ការកសាងគ្រឹះដ៏រឹងមាំនៅពេលដែលកូននៅវ័យក្មេង អាចជួយត្រួសត្រាយផ្លូវសម្រាប់អនាគតដ៏ប្រសើរសម្រាប់កូន។ ពិតណាស់ ដើម្បីពង្រឹងមូលដ្ឋានគ្រឹះនេះ ការអភិវឌ្ឍជំនាញយល់ដឹងមានសារៈសំខាន់ណាស់ ហេតុនេះហើយ ប៉ាម៉ាក់គួរបញ្ចូលសកម្មភាពមួយចំនួន ដែលជួយឲ្យក្មេងទទួលបានបទពិសោធន៍ជាក់ស្តែង ដូចជាលើកទឹកចិត្តឲ្យកូនចូលរួមក្នុងសកម្មភាពសប្បាយៗដែលផ្ដោតទៅលើការចងចាំ ការយល់ចិត្តទុកដាក់ និងការផ្ចង់អារម្មណ៍ជាដើម។
សកម្មភាពសប្បាយៗ ជួយអភិវឌ្ឍនាញយល់ដឹងរបស់ក្មេង
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សកម្មភាពជួយដល់ការអភិវឌ្ឍជំនាញយល់ដឹងរបស់ក្មេង
១. តម្រៀបអក្សរ
ការរៀនអាន និងចងចាំអក្សរជាវិធីសាស្ត្រដ៏ល្អបំផុតដែលជួយអភិវឌ្ឍជំនាញយល់ដឹងរបស់កូន។ ប៉ាម៉ាក់ អាចជួយបង្រៀនកូនឲ្យស្គាល់អក្សរ ដោយការស្តាប់ចំរៀង មើលសៀវភៅ ឬលេងល្បែងផ្គុំអក្សរ។
២. រៀនចំណាំរូបរាង និងពណ៌
ជាមួយគ្នានេះដែរ ប៉ាម៉ាក់ក៏អាចជួយបង្រៀនកូនឲ្យស្គាល់ពីពណ៌ និងរូបរាងរបស់វត្ថុអ្វីមួយ នៅពេលដែលលេងជាមួយនឹងកូន ដូចជាឲ្យកូនប្រាប់ពណ៌ និងរូបរាងរបស់បាល់ ឬផ្លែក្រូច។ សកម្មភាពតូចតាចទាំងនេះ អាចជួយឲ្យក្មេងស្គាល់ពីរូបរាង និងពណ៌ជាក់លាក់របស់វត្ថុផ្សេងៗបាន។
៣. ហ្គេម
ការលេងហ្គេម អាចពង្រឹងសមត្ថភាពក្នុងការដោះស្រាយបញ្ហា បង្កើនភាពច្នៃប្រឌិត ហើយក៏ជាកត្តាចម្បងក្នុងការអភិវឌ្ឍជំនាញយល់ដឹង។ ប្រភេទនៃហ្គេម អាចមានភាពខុសៗគ្នាអាស្រ័យទៅតាមវ័យ។ សម្រាប់ក្មេងតូចៗ ប៉ាម៉ាក់គួរស្វែងរកហ្គេមណាដែលទាក់ទងទៅនឹងរូបរាង និងពណ៌ ហើយសម្រាប់ក្មេងដែលមានអាយុចាប់ពី៥ឆ្នាំឡើងទៅ យើងគួរតែឲ្យកូនលេងហ្គេមផ្គុំរូបភាព។
៤. សួរសំណួរ
ចំណែកឯការសួរសំណួរទាក់ទងទៅនឹងតថភាពជាក់ស្តែង អាចជួយអភិវឌ្ឍជំនាញដោះស្រាយបញ្ហា និងបង្កើនភាពច្នៃប្រឌិតដល់កូនបាន។ សំណួរទាំងនេះ ក៏អាចជួយឲ្យក្មេងចេះវិភាគពីបញ្ហា និងចេះត្រិះរិះពិចារណាថែមទៀតផង។
៥. នាំកូនដើរលេងកម្សាន្ត
ការទៅកម្សាន្តនៅកន្លែងគួរឲ្យទាក់ទាញដូចជា សារមន្ទីរ បណ្ណាល័យ មានឥទ្ធិពលដ៏អស្ចារ្យទៅលើជំនាញយល់ដឹងរបស់ក្មេង។ កន្លែងប្រភេទនេះ អាចជួយឲ្យក្មេងយល់ដឹងពីរឿងរ៉ាវផ្សេងៗ ដែលជួយដល់ការរីកចម្រើនផ្នែកបញ្ញាស្មារតីរបស់កូន។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម