បើទោះបីជំងឺទឹកនោមផ្អែមពេលពពោះ អាចជាសះស្បើយក្រោយសម្រាលកូនរួច ដោយសារតែកម្រិតជាតិស្ករក្នុងឈាមធ្លាក់ចុះក៏ដោយ ប៉ុន្តែ ជួនកាលបញ្ហាសុខភាពមួយនេះ ក៏អាចវិវត្តទៅជាជំងឺទឹកនោមផ្អែមប្រភេទ២ផងដែរ។
តើជំងឺទឹកនោមផ្អែមពេលពពោះប៉ះពាល់ដល់ទារកយ៉ាងម៉េចខ្លះ?
ទឹកនោមផ្អែមពេលពពោះអាចជះឥទ្ធិពលអវិជ្ជមានជាច្រើនដល់ទារកក្នុងផ្ទៃ ដោយសារតែកម្រិតជាតិស្ករក្នុងឈាមខ្ពស់ អាចបង្កជាបញ្ហាសុខភាពផ្សេងៗដូចជា បញ្ហាផ្លូវដង្ហើម កម្រិតកាល់ស្យូមទាប ជាតិស្ករក្នុងឈាមទាបនៅពេលកើតជាដើម។
កម្រិតជាតិស្ករក្នុងឈាមខ្ពស់ ក៏អាចបណ្ដាលឲ្យកើនឡើងសារធាតុរាវ Amniotic, Macrosomia ហើយក្នុងលក្ខខណ្ឌកម្រខ្លះ អាចនាំឲ្យកូនស្លាប់ក្នុងផ្ទៃថែមទៀតផង។ បញ្ហាកូនកើតមុនខែ សម្ពាធឈាមខ្ពស់ និងបម្រុងក្រឡាភ្លើងក៏មានគ្រោះថ្នាក់ខ្លាំងដូចគ្នា។
មិនត្រឹមតែប៉ុណ្ណោះ ការចូលចិត្តញ៉ាំផ្អែមអំឡុងពេលពពោះ ក៏ធ្វើផ្តល់ផលប៉ះពាល់ដល់ទារកក្នុងផ្ទៃផងដែរ ពោលគឺប៉ះពាល់ដល់ការលូតលាស់ខួរក្បាលរបស់ទារក រួមទាំងសមត្ថភាពមិននិយាយដើម្បីដោះស្រាយបញ្ហា និងការចងចាំ ផងដែរ។ នេះបើយោងទៅតាមការចេញផ្សាយរបស់គេហទំព័រ clevelandclinic។
អ្នកណាខ្លះប្រឈមកើតជំងឺទឹកនោមផ្អែមពេលពពោះ?
អំឡុងពេលពពោះ ស្រីៗយើងសុទ្ធតែអាចប្រឈមកើតជំងឺមួយប្រភេទនេះ ប៉ុន្តែអ្នកដែលមានហានិភ័យខ្ពស់គឺ៖
ធ្លាប់មានប្រវត្តិកើតគីសទឹកនៅក្រពេញអូវែ
- មានសមាជិកគ្រួសារកើតជំងឺទឹកនោមផ្អែម
- លើសសម្ពាធឈាម
- វិបត្តិជាតិខ្លាញ់
- ធាត់ជ្រុល
- មិនសូវធ្វើសកម្មភាពរាងកាយ
- ស្ត្រេស
- ធ្លាប់មានប្រវត្តិកើតជំងឺទឹកនោមផ្អែមពេលពពោះ
គន្លឹះគ្រប់គ្រងជំងឺទឹកនោមផ្អែមពេលពពោះ
ម៉ាក់ៗគប្បីហាត់ប្រាណ ឬមានសកម្មភាពរាងកាយប្រចាំថ្ងៃច្រើន ដើម្បីជួយឲ្យម៉ាក់ និងកូនមានសុខភាពល្អ។ ការគ្រប់គ្រងទម្ងន់ខ្លួនក៏មានសារសំខាន់ដូចគ្នា ពីព្រោះថាស្ត្រីដែលលើសទម្ងន់ ឬធាត់ជ្រុលងាយនឹងកើតជំងឺទឹកនោមផ្អែម។
[embed-health-tool-due-date]
ជំងឺទឹកនោមផ្អែមពេលពពោះ អាចជាសះស្បើយបានទេ?
ទោះបីជាស្ត្រីជាច្រើនអាចជាសះស្បើយពីជំងឺទឹកនោមផ្អែមពេលពពោះក៏ពិតមែន ប៉ុន្តែស្ត្រីមួយចំនួនទៀត អាចនឹងមានហានិភ័យខ្ពស់ក្នុងការវិវត្តទៅជាជំងឺទឹកនោមផ្អែមប្រភេទ២។ យ៉ាងណាមិញ ក្រោយសម្រាលកូនបាន ៦សប្ដាហ៍ ស្រីៗយើងគប្បីធ្វើតេស្តថាតើជំងឺទឹកនោមផ្អែមបានជាសះស្បើយឬនៅ។ ចំពោះម៉ាក់ៗដែលមានជំងឺទឹកនោមផ្អែមពេលពពោះ ចាំបាច់ត្រូវញ៉ាំអាហារសម្បូរសារធាតុចិញ្ចឹម និងហាត់ប្រាណជាទៀងទាត់៕
ចំណុចសំខាន់
តើជំងឺទឹកនោមផ្អែមពេលពពោះប៉ះពាល់ដល់ទារកយ៉ាងម៉េចខ្លះ?
ទឹកនោមផ្អែមពេលពពោះអាចជះឥទ្ធិពលអវិជ្ជមានជាច្រើនដល់ទារកក្នុងផ្ទៃ ដោយសារតែកម្រិតជាតិស្ករក្នុងឈាមខ្ពស់ អាចបង្កជាបញ្ហាសុខភាពផ្សេងៗដូចជា បញ្ហាផ្លូវដង្ហើម កម្រិតកាល់ស្យូមទាប ជាតិស្ករក្នុងឈាមទាបនៅពេលកើតជាដើម។
កម្រិតជាតិស្ករក្នុងឈាមខ្ពស់ ក៏អាចបណ្ដាលឲ្យកើនឡើងសារធាតុរាវ Amniotic, Macrosomia ហើយក្នុងលក្ខខណ្ឌកម្រខ្លះ អាចនាំឲ្យកូនស្លាប់ក្នុងផ្ទៃថែមទៀតផង។ បញ្ហាកូនកើតមុនខែ សម្ពាធឈាមខ្ពស់ និងបម្រុងក្រឡាភ្លើងក៏មានគ្រោះថ្នាក់ខ្លាំងដូចគ្នា។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
