ជំងឺលើសសម្ពាធឈាម

ក្រោយ​ពី​ធ្វើការ​ពេញ​មួយ​ថ្ងៃ យើង​អាច​បន្ធូរ​អារម្មណ៍​បាន​ដោយ​ផឹក​ទឹក​ស្លឹកគ្រៃ។ ក្រៅពីបន្ធូរ​អារម្មណ៍ ទឹក​ស្លឹកគ្រៃ​ក៏​មាន​ប្រយោជន៍​ច្រើន​ដល់​សុខភាព​ដែរ។ របៀបធ្វើ​ទឹក​ស្លឹកគ្រៃ យើង​គ្រាន់​តែ​ហាន់​ស្លឹកគ្រៃ​ដាក់​ក្នុងទឹក ដាំ​ឲ្យ​ពុះ និង​ទុក​ចោលឲ្យ​ចេញ​ជាតិ​១០​ទៅ​១៥នាទី ឬ​យើង​អាច​យក​ស្លឹកគ្រៃ​ដាក់​ក្នុង​ប៉ាន់​ និង​ឆុង​ដូច​ឆុង​តែ ប៉ុន្តែ​ត្រូវ​ប្រាកដ​ថា​ស្លឹកគ្រៃ​នឹង​ចេញ​ជាតិ​ល្អ។ ផលប្រយោជន៍​សម្រាប់​សុខភាព ១. បំបាត់​អាការៈ​ឈឺពោះ​ពេល​មករដូវ ទឹក​ស្លឹកគ្រៃ​គឺ​មាន​ប្រសិទ្ធភាព​ជួយ​បំបាត់​អាការៈ​ឈឺ​ពោះ​ពេល​មាន​រដូវ ឬបញ្ហា​អំឡុងពេល​មក​រដូវ (Hot Flashes) ជាដើម។ គួរបញ្ចាក់ផងដែរ​ថា សម្រាប់​អ្នកមាន​ជំងឺ​ទឹកនោមផ្អែម​គួរ​ពិគ្រោះ​ជាមួយ​គ្រូពេទ្យ​ជាមុន​សិន​មុន​នឹង​ផឹក​ទឹកស្លឹកគ្រៃ​។ ដូចគ្នា​ដែរ​សម្រាប់​ស្រ្តី​មាន​ផ្ទៃពោះ ឬ​កំពុង​បំបៅ​ដោះ​កូនវិញ ​​គួរ​ចៀសវាង​ផឹក​ទឹក​ស្លឹកគ្រៃនេះ។ ២. សារធាតុប្រឆាំង​អុកស៊ីតកម្ម ស្លឹកគ្រៃ​សម្បូរ​ដោយ​សារធាតុប្រឆាំង​អុកស៊ីតកម្ម​ដែល​ជួយ​បន្សាប​ និង​បណ្ដេញ​ជាតិពុល​ពី​ខាង​ក្នុង​ខ្លួន​មកក្រៅ។ ៣. រក្សា​លំនឹង​សម្ពាធឈាម ស្លឹកគ្រៃ​មាន​ប្រសិទ្ធភាព​ក្នុង​ការ​បញ្ចុះ​សម្ពាធឈាម​ព្រោះ​ស្លឹកគ្រៃ​សម្បូរ​ដោយ​ប៉ូតាស្យូម​ដែល​អាច​បង្កើន​ការ​ផលិត​ទឹកនោម​ដែលនេះ​អាច​ជួយ​ជំរុញ​ចរន្ត​ឈាម និង​បញ្ចុះ​សម្ពាធឈាម។ ក្រៅពី​នេះ ស្លឹកគ្រៃ​ក៏​ជួយ​សម្អាត​ថ្លើម​ និង​កំណត់​ការ​ស្រួបយក​កូលេស្តេរ៉ូល​ពី​ពោះវៀនតូច​ដែល​នេះ​ជួយ​ដល់​សុខភាព​បេះដូងផងដែរ។ អត្ថបទ​ពាក់ព័ន្ធ៖ ផឹកទឹកប៉េងប៉ោះ ១​កែវ/ថ្ងៃ បន្ថយ​សម្ពាធឈាម និងកូលេស្តេរ៉ូល កែ​ទម្លាប់​សាមញ្ញ​ទាំង​នេះបាន អត់បាច់ភ័យ​លើស​ឈាម អនុវត្តវិធីទាំង៦នេះ ជួយដល់ការរំលាយអាហារបានលឿន ៤. ពន្លឿន​ការ​ធ្វើ​មេតាបូលីស ទឹកស្លឹកគ្រៃ​គឺ​ជា​ជម្រើស​ដ៏​ល្អ​សម្រាប់​ការ​សម្រក​ទម្ងន់​ព្រោះ​វា​ជួយ​ពន្លឿន​ការ​ធ្វើ​មេតាបូលីស​ដែល​ធ្វើ​ឲ្យ​ការ​រំលាយ​អាហារ​លឿន​ជាងមុន និង​ដុត​កាឡូរី​បាន​ច្រើន​ជាង​មុន។ សារធាតុ polyphenol មាន​ក្នុង​ស្លឹកគ្រៃ​អាច​ជួយ​បង្កើន​ថាមពល និង​ពង្រឹង​ការ​បំបែក​អាស៊ីត​ខ្លាញ់​ក្នុង​រាងកាយ។ ៥. ល្អ​សម្រាប់​សក់ និង​ស្បែក ស្លឹកគ្រៃ​ជា​ប្រភព​ដ៏​ល្អ​នៃ​វីតាមីន A និង វីតាមីន C ដែល​ជួយ​ដល់​ចរន្តឈាម​ឲ្យ​ដើរ​ស្រួល ហើយ​ជួយ​សម្អាត​ស្បែក និង​ព្យាបាល​បញ្ហា​មុខ​ខ្លាញ់។ បន្ថែម​ពី​នេះ​នៅ​មាន​ប្រសិទ្ធភាព​ព្យាបាល​មុន និងជំងឺ​ត្រអក​(Eczema)​ផង​ដែរ​។ ៦. ព្យាបាល​ជំងឺ​ផ្ដាសាយ សារធាតុ​ប្រឆាំង​បាក់តេរី និង​ផ្សិត​មាន​ក្នុង​ស្លឹកគ្រៃ​ជួយ​យើង​ទប់ទល់​នឹង​ជំងឺ​ផ្ដាសាយ និង​ក្អក​បាន។ […]

ស្ករត្រូវបានប្រើ​ប្រាស់​កាន់តែច្រើនក្នុងឧស្សាហកម្មចំណីអាហារដោយសារតែគុណភាពរបស់ស្ករ​បង្កើនរស់ជាតិអាហារ។ ស្ករមួយប្រភេទដែលគេប្រើញឹកញាប់នៅក្នុងឧស្សាហកម្មចំណីអាហារនោះគឺ Fructose។  ស្ករ​ប្រភេទនេះ​​អាចជាមូលហេតុតចម្បងនាំឲ្យកើនឡើងគ្រោះថ្នាក់ ជំងឺធាត់លើសទម្ងន់ បញ្ហាបេះដូង និងជំងឺទឹកនោមផ្អែម។ ក្រៅពីបញ្ហាគ្រោះថ្នាក់សុខភាពទាំងនោះ ការសិក្សារថ្មីៗនេះ ក៏បង្ហាញដែរថា Fructose ក៏អាចបង្កគ្រោះថ្នាក់ទៅដល់សុខភាពឆ្អឹងដូចគ្នា។ ១- ការញ៉ាំស្ករFructose ជាប់ទាក់ទងនងការស្រូបយកជាតិកាល់ស្យូមក្នុងខ្លួនខ្សោយ កាល់ស្យូមជាសារធាតុរ៉ែ ដែលមាននាទីជួយទ្រទ្រង់រចនាសម្ព័ន្ធរបស់ឆ្អឹងនឹងសុខភាពទូទៅ។ រាងកាយមនុស្សមិនអាចផលិតកាល់ស្យូមបានទេ ដូចនេះហើយយើងអាចទទួលសារធាតុនេះបានពីរចំណីអាហារប៉ុណ្ណោះ។ រាងកាយរបស់យើងគឺជាអ្នកគ្រប់គ្រងកម្រិតជាតិកាល់ស្យូមក្នុងឈាម​ ដោយ​ការស្រូបនៅក្នុងពោះវៀន និងតម្រងនោម ក៏ដូចជាយន្តការជាក់លាក់ដែលតម្រូវ​ឲ្យឆ្អឹងស្រូបយក និងបញ្ចេញសារធាតុកាល់ស្យូម។ ដើម្បីដឹងពីរបៀបដែលស្ករ Fructose រារាំងយន្តការទាំងនេះ អ្នកស្រាវជ្រាវ បានឲ្យកណ្ដុរពិសោធន៍ស៊ីអាហារដែលមានកម្រិតស្ករប្រភេទនេះក្នុង​បរិមាណច្រើន​។ ជាលទ្ធផល ការស្រូបយកជាតិកាល់ស្យូមរបស់កណ្ដុរទាំងនោះបានធ្លាក់ចុះ ហើយកម្រិតជាតិកាល់ស្យូមក្នុងរាងកាយរបស់ពួកវាមានកម្រិតទាប។ ដោយសារតែហេតុនេះ រាងកាយរបស់កណ្ដុរបានបញ្ចេញកាល់ស្យូមចេញពីឆ្អឹង ដើម្បីឲ្យកម្រិតជាតិកាល់ស្យូមក្នុងរាងកាយមានតុល្យភាព ជាលទ្ធផលនាំឲ្យឆ្អឹងរបស់ពួកសត្វកណ្ដុលនោះ​បាត់បង់កំហាប់ឆ្អឹង (Osteoporosis ពុកឆ្អឹង)។ ២- ការញ៉ាំស្ករច្រើនអាចនាំឲ្យធ្លាក់ចុះកម្រិតកាល់ស្យូម ការសិក្សាមួយ​បានពិនិត្យមើលទាំងអ្នកដែលមានសុខភាពល្អ និងអ្នកដែលកើនឡើងការប្រឈមខ្ពស់នឹងគ្រួសក្នុងតម្រងនោម បានរកឃើញថា ការទទួលទានជាតិស្ករខ្ពស់ខ្លាំង អាចបង្កឲ្យរាងកាយបញ្ចេញជាតិកាល់ស្យូមក្នុងកម្រិតខ្ពស់តាមទឹកនោម។ ៣- ជាតិស្ករខ្ពស់ទាក់ទងនឹងការកើនឡើងកម្រិតអ័រម៉ូន ករទីហ្សូល (Cortisol) កម្រិតអ័រម៉ូន​ Cortisol ខ្ពស់ គឺនាំឲ្យមានឥទ្ធិពលមិនល្អទៅលើសុខភាពឆ្អឹង។ ជាធម្មតាកម្រិតអ័រម៉ូន​ Cortisol នៅក្នុងរាងកាយអាចប៉ះពាល់ដោយសារតែស្ត្រេស  ហើយ​ការញ៉ាំជាតិស្ករច្រើន ក៏អាចធ្វើឲ្យកើនឡើងកម្រិតអ័រម៉ូន​ Cortisol ។ ការសិក្សាមួយលើកណ្ដុរ Hamsters […]

មានមនុស្ស​ជាច្រើន​នៅតែ​មាន​ការ​យល់​ច្រឡំ​រវាង​អាការៈ​វិល​មុខ និង​ងងឹត​មុខ ថា​ជា​អាការៈ និង​រោគ​សញ្ញា​តែ​មួយ។ ​លោក​វេជ្ជបណ្ឌិត លី ឫទ្ធីគុណ នឹង​មកបកស្រាយ​លម្អិតបញ្ហាទាំងនេះដូច​ខាងក្រោម​។ ១- អាការៈ​វិល​មុខ បើ​និយាយ​អំពី​អាការៈ​វិល​មុខ​វិញ គឺ​ទាក់ទង​ទៅ​នឹង​ប្រព័ន្ធ​ប្រសាទ​រក្សា​​នៅ​គុម្ពត្រចៀក នៅ​ពេល​លីយ៉ុង ឬសម្ពាធ​ឈាម សម្ពាធ​ទឹក​ក្នុង​ខួរក្បាល​ប្រែប្រួល គឺ​ធ្វើឲ្យ​វិល​មុខ។ អាការៈ​នេះ​មិនមែន​មកពី​បម្រែបម្រួល​លីយ៉ុង ឬ​សម្ពាធ​ទឹក​ក្នុង​ខួរក្បាល​តែ​មួយ​មុខ​ទេ នៅ​មាន​ពេល​សម្ពាធ​ឈាមចុះ​ទាប​ក៏​បណ្ដាលឲ្យ​វិល​មុខ​ដូចគ្នាដែរ។ វិល​មុខ​អាច​បែងចែក​ជា ២ ប្រភេទ ដោយ​អាការៈ​ទី​១ ពេល​នៅ​ស្ងៀម ប៉ុន្តែ​បែរជា​មាន​អារម្មណ៍​ថា អ្វី​ៗ​នៅ​ជុំវិញ​ខ្លួន​យើង​វិល​ទាំង​ដែល​មិន​បាន​ធ្វើអ្វី​សោះ រីឯ​អាការៈ​ទី​២ គឺ​នៅ​ស្ងៀម ប៉ុន្តែ​សុខ​ៗ​ស្រាប់តែ​មាន​អារម្មណ៍​ថា​វិល​មុខ​ចង់​ដួល​ដោយ​មិន​មាន​មូល​ហេតុ។ ២- អាការៈ​ងងឹត​មុខ អាការៈ​បែប​នេះ​ទាក់​ទង​នឹង​ចរន្ត​ឈាម ពេល​អង្គុយ​រួច​ក្រោក​ឡើង ធ្វើឲ្យ​ឈាម​នៅ​ដក់​នឹងបាត​ជើង​​បាញ់​ឡើង​ទៅ​ខួរក្បាល​មិន​ទាន់ បង្ក​ឲ្យ​សម្ពាធ​ឈាម​ធ្លាក់​ចុះ​មួយ​រំពេច ដែល​និយាយ​ឲ្យ​ស្រួល​ស្ដាប់​ឈាម​រត់​ឡើង​ទៅ​ខួរក្បាល​មិន​ទាន់។ មួយ​វិញ​ទៀត​ អាការ​បែប​នេះ​ក៏​អាច​កើត​ឡើង​ដោយសារ​តែ​គេង​មិន​បាន​គ្រប់គ្រាន់ បង្ក​ឲ្យ​មាន​អារម្មណ៍​អណ្ដែតអណ្ដូង ស្រាល​ៗ​ខ្លួន និង​មាន​ភាព​វង្វេងវង្វាន់ ប៉ុន្តែ​អាការៈ​ទាំងនេះ​អាច​បាត់​ទៅ​វិញ​មួយ​សន្ទុះ​ក្រោយ។ វេជ្ជបណ្ឌិត​ផ្នែក​ទូទៅ​រូប​នោះ​បាន​បន្ថែម​ទៀត​ថា ប្រសិនបើ​យើង​ជួប​ប្រទះ​អាការៈ​ទាំង ២ នោះ​ញឹកញាប់ និង​បង្ក​ទៅ​ជា​ការ​ឈឺចាប់ គួរតែ​ឆាប់​ពិគ្រោះ​ជាមួយ​នឹង​គ្រូពេទ្យ។ អត្ថបទពាក់ព័ន្ធ៖ វិធីងាយៗជួយ​បន្ធូរអាការៈពុលឡាន ឬរលកពេលធ្វើដំណើរទៅណា​មកណា បើរាងកាយលេចសញ្ញាទាំងនេះ បញ្ជាក់ថាក្នុងខ្លួនខ្វះវីតាមីនណាមួយ ហេតុផល​ ៥ យ៉ាង បង្កឲ្យ​មានអាការៈឈឺក្បាលពេលកំពុងធ្វើការងារ​ ភ្ញាក់ពីគេងមាន​អាការៈហើមមុខ សាកដោះស្រាយតាមវីធីនេះ តើការ​កាច់ម្រាមដៃអាច​មាន​បញ្ហាដែរឬអត់? ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health […]

គ្នា​យើង​មួយ​ចំនួន​អាច​នឹង​ងើប​ពី​គេង​មក​មុខ​ឡើង​ហើម ប៉ុន្តែ​នេះ​មិន​មែន​ជា​រឿង​គួរ​ឲ្យ​បារម្ភ​ទេ។ យើង​អាច​បន្ធូរ​អាការៈ​ហើម​មុខ​នេះ​បាន​ដោយ​ខ្លួនឯង​តាម​វិធី​ងាយៗ។ ១. លាង​មុខ​នឹង​ទឹក​ត្រជាក់ ការ​លាង​មុខ​នឹង​ទឹក​ត្រជាក់​អាច​ជួយ​បន្ថយ​ការ​ហើម​បាន។ សម្រាប់​សាប៊ូ​លាង​មុខ​យកល្អ​គួរ​ប្រើ​សាប៊ូ​ដែល​មិន​មាន​បន្ថែម​ក្លិន និង​មិន​មាន​ផ្ទុក​អាល់កុល ម៉ង់តុល ឬ​ស៊ុលហ្វាត​ដើម្បី​បង្ការ​ការ​រលាកបន្ថែម។ ម៉្យាងទៀត​ងូត​ទឹក​នឹង​ទឹក​ត្រជាក់​ល្អ​ជាង​ទឹក​ក្ដៅ​ឧណ្ហៗ​ព្រោះ​ទឹក​ក្ដៅ​អាច​ធ្វើ​ឲ្យ​មុខ​កាន់តែ​ហើម។ ២. ស្អំ​ទឹកកក យើង​អាច​យក​ទឹកកក​ដាក់​ក្នុង​កន្សែង​នឹង​យក​មក​ស្អំ​នឹង​មុខ។ ការ​ស្អំ​ទឹកកក​អាច​ជួយ​បន្ថយ​ការ​ហើម​បាន។ ៣. ម៉ាស្សា​ថ្នមៗ​នៅ​លើ​មុខ យើង​អាច​ម៉ាស្សា​មុខ​របស់​យើង​រយៈពេល​១នាទី​ដោយ​ប្រើ​ម្រាម​ដៃ​២​តប់​ថ្នមៗ​នៅ​ឆ្អឹង​ថ្ពាល់​ក្រោម​ភ្នែក ចំហៀង​ភ្នែក និង​សៀតផ្កា​របស់​យើង។ បន្ទាប់មក​ម៉ាស្សា​ថ្នមៗ​នៅ​ថ្ពាល់​ជិត​ឆ្អឹង​ថ្គាម​ជា​ចលនា​រង្វង់​រយៈពេល​៣០​ទៅ​៦០​វិនាទី។ ៤. គេង​ឲ្យ​បាន​៧​ទៅ​៩​ម៉ោង​ ការ​គេង​មិន​គ្រប់គ្រាន់​អាច​បណ្ដាល​ឲ្យ​ហើម​មុខ និង​ភ្នែក ដូចនេះ​គួរ​សម្រាក​ឲ្យ​គ្រប់គ្រាន់។ យើង​គួរ​ព្យាយាម​ចូលគេង និង​ក្រោកពី​គេង​ឲ្យទៀងទាត់​ម៉ោង​​រាល់ថ្ងៃ និង​បន្ធូរអារម្មណ៍​រយៈពេល​ពីរ​ម៉ោង​មុន​ចូល​គេង​ដើម្បី​ឲ្យ​គុណភាព​នៃ​ដំណេក​កាន់តែល្អ។ ៥. គេង​ដោយ​លើក​ក្បាល​ឲ្យ​ខ្ពស់ ការ​គេង​បែប​នេះ​អាច​ជួយ​ការពារ​មិន​ឲ្យ​មុខ​ហើម​នៅ​ពេល​ព្រឹក​ព្រោះ​អាច​បន្ថយ​បរិមាណ​ទឹក​ដែល​មក​ផ្តុំ​នៅ​នឹង​មុខ​ និង​ជុំវិញ​ភ្នែក​ពេល​យើង​កំពុង​គេង​បាន។ យើង​អាច​ប្រើ​ខ្នើយ​បន្ថែម​ដើម្បី​ឲ្យ​ក្បាល និង​ក​ខ្ពស់​ជាង​មុន។ ៦. ផឹក​ទឹក​ឲ្យ​បាន​ច្រើន ក្នុង​មួយ​ថ្ងៃ​គួរ​ផឹក​ទឹក​ឲ្យ​បាន​ចន្លោះ ១,៤ទៅ​១,៩​លីត្រ។ បន្ថែម​ពី​នេះ​យើង​អាច​ផឹក​ទឹកដោះគោ ទឹកផ្លែឈើ តែ​រុក្ខជាតិ និង​ភេសជ្ជៈ​កីឡា​។ ការ​រក្សា​ជាតិ​ទឹក​ក្នុង​រាងកាយ​អាច​បង្ការ​ការ​ចាល់​ទឹក​ក្នុង​រាងកាយ​បាន​ព្រោះ​នៅ​ពេល​យើង​បាត់បង់​ជាតិ​ទឹក កោសិកា​របស់​យើង​នឹង​ព្យាយាម​ស្តុក​ជាតិ​ទឹក​ដែល​អាច​បង្ក​ឲ្យ​មាន​អាការៈ​ហើម។ បន្លែ​ និង​ផ្លែឈើ​ក៏​ជួយ​បំពេញ​ជាតិ​ទឹក​ដល់​រាងកាយ​ដែរ។ ៧. ហាត់​ប្រាណ​ ការ​ហាត់ប្រាណ​៣០​នាទី​រាល់ថ្ងៃ​មិន​ត្រឹម​តែ​សំខាន់​សម្រាប់​សុខភាព​ទេ នៅ​អាច​ជួយ​គ្រប់គ្រង​ការ​ចាល់​ទឹក​ក្នុង​រាងកាយ​បាន​ទៀត។ យើង​អាច​ដើរ​ហាត់ប្រាណ រត់ ជិះកង់ ហែលទឹក ឬ​លើក​ទម្ងន់​ជាដើម។ ៨. បន្ថយ​ការ​ញ៉ាំ​អាហារមានជាតិ​ប្រៃ ជាទូទៅ យើង​គួរ​កំណត់​ការ​ញ៉ាំ​អំបិល​ត្រឹម​តែ ២,៣ក្រាម​ក្នុង​មួយ​ថ្ងៃ។ សម្រាប់​អ្នក​មាន​សម្ពាធឈាម​ខ្ពស់ ជំងឺ​ទឹកនោមផ្អែម ឬ​បញ្ហា​សុខភាព​ផ្សេងៗ​ គួរ​កំណត់​ការ​ញ៉ាំ​អំបិល​ត្រឹម​តែ ១,៥ក្រាម​ក្នុង​មួយ​ថ្ងៃ​ប៉ុណ្ណោះ។ […]

ការ​ប្រើ ឬ​ញ៉ាំ​ចំណី​ និងភេសជ្ជៈ​ជាតិ​ស្ករច្រើន​មិន​ត្រឹម​តែ បង្ក​បញ្ហា​ដល់​​សុខភាពរាង​កាយ​យើងទេ តែថែម​ទាំង​​បង្ក​​ទុក្ខ​ទោស​ដល់​សុខភាព​មាត់​ធ្មេញ​​​ទៅ​ថ្ងៃ​មុខ​ទៀត​ផង។ តែ​យ៉ាង​ណា​មិញ ការ​ប្រុង​ប្រយ័ត្ន និង​ការ​បង្ការ​​ មិន​ឱ្យ​ប្រើ​ប្រាស់​ ចំណី​ ឬ​ភេសជ្ជៈ​ផ្អែមនេះ​ច្រើន​ហួស​កម្រិត​ ជា​​រឿង​​មួយ​ដែល​យើង​អាច​ធ្វើ​បាន។ ក្រុម​គ្រូ​ពេទ្យ​​​សុខភាព​មាត់​ធ្មេញ នៅ​​ប្រទេស​អូស្រ្តាលី បាន​​ណែ​នាំ​ ជា​គន្លឹះ​តូច​ៗ ដូច​ខាង​ក្រោម៖ ជាតិ​ស្ករ​ប្រចាំ​ថ្ងៃ ក្រុម​គ្រូ​ពេទ្យ​ បាន​លើក​ឡើង​ថា សម្រាប់​ក្មេង​ៗ ចាប់​ពី​អាយុ​៤ -៦ឆ្នាំ ប៉ា​ម៉ាក់​ ​គួរ​តាម​ដាន​​ក្មេង​ៗ ដោយ​មិន​គួរ​ឱ្យ​កូនៗ​​ញ៉ាំ ជាតិ​​ស្ករ​លើស​ពី ១៩​ក្រាម​/១​ថ្ងៃ​ឡើយ។ ដោយ​ឡែក​ ក្មេង​អាយុ​ពី​ ៧-១០​ឆ្នាំ មិន​គួរ​លើស​ពី ២៤​ក្រាម និង​​ក្មេង​ពី​អាយុ​១១​ឆ្នាំ មិន​គួរ​លើស​ពី​៣០​ក្រាម។ អត្ថបទពាក់ព័ន្ធ៖ នាយករដ្ឋមន្រ្តីថៃ ណែនាំឲ្យពលរដ្ឋប្រើ ស្មៅផ្អែម Stevia ជំនួសស្ករស ញ៉ាំ​ស្ករ​ច្រើន មិន​ត្រឹម​តែ​ទឹក​នោម​ផ្អែម​ទេ ឆ្អឹង​ក៏​ឆាប់​ពុក​ដែរ ដោយ​ឡែក សម្រាប់​មនុស្ស​ធំ​​ពេញ​វ័យ​ឡើង យើង​អាច​ពិនិត្យ​ជាតិ​ស្ករ និង​ពិគ្រោះ​យោបល់​ជា​មួយ​គ្រូពេទ្យ​ជំនាញ។ ជា​មួយ​គ្នា​នោះយើង​​ក៏​អាច​ បន្ថយ​នូវ​កម្រិត​អាហារ​ជាតិ​ស្ករ​ផ្សេង​ៗ មាន​ដូច​ជា បង្អែម ស្ករ​គ្រាប់ និង​ភេសជ្ជៈ​ផ្អែម ដោយ​ប្តូរ​​ទម្លាប់​ញ៉ាំ​ ចំណី​ ឬ​ភេសជ្ជៈ​ពី​ធម្មជាតិ​ស្រស់​វិញ ដែល​ជា​ជម្រើស​ប្រសើរ​។ ស្លាក​សញ្ញា​ពី​ជាតិ​ស្ករ ស្លាក​សញ្ញា ឬ​ស្លាក​បង្ហាញ​ព័ត៌មាន​នៅ​លើ​កញ្ចប់​ ឬ​ប្រអប់​ផលិតផល​ចំណី​អាហារ ឬ​ភេសជ្ជៈ […]

សម្រាប់​អ្នក​ជំងឺ​លើស​សម្ពាធ​ឈាម មាន​ហានិភ័យ​ខ្លាំង​ចំពោះ​អាយុ​ជីវិត ដូចនេះ​ហើយ​ត្រូវតែ​ប្រុងប្រយ័ត្ន​គ្រប់​ពេល ទាំង​របប​អាហារ និង​របៀបរបប​រស់នៅ។ លោក​វេជ្ជបណ្ឌិត​ផ្នែក​ទូទៅ លី ឫទ្ធីគុណ នឹង​ណែនាំ​របប​អាហារ និង​ការ​រស់នៅ​ដែល​សុវត្ថិភាព​ចំពោះ​អ្នក​ជំងឺ​លើស​ឈាម។ ១- កុំ​ញ៉ាំ​អាហារ​ប្រៃ អ្នក​មាន​សម្ពាធ​ឈាម​ខ្ពស់ ត្រូវតែ​កំណត់​ការ​ញ៉ាំ​អាហារ ដោយ​ត្រូវ​ប្រើ​អំបិល​ត្រឹម​តែ ៦ ក្រាម​ក្នុង​មួយ​ថ្ងៃ​បាន​ហើយ។ អំបិល​មាន​ផ្ទុក​ជាតិ​សូដ្យូម​ខ្ពស់ ធ្វើឲ្យ​មាន​​ផល​អវិជ្ជមាន​ដល់​សម្ពាធ​ឈាម ប្រសិនបើ​អ្នក​ប្រើ​ច្រើន​ជាង​នេះ។ មួយ​វិញ​ទៀត​អាហារ​ផ្អាប់​ក៏​មិន​គួរ​ដែរ ព្រោះ​វា​មាន​ជាតិ​ប្រៃ​ខ្លាំង ដើម្បី​រក្សា​ទុក​បាន​យូរ និង​មិន​ខូច។ ២- កុំ​ឲ្យ​ឡើង​ទម្ងន់ បើ​មាន​ជំងឺ​លើស​សម្ពាធ​ឈាម​ហើយ ដាច់ខាត​ត្រូវ​រក្សា​ទម្ងន់​ឲ្យ​ថេរ ព្រោះ​បើ​យើង​ឡើង​មាន​ផល​អាក្រក់​ដល់​សម្ពាធ​ឈាម និង​បេះដូង។ ៣- ញ៉ាំ​សាច់​មាន​ការ​កំណត់ បើ​ញ៉ាំ​សាច់​ច្រើន​អាច​ប៉ះពាល់​ដល់​សម្ពាធ​ឈាម​បាន ព្រោះ​សាច់​សត្វ​មួយ​ចំនួន​ផ្ទុក​ខ្លាញ់​មិន​ឆ្អែត ដូចនេះ​ត្រី​ជា​ជម្រើស​ល្អ​បំផុត​ក្នុង​របប​អាហារ​ប្រចាំ​ថ្ងៃ។ ៤- ញ៉ាំ​បន្លែ បន្លែ​ដែល​មាន​ផ្ទុក​សារធាតុ​ប៉ូតាស្យូម​ច្រើន ធ្វើឲ្យ​សម្ពាធ​ឈាម​ចុះ​ទាប ដូចនេះ​ហើយ​អ្នក​ជំងឺ​លើស​សម្ពាធ​ឈាម​ត្រូវ​ញ៉ាំ​បន្លែ ដែល​សម្បូរ​សារធាតុ​ប៉ូតាស្យូម​ដូចជា​ដំឡូងបារាំង ប៉េងប៉ោះ ចេក សណ្ដែក​ក្រហម ផ្លែ​ប៊័រ បន្លែ​បៃតង​ចាស់ ផ្សិត។ ៥- គេង​ឲ្យ​បាន​គ្រប់គ្រាន់ អ្នក​លើស​សម្ពាធ​ឈាម​គួរតែ​សម្រាក​ឲ្យ​បាន​គ្រប់គ្រាន់ ហើយ​រៀបចំ​ខ្នើយ​កើយ​ទាប​ល្មម​ត្រឹម និង​កន្លែង​គេង​មាន​ទន់ ទើប​មិន​ឈឺ​ចុកចាប់។ អត្ថបទពាក់ព័ន្ធ៖ ជឿអត់ ផឹកទឹក​រ៉ែ ការពារ​ជំងឺលើសឈាម? លើស​ឈាម ​និង​ជំងឺតម្រង​នោម មាន​អី​ពាក់​ព័ន្ធ​គ្នា? កែ​ទម្លាប់​សាមញ្ញ​ទាំង​នេះបាន អត់បាច់ភ័យ​លើស​ឈាម​ ឲ្យតែឈាមឡើងខ្ពស់ ដឹងតែមានជំងឺលើសឈាមមែនទេ? នេះហើយ​ជាមូលហេតុ​លើស​ឈាម​ទាំងក្មេង កុំ​ចេះ​តែ​មិន​អី! វាស់ឈាមតែ១ដង មិនប្រាកដថា មានជំងឺ​លើស​ឈាមនោះទេ! រឿង​ត្រូវ​ប្រយ័ត្ន លើសឈាម​ពេល​ពពោះ ប្រឈម​កើត​ជំងឺ២​ប្រភេទ លើសឈាមតាំង​ពីអាយុ ៣០ឆ្នាំ […]

បញ្ហា​មួយ​នេះ មាន​មនុស្ស​មួយ​ចំនួន​ឧស្សាហ៍​ជួប​ប្រទះ​ច្រើន​ដង​ក្នុង​មួយ​ថ្ងៃ។ រាល់​ពេល​ដែល​ក្រោក​អង្គុយ ឬ​គេង​ភ្លាម ចេះ​តែ​មាន​អារម្មណ៍​ថា វិលមុខ ទន់ដៃ ទន់ជើងអស់ ងងឹតមុខ ដោយ​មិន​ដឹង​ពី​មូលហេតុ​ច្បាស់លាស់​ថា វា​បណ្តាល​មក​ពី​អី​ឲ្យ​ប្រាកដ​។ ទាក់​ទង​នឹង​បញ្ហា​ងងឹត​មុខ​នេះ លោក​វេជ្ជបណ្ឌិត ចាន់ ស៊ីណេត ឯកទេស​ជំងឺ​ទូទៅ បាន​ប្រាប់​ឲ្យ​ដឹង​ថា ការ​ងងឹត​មុខ ក្រោយ​ពី​ក្រោក​ពី​អង្គុយ ឬ​គេង​ភ្លាមៗ វា​មាន​មូល​ហេតុ​ច្រើន​ដែល​ទាក់​ទង​នឹង​ជំងឺ​មួយ​នេះ តែបញ្ហាចំបង​គឺ​ទាក់ទង​នឹង សម្ពាធឈាម​ធ្លាក់​ចុះ។ ពេល​ខ្លះ យើង​ក្រោក​ឡើង​ពី​អង្គុយ ឬគេង​ភ្លាមៗ ធ្វើ​ឲ្យ​យើង​មាន​អារម្មណ៍​ថា វិល​មុខ ឈរ​មិន​នឹង ឬ​ក្នុង​ករណី​ខ្លះ អាច​បណ្តាល​ឲ្យ​សន្លប់​តែម្តង។ បន្ថែម​ពី​លើ​នេះ លោក​វេជ្ជបណ្ឌិត បាន​បញ្ជាក់​ថា កុំ​គិតថា គ្រាន់​តែ​ការ​ងងឹតមុខ​មួយ​ភ្លែតៗក្រោយ​ពី​អង្គុយ ឬ​គេង​ភា្លម គ្មាន​បញ្ហា​អ្វី​ធ្ងន់​ធ្ងរ​ដល់​សុខភាព​ឲ្យ​សោះ។ ផ្ទុយ​ទៅ​វិញ វា​អាច​ប៉ះពាល់​ដល់​សុខភាព​របស់​យើង​បាន ហើយ​ថែម​ទាំង​អាច​ប្រឈម​គ្រោះ​ថ្នាក់​ដល់​អាយុ​ជីវិត​ទៀតផង។ ដូចនេះ បើ​មាន​បញ្ហា​នេះ គួរ​ទៅ​ពិនិត្យ និង​ពិគ្រោះ​ជាមួយ​គ្រូពេទ្យ​ឲ្យ​បាន​ត្រឹម​ត្រូវ ដើម្បី​ការពារ​សុខភាព និង​អាយុ​ជីវិត​របស់​យើង។ អត្ថបទពាក់ព័ន្ធ៖ ខែក្ដៅ ចៀសវាងសន្លប់តាមផ្លូវ ត្រូវធ្វើបែបនេះ ម៉ាក់​ប៉ា​ប្រយ័ត្ន​ណា កូន​តូចៗ​ងាយ​នឹង​កើត​ជំងឺ​ ៤ មុខ​នេះ​បំផុត​នា​ខែ​ក្តៅ អាកាសធាតុក្ដៅប៉ះពាល់ច្រើនដល់សុខភាព ត្រូវចេះវិធីការពារ ការងារ​ក៏​ស្ដ្រេស ដេក​ក៏​អត់លក់ សម្ពាធ​ឈាម​ខ្ពស់​ទៀត ប្រយ័ត្ន​ឆាប់ស្លាប់​ ធ្លាប់ទេ? សូម្បីងើបពីកៅអី […]

ការសិក្សាស្រាវជ្រាវបានបង្ហាញថាភេទក៏មានការជះឥទ្ធិពលខ្លាំងទៅលើរបៀបដែលឱសថធ្វើមេតាបូលីសដែរ ដែលនេះអាចបញ្ជាក់បាន​ពីកម្លាំងប្រសិទ្ធភាពនិងផលរំខានរបស់ឱសថ។ ការប៉ះពាល់របស់ឱសថលើស្ត្រី ក្រៅពីទម្ងន់ កត្តាជីវសាស្ត្រផ្សេងទៀតដែលទាក់ទងនឹងស្ត្រីភេទក៏​អាចជះឥទ្ធិពលពីរបៀបដែលរាងកាយធ្វើមេតាបូលីសលើឱសថខ្លះៗ។ មួយក្នុងចំណោមនោះគឺមានលើសសារធាតុខ្លាញ់។ ដោយសារតែស្ត្រីមានសារធាតុខ្លាញ់ច្រើនជាងបុរស នោះថ្នាំរំលាយជាតិខ្លាញ់នឹងធ្វើការបែងចែកខុសគ្នាលើស្ត្រី។ ថ្នាំរំលាយជាតិខ្លាញ់រួមមានថ្នាំប្រឆាំងជំងឺបាក់ទឹកចិត្ តថ្នាំប្រឆាំងការព្រួយបារម្ភ និងថ្នាំប្រឆាំងជំងឺឆ្កួត។ ទោះបីជាអ្នកវិទ្យាសាស្ត្រមិនទាន់ប្រាកដពីមូលហេតុ តែរឿងនេះត្រូវបានសង្កេតឃើញថាថ្នាំប្រឆាំងការបាក់ទឹកចិត្ត និងថ្នាំប្រឆាំងរោគចិត្តមានប្រសិទ្ធភាពខ្ពស់លើស្ត្រី។ ប៉ុន្តែស្រ្តី​ក៏​នៅតែរងគ្រោះពីផលរំខានពីថ្នាំប្រឆាំងការបាក់ទឹកចិត្តដូចជាកាត់បន្ថយចំណង់ផ្លូវភេទជាដើម​។ ចំណែកបុរសវិញអាចប្រើថ្នាំViagraដើម្បី​បង្កើន​ចំណង់ផ្លូវ​ភេទ ទប់ទល់នឹងផលរំខានតែស្រ្តីវិញគ្មានជម្រើសនោះឡើយ។ ម្យ៉ាងវិញទៀត ក៏មាន​ការ​ទាក់ទង​ទៅនឹង​ផ្លូវរំលាយអាហាររបស់ស្ត្រីដែរ។ ស្ត្រីទូទៅផ្លូវរំលាយអាហាររបស់​ស្រ្តី​មានការផលិតអាស៊ីដក្រពះតិចជាងបុរស។ ជាលទ្ធផលស្រ្តី​ធ្វើការ​រំលាយអាហារយឺតយ៉ាវ​បើ​ធៀបទៅ​នឹង​បុរស​។​នៅពេលដែលការប្រើប្រាស់ថ្នាំដែលទាមទារការស្រូបយកជាតិអាស៊ីដ(ឧទាហរណ៍​ថ្នាំប្រឆាំងរោគផ្សិតketoconazole)គឺមានប្រសិទ្ធភាពតិចតួច។ លើសពីនេះនៅពេលដែលស្ត្រីត្រូវប្រើថ្នាំសម្រាប់ការស្រូបយកដោយពោះទទេគឺត្រូវរងចាំរយៈពេលវែងក្រោយអាហារចុងក្រោយរបស់ខ្លួន។ អត្ថបទគួរអាន៖  ចង់រស់បានយូរ ប្រុសៗគួរពិនិត្យសុខភាពប៉ុន្មានចំណុចនេះ លើស​សម្ពាធ​ឈាម និង​​សម្ពាធ​ឈាមឡើង​ខ្ពស់ ដូច​គ្នា​អត់? អាហារពិសេសទាំងនេះ អាចបញ្ចុះជាតិខ្លាញ់យ៉ាងមានប្រសិទ្ធភាព របៀបអ័រម៉ូនអឺស្ត្រូហ្សែនជះឥទ្ធិពលលើសកម្មភាពឱសថ សកម្មភាពរបស់ឱសថក៏ត្រូវបានប៉ះពាល់ដោយសារអ័រម៉ូនផងដែរ។ អំឡុងពេលមានរដូវនិងអស់រដូវកម្រិតអ័រម៉ូនរបស់ស្ត្រីមានការឡើងចុះ ដែល​ អ័រម៉ូនអឺស្រ្តូហ្សែនអាចទៅបង្អាក់ផ្លូវនៃការធ្វើការរបស់ថ្លើម។ប្រសិនបើថ្លើមមិនអាចធ្វើការបានគ្រប់គ្រាន់នោះទេកំហាប់របស់ថ្នាំនៅក្នុងឈាមកើនឡើងទោះបីជាថ្នាំបានប្រើប្រាស់ក្នុងកម្រិតដូសមានសុវត្ថិភាពក៏ដោយ។ ភាពដូចគ្នាខាងលើនេះក៏ប្រព្រឹត្តទៅលើថ្នាំដែលធ្វើការច្រោះដោយតម្រងនោមផងដែរ។ ការស្រាវជ្រាវបង្ហាញថារាងកាយស្រ្តីកម្ចាត់ចោលនូវថ្នាំមហារីក metrotrexate ពី១៣ទៅ១៧% យឺតជាងរាងកាយបុរស។ ថ្នាំបេះដូងនិងមនុស្សស្រី ថ្នាំប្រើសម្រាប់ព្យាបាលជំងឺបេះដូងធ្វើការផ្សេងគ្នាក្នុងរាងកាយស្រ្តី។​ ថ្នាំអាស្ពីរីនក្នុងកម្រិតដូសទាបគឺមិនជួយក្នុងការកាត់បន្ថយហានិភ័យនៃជំងឺគាំងបេះដូងលើស្ត្រីទេ ដោយសារតែមានឱកាសខ្ពស់ក្នុងការហូរឈាម។ ម្យ៉ាងទៀតស្រ្តីដែលប្រើថ្នាំ beta-blockers គឺមានហានិភ័យខ្ពស់ដែលអាចចូលមន្ទីរពេទ្យជាលើកទីពីរ។ ស្រ្តីត្រូវបានណែនាំឲ្យប្រើថ្នាំពង្រាវឈាម wafarin ក្នុងកម្រិតដូសទាប។ ជាពិសេសយោងតាមវេជ្ជបណ្ឌិតក្នុង​គ្រួសារអាម៉េរិកាំង ស្ត្រីម្នាក់ត្រូវការថ្នាំ wafarin ២,៥ទៅ៤,៥តិចជាងបុរសក្នុងមួយសប្ដាហ៍។ អត្ថបទ​គួរអាន៖ ដើម្បីសុខភាពល្អ កុំប្រើគ្រឿងផ្សំទាំងនេះច្រើនពេកក្នុងម្ហូបអាហារ ដឹងហេតុផលនេះ​ លែងចង់ញ៉ាំអាហារអាំង-ចៀន មានជាប់កម្ទេចខ្លោចៗទៀតហើយ ថ្នាំបំបាត់ការឈឺចាប់និងថ្នាំងងុយគេង ថ្នាំបំបាត់ការឈឺចាប់មានផលរំខានផ្សេងគ្នាក្នុងចំណោមភេទទាំងពីរ។ ការសិក្សាឆ្នាំ២០០២បានរកឃើញទំនាក់ទំនងរួមរវាងការប្រើប្រាស់ថ្នាំ acetaminophen និងថ្នាំប្រឆាំងការរលាក non-steroidal លើស្ត្រីនិងការកើនឡើងហានិភ័យនៃជំងឺលើសសម្ពាធឈាម។ អ្នកដែលប្រើថ្នាំ NSAIDs ច្រើនជាង២២ថ្ងៃក្នុងមួយ​ខែគឺរងគ្រោះដោយសារការកើនឡើងហានិភ័យ៨៦% នៃជំងឺលើសសម្ពាធឈាមចំណែកឯអ្នកប្រើថ្នាំ​ acetaminophen […]

អាកាស​ធាតុ​ចាប់ផ្ដើម​ក្ដៅបណ្ដើរៗ​ហើយ ដូចនេះ​យើង​ត្រូវ​ប្រុងប្រយ័ត្ន និង​យក​ចិត្ត​ទុក​ដាក់​ចំពោះ​សុខភាព។ លោក​វេជ្ជបណ្ឌិត ហ៊ាង រតនា ឯកទេស​ទូទៅ​ បាន​ឲ្យ​ដឹង​ថា រដូវ​នេះ​ពិតជា​ត្រូវ​ថែទាំ​សុខភាព​ឲ្យ​ល្អ ព្រោះ​បើ​ក្ដៅ​ខ្លាំង​អាច​បណ្ដាលឲ្យ​យើង​សន្លប់​បាន។ លោក​បន្ត​ទៀត​ថា ករណី​សន្លប់​មកពី​មេឃ​ក្ដៅ​នេះ​អាច​មាន​ច្រើន​ទៀត​ផង ដោយសារ​ប្រជាជន​មាន​សុខភាព​ខ្សោយ​ច្រើន ជាពិសេស​ស្ត្រី​តែម្ដង។ ព្រោះតែការ​ញ៉ាំ​អាហារ​មិន​បាន​ត្រឹមត្រូវ ផឹក​ទឹក​តិច អាហារ​មិន​សម្បូរ​ជីវជាតិ ឬ​ពពួក​អាហារ​ដែល​រឹតតែ​ផ្ដល់​កម្ដៅ​ដល់​រាងកាយ ​ដូចជា អាហារ​ហឹរ ក្ដៅ។ អាកាសធាតុ​ក្ដៅ​កាត់​បន្ថយ​ជាតិ​ស្ករ ជាតិ​ទឹក​ច្រើន ដូចនេះ​នាំ​ឲ្យ​សម្ពាធ​ឈាម​ធ្លាក់​ចុះ ងាយ​សន្លប់ ហើយ​បូក​រួម​យើង​គិត ធ្វើ​សកម្មភាពផ្សេង​ៗ​ច្រើន ឬ​សូម្បីតែដកដង្ហើម​ក៏​ប្រើ​ថាមពល​ជាតិ​ស្ករ​ដែរ។ ប្រសិនបើ​យើង​ខ្សោយ​សម្ពាធ​ឈាម​ធ្លាក់​នៅ​ត្រឹម ៨០ mmhg ទៅ ៩០ mmhg អាច​ងាយ​ដួល​សន្លប់​ណាស់។ ដូច្នេះ​ហើយ​​ វេជ្ជបណ្ឌិត​បាន​ណែនាំ​ឲ្យ​បន្ថែម​ការ​ផឹក​ទឹក និង​ញ៉ាំ​អាហារ​ផ្អែម​ៗ​បន្ថែម​ ហើយ​ជាតិ​ផ្អែម​ដែល​ល្អ គឺ​ជាតិ​ផ្អែម​ធម្មជាតិ មិនមែន​សំយោគនោះ យើងត្រូវញ៉ាំទឹកអំពៅ ទឹកត្នោត ទឹកដូង ទឹក​ផ្លែឈើស្រស់​ ជាដើម។ មួយ​វិញ​ទៀត កុំ​នៅ​ក្រោម​កម្ដៅ​ក្ដៅ​យូរ​ពេក ហើយ​ព្យាយាម​ឧស្សាហ៍​ងូត​ទឹក​ឲ្យ​បាន​ញឹកញាប់ ដើម្បី​កាត់បន្ថយ​កម្ដៅ។ អត្ថបទពាក់ព័ន្ធ៖ ថែរក្សាសុខភាពឲ្យបានល្អ កម្តៅក្នុងសប្តាហ៍នេះហក់ឡើងដល់ ៣៩ អង្សារសេ ដួលសន្លប់តាមផ្លូវមិនមែនរោគសញ្ញា COVID-19 តែអាចជាបញ្ហាទាំងនេះ ម៉ាក់​ប៉ា​ប្រយ័ត្ន​ណា កូន​តូចៗ​ងាយ​នឹង​កើត​ជំងឺ​ ៤ មុខ​នេះ​បំផុត​នា​ខែ​ក្តៅ ដើរលេងឆ្នាំខ្មែររួច […]

គ្រូពេទ្យ​តែងតែ​ណែនាំ​ឲ្យ​យើង​ផឹក​ទឹក​ឲ្យ​បាន​ច្រើន ហើយ​សូម្បីតែ​ក្រោក​ពី​ដេក​ភ្លាម ក៏​ត្រូវ​ផឹក​ទឹក​ភ្លែត​ដែរ។ តើ​ការ​ផឹក​ច្រើន​សូម្បី​តែ​ក្រោក​ពី​ដេក​ តើមាន​ប្រយោជន៍​យ៉ាង​ណា​ខ្លះ​ចំពោះ​រាងកាយ និង​សុខភាព​យើង​? លោក​វេជ្ជបណ្ឌិត​ឯកទេស​ទូទៅ លី ឫទ្ធីគុណ បាន​ឲ្យ​ដឹង​ថា ការ​ផឹក​ទឹក​ច្រើន​ពិតជា​ល្អ​សម្រាប់​សុខភាព សម្រស់ និង​អារម្មណ៍​ស្រស់​ស្រាយទៀត​ផង។ ១- ទឹក​អាច​ជួយ​ធ្វើឲ្យ​ស្បែក​ស្រស់​ថ្លា ភ្លឺ​រលោង មាន​ជាតិ​សំណើម គ្មាន​ស្នាម​អុជ​​ខ្មៅ មិន​​​​​​ឆាប់​​ចាស់​ និង​លាង​សម្អាត​ជាតិ​ពុល​ចេញ​ពី​ក្នុង​រាងកាយ។ ២- ទឹក​ជា​សារធាតុ​រាវ​ល្អ​ដែល​ជួយ​ចិញ្ចឹម​កោសិកា និង​ជួយ​ទ្រទ្រង់​រាងកាយ​ឲ្យ​បាន​រឹងមាំ​ល្អ ព្រម​ទាំង​មាន​សកម្មភាព​រស់រវើក។ ៣- ទឹក​ក៏​អាច​ជួយ​ថែរក្សា​តុល្យភាព​សារធាតុរ៉ែ​មួយ​ចំនួន​នៅ​ក្នុង​រាងកាយ​យើង​ដូចជា​អេលីតត្រូលីត(សូដ្យូម ក្លរីត ប៉ូតាស្យូម) ជាដើម។ ៤- គ្រាន់តែ​ផឹក​ទឹក​អាច​ជួយ​បន្សាប​ជាតិ​ពុល​ក្នុង​ពោះ​វៀន ជួយ​សម្រួល​ដល់​ការ​បន្ទោបង់ និង​ជួយ​សម្រួល​ដល់​ប្រព័ន្ធ​រំលាយ​អាហារ​ឲ្យ​មាន​ដំណើរការ​ល្អ។ ៥- ជួយ​ពង្រាវ​ឈាម ដូចនេះ​ហើយ​បាន​ជា​មុន​ពេល​បូម​ឈាម ពេទ្យ​តម្រូវ​ឲ្យ​ញ៉ាំ​ទឹក​ឲ្យ​បាន​ច្រើន ដើម្បី​កុំឲ្យ​ឈាម​ខាប់ ហើយ​ឈាម​រត់​បាន​ស្រួល។ ៦- ទឹក​ជួយ​ឲ្យ​យើង​មាន​អារម្មណ៍​ល្អ ព្រមទាំងជំនួយ​ដល់​ខួរ​ក្បាល​ឲ្យ​មាន​ដំណើរ​ការ​បាន​ឆាប់​រហ័ស និង​ចងចាំ​បាន​ល្អ មិន​ងាយ​ភ្លេចភ្លាំង។ ៧- ទឹក​ជួយ​ទ្រទ្រង់​​សន្លាក់ និង​ឆ្អឹង បើ​យើង​ផឹក​ទឹក​បាន​គ្រប់គ្រាន់​អាច​ការ​ពារ​មិន​ឲ្យ​​ឈឺ​​​ឆ្អឹងឆ្អែង​ពេល​អង្គុយ​យូរ ឬ​ពេល​ឱន​ងើប​ចុះ​ឡើង ព្រម​ទាំង​ជួយ​បង្កើន​សាច់ដុំ​ឲ្យ​មាន​ភាព​រឹងមាំ។ ៨- មិន​បង្ក​ឲ្យ​មាន​បញ្ហា​ឈឺ​បំពង់ក និង​ពង​បែក​ក្នុង​មាត់។ ៩- ក្រោក​ពី​គេង​ភ្លាម ផឹក​ទឹក​ជួយ​ដុត​បំផ្លាញ​ជាតិ​ខ្លាញ់ ស្រូប​យក​​ជាតិ​ពុល​និង​​​ជាតិ​គីមី​នៅ​ក្នុង​អាហារ។ លោក​វេជ្ជបណ្ឌិត បាន​បន្ថែម​ទៀត​ថា ក្នុង​មួយ​ថ្ងៃ​គួរតែ​ផឹកទឹក​យ៉ាង​តិចណាស់ ២ លីត្រ ឬ​យ៉ាងហោចណាស់ ១២ កែវ […]