ការមករដូវគឺជាធ្លាក់ជ្រុះស្រទាប់ស្តើងស្បូន ហើយធ្វើឲ្យស្បូនរបស់មនុស្សស្រីយើងចាប់ផ្តើមច្របាច់ កន្ត្រាក់ ដើម្បីបញ្ចេញកាកសំណល់ទាំងអស់នោះចេញមកក្រៅ។ ការច្របាច់នេះធ្វើឲ្យស្ត្រីឈឺពោះ ប៉ុន្តែការឈឺចាប់បែបហ្នឹង មិនខ្លាំងក្លាទេ ជាទូទៅស្ត្រីអាចទ្រាំទ្របាន។ ដោយឡែកកម្រិតនៃការឈឺចាប់ក៏ទៅតាមស្ថានភាព រូបរាងទម្រង់ស្បូនដែរ។ តើទម្រង់ស្បូនបែបណាធ្វើឲ្យស្ត្រីឈឺចាប់ខ្លាំងដល់ថ្នាក់ពិបាកទ្រាំ ឬទ្រាំសឹងមិនបាន? នៅមានកត្តារួមផ្សំអីខ្លះទៀត?
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ចំពោះករណីស្ត្រីឈឺចាប់ខ្លាំងពេលមករដូវម្តងៗ ទ្រាំសឹងមិនបាននោះ លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់ បានឲ្យដឹងពីមូលហេតុថា អាចមកពីទម្រង់ស្បូនខុសពីធម្មតា មានន័យថាស្បូនច្បត់ខ្លាំង (ស្បូនអាចបត់មកមុខ ឬមកក្រោយខ្លាំងពេក)។ ក្រៅពីទម្រង់ស្បូន ក៏អាចមកពីកក្តារួមផ្សំ ២ទៀត គឺស្បូនមានបញ្ហា ដោយសាច់ស្បូនក្រាស់ជាងមុន ឬស្បូនមានដុះដុំសាច់ ទើបបណ្ដាលឲ្យស្ត្រីមករដូវមានការឈឺចាប់ខ្លាំងជាងមុន និងស្រទាប់ស្តើងនៃស្បូនដុះខុសប្រក្រតី ធ្វើឲ្យឈាមធ្លាក់ទៅដៃស្បូន ក៏ធ្វើឲ្យមានការឈឺចាប់ខ្លាំងដែរ។
បើមករដូវម្តងៗឈឺចាប់ខ្លាំង លោកស្រីវេជ្ជបណ្ឌិតណែនាំឲ្យស្ត្រីជួបគ្រូពេទ្យដើម្បីដឹងពីមូលហេតុ ឈានទៅរកការព្យាបាល។ ចំពោះមូលហេតុធម្មជាតិ ការមករដូវដែលឈឺពោះមិនធ្ងន់ធ្ងរទេ យើងគ្រាន់ប្រើថ្នាំបំបាត់ការឈឺចាប់ ស្អំទឹកក្តៅឧណ្ហៗលើពោះ ឬក៏ធ្វើលំហាត់ប្រាណ ក៏អាចកាត់បន្ថយការឈឺចាប់បានដែរ។
អំឡុងពេលមករដូវម្តងៗ លោកស្រីវេជ្ជបណ្ឌិតណែនាំឲ្យស្ត្រីធ្វើអនាម័យឲ្យបានញឹកញាប់ ដោយហេតុថា ឈាមរដូវជាកន្លែងបណ្តុះមេរោគឲ្យកាន់តែលូតលាស់ កុំទុកឲ្យឈាមរដូវជោគសម្លីហៀរហូរប្រឡាក់ខោ ឬសំពត់។ ការធ្វើអនាម័យពេលមករដូវ លោកស្រីវេជ្ជបណ្ឌិតថា មិនលំបាកទេ ឲ្យតែយើងធ្លាស់ប្ដូរសម្លីទ្រាប់ឲ្យបានញឹកញាប់ សម្អាតទ្វារមាសឲ្យបានស្អាត កុំទុកផ្អាប់យូរ។
គួរអានពីបញ្ហាស្បូន៖
- រោគសញ្ញាមិនប្រក្រតីនៃជំងឺមហារីកមាត់ស្បូន ស្រីៗគួរដឹង
- មហារីកមាត់ស្បូនសាហាវប៉ុនណា អាចស្វែងយល់លម្អិតបាន
- ស្រីៗមានស្បូនព្រែកអាចមានកូនបានធម្មតា ដូចគេឯងអត់?
- មាត់ស្បូនមិនប្រក្រតី គួរភ័យដែរអត់?
- ចុកពោះក្រោយរួមភេទ អាចមកពីបញ្ហានៅមាត់ស្បូន
- Cervical Cerclage (ការដេរមាត់ស្បូន)
- Vaginal hysterectomy (វះកាត់យកស្បូនចេញ)
- Anterior Prolapse Surgery (វះកាត់កែបញ្ហាស្រុតស្បូនផ្នែកខាងមុខ)
គួរអានពីបញ្ហាឈាមរដូវ៖
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
- ឈឺគូទពេលមករដូវបណ្ដាលមកពីអ្វី? ដោះស្រាយបែបណា?
- ទឹកផ្លែឈើទាំង៣ប្រភេទ បំបាត់អាការៈឈឺចាប់ពេលមករដូវ
- កត្តា ៤យ៉ាង រំខានដល់វដ្ដរដូវរបស់ស្រីៗ
[embed-health-tool-ovulation]
