បើនិយាយពីអាការចាញ់កូន ស្ត្រីៗគ្នាយើងភាគច្រើន ដែលកំពុងតែពពោះ ឬធ្លាប់ឆ្លងកាត់ការពពោះ ប្រហែលជាមិនអាចគេចផុតពីបញ្ហានេះឡើយ។ ហេតុនេះ ម៉ាក់ៗភាគច្រើន ប្រាកដជាដឹងថា អាការចាញ់កូនកើតឡើងនៅពេលណា ហើយអាការនេះ កើនឡើងខ្លាំងនៅពេលណា។

ចុះស្រីៗយើងដែលមានបំណងចង់យកកូន ឬកំពុងតែមានអាការចាញ់កូន តើបានដឹងហើយឬនៅថា អាការចាញ់កូនកើតឡើងខ្លាំងនៅពេលណា និងបាត់នៅពេលណា? បើអ៊ីចឹង តស់ស្វែងយល់ទាំងអស់គ្នា។

១.តើអាការចាញ់កូនកើតមាននៅពេលណា?

គ្នាយើងប្រហែលជាបានដឹង ឬបានឃើញហើយថាអាការចាញ់កូនអាចមានដូចជាក្អួត ចង្អោរ និងមានចេញទឹកមាត់ច្រើនខុសធម្មតាជាដើម។ អាការទាំងនេះជាអាការធម្មតារបស់ស្រីៗយើងដែលកំពុងតែចាញ់កូន។ ស្រីៗយើងមួយចំនួនអាការចាញ់កូនអាចលេចចេញនៅពេលណាមួយពេញមួយថ្ងៃតែម្ដង តែមានខ្លះទៀតអាការចាញ់កូនធ្វើទុក្ខតែពេលល្ងាចក៏មាន។

ចុចទីនេះ ដើម្បីគណនាថ្ងៃមេជីវិតញីទុំធ្លាក់

ចុចទីនេះ ដើម្បីគណនាថ្ងៃសម្រាលកូន

ចុចទីនេះ ដើម្បីគណនាការឡើងទម្ងន់ស្ត្រីអំឡុងពពោះ

ចុចទីនេះ ដើម្បីគណនាទម្ងន់ធៀបកម្ពស់ (BMI)

ចុចត្រង់នេះ ដើម្បីមើលកាលវិភាគចាក់វ៉ាក់សាំងទារក

អាការចាញ់កូនរបស់មនុស្សស្រីយើងមានសភាពខុសៗគ្នា អ្នកខ្លះចាប់ផ្ដើមចាញ់កូននៅសប្ដាហ៍ទី៥ទៅទី៦នៃការមានផ្ទៃពោះ និងអ្នកខ្លះគ្រាន់តែចាប់ផ្ដើមមានអាការចង្អោរ ក៏អាចជាសញ្ញាដំបូងនៃ ការមានផ្ទៃពោះដែរ។ ដូចនេះ ស្រីៗយើងអាចចាប់ផ្ដើមមានអាការចាញ់កូនបានគ្រប់ពេលបន្ទាប់ពីពីរសប្ដាហ៍នៃការបាត់រដូវ និងមានការបង្កកំណើត។

អាការចាញ់កូនអាចមានពីស្រាលទៅធ្ងន់ ដោយអាការស្រាលគ្រាន់តែមិនសូវចង់ញ៉ាំអាហារ ឬធុំក្លិនអាហារជាដើម និងអាការធ្ងន់ធ្ងរអាចក្អួត ចង្អោរ ញឹកញាប់ផងដែរ។

ចាញ់កូន-ពពោះ

២.ពេលណាអាការចាញ់កូនមានកាន់តែខ្លាំង?

ដូចយើងបាននិយាយពីខាងលើអ៊ីចឹង អាការចាញ់កូនរបស់ស្រីៗយើងម្នាក់ៗ មានភាពខុសប្លែកគ្នា មិនដូចគ្នាទាំងស្រុងនោះទេ។ យ៉ាងណា ក្នុងករណីជាទូទៅ មនុស្សស្រីយើងចាប់ផ្ដើមចាញ់កូនខ្លាំងនៅសប្ដាហ៍ទី៩ និងទី១០នៃរយៈពេលមានផ្ទៃពោះ។

ថ្វីបើអាការចាញ់កូនធ្វើឲ្យស្រីៗយើងពិបាកក្នុងខ្លួន តែវាមិនបង្កជាសញ្ញាគំរាមកំហែងណាមួយនោះទេ ហើយអាការនេះ នឹងថមថយទៅវិញបន្ទាប់ពីត្រីមាសទី១។ ការសិក្សាខ្លះថាអាការចាញ់កូនខ្លាំងអាចមាននៅចន្លោះសប្ដាហ៍ទី៦ទៅទី១៨នៃរយៈពេលពពោះ ដែលថានេះក៏ជារយៈពេលដែលសរីរាង្គកូនក្នុងផ្ទៃកំពុងលូតលាស់ផងដែរ។ ក្រៅពីនេះការសិក្សាក៏បង្ហាញដែរថា អាការចាញ់កូន ក៏មានយន្តការមួយជួយការពារកូនក្នុងផ្ទៃពីអាហារ ឬសារធាតុពុលមួយចំនួនផងដែរ។

៣. អាការចាញ់កូនបាត់ទៅវិញនៅពេលណា?

អាការចាញ់កូននឹងចាប់ផ្ដើមថមថយទៅវិញនៅពេលរយៈពេលមានផ្ទៃពោះឈានចូលត្រីមាសទី២ ពោលគឺបន្ទាប់ពីអាការចាញ់ខ្លាំងនៅចន្លោះសប្ដាហ៍ទី៨ទៅទី១១នៃរយៈពេលមានផ្ទៃពោះ។

យ៉ាងណាក៏មានដែរស្រីៗយើងខ្លះបន្តមានអាការចាញ់កូនដល់ត្រីមាសទី២ និងខ្លះទៀតបន្តរហូតដល់ត្រីមាសទី៣ ក៏មានដែរ។

ម៉ាក់យើងក៏គួរសប្បាយចិត្តដែរ នៅពេលយើងមានអាការៈក្អួត ចង្អោរនៅពេលចាញ់កូនបែបនេះ ដោយហេតុអាការក្អួតចង្អោរនេះ បង្ហាញថាម៉ាក់ៗកំពុងមានសុខភាពល្អក្នុងការពពោះ។ ការសិក្សាខ្លះបានបញ្ជាក់ថា ស្រីៗមានអាការចង្អោរ ពេលពពោះ មានអត្រាប្រឈមនឹងការរលូតកូនទាបជាងអ្នកមិនមានអាការៈនេះរហូតជាង៣០ភាគរយឯណោះ។

ដូចនេះហើយ ម៉ាក់ពេលមានផ្ទៃពោះការចាញ់កូនជារឿងធម្មតាទេ ហើយយើងមិនអាចធ្វើអ្វីច្រើនដើម្បីបញ្ឈប់អាការនេះដែរ គឺមានតែទម្លាប់ខ្លួនទៅស្ថានភាពរោគសញ្ញាទាំងនេះ ឬអាចពិភាក្សាជាមួយគ្រូពេទ្យដើម្បីបានដំណោះស្រាយណាមួយសមរម្យ៕

ចំណុចសំខាន់

១.តើអាការចាញ់កូនកើតមាននៅពេលណា?
អាការចាញ់កូនរបស់មនុស្សស្រីយើងមានសភាពខុសៗគ្នា អ្នកខ្លះចាប់ផ្ដើមចាញ់កូននៅសប្ដាហ៍ទី៥ទៅទី៦នៃការមានផ្ទៃពោះ និងអ្នកខ្លះគ្រាន់តែចាប់ផ្ដើមមានអាការចង្អោរ ក៏អាចជាសញ្ញាដំបូងនៃ ការមានផ្ទៃពោះដែរ។ ដូចនេះ ស្រីៗយើងអាចចាប់ផ្ដើមមានអាការចាញ់កូនបានគ្រប់ពេលបន្ទាប់ពីពីរសប្ដាហ៍នៃការបាត់រដូវ និងមានការបង្កកំណើត។
២.ពេលណាអាការចាញ់កូនមានកាន់តែខ្លាំង?
ក្នុងករណីជាទូទៅ មនុស្សស្រីយើងចាប់ផ្ដើមចាញ់កូនខ្លាំងនៅសប្ដាហ៍ទី៩ និងទី១០នៃរយៈពេលមានផ្ទៃពោះ។ ថ្វីបើអាការចាញ់កូនធ្វើឲ្យស្រីៗយើងពិបាកក្នុងខ្លួន តែវាមិនបង្កជាសញ្ញាគំរាមកំហែងណាមួយនោះទេ ហើយអាការនេះ នឹងថមថយទៅវិញបន្ទាប់ពីត្រីមាសទី១។
៣. អាការចាញ់កូនបាត់ទៅវិញនៅពេលណា?
អាការចាញ់កូននឹងចាប់ផ្ដើមថមថយទៅវិញនៅពេលរយៈពេលមានផ្ទៃពោះឈានចូលត្រីមាសទី២ ពោលគឺបន្ទាប់ពីអាការចាញ់ខ្លាំងនៅចន្លោះសប្ដាហ៍ទី៨ទៅទី១១នៃរយៈពេលមានផ្ទៃពោះ។

អត្ថបទពាក់ព័ន្ធ៖

ម៉ាក់ៗឆ្ងល់អត់? អាការចាញ់កូន​ខ្លាំង​នៅសប្ដាហ៍ទីប៉ុន្មាន?

១.​តើ​អាការ​ចាញ់​កូន​កើត​មាន​នៅ​ពេលណា?

២.​ពេលណា​អាការចាញ់​កូន​មាន​កាន់តែ​ខ្លាំង?​

៣. អាការ​ចាញ់​កូន​បាត់​ទៅ​វិញ​នៅ​ពេល​ណា?​

ចំណុចសំខាន់

ម៉ាក់ៗឆ្ងល់អត់? អាការចាញ់កូនខ្លាំងនៅសប្ដាហ៍ទីប៉ុន្មាន?

១.តើអាការចាញ់កូនកើតមាននៅពេលណា?

២.ពេលណាអាការចាញ់កូនមានកាន់តែខ្លាំង?

៣. អាការចាញ់កូនបាត់ទៅវិញនៅពេលណា?