នៅក្នុង២០២៤ វិស័យសុខាភិបាល សម្រេចបាននូវសមិទ្ធផល និងវឌ្ឍនភាពដ៏អស្ចារ្យជាច្រើន ហើយរបកគំហើញទាំងនេះ ពិតជាសំខាន់ណាស់ ក្នុងការជំរុញឱ្យមានការតែទាំ និងព្យាបាលអ្នកជំងឺប្រកបដោយប្រសិទ្ធភាព។
ខាងក្រោមនេះ គឺជាភាពជោគជ័យផ្នែកសុខាភិបាលក្នុងឆ្នាំ២០២៤៖
១. ថ្នាំបង្ការវីរុសហ៊ីវ Lenacapavir
Lenacapavir ដែលជាប្រភេទថ្នាំចាក់ ត្រូវបានផលិតឡើង ដើម្បីផ្តល់ការបង្ការប្រឆាំងនឹងវីរុសហ៊ីវ ចំនួន៦ខែ។ ថ្នាំបង្ការដែលការពារក្នុងរយៈពេលវែងមួយនេះ បង្ហាញពីវឌ្ឍនភាពដ៏គួរឱ្យកត់សម្គាល់នៅក្នុងយុទ្ធសាស្ត្របង្ការវីរុសហ៊ីវ ដែលជាភ្នាក់ងារបង្កទៅជាជំងឺអេដស៍។ ឱសថនេះ នឹងក្លាយជាជម្រើសដ៏មានអត្ថប្រយោជន៍ និងមានប្រសិទ្ធភាពសម្រាប់អ្នកដែលស្ថិតក្នុងហានិភ័យខ្ពស់។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
២. ថ្នាំបង្ការអាលែកហ្ស៊ីចំណីអាហារ Omalizumab
ថ្នាំចាក់ Omalizumab ដែលជាប្រភេទអង់ទីក័រ Monoclonal បានបង្ហាញពីប្រសិទ្ធភាពគួរឱ្យកត់សម្គាល់ ក្នុងការជួយឱ្យអ្នកជំងឺមានភាពធន់នឹងអាលែកហ្ស៊ីចំណីអាហារ ក្នុងនោះរាប់បញ្ចូលទាំងការអាលែកហ្ស៊ី នឹងសណ្តែកដី និងទឹកដោះគោផងដែរ។ របកគំហើញនេះ បង្ហាញពីការបោះជំហានដ៏សំខាន់មួយឆ្ពោះទៅកាន់ការព្យាបាលបញ្ហាអាលែកហ្ស៊ីចំណីអាហារ ដើម្បីធ្វើឱ្យជីវិតអ្នកដែលរងផលប៉ះពាល់ មានគុណភាពជីវិតកាន់តែល្អប្រសើរ។
៣. ភាពទំនើបនៃការព្យាបាលជំងឺមហារីក ដោយប្រើវិធីព្យាបាលដោយភាពស៊ាំ CAR T-Cell
ក្រុមអ្នកស្រាវជ្រាវនៅមន្ទីរពេទ្យ St. Jude Children បានកំណត់ឃើញគោលដៅជាសក្តានុពលចំនួន១៥៦កន្លែង សម្រាប់ការព្យាបាលដោយភាពស៊ាំ CAR (កោសិកាទទួលអង់ទីហ្សែន Chimeric) T-Cell។ របកគំហើញនេះ បង្ហាញអំពីការវិវឌ្ឍកាន់តែប្រសើរចំពោះការព្យាបាលជំងឺមហារីក តាមរយៈការកំណត់គោលដៅដ៏ជាក់លាក់នៃកោសិកាជំងឺមហារីក ដែលធ្វើឱ្យការព្យាបាលកាន់តែមានប្រសិទ្ធភាពខ្ពស់។
[embed-health-tool-bmi]
៤. ឱសថសម្រកទម្ងន់ និងកាត់បន្ថយជំងឺទឹកនោមផ្អែម Tirzepatide
Tirzepatide គឺជាឱសថសម្រាប់ចាក់១លើកប្រចាំសប្តាហ៍ ដើម្បីសម្រកទម្ងន់ និងកាត់បន្ថយហានិភ័យនៃការកើតជំងឺទឹកនោមផ្អែម ក៏ដូចជា អត្ថប្រយោជន៍ជាច្រើនទៀត។ ឱសថនេះ ផ្តល់ប្រសិទ្ធភាពតាមរយៈការយកលំនាំតាមអ័រម៉ូនធម្មជាតិ២ គឺ GLP-1 និង GIP ដើម្បីជួយឱ្យរាងកាយបំបែកអាហារ និងជាតិស្ករ។ តាមរយៈការធ្វើឱ្យមានដំណើរការនៃអ័រម៉ូនទាំង២នេះ Tirzepatide ជួយកាត់បន្ថយការឃ្លានចំណីអាហារ បង្កើនអារម្មណ៍នៃការឆ្អែត និងធ្វើឱ្យរាងកាយគ្រប់គ្រងជាតិស្ករក្នុងឈាមបានល្ង។ បើតាមការធ្វើតេស្តសាកល្បងចំនួន៣លើក ឱសថ Tirzepatide អាចកាត់បន្ថយការវិវឌ្ឍទៅជាជំងឺទឹកនោមផ្អែមដល់ទៅ៩០%។
អ្នកដែលមានជំងឺទឹកនោមផ្អែម ឬធាត់ មិនត្រឹមតែរងការលំបាកដោយសារតែលក្ខខណ្ឌជំងឺរបស់ខ្លួនប៉ុណ្ណោះទេ ប៉ុន្តែ ក៏មានជំងឺផ្សេងទៀតដូចជា ជំងឺបេះដូង ជំងឺតម្រងនោម និងបញ្ហាដំណេក ជាដើម។
ប៉ុន្តែ ឱសថ GLP-1 ដែលត្រូវបានអនុញ្ញាតឱ្យប្រើប្រាស់ដើម្បីព្យាបាលជំងឺទឹកនោមផ្អែម ហាក់បង្ហាញពីប្រសិទ្ធភាពខ្ពស់ក្នុងការព្យាបាលជំងឺទាំងអស់ខាងលើនេះ។
ចង់ពិនិត្យជំងឺទឹកនោមផ្អែមឥតគិតថ្លៃ ចុចទីនេះ
៥. Osimertinib៖ ឱសថពន្យារអាយុសម្រាប់អ្នកកើតជំងឺមហារីកសួត
Osimertinib ត្រូវបានផលិតឡើងសម្រាប់អ្នកដែលកើតជំងឺមហារីកសួតប្រភេទ EGFR ដែលជាទម្រង់នៃជំងឺមហារីកសួត ដែលបង្កឡើងដោយសារតែការផ្លាស់ប្តូរក្នុងហ្សែន EGFR។ ប្រភេទនៃជំងឺមហារីកនេះ មានត្រឹមតែ១០ ទៅ១៥%ប៉ុណ្ណោះ នៅអាមេរិក ប៉ុន្តែ មានករណីកើតឡើងច្រើននៅតំបន់អាស៊ីអាគ្នេយ៍។ ជំងឺមហារីកប្រភេទនេះ កើតឡើងភាគច្រើនលើមនុស្សដែលគ្មានប្រវត្តិជក់បារី។ ប៉ុន្តែ ឱសថនេះ ប្រើសម្រាប់តែអ្នកមានជំងឺមហារីកសួតក្នុងដំណាក់កាលទី៣ប៉ុណ្ណោះ ដែលមានន័យថា ការព្យាបាលដោយវះកាត់ លែងជាជម្រើសនៃការព្យាបាលទៀតហើយ។
បើយោងទៅតាមការធ្វើតេស្តសាកល្បង ឱសថ Osimertinib មានប្រសិទ្ធភាពក្នុងការពន្យារអាយុបានដល់ទៅ៣៩ខែ ពោលគឺច្រើនជាង៣ឆ្នាំ។
សរុបមក ភាពជោគជ័យទាំងអស់នេះ បង្ហាញពីភាពជឿនលឿនផ្នែកសុខាភិបាល និងសំខាន់ក្នុងការព្យាបាលបញ្ហាសុខភាពដែលស្មុគស្មាញតាមរយៈដំណោះស្រាយនវានុវត្ដន៍៕
ចំណុចសំខាន់
Lenacapavir ដែលជាប្រភេទថ្នាំចាក់ ត្រូវបានផលិតឡើង ដើម្បីផ្តល់ការបង្ការប្រឆាំងនឹងវីរុសហ៊ីវ ចំនួន៦ខែ។
២. ថ្នាំបង្ការអាលែកហ្ស៊ីចំណីអាហារ Omalizumab
ថ្នាំចាក់ Omalizumab ជួយឱ្យអ្នកជំងឺមានភាពធន់នឹងការលែកហ្ស៊ីចំណីអាហារ ក្នុងនោះរាប់បញ្ចូលទាំងការអាលែកហ្ស៊ី នឹងសណ្តែកដី និងទឹកដោះគោផងដែរ។
៣. ភាពទំនើបនៃការព្យាបាលជំងឺមហារីក ដោយប្រើវិធីព្យាបាលដោយភាពស៊ាំ CAR T-Cell
ក្រុមអ្នកស្រាវជ្រាវ បានកំណត់ឃើញគោលដៅជាសក្តានុពលចំនួន១៥៦កន្លែង សម្រាប់ការព្យាបាលដោយភាពស៊ាំ CAR (កោសិកាទទួលអង់ទីហ្សែន Chimeric) T-Cell ដែលធ្វើឱ្យការព្យាបាលកាន់តែមានប្រសិទ្ធភាពខ្ពស់។
៤. ឱសថសម្រកទម្ងន់ និងកាត់បន្ថយជំងឺទឹកនោមផ្អែម Tirzepatide
Tirzepatide គឺជាឱសថសម្រាប់ចាក់១លើកប្រចាំសប្តាហ៍ ដើម្បីសម្រកទម្ងន់ និងកាត់បន្ថយហានិភ័យនៃការកើតជំងឺទឹកនោមផ្អែម ដល់ទៅ៩០%។
៥. Osimertinib៖ ឱសថពន្យារអាយុសម្រាប់អ្នកកើតជំងឺមហារីកសួត
ឱសថនេះ អាចពន្យារអាយុអ្នកកើតជំងឺមហារីកសួតដំណាក់កាល់ទី៣ បានចំនួន៣៩ខែ ពោលគឺជាង៣ឆ្នាំ។
អត្ថបទគួរអាន៖
- ដឹងគន្លឹះទាំងនេះ ការពារកូនពីបញ្ហាស្បែកក្នុងខែរងា
- គួរដឹង! កំហុស ៣ យ៉ាងម៉ាក់ប៉ាអាចធ្វើពេលកូនក្តៅខ្លួន
- កូនកើតជំងឺពងបែកមាត់ដៃជើងគួរថែទាំម៉េច?
- លេបទឹកកាមអ្នកផ្ទុកមេរោគអេដស៍ អាចឆ្លងអេដស៍ដែរអត់?
- អាថ៌កំបាំងកន្លែងសម្ងាត់ ស្រីៗខ្លួនឯងភាគច្រើនអត់ដឹង
- ស្រីៗធាត់ពេក ប្រឈមនឹងកើតជំងឺមហារីកប្រភេទនេះខ្ពស់
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
