម្មណ៍ល្អ។ ចង់ពិនិត្យសុខភាពក្រពះពោះវៀន ចុចទីនេះ! ៣. ត្រីសម្បូរអាស៊ីដខ្លាញ់អូមេហ្កា ៣ ត្រីសាល់ម៉ុន ធូណា សាឌីនជាដើមជាប្រភពប្រូតេអ៊ីន និងវីតាមីន B ដែលដើរ​តួយ៉ាង​សំខាន់ក្នុងការបំប្លែងអាហារទៅជាថាមពល។ ជាងនេះទៅទៀត ត្រីទាំងនេះមាន​អាស៊ីដ​ខ្លាញ់អូមេហ្កា ៣ ដែលជួយកាត់បន្ថយការរលាក ដែលជាមូលហេតុចម្បង​ធ្វើ​ឱ្យយើងអស់កម្លាំង។ ៤. ញុំាទឹក ទឹកគឺជាសមាសធាតុសំខាន់របស់ឈាម និងមាននាទីដឹកនាំសារធាតុចិញ្ចឹម​ទៅ​កាន់​កោសិកា និងជួយបញ្ចេញកាក់សំណល់ពីក្នុងរាងកាយ។ ប្រសិនបើរាងកាយយើងខ្វះ​ជាតិទឹក យើងនឹងល្វើយអស់កម្លាំង។ ៥. ផ្លែបឺរ ផ្លែបឺរ​សម្បូរ​ដោយ​ជាតិ​សរសៃ​ អាស៊ីដខ្លាញ់ សារធាតុ​ប្រឆាំង​អុកស៊ីតកម្ម​ និង​វីតាមីន B កំផ្លេច។ បរិមាណអាស៊ីដខ្លាញ់​នៅក្នុងផ្លែបឺរជួយ​ឱ្យរាងកាយ​យើង​ស្រូបយក​សារធាតុ​ចិញ្ចឹម​បានល្អ និងធ្វើឱ្យយើងមានថាមពល​យូរ។ ៦. តែបៃតង តែបៃតងមានផ្ទុកជាតិកាហ្វេអ៊ីនតិចជាងកាហ្វេដែលអាចបង្កើនថាមពល​​ដល់រាងកាយ និងមានសារធាតុ​ប្រឆាំងអុកស៊ីតកម្ម ព្រមទាំងអាចជួយ​កាត់បន្ថយ​កម្រិត​កូលេស្តេរ៉ូល​ទៀតផង។ ៧. ផ្លែឪឡឹក និងត្រសក់ស្រូវ លោកស្រី Lauren Manganiello ឯកទេសអាហារូបត្ថម្ភ បានលើកឡើង​​ថា ឪឡឹក និង​ត្រសក់ស្រូវមានជាតិទឹកខ្ពស់ (ប្រហែល […]