ក្រោយពីសម្រាលរួច ម៉ាក់ ត្រូវតែមានការយកចិត្តទុកដាក់ខ្ពស់ទៅលើរបបអាហារដែលគួរ និងមិនគួរញ៉ាំ ព្រោះការជ្រើសរសើររបបអាហារដែលត្រឹមត្រូវ អាចជួយឱ្យទាំងម៉ាក់ៗមានសុខភាពល្អ និងឆាប់មានកម្លាំង ក៏ដូចជា ជួយឱ្យកូនមានសុខភាពរឹងមាំ ជាពិសេសអំឡុងពេលបំបៅដោះកូន។ ផ្ទុយទៅវិញ របបអាហារខ្លះ ក៏ធ្វើឱ្យប៉ះពាល់ដល់សុខភាពម៉ាក់ៗ និងកូនកំពុងតែបៅដោះម្តាយ ផងដែរ។
ហេតុនេះ អ្នកគ្រូពេទ្យឆ្មប សុំ សូរិយា បម្រើការងារនៅមន្ទីរពេទ្យបង្អែក ស្រុកខ្សាច់កណ្តាល បានណែនាំពីប្រភេទអាហារស្រីៗកូនខ្ចីគួរញ៉ាំ និងមិនគួរញ៉ាំ។
១. អាហារមិនគួរញ៉ាំ
– អាហារហឹរ៖ ម៉ាក់ៗមិនគួរញ៉ាំអាហារហឹរ ព្រោះវាអាចប៉ះពាល់ដល់កូន នៅពេលកូនបៅទឹកដោះ។ ណាមួយអាហារបែបនោះ អាចប៉ះពាល់ដល់ក្រពះ-ពោះវៀននិងអាចធ្វើឲ្យកូនរាករូស ទៀតផង។
– អាហារមានជាតិខ្លាញ់៖ អាហារមានជាតិខ្លាញ់ គួរតែចៀសវាងសិន ព្រោះវាមិនល្អចំពោះក្រពះ និងពោះវៀនឡើយ។
ចុចទីនេះ ដើម្បីគណនាថ្ងៃមេជីវិតញីទុំធ្លាក់!
ចុចទីនេះ ដើម្បីគណនាថ្ងៃសម្រាលកូន!
ចុចទីនេះ ដើម្បីគណនាទម្ងន់ស្ត្រីពពោះ!
ចុចទីនេះ ដើម្បីគណនាទម្ងន់ធៀបកម្ពស់ (BMI)!
ចុចទីនេះ ដើម្បីមើលតារាងកាលវិភាគចាក់វ៉ាក់សាំងទារក!
– អាហារក្រៀមក្រោះ៖ ត្រី-សាច់ប្រឡាក់ ហើយយកទៅអាំង ឬចៀន គ្មានបន្លែ គ្មានទឹកនោះ ស្រ្តីបំបៅដោះកូនគួរតែចៀសវាងដែរ ព្រោះវាមិនមានជីវជាតិសម្រាប់ទ្រទ្រង់រាងកាយយើង និងធ្វើឲ្យសម្បូរទឹកដោះឡើយ។
– អាហារផ្អាប់៖ ញ៉ាំអាហារផ្អាប់ អាចនាំឲ្យម៉ាក់ៗរាករូស ពុល ក្អួតចង្អោរ ប៉ះពាល់ក្រពះធ្វើឲ្យឈឺនិងចុក បាន ហើយកត្តានេះមិនត្រឹមតែខ្លួនយើងប៉ុណ្ណោះទេ កូនក៏អាចរាកបានដូចគ្នា។
២. អាហារគួរញ៉ាំ
– អាហារមានជាតិទឹក៖ អាហារដែលល្អសម្រាប់ស្ត្រីសម្រាលកូនរួច ត្រូវតែជាពពួកអាហារមានជាតិទឹកគ្រប់គ្រាន់ ដូចជាសម្ល ឬស៊ុប ដែលមានទាំងត្រី សាច់ ស៊ុត និងបន្លែលាយបញ្ចូលគ្នា ដើម្បីបង្កើនដល់ការផលិតទឹកដោះ។
[embed-health-tool-due-date]
– ទឹក៖ ទោះជាញ៉ាំអាហារជាតិទឹកគ្រប់គ្រាន់ល្អក៏ពិតមែន តែកុំភ្លេចញ៉ាំទឹកឲ្យបាន ២ លីត្រយ៉ាងតិច ដើម្បីងាយស្រួលដល់ការបន្ទោបង់។
បើយោងទៅតាមអង្គការសុខភាពពិភពលោក (WHO) ក្រៅពីអាហារទាំង២ប្រភេទខាងលើ ម៉ាក់ៗគួរតែបញ្ចូលអាហារដែលសម្បូរទៅដោយប្រូតេអុីន និងវិតាមីន ក្នុងរបបអាហារប្រចាំថ្ងៃរបស់ខ្លួន ជាពិសេសអំឡុងពេលបំបៅកូនដោយទឹកម្តាយ ដោយអាហារទាំងនោះមាន សាច់ សាច់មាន់ បន្លែបៃតង គ្រាប់ធញ្ញជាតិ គ្រាប់សណ្តែង និងទឹកដោះគោ និងផ្លែឈើតាមរដូវកាល ជាដើម។
សម្រាប់ម៉ាក់ៗដោយវះកាត់វិញ ក្រោយសម្រាល ៥-៦ ម៉ោងប៉ុណ្ណោះអាចញ៉ាំបាន ជាប្រភេទអាហារទន់ៗ ហើយមុនអាហារ ៣ ម៉ោងអាចញ៉ាំទឹកសិន ដើម្បីឲ្យមានកម្លាំងកំហែងក្នុងខ្លួន។ តែសម្រាប់ម៉ាក់ៗសម្រាលធម្មជាតិអាចញ៉ាំអាហារបាន ពេលដឹងថាខ្លួនហេវហត់។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ក្រោយរួមភេទរយៈពេលប៉ុន្មាន ទើបមានការបង្កកំណើត?
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
ចំណុចសំខាន់
- អាហារមិនគួរញ៉ាំ៖ អាហារហឹរ អាហារមានជាតិខ្លាញ់ អាហារក្រៀមក្រោះ អាហារផ្អាប់។
- អាហារគួរញ៉ាំ៖ អាហារមានជាតិទឹក និងញ៉ាំទឹកយ៉ាងហោចណាស់ឲ្យបាន២លីត្រ។
