ជំងឺលើសសម្ពាធឈាម

ចេះតែឧស្សាហ៍ឈឺក្បាល ប្រយ័ត្នមកពីការលើសឈាម

យើងទាំងអស់គ្នាសុទ្ធតែធ្លាប់ឈឺក្បាល ដោយការឈឺក្បាលខ្លះជាការឈឺក្បាលធម្មតា ដែលបណ្តាលមកពីភាពតានតឹង ហើយខ្លះទៀតបណ្តាលមកពីការមើលទូរស័ព្ទច្រើនពេក ឬការតមអាហារ ជាដើម។ ប៉ុន្តែ តើវានឹងមានអ្វីកើតឡើង ប្រសិនបើការឈឺក្បាលរបស់អ្នក ជាករណីគ្រោះថ្នាក់ធ្ងន់ធ្ងរ? ពេលខ្លះ ការឈឺក្បាលអាចជាសញ្ញាព្រមាននៃការឡើងសម្ពាធឈាម (ការលើសឈាម) ហើយការលើសឈាមនេះ ជារឿយៗគ្មានសញ្ញាអ្វីឡើយ រហូតទាល់តែដល់ដំណាក់កាលចុងក្រោយ។ ខាងក្រោមនេះ ជាវិធីក្នុងការកំណត់ពីភាពផ្សេងរវាងការឈឺក្បាលធម្មតា និងការឈឺក្បាលដោយការឡើងឈាម ការលើសឈាម ឬឡើងសម្ពាធឈាម មិនតែងតែបង្ហាញពីរោគសញ្ញាឡើយ ហើយវាជាមូលហេតុមួយក្នុងចំណោមមូលហេតុដែលនាំឱ្យមានជំងឺគាំងបេះដូង គ្រោះថ្នាក់សរសៃក្នុងខួរក្បាល និងមានបញ្ហាតម្រងនោម ជាដើម។ ជំងឺឡើងសម្ពាធឈាម កើតលើមនុស្សរាប់លាននាក់ទូទាំងពិភពលោក ប៉ុន្តែមនុស្សភាគច្រើន មិនបានដឹងថា ពួកគេមានជំងឺនេះឡើយ រហូតទាល់តែវាវាយប្រហារលើសុខភាពរបស់ពួកគេ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ជាធម្មតា ជំងឺនេះគ្មានរោគសញ្ញាអ្វីឡើយ ប៉ុន្តែវាបង្កការប៉ះពាល់ដល់មនុស្សរាប់លាននាក់ទូទាំងពិភពលោក ពោលគឺវាយប្រហារដោយស្ងាត់ៗ រហូតដល់ដំណាក់កាលចុងក្រោយ។ នៅចក្រភពអង់គ្លេស មនុស្សពេញវ័យជិត៣០% កំពុងរស់នៅជាមួយនឹងជំងឺឡើងសម្ពាធឈាម ប៉ុន្តែត្រឹមតែពាក់កណ្តាលប៉ុណ្ណោះ ដែលកំពុងទទួលការព្យាបាលដែលត្រឹមត្រូវ។ ដោយឡែក នៅតំបន់អាស៊ីអាគ្នេយ៍វិញ បញ្ហានេះ មានការរាតត្បាតខ្លាំងជាង ពោលគឺប្រមាណជា៣៥%នៃមនុស្សពេញវ័យ មានជំងឺឡើងសម្ពាធឈាម ដែលធ្វើឱ្យមានអ្នកស្លាប់ប្រហែល ១,៥លាននាក់ ជារៀងរាល់ឆ្នាំ។ សញ្ញានៃជំងឺឡើងសម្ពាធឈាម ឈឺក្បាលខ្លាំងនៅផ្នែកខាងក្រោយនៃក្បាលរបស់អ្នក អាចជាសញ្ញានៃការឡើងសម្ពាធឈាមខ្លាំង។ ការឈឺក្បាលដោយសារតែឡើងសម្ពាធឈាម ជារឿយៗ មានសភាពកាន់តែខ្លាំង […]

ជំងឺលើសសម្ពាធឈាម

ពេលរមួលក្រពើ ធ្វើតាមវិធីនេះជួយឲ្យឈាមរត់បានស្រួលឆាប់បានធូរស្បើយ

ការរមួលសាច់ដុំ ឬគ្នាយើងនិយមហៅថារមួលក្រពើនោះគឺជាផលរំខានមួយដែលធ្វើឲ្យយើងពិបាកទ្រាំ។ មូលហេតុមួយចំនួនដែលបង្កឲ្យមានការរមួលក្រពើគឺបណ្ដាលមកពីចលនាឈាមរត់ទៅចិញ្ចឹមចុងដៃ ចុងជើងមិនគ្រប់គ្រាន់នៅពេលដែលមានការហាត់ប្រាណខ្លាំងពេក មិនបានពន្យឺតសាច់ដុំឲ្យបានស្រួលបួលសិនដែលវាធ្វើឲ្យសាច់ដុំចុះខ្សោយ សរសៃប្រសាទស្ពឹកអស់ខ្វះជាតិទឹក និងបាត់បង់ជាតិប៉ូតាស្យូមនិងម៉ាញេស្យូម ឬក៏របួសនៅជុំវិញឆ្អឹងកងខ្នងជាដើម។ ប្រព័ន្ធរបត់ឈាមគឺជាប្រព័ន្ធដ៏សំខាន់របស់សារពាង្គកាយយើង។ ចលនាឈាមរត់នាំទៅជាមួយនឹងអុកស៊ីហ្សែន សារធាតុចិញ្ចឹម និងសារធាតុរ៉ែតាមសរសៃអាទ័រទៅចិញ្ចឹមសរីរាង្គកាយរបស់យើងដើម្បីមានការលូតលាស់ និងបន្តមុខងារបានល្អ។ សញ្ញាដែលមានលំហូរឈាមមិនគ្រប់គ្រាន់រួមមានការរមាស់ ឬឆៀបៗចុងដៃ ឬតំបន់ដែលប៉ះពាល់នោះខុសពីធម្មតាតែម្ដង។ ការឈឺចាក់ៗនៅតំបន់ដែលប៉ះពាល់ក៏ដូចជាការកន្ត្រាក់សាច់ដុំអាចជាសញ្ញាបញ្ជាក់ថាមានលំហូរឈាមមិនគ្រប់គ្រាន់។ អត្ថបទពាក់ព័ន្ធ៖ តិចនិកកម្ដៅសាច់ដុំមុនរត់ហាត់ប្រាណ មានវិធីងាយស្រួលដើម្បីដោះស្រាយពេលមានចលនាឈាមរត់ខ្សោយ និងធ្វើឲ្យមានការរមួលសាច់ដុំឬរមួលក្រពើនេះ។នៅពេលយើងមានសាច់ដុំរមួល យើងត្រូវក្រោកឈរឡើងហើយដើរចុះឡើងដើម្បីឲ្យឈាមមានចលនារត់ទៅតំបន់ដែលប៉ះពាល់។ យើងមិនត្រូវប្រើពេលវេលាសង្កត់ ឬស្អំដោយមិនព្រមធ្វើចលនាយូរពេកនោះទេ។ យើងត្រូវផ្លាស់ប្ដូរឥរិយាបថដើម្បីឲ្យប្រព័ន្ធរបត់ឈាមធ្វើការបានដូចជាក្រោកដើរជាដើម។ ទាញដៃទាញជើងចុះឡើងក៏អាចធ្វើឲ្យសាច់ដុំទន់ងាយឲ្យឈាមរត់ឆ្លងកាត់ដែរ។ ការអនុវត្តតាមបច្ចេកទេសត្រឹមត្រូវមិនត្រឹមតែជួយមិនឲ្យរមួលសាច់ដុំទេ តែថែមទាំងអាចជួយឲ្យចលនាឈាមរត់នាំយកសារធាតុចិញ្ចឹមដែលមានអុកស៊ីហ្សែនទៅទូទាំងសារពាង្គកាយបានល្អក៏ដូចជាធ្វើឲ្យសរីរាង្ គនិងសាច់ដុំបំពេញមុខងារបានល្អផងដែរ។ អត្ថបទពាក់ព័ន្ធ៖ អាយុកាន់តែច្រើន វីតាមីននេះ សំខាន់ណាស់សម្រាប់សាច់ដុំ មិនគួរមើលរំលង ការតាំងសមាធិក៏អាចជំរុញចលនាឈាមរត់បានស្រួលផងដែរ។ ដកដង្ហើមវែងៗ តាំងសមាធិនិងហាត់យ៉ូហ្កាគឺអាចធ្វើឲ្យអារម្មណ៍ធូរស្រាលកាត់បន្ថយសំពាធឈាម និងធ្វើឲ្យឈាមរត់បានល្អ។ ការធ្វើសមាធិ ឬយ៉ូហ្កា យើងអាចអនុវត្តបាននៅផ្ទះ ឬចុះឈ្មោះជាក្រុមនៅតាមសហគមន៍។ លំហាត់ប្រាណប្រភេទនេះមិនត្រឹមតែជួយឲ្យអារម្មណ៍ស្រស់ថ្លាប៉ុណ្ណោះទេ តែថែមទាំងជួយឲ្យយើងចូលរួមជាមួយសង្គមស្គាល់គេឯងបានច្រើនផងដែរនៅពេលដែលយើងហាត់ជាក្រុម។ នៅពេលដែលឈាមហូរទៅមិនគ្រប់គ្រាន់វានឹងបាត់បង់ជាតិទឹកហើយលទ្ធផលគឺរមួលសាច់ដុំ ឬរមួលក្រពើនេះតែម្ដង។បរិភោគទឹកឲ្យបានគ្រប់គ្រាន់នៅពេលដែលស្រេក។ យកដបទឹកតាមខ្លួនគ្រប់ពេលដែលយើងធ្វើដំណើរទៅណាក៏ដោយហើយត្រូវបង្គ្រប់ជាតិទឹកឲ្យបានល្អពិសេសពេលបែកញើស បន្ទាប់ពីបន្ទោបង់ក៏ដូចជាមុននិងក្រោយពេលហាត់ប្រាណ។ ដើម្បីបង្កើនចលនាឈាមរត់ និងកាត់បន្ថយការរមួលក្រពើ អាហារក៏សំខាន់ក្នុងការជួយទ្រទ្រង់នេះដែរ។ ផ្លែក្រូចគឺសម្បូរទៅដោយវីតាមីនC ដែលជួយឲ្យជញ្ជាំងសរសៃឈាមរឹងមាំ និងការពារមិនឲ្យមានការកកស្ទះ។ មានការសិក្សាស្ដីពីរបត់ឈាមនៃសមាគមបេះដូងប្រទេសអាមេរិកបញ្ជាក់ថាសូកូឡាពណ៌ខ្មៅគឺមានជាតិ flavonid ច្រើនដែលជួយបំប៉នចលនាឈាមរត់។ ការសិក្សាដទៃទៀតបង្ហាញថាត្រីសាល់ម៉ុន និងផ្លែប័រគឺជួយប្រព័ន្ធឈាមរត់ក៏ដូចជាប្រព័ន្ធសរសៃឈាមបេះដូងបានល្អដោយសារតែមានជាតិអូមេហ្គា៣។ អត្ថបទពាក់ព័ន្ធ៖ រត់ហាត់ប្រាណហើយកុំភ្លេចសម្រួលសាច់ដុំផង នេះជាវិធី ប្រុសៗផឹកថ្នាំជំនួយឲ្យសាច់ដុំស្អាត ប្រយ័ត្នអត់កូន បង្កើនថាមពលសាច់ដុំ កាន់តែជួយឲ្យអាយុវែង ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក […]