ម៉េចបានប្រុសៗចេះតែរមាស់ ក្រោយកោររោមប្រដាប់ភេទរួច

បុរសៗដែលជួបអាការៈរមាស់ ក្រោយពេលកោរសម្អាតរោមប្រដាប់ភេទ គឺជាសញ្ញាមួយបង្ហាញថា កំពុងតែមាន​បញ្ហាសុខភាពស្បែក។ ដូច្នេះត្រូវពិនិត្យមើលជាក់ស្ដែង ទាំងឧបករណ៍ប្រើប្រាស់ ផលិតផលលាបនៅលើស្បែក និង សុខភាពស្បែកផ្ទាល់តែម្ដង។ មូលហេតុ​បង្ក​ឲ្យ​មាន​អាការៈ​រមាស់​នេះ​អាច​មាន​ច្រើន​យ៉ាង​។​

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

១.ការលាកដោយឧបករណ៍កោរ

កោររោមដោយឧបករណ៍អេឡិចត្រូនិច Razor ក៏អាចបណ្ដាលឲ្យរលាកស្បែកនៅត្រង់គល់រោម ប្រសិនមិនបានប្រយ័ត្ន ពិសេសអ្នកប្រើប្រាស់មិនបានដឹងពីការណែរនាំមុនពេលប្រើ។ ភាគរយច្រើនកើតឡើង ដោយសារការ​កោរ​លឿនពេក ខណៈស្ថានភាពស្បែកនៅបរិវេណប្រដាប់​ភេទមានសភាពស្ដើង។ បញ្ហារមាស់​នេះ​អាច​បណ្ដាល​ឲ្យ​ឡើង​កន្ទួលក្រហម ការរលាក ដែលបង្កជារមាស់។ ក្នុងស្ថានភាពបែបនេះ អ្នកជំងឺគួរតែទៅជួបជាមួយគ្រូពេទ្យ ដើម្បីទទួល​ការព្យាបាល។

២.មានជំងឺសើស្បែក

អ្នកមានជំងឺសើរស្បែកមិនទាន់ព្យាបាលត្រឹមត្រូវ ងាយនឹងប្រត្ដិកម្មខ្លាំងបំផុតនៅពេលប៉ះជាមួយនឹងផលិតផលប្រើប្រាស់ និងឧបករណ៍កោររោម ដែលអាចធ្វើឲ្យអ្នកជំងឹរមាស់ភ្លាមៗក្រោយពេលកោររួច។ ជំងឺសើរស្បែកដែលកើតមានកន្លងមកមានដូចជា ការរលាក មេរោគផ្សិត Psoriasis, រមាស់​ក្រលៀន ឬភ្លៅ និង​ជំងឺ​ត្រអក ជាដើម។ ដូច្នេះអ្នកជំងឺត្រូវប្រុងប្រយ័ត្ន ចំពោះសុខភាពស្បែកបើមានជំងឺទាំងនេះ គួរតែជ្រើសរើសវីធីកាត់ ឬច្រឹប គឺជាការល្អជាង។

៣.មហារីកស្បែក

មហារីកស្បែកជាជំងឺកម្រកើតមាននៅតំបន់ប្រដាប់ភេទ ប៉ុន្ដែក៏គួរតែប្រុងប្រយ័ត្នផងដែរ។ ចំពោះអ្នកជំងឺក៏ប្រឈមនឹងការរមាស់ដូចគ្នា ប្រសិនជ្រើសរើសយកការកោរ។ ជម្រើសល្អបំផុត អ្នកជំងឺគួរតែជ្រើសរើសវិធីកាត់ ឬច្រឹប បើមិនចង់រមាស់លើស្បែក។

៤.ការករកិត

អាការៈរមាស់មួយប្រភេទទៀតកើតឡើងក្រោយពេលកោររួច ចន្លោះពី២ ទៅ ៣ម៉ោង នោះបណ្ដាលមកពីការកកិត​​ជាមួយនឹងសម្លៀកបំពាក់។ ការកកិតសំលៀកបំពាក់ជាមួយនឹងស្បែកផ្ទាល់អាចបណ្ដាលឲ្យយើងរមាស់បាន ហើយភាគរយកើតឡើងច្រើនលើអ្នកទើបតែចាប់ផ្ដើមកោរលើកដំបូង។ ដើម្បីជៀសវាងពីបញ្ហានេះ បន្ទាប់ពីកោរហើយគួរតែមានក្រែមលាបលើស្បែក ដើម្បីរក្សាសំណើមស្បែក និងកាត់បន្ថយផលប៉ះពាល់ពីការកកិតនោះ។

៥.ការដុះរោមថ្មី

ការដុះចេញរោមថ្មីក៏អាចធ្វើឲ្យយើងរមាស់បានដែរ ពិសេសក្នុងដំណាក់កាលលូតលាស់របស់រោមតែម្ដង។ អាការៈនេះកើតឡើងច្រើន ប៉ុន្ដែមិនប៉ះពាល់ដល់សុខភាពស្បែកនោះទេ យើងអាចប្រើប្រាស់ផលិតផលសំណើមស្បែក និងកាត់បន្ថការរមាស់បាន ក្នុងលក្ខខណ្ឌមិនចាំបាច់ មិនត្រូវអេះដោយក្រចកឡើយ ព្រោះអាចប៉ះពាល់ដល់សុខភាពស្បែកបាន។

អត្ថបទគួរអាន៖ 

• វិធីកោររោមប្រដាប់ភេទមួយណា សុវត្ថិភាពសម្រាប់ប្រុសៗ?
• ប្រុសៗរួមភេទមិនដល់ចំណុចកំពូល អាចមកពី​បញ្ហា​សុខភាពទាំងនេះ
• ផលប៉ះពាល់ពីការជម្រុះរោមប្រដាប់ភេទដោយបាញ់ឡាស៊ែ ប្រុសៗគួរដឹង
• ប្រុសៗទុករោមប្រដាប់ភេទ អាចបង្កឲ្យមានក្លិន និងគ្មានអនាម័យមែនទេ?
• ជម្រុះរោមប្រដាប់ភេទ? ការកោរ ឬកាត់ មួយណាជាជម្រើសល្អ សម្រាប់បុរស?