ក្ដីបារម្ភរបស់អ្នកជំងឺទឹកនោមផ្អែមអាចឆ្ងល់ថាតើត្រូវធ្វើម៉េចដើម្បីការពារថ្លើមឲ្យនៅមានសុខភាពល្អ។ ជំងឺទឹកនោមផ្អែមអាចបង្កជាហានិភ័យឲ្យកើតមានជំងឺខ្លាញ់រុំថ្លើមដោយមិនបង្កពីគ្រឿងស្រវឹង(nonalcoholic fatty liver disease) ។ ជំងឺខ្លាញ់រុំថ្លើមដោយមិនបង្កពីគ្រឿងស្រវឹង គឺការកកើតមានខ្លាញ់លើសនៅថ្លើមទោះបីជាយើងមិនផឹក ឬផឹកគ្រឿងស្រវឹងតិចតួច។
មាតិកា
តិចនិកមួយចំនួនជួយថែថ្លើមអ្នកជំងឺទឹកនោមផ្អែមឲ្យល្អ
បញ្ហានេះកើតឡើងយ៉ាងតិចពាក់កណ្ដាលចំពោះអ្នកជំងឺទឹកនោមផ្អែមប្រភេទ២។ កត្តាវេជ្ជសាស្ត្រមួយចំនួនទៀតដូចជាកូលេស្តេរ៉ូលខ្ពស់ និងសម្ពាធឈាមខ្ពស់ ក៏ធ្វើឲ្យមានហានិភ័យខ្ពស់កើតជំងឺខ្លាញ់រុំថ្លើមដោយមិនបង្កពីគ្រឿងស្រវឹងនេះដែរ។ ជំងឺខ្លាញ់រុំថ្លើម អាចកើតមានដោយមិនចេញរោគសញ្ញា ប៉ុន្តែអាចបង្កឲ្យមានហានិភ័យវិវត្តទៅជារលាកថ្លើម និងក្រិនថ្លើម។ ដូចគ្នាដែរ ជំងឺនេះ ក៏អាចមានទំនាក់ទំនងក្នុងការធ្វើឲ្យមានហានិភ័យកើតជំងឺមហារីកថ្លើម ជំងឺបេះដូង និងជំងឺតម្រងនោមដែរ។
ជំងឺខ្លាញ់រុំថ្លើម ក៏អាចជាមូលហេតុនាំឲ្យកើតមានជំងឺទឹកនោមផ្អែមប្រភេទ២ដែរ។ ក្នុងករណីយើងមានបញ្ហាទាំងពីរនេះព្រមគ្នា ការគ្រប់ជំងឺទឹកនោមផ្អែមប្រភេទ២ មិនបានល្អ អាចធ្វើឲ្យជំងឺខ្លាញ់រុំថ្លើមកាន់តែធ្ងន់ធ្ងរ។ គួរធ្វើដូចម្ដេចដើម្បីការពារបញ្ហានេះបាន?
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ដើម្បីការពារជំងឺខ្លាញ់រុំថ្លើម អ្នកជំងឺទឹកនោមផ្អែមអាច៖
- ប្រឹក្សាជាមួយគ្រូពេទ្យដើម្បីគ្រប់គ្រងកម្រិតជាតិស្ករឲ្យបានត្រឹមត្រូវ
- សម្រកទម្ងន់ បើយើងលើសទម្ងន់ និងព្យាយាមរក្សាទម្ងន់ឲ្យនៅថេរល្អ
- កាត់បន្ថយកម្រិតកូលេស្តេរ៉ូល
- រក្សាកម្រិតកូលេស្តេរ៉ូលអាក្រក់ឲ្យនៅទាប និងខ្លាញ់ក្នុងឈាម(triglycerides) ឲ្យនៅទាបតាមការណែនាំ
- កុំផឹកគ្រឿងស្រវឹងច្រើនពេក។
ករណីទើបតែដឹងថាខ្លួនមានជំងឺទឹកនោមផ្អែម គ្រូពេទ្យអាចណែនាំឲ្យឆ្លុះអេកូ ដើម្បីមើលថ្លើម និងត្រូវតាមដានការធ្វើតេស្តឈាមជាទៀងទាន់ដើម្បីដឹងពីដំណើរការថ្លើមផងដែរ។
ស្វែងយល់បន្ថែមពីជំងឺទឹកនោមផ្អែម៖
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
The Liver and Diabetes
https://www.diabetes.co.uk/body/liver-and-diabetes.html
Liver and diabetes. A vicious circle
https://www.ncbi.nlm.nih.gov/pmc/articles/PMC3733501/
Liver Disease—What You Need to Know About this Common Problem of Diabetes
https://www.endocrineweb.com/conditions/type-2-diabetes/liver-disease-what-you-need-know-about-common-problem-diabetes
កំណែប្រែបច្ចុប្បន្ន
29/08/2022
អត្ថបទដោយ ទូច សុខា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម