នៅ​ពេល​​និយាយ​ពី​ទឹក​ដោះ​សត្វ​ យើង​តែង​តែ​គិត​ដល់​ទឹកដោះគោ​​មុន​គេ​មិន​​ខាន​។ ទោះ​ជា​យ៉ាង​នេះ​ក៏​ដោយ ទឹកដោះ​សត្វ​មួយ​ប្រភេទ​ទៀត​កំពុង​ទទួល​ការ​ពេញ​និយម​នៅ​ជុំវិញ​ពិភព​លោក​ដែរ​នោះ​​​​គឺ​ទឹក​ដោះ​ពពែ​ ដោយ​សារ​តែ​ទឹក​ដោះ​ពពែ​មាន​​អត្ថប្រយោជន៍​ពិសេស​​ពី​ធម្មជាតិ​​​ ​ច្រើន​យ៉ាង​។ បើ​អ៊ីចឹង តើទឹកដោះពពែ និង​ទឹកដោះគោ​មាន​ភាព​ខុស​គ្នា​បែប​ណា​ខ្លះ? តស់​យើង​​ស្វែង​យល់​ទាំង​អស់​គ្នា​៖ ១. ប្រូតេអ៊ីន បញ្ហា​មួយ​ក្នុង​ចំណោម​បញ្ហា​ជា​ច្រើន​ដែល​តែង​កើត​លើ​ក្មេង​ក្រោម​អាយុ​៣ឆ្នាំ​ ទាក់​ទង់​ទៅ​នឹង​ទឹក​ដោះ​គោ​ គឺ​បញ្ហា​ទល់លាមកដោយសារ​តែ​ទឹកដោះ​ប្រភេទ​នេះ​មាន​ប្រូតេអ៊ីន​មួយ​ប្រភេទ​ហៅថា Alpha s1 Caseinខ្ពស់​។ បរិមាណ​ប្រូតេអ៊ីន​Alpha s1 Casein ធ្វើ​ឲ្យ​ក្មេង​ជួប​បញ្ហា​ដូច​ជា​ទល់លាមក ហើម​ពោះ ពិបាក​រំលាយ​អាហារ ក្អែ និង​មាន​រោគ​សញ្ញា​ជំងឺ​សើ​ស្បែក​ជា​ដើម​។ ដោយ​ឡែក​សម្រាប់​ទឹក​ដោះ​ពពែ​វិញ មាន​បរិមាណ​ប្រូតេអ៊ីន​Alpha s1 Casein ៨៩​ភាគ​រយ​តិច​ជាង​ទឹក​ដោះ​គោ ដែល​មិន​បង្ក​ឲ្យ​ក្មេង​ជួប​បញ្ហា​ទាំងនេះទេ​។ ជំនួស​មក​វិញ ទឹក​ដោះ​ពពែ​មាន​ប្រូតេអ៊ីន​តូច​ៗ ទន់ ដែល​ពេល​ចូល​ដល់​ក្នុង​ពោះវៀន​ ងាយ​ស្រួល​រំលាយ និង​រំលាយបាន​​រហ័ស​។ ២. ប្រូតេអ៊ីន​ប្រភេទ A1 និង​A2 ទឹក​ដោះ​គោ​ធម្មតា​មាន​ប្រូតេអ៊ីន​ពីរ​ប្រ​ភេទ​លាយ​បញ្ចូល​គ្នា​ គឺ​ប្រូតេអ៊ីន​A1 និង A2 ប៉ុន្តែ​ក្នុង​ទឹក​ដោះ​ពពែ​វិញ​មាន​តែ​ប្រ​ភេទ A2 តែ​មួយ​មុខ​ប៉ុណ្ណោះ​។​ ការ​សិក្សា​បាន​បង្ហាញ​ថា​ បញ្ហា​ក្នុង​ការ​រំលាយ​អាហារ​មួយ​ចំនួន​កើត​ចេញ​ពី​ប្រូតេអ៊ីន​A1។ ​នេះ​ជា​មូល​ហេតុ​មួយ​​ក្នុង​ចំណោម​មូល​ហេតុ​ជា​ច្រើន​ទៀត ដែល​ធ្វើ​ឲ្យ​ក្មេងៗ​ញ៉ាំ​ទឹក​ដោះ​ពពែ មាន​ប្រូតេអ៊ីន​A2 ងាយស្រួល​រំលាយ​ និង​ទន់​ពេល​ចូល​ដល់​ក្នុង​ពោះ​វៀន​។ ៣. ជាតិខ្លាញ់ ជាតិ​ខ្លាញ់​មាន​នៅ​ក្នុង​ទឹក​ដោះ​ពពែ​ងាយ​ស្រួល​រំលាយ​ជាង​​ជាតិ​ខ្លាញ់​មាន​នៅ​ក្នុង​ទឹក​ដោះ​គោ ដោយ​ហេតុ​ថា​មូលេគុល​ជាតិ​ខ្លាញ់​ក្នុង​ទឹក​ដោះ​ពពែ​តូច​ជាង​ច្រើន​ដង​ បើ​ធៀប​ទៅ​នឹង​​មូលេគុល​ជាតិ​ខ្លាញ់​មាន​ក្នុង​ទឹក​ដោះ​គោ​។ មួយ​វិញ​ទៀត​ទឹក​ដោះ​ពពែ​ក៏​មាន​អាស៊ីដ​ខ្លាញ់​ចង្វាក់​ខ្លី […]

ទឹកដោះ​ម្តាយ​ល្អ​ឥត​ខ្ចោះ​សម្រាប់​ទារក វា​ជា​ប្រភព​ដ៏​សំខាន់​នៃ​សារធាតុ​ចិញ្ចឹម វីតាមីន ជួយ​ដល់​លូតលាស់​របស់​ក្មេង និង​ការពារ​កូន​តូច​ពី​ជំងឺ​ផ្សេងៗ។ ម៉ឹម​ដោះ​ម្តាយ​ដូច​គ្នា តែ​ទារក​ខ្លះ​មាន​សាច់​ទ្រលុក​ទ្រលន់ ឯ​ខ្លះ​ទៀត​មិន​សូវ​ឡើង​គីឡូ​នោះ​ទេ ម៉ាក់ៗ​មាន​ឆ្ងល់​អត់ តើ​នេះ​អាច​មក​ពី​មូលហេតុ​អី? ការ​ដែល​ទារក​ម៉ឹម​ដោះ​ម្តាយ​ទៀង​ទាត់​ដែរ តែ​បែរ​ជា​មិន​សូវ​ថ្លោស មានសាច់ឈាមនោះ អាច​ពាក់​ព័ន្ធ​នឹង​តិចនិក​នៃ​ការ​បំបៅ​ដោះ​កូន ដោយ​ម៉ាក់ៗ​បំបៅ​កូន​តែ​ទឹកដោះ​ដើម មិន​បាន​បំបៅ​ដល់​ទឹកដោះ​ចុង ធ្វើ​ឲ្យ​កូន​ទទួល​បាន​សារធាតុ​ចិញ្ចឹម​មិន​គ្រប់​គ្រាន់។ នេះ​បើ​តាម​ការ​លើក​ឡើង​របស់​លោក​ជំទាវ ប្រាក់ សោភ័ណនារី អនុរដ្ឋលេខាធិការ ក្រសួង​សុខាភិបាល។ “ម្តាយ​ខ្លះ​លើក​ឡើង​ថា ខ្ញុំ​បំបៅ​ដោះ​កូន​ដែរ ម៉េច​ក៏​កូន​អត់​ថ្លោស កូន​គេ​បៅ​ដោះ​ដូច​គ្នា ម៉េច​ក៏​កូន​គេ​ថ្លោស? អាហ្នឹង​ពាក់​ព័ន្ធ​នឹងការ​បំបៅ​ដែរ អ៊ីចឹង​បាន​ពេល​យើង​ឲ្យ​កូន​បៅ​ម្តងៗ ធ្វើ​ម៉េច​ឲ្យ​កូន​ទទួល​បាន​ទាំង​ទឹក​ដោះ​ដើម និង​ទឹក​ដោះ​ចុង”។ លោក​ជំទាវ​វេជ្ជបណ្ឌិត​រៀបរាប់។ អ្វី​ទៅ​ជា​ទឹក​ដោះ​ដើម? ទឹក​ដោះ​ដើម ជា​ទឹក​ដោះ​ដែល​ចេញ​ពេល​កូន​ចាប់​ផ្តើម​ម៉ឹម​ដំបូង​គេ មាន​សភាព​ថ្លាៗ ហើយ​សម្បូរ​ជាតិ​ទឹក​ខ្លាំង និង​ជាតិ​ស្ករ​តិច​តួច។ អ្វី​ទៅ​ជា​ទឹកដោះ​ចុង? ទឹក​ដោះ​ចុង ជា​ទឹកដោះ​ដែល​មាន​នៅ​បាត​ដោះ មាន​សភាព​ខាប់​ជាង​ទឹក​ដោះ​ដើម និង​សម្បូរ​គ្រប់​សារធាតុ​ចិញ្ចឹម​ទាំង​អស់។ លោក​ជំទាវ​វេជ្ជបណ្ឌិត​បាន​ពន្យល់​ថា បើ​សិន​ជា​ម្តាយ​ឲ្យ​កូន​បៅ​តែទឹក​ដោះ​ដើម​តិចៗ មិន​បាន​ឲ្យ​កូនបៅ​អស់​ដល់​ទឹកដោះ​ចុង នោះ​កូន​មិន​បាន​ទទួល​សារធាតុ​ចិញ្ចឹម​គ្រប់គ្រាន់​ទេ ឯ​លូតលាស់​ក៏​មិន​សូវ​បាន​ល្អ​នោះ​ដែរ។ ចំពោះ​វិធី​បំបៅដោះកូន​ត្រឹមត្រូវ កូន​ទទួល​បាន​សារធាតុ​ចិញ្ចឹម​គ្រប់​មុខនោះ ដំបូ​ងបំផុត​ម៉ាក់ៗ​ត្រូវ​ដាក់​មាត់​ទារក​ជាប់​ផ្អឹប​នឹង​ដោះ មិន​ត្រូវ​ឲ្យ​កូន​បៅ​នៅ​ចុង​ដោះ​ទេ ធ្វើ​យ៉ាង​ឲ្យ​មាត់​កូន​ចូល​ដល់​រង្វង់​ខ្មៅៗ ទើប​អាច​ជញ្ជក់​ទឹកដោះ​បាន​ច្រើន។ កាល​ណា​ទារក​ជញ្ជក់​បាន​ច្រើន ទឹកដោះ​ក៏​ផលិត​បាន​ច្រើន ផ្ទុយ​ទៅ​វិញ បើ​ម្តាយ​អត់​សូវ​ឲ្យ​កូន​ជញ្ជក់ ឬ​ជញ្ជក់​តែ​ចុងៗ​ដោះ ទឹកដោះ​ក៏​មិន​អាច​ចេញ​មក​ក្រៅ​បាន​ច្រើន​ដែរ។ ធ្វើ​បែប​នេះ​ម៉ាក់ៗ​កុំ​ភ័យ​ថា […]

ទារក​ឡើង​កន្ទួល​លើ​ស្បែក ឬ​មាន​បញ្ហា​ស្បែក​វា​អាច​ជា​រឿង​ទូទៅ​មួយ​កើត​ឡើង​លើ​ក្មេង ភាគ​ច្រើន​មិន​បង្ក​ជា​គ្រោះ​ថ្នាក់​ដល់​សុខភាព​កូន​ទេ។ ចំពោះ​បញ្ហា​ខាង​លើ​នេះ ម៉ាក់​ប៉ា​អាច​ព្យាបាល​ឲ្យ​កូន​បាន​ដោយ​ប្រើ​ថ្នាំ​លាប​ទៅ​លើ​កន្ទួល បញ្ហា​នឹង​ជា​វិញ​ហើយ។ ប៉ុន្តែ ម៉ាក់​ប៉ា​ត្រូវ​ចាំ​ថា រាល់​ថ្នាំ​ទាំង​អស់​សុទ្ធ​តែ​មាន​ផល​រំខាន​តិច ឬ​ស្រាល​តាម​ប្រភេទ​ថ្នាំ ហើយ​ចំពោះ​ថ្នាំ​លាប​បំបាត់​កន្ទួល​លើ​ស្បែក​អា​អូន​ក៏​មាន​ផល​រំខាន​ដូច​គ្នា​ដែរ។ ដឹងពីកាលវិភាគចាក់ថ្នាំបង្ការកូនចុចត្រង់នេះ ថ្នាំ​លាបលើស្បែក (Topical Ointment)​ ដែល​ម៉ាក់​ប៉ា​យក​ទៅ​ប្រើ​ពេល​ទារក​ឡើង​កន្ទួល​លើ​ស្បែក ជួយ​កាត់​បន្ថយ​ការ​រលាក​នៃ​ស្បែក ដូច្នេះ​វា​នឹង​កាត់​បន្ថយ​ការ​ឡើង​ក្រហម និង​រមាស់​នៅ​លើ​ស្បែក​របស់​កូន​យើង។ ដូច​នឹង​ថ្នាំ​ដទៃ​ទៀត​ដែរ ពពួក​ថ្នាំ​លាប​បំបាត់​កន្ទួល​ក៏​មាន​ផល​រំខាន​អាច​ប៉ះពាល់​ដល់​កូន​បាន​ដែរ​ដូច​ជា៖ ស្បែក​កូន​អាច​ឡើង​ក្រហម​នៅ​ពេល​យើង​ចាប់​ផ្ដើម​លាប​ថ្នាំ​ដំបូងៗ អា​អូន​អាច​ឡើង​អុច​ៗ​នៅ​លើ​ស្បែក ពេល​ខ្លះ​ស្បែក​កន្លែង​លាប​ថ្នាំ​អាច​មាន​ពណ៌​ស្រាល​ជាង​កន្លែង​ផ្សេង តែ​វា​នឹង​ត្រឡប់​មក​វិញ​ក្រោយ​ព្យាបាល​រួច ប្រសិន​បើ​អា​អូន​ប្រើ​ថ្នាំ​ក្នុង​រយៈ​ពេល​យូរ ស្បែក​អាច​ប្រែ​ជា​ស្ដើង​ជាង​មុន អាច​មាន​ស្លាក​ស្នាម និង​មើល​ឃើញ​ដល់​សរសៃ​ឈាម​តូច​ក្នុង​ស្បែក ថ្នាំ​លាប​បំបាត់​កន្ទួល​អាច​បណ្ដាល​ឲ្យ​មាន​ការ​ឆ្លង​មេរោគ​ដែល​មិន​បាន​ព្យាបាល និង​ធ្វើ​ឲ្យ​វា​កាន់​តែ​ធ្ងន់ធ្ងរ។ ប្រសិន​បើ​ស្បែក​អា​អូន​កាន់​តែ​ក្រហម មាន​ស្នាម​អុចៗ​ពណ៌​ស ឬ​ឡើង​ពង​បែក ក្រោយ​ប្រើ​ថ្នាំ មាន​ន័យ​ថា​ស្បែក​កូន​ឆ្លង​មេរោគ​ហើយ ត្រូវ​នាំ​កូន​ទៅ​ជួប​គ្រូពេទ្យ​ពិនិត្យ​ឲ្យ​បាន​ត្រឹម​ត្រូវ។ បន្ថែម​ពី​លើ​នេះ មុន​នឹង​ប្រើ​ថ្នាំ​លាប​ពេល​ទារក​ឡើង​កន្ទួល​លើ​ស្បែក ម៉ាក់​ប៉ា​ត្រូវ​ពិគ្រោះ​យោបល់​ពី​គ្រូពេទ្យ​ជំនាញ​អំពី​របៀប​ប្រើ​ប្រាស់​ថ្នាំ​ឲ្យ​បាន​ត្រឹម​ត្រូវ។ នៅ​ក្នុង​ថ្នាំលាបស្បែក ប្រើ​សម្រាប់​ព្យាបាល​បញ្ហា​លើ​ស្បែក​ភាគ​ច្រើន​មាន​ផ្ទុក​សារធាតុស្តេរ៉យ ហើយ​សារធាតុ​មួយ​នេះ កាល​ណា​បើ​ប្រើ​ក្នុង​រយៈ​យូរ អាច​បង្ក​ជំងឺ Cushing Syndrome ដែល​បណ្ដាល​មក​ពី​ការ​ស្រូប​ចូល​តាម​ស្បែក​យ៉ាង​ច្រើន​នូវ​សារធាតុ ស្តេរ៉យ ផង​ដែរ។ ចំណាំ៖ មុន​នឹង​សម្រេច​ប្រើ​ថ្នាំ​អ្វី​មួយ​លើ​កូន មិន​ថា​ថ្នាំ​ញ៉ាំ​តាម​មាត់ ឬ​លាប​លើ​ស្បែក​ទេ ត្រូវ​សួរ​យោបល់​ពី​គ្រូពេទ្យ​ជំនាញ​ច្បាស់​លាស់ ដើម្បី​ការពារ​គ្រោះ​ថ្នាក់​ដោយ​ការ​ប្រើ​ថ្នាំ​ផ្សេងៗ​លើ​កូន។ ម៉្យាង​វិញ​ទៀត ពេល​កូន​ឈឺ ម៉ាក់​ប៉ា​មិន​ត្រូវ​ប្រើ​ថ្នាំ​តាម​ការ​ណែនាំ​របស់​អ្នក​ស្គាល់​គ្នា […]

ដល់អាយុ ៩-១២ ខែ អូនតូចចេះវារ ឈរ តោងដើរ ឬដើរដោយមានការជួយទប់ អាចមើល​ឃើញ​ពណ៌យ៉ាងច្បាស់ អាចប្រើដៃទាំង ២ ចេះធ្ងល់ ចេះ​រុករក ចាំថារបស់ទុកនៅឯណា និងអាចធ្វើតាម​ការប្រាប់សាមញ្ញជាៗដើម។ ដើម្បីជំរុញដល់ការអភិវឌ្ឍអាអូន នៅដំណាក់កាលនេះ​ម៉ាក់ប៉ាអាច​បង្រៀន​អាអូនតាមរយៈការលេង និងតាមរយៈសកម្មភាពប្រចាំថ្ងៃ។ ខាងក្រោមនេះជាគន្លឹះខ្លះៗដែលប៉ាម៉ាក់អាចបង្រៀនអូនតូច ដើម្បីជំរុញដល់​ការលូតលាស់​រាងកាយ​ និងការអភិវឌ្ឍបញ្ញាស្មារតីរបស់អូនតូច៖ ១. លេងលាក់របស់៖ ប៉ាម៉ាក់អាចលាក់របស់លេងនៅក្រោយខ្នង ឬក្រោមខ្នើយ រួចសួរអាអូនថា “ឡាន​អូននៅឯណា?” រួចឱ្យអូនតូចរក។ ការលេងបែប​នេះអាចបង្កើនការយល់ដឹង និង​សមត្ថភាព​រុក​រករបស់អាអូន។ ២. បង្រៀនអូនតូចឱ្យស្គាល់ឈ្មោះ៖ ប៉ាម៉ាក់អាចបង្រៀនអូនតូចឱ្យហៅសមាជិកនៅក្នុងគ្រួសារ និង​បង្រៀនអូនតូចឱ្យស្គាល់ និងហៅឈ្មោះវត្ថុឬ សត្វចិញ្ចឹមដើម្បីឱ្យអូនតូចចាប់អារម្មណ៍ និងបង្កើត​ទំនាក់​ទំនងជាមួយបរិស្ថានជុំវិញខ្លួន និងរៀនពាក្យថ្មីៗ។ អត្ថន័យពណ៌ និងរូបរាងលាមកទារក ៣. បង្រៀនអូនតូចឱ្យប្រើកាយវិការ៖ ម៉ាក់ប៉ាអាចបង្រៀនអាអូនប្រើដៃធ្វើ​កាយវិការមួយចំនួនដូចជា បាយៗ ចាបៗ ប៊ីៗ ទះដៃ កុំមាត់ជាដើម។ ការធ្វើបែបនេះនឹងជួយអាអូនរៀនធ្វើតាមការប្រាប់។ ៤. បង្រៀនអូនតូចពីអវយវៈរាងកាយ៖ ប៉ាម៉ាក់អាចចង្អុល និងប្រាប់ពីភ្នែក​ ច្រមុះ ត្រចៀក មាត់ សក់ ដៃ ជើងរបស់តុក្កតាដល់អូនតូច រួចឱ្យអូនតូចចង្អុលពីភ្នែក ច្រមុះ...របស់អូនតូច និងរបស់ប៉ាម៉ាក់។ […]

ចិញ្ចឹមកូនឱ្យធំដឹងក្តីគឺស្រួលទេ តែបើចង់ចិញ្ចឹមកូនឱ្យក្លាយជាបុគ្គល​ជោគ​ជ័យនាពេល​អនាគត​ទើប​ជារឿងពិបាក។ ក្មេងៗមានសមត្ថភាពខុសៗគ្នាតាំងពីកំណើត យ៉ាងណាមិញមានវិធីដែល​ម៉ាក់ប៉ា​អាច​ជំរុញខួរក្បាលកូនៗ និងប្រើ​ព្រឹត្តិការណ៍​ប្រចាំថ្ងៃបង្រៀនកូនតាំងពីតូចៗ ដើម្បីឱ្យកូន​ៗធំ​ឡើង​ដោយរីករាយ និងមានអានាគតល្អ។ លោក Carlota Nelson អ្នកដឹកនាំភាពយន្តឯកសារខួរក្បាល (Brain Matters) បានលើកឡើងពី​គន្លឹះ​ងាយៗ មានប្រសិទ្ធភាព និងផ្អែក​លើ​វិទ្យាសាស្ត្រចំនួន ៥ ដែលនឹងបង្ហាត់បង្ហាញ​ផ្លូវប៉ាម៉ាក់​ឱ្យ​ជួយ​កូន​ៗឱ្យក្លាយជាបុគ្គលជោគជ័យនាពេលអនាគត។ ១. ជំរុញឱ្យទារកនិយាយ សំឡេង និងកាយវិការទារកជាវិធីតែមួយគត់ដែលពួកគេអាចធ្វើការទំនាក់​ទំនងជាមួយមនុស្សធំ។ តាម​ការសិក្សាបានឱ្យដឹងថា ប៉ាម៉ាក់គួរឆ្លើយ​តបទៅនឹងសំឡេង និងកាយវិការរបស់ទារក ព្រោះ​សំឡេង​ដែលទារកបញ្ចេញនឹងកំណត់ពីចំនួនពាក្យដែលអាអូនចេះនៅអាយុ ២ ឆ្នាំ និងកម្រិត​ការ​អាន​របស់អូនតូចនៅពេលក្រោយ។ ២. ឧស្សាហ៍អានឱ្យអូនតូចស្តាប់ដើម្បីឱ្យអូនតូចរីកចម្រើនផ្នែកភាសា នៅអាយុ ៣ ខែទារកអាចបែងចែកសំឡេងបានហើយ។ រាល់ពេលប៉ាម៉ាក់​អាន​ឱ្យកូនស្តាប់ ប៉ាម៉ាក់​បានបង្រៀនជំនាញភាសាដល់អូនតូចហើយ។ ពេល​អានសៀវភៅឱ្យអូនតូចស្តាប់ ប៉ាម៉ាក់អាច​ចង្អុល​ទៅរូបភាពនៅក្នុងសៀវភៅ និងសួរសំណួរអំពីសាច់រឿង និងតួអង្គដូចជា “ រូបនេះ​មានពណ៌​អី?” ឬ "មានសត្វចាបប៉ុន្មានក្បាល?" ។ ការអានឱ្យកូនៗ​ស្តាប់មិនត្រឹមតែបង្រៀន​កូនៗនូវពាក្យថ្មីៗ​ប៉ុណ្ណោះទេ ប៉ុន្តែប៉ាម៉ាក់ថែមទាំងបង្រៀនអូនតូច​ឱ្យស្រឡាញ់សៀវភៅ និងការអានទៀតផង។ ៣. ប្រើព្រឹត្តិការណ៍ប្រចាំថ្ងៃដើម្បីបង្រៀនអាអូន ប៉ាម៉ាក់អាចបង្រៀនអូចតូចតាមរយៈសកម្មភាពប្រចាំថ្ងៃដូចជាពេលងូតទឹក ពេលស្លៀកពាក់ ពេល​បត់ខោអាវ ពេលលាងបន្លែ ពេលចម្អិនម្ហូប។ល។ ដោយរៀបរាប់ពី​អ្វីដែលប៉ាម៉ាក់​កំពុងធ្វើដើម្បី​ជំរុញ​ភាសាដល់កូន ឬរាប់ចំនួនខោអាវដើម្បីបង្រៀនគណិតវិទ្យា ឬរៀបរាប់ពីគ្រឿងផ្សំ​អាហារដើម្បី​លើក​កម្ពស់​ការគិតបែបវិទ្យាសាស្ត្រ។ ម៉ាក់ប៉ាក៏អាច​ធ្វើទឹកមុខខុសៗ​គ្នាដើម្បី​បង្រៀនពីអារម្មណ៍​ខុសៗគ្នា​ដល់អូនតូចដែរ ។ គណនាទម្ងន់ស្រ្តីពពោះ ៤. បង្រៀនអូនតូចលេង នៅពេលអូនតូចលេង អូនតូចកំពុងរៀន  […]

តាម​ធម្មតា ពេល​កូន​ក្តៅ​ខ្លួន ម៉ាក់​ប៉ា​តែង​តែ​ឲ្យ​កូន​ញ៉ាំ​ថ្នាំ​បញ្ចុះ​កម្តៅ តែ​ទោះ​យ៉ាងណា​យើង​មិន​ត្រូវ​ឲ្យ​កូន​លេប​ថ្នាំ​ច្រើន​លើស​លប់​ឡើយ។ លោក​វេជ្ជបណ្ឌិត ញឹប អង្គាបុស្ស នាយក​មន្ទីរពេទ្យ​កុមារ​ជាតិ​បាន​ឲ្យ​ដឹង​ថា ថ្នាំ​បញ្ចុះ​កម្តៅ ដ្បិត​យើង​អាច​លេប​ដោយ​គ្មាន​វេជ្ជបញ្ជា​ក៏​ពិត​មែន តែការ​លេប​លើស​កំណត់​អាច​ប៉ះពាល់​សុខភាព យូរៗ​ទៅ​ក្មេង​អាច​ប្រឈម​នឹង​ការ​ខូច​ថ្លើម។ ក្នុង​នោះ​លោក​វេជ្ជបណ្ឌិត​ណែនាំ​ឲ្យ​ម៉ាក់ប៉ា​ប្រើ​ថ្នាំ​បញ្ចុះ​កម្តៅ​ឲ្យ​បាន​ត្រឹម​ត្រូវ​តាម​ការ​កំណត់​ឲ្យ​ប្រើ​ដែល​មាន​លើ​ប្រអប់​ថ្នាំ ទៅ​តាម​អាយុ និង​គីឡូ​របស់​កូន ទៅ​តាម​ម៉ោង​កំណត់ ១ថ្ងៃ​ប៉ុន្មាន​ដង ដើម្បី​ចៀស​វាង​ផល​ប៉ះពាល់​សុខភាព​ទៅ​ថ្ងៃ​ក្រោយ។ ចំពោះ​បញ្ហា​នេះ​ដែរ លោក​វេជ្ជបណ្ឌិត ហ៊ាង រតនា គ្រូពេទ្យ​ឯកទេស​ទូទៅ និង​ជំងឺ​កុមារ បាន​លើក​ឡើង​ថា ពពួក​ថ្នាំ​ប៉ារ៉ាសេតាម៉ុល​មាន​ប្រសិទ្ធភាព​បំផុត​សម្រាប់​បញ្ចុះ​កម្តៅ ឯ​កម្រិត​នៃ​ការ​ប្រើ​វិញគឺ ១០-១៥ មិល្លីក្រាម ក្នុង​ទម្ងន់កូន១គីឡូក្រាម ញ៉ាំ​ក្នុង​រយៈពេល ៤-៦ម៉ោង/ម្តង។ ចំពោះមូលហេតុនៃការញ៉ាំថ្នាំបញ្ចុះកម្តៅលើសកម្រិតនាំខូចថ្លើម នាយកមន្ទីរពេទ្យកុមារបានពន្យល់ថាថ្លើម​​ជា​​​​សរីរាង្គ​ធ្វើ​​មេតាបូលីស​ នៅ​​ពេល​​​យើង​​លេប​​​​ថ្នាំ​​​ចូល​​ទៅ ​ថ្លើម​​​នឹង​​​ព្យាយាម​​​បំបែក ដែល​​​ធ្វើ​​​ឲ្យ​​កោសិកា​​ថ្លើម​​រង​ការ​​ខូច​ខាត ប៉ុន្តែ​​​រាង​កាយ​​​យើង​​​អាច​​​ជួស​ជុល​​​ការ​​​ខូច​ខាត​​​នេះ​​បាន ប្រសិន​​បើ​​កម្រិត​​​ដែល​​ចូល​​មក​​ក្នុង​​បរិមាណ​​ត្រឹម​ត្រូវ។ ក្នុង​ករណី​​​បរិមាណ​​​ដែល​​​យើង​ញ៉ាំ​​​ចូល​​​មក​​ក្នុង​​​បរិមាណច្រើន​​​ហួស​​ហេតុ សរីរាង្គ​​ថ្លើម​នឹង​​​ព្យាយាម​​​ធ្វើ​​មេតាបូលីស​​​បំបែក​​ទ្វេដង ជា​ហេតុ​​​នាំ​​ឲ្យ​​​រាង​កាយ​​​មិន​​អាច​​​ជួសជុល​​ឲ្យ​​​មក​​​សភាព​​​ធម្មតា​​​វិញ​​​បាន​​ទេ ដូច្នេះ​កោសិកា​​ថ្លើម​​ក្រិន​​​​​ឈាន​​ទៅ​​ខូច​​ថ្លើម។​

ប៉ាម៉ាកគួររៀបចំផ្ទះឱ្យមានសុវត្ថិភាពមុនពេលអាអូនអាយុ ៦ ខែ ព្រោះចាប់ពីអាយុ ៦ ឡើងទៅ​អា​អូន​នឹងចេះ​វារ អង្គុយ តោងឈរ ដើរ និងចេះរត់ហើយ។ ដោយសារ​ធម្មជាតិរបស់ក្មេង​តូចៗ​គឺចង់ដឹង និងចូលចិត្តរុករក ដែលអាចធ្វើឱ្យអាអូនមានគ្រោះថ្នាក់ដោយប្រការណាមួយដូចជា ធ្លាក់ ដួល ស្លាក់ រលាក ពុល លង់ទឹក រលំរបស់ពីលើ ឆក់ខ្សែភ្លើង ថប់ដង្ហើមជាដើម។ តើមាន​តិចនិច​អ្វីខ្លះ​ដែល​ប៉ាម៉ាក់អាច​បង្ការ​កូនតូចៗពីគ្រោះថ្នាក់ដោយចៃដន្យបាន? ខាងក្រោមនេះជាតិចនិចមួយចំនួនដែលប៉ាម៉ាក់អាចរៀបចំផ្ទះឱ្យមានសុវត្ថិភាពសម្រាប់អូនតូច៖ គ្របព្រីអគ្គិសនីទាំងអស់ ក្នុងបំណងការពារអូនតូចពីការលូកម្រាមដៃចូល ឬយករបស់​ផ្សេងៗ​ញ៉ុក​ចូល។ ដាក់គន្លឹះសុវត្ថិភាពទូទឹកកក និងគ្រប់ទ្វារទូទាំងអស់ ការពារ​អាអូន​បើកហើយចូលទៅក្នុង។ ដំឡើងទ្វារនៅខាងក្រោម និងខាងលើមាត់ជណ្តើរ ក្រែងអូនតូចឡើង​ ឬ​ចុះជណ្តើរ។ ដាក់ជ័រទន់ការពារគ្រប់ជ្រុងតុដែលស្រួចទាំងអស់ដើម្បីការពារអូនតូច​រត់ ឬដើរបុក។ ត្រូវលើកខ្សែនានា (ខ្សែភ្លើង ខ្សែចងវាំងននបង្អួច ខ្សែរនាំងបង្អួច...) ឱ្យផុតពីដៃអូនតូច និងយក​គ្រឿងសង្ហារឹមចេញឱ្យឆ្ងាយពីខ្សែទាំងនោះ។ ត្រូវដាក់បន្ទះការពាររអិលនៅក្រោមគ្រប់កម្រាលឥដ្ឋ។ មិនត្រូវដាំរុក្ខជាតិដែលមានជាតិពុលនៅក្នុងផ្ទះ ឬក្នុងទីធ្លាផ្ទះទេ។ ត្រូវកំណត់កម្តៅម៉ាស៊ីនទឹកក្តៅក្នុងបន្ទប់ទឹកត្រឹម ១២០ អង្សារ ឬទាប​ជាងនេះ។ ដាក់ថ្នាំ សារធាតុគីមី ឬសារធាតុគ្រោះថ្នាក់ទាំងអស់ឱ្យផុតពីដៃទារក ឬផុតពីភ្នែកទារក។ ដាក់ចង្រឹងបង្អួច ខ្លាចអូនតូចចេញតាមបង្អួច។ ភ្ជាប់ទូរទស្សន៍ […]

ជា​ទូទៅ ក្រោយ​ពេល​ចាក់​វ៉ាក់សាំង​ហើយ មិន​ថា​ចំពោះ​មនុស្ស​ធំ ឬ​ក៏​ទារក​តូច​ទេ តែង​តែ​មាន​បង្ហាញ​រោគ​សញ្ញា​នៃ​ផល​រំខាន​មួយ​ចំនួន​ដូច​ជា ក្ដៅ​ខ្លួន ឈឺ​មុខ​ម្ជុល ឬ​ឈឺ​ចុក​ដៃ​ជាដើម។ ស្រប​គ្នា​នេះ ក្រោយ​ទារក​ចាក់​វ៉ាក់សាំង​ហើយ មួយ​ចំនួន​ឃើញ​មាន​ឡើង​ដុំ​ពក​កន្លែង​ចាក់​នោះ ខ្លះ​មាន​ខ្ទុះ​ទៀត ប៉ុន្តែ​អ្នក​ជំនាញ​មិន​ឲ្យ​យើង​ប៉ះពាល់​ដុំ​ពក​ទេ។ លោកស្រី​វេជ្ជបណ្ឌិត គុជ ឆោមដាលីន ឯកទេស​រោគ​កុមារ ថា ​ករណី​កន្លែង​ចាក់​វ៉ាក់សាំង​ឡើង​ដុំ​ពក ហើយ​ខ្លះ​មាន​ខ្ទុះ​អាច​បណ្ដាល​មក​ពី​ការ​បង្ក​រោគ រលាក​ស្បែក ដែល​បញ្ហា​នេះ​អាច​បណ្តាល​មក​ពី​ការ​ចាក់​មិន​បាន​ត្រឹមត្រូវ ចាក់​ដោយ​មិន​បាន​ជូត​សម្អាត​ស្បែក​ក្មេង ។ ជួន​កាល វា​អាច​កើត​ឡើង​បាន​ដោយ​សារ​ការ​យក​វត្ថុ​កខ្វក់​មក​ជូត ឬ​បិត​លើ​មុខ​ម្ជុល ឬ​ក៏​អាច​មក​ពី​អា​អូន​មាន​ប្រតិកម្ម​នឹង​សារធាតុ​ក្នុង​វ៉ាក់សាំង។ ចុចត្រង់នេះ ដឹងពីអត្ថន័យពណ៌ និងរូបរាងលាមកទារកកាន់តែច្បាស់ ទន្ទឹម​នឹង​នេះ លោក​ស្រី​វេជ្ជបណ្ឌិត កុសល កណិការ ឯកទេស​រោគ​កុមារ បាន​ពន្យល់​ឲ្យ​ដឹង​ថា ជា​ធម្មតា ក្រោយ​ទារក​ចាក់​វ៉ាក់សាំង​ការពារ​ជំងឺ​របេង (BCG) ហើយ​វា​នឹង​បន្សល់​ស្នាម​ពក​តូច ជួន​កាល​មាន​ខ្ទុះ​តិច​តួច​ដែល​នេះ​ជា​ការ​ឆ្លើយ​តប​របស់​ប្រព័ន្ធ​ភាព​ស៊ាំ​ទៅ​នឹង​វ៉ាក់សាំង។ "ចាស់​ៗ​ខ្លះ​គាត់​មិន​ដឹង គាត់​យក​ដៃ​ច្របាច់​ទើប​វា​ក្លាយ​ជា​មាន​ខ្ទុះ​កាន់​តែ​ច្រើន ឬ​អាច​បណ្ដាល​ឲ្យ​ឆ្លង​មេរោគ​ជាដើម។ ម្ដាយ​ទារក​ដែល​យក​កូន​មក​ជួប​ខ្ញុំ​ដោយ​សារ​បញ្ហា​ស្នាម​ពក​នេះ ហើយ​ប្រាប់​ខ្ញុំ​ថា​កូន​គាត់​កើត​បូស។" នេះ​បើ​តាម​ការ​ឲ្យ​ដឹង​ពី​វេជ្ជបណ្ឌិត កុសល កណិការ។ បន្ថែម​ពី​លើ​នេះ លោក​ស្រី​វេជ្ជបណ្ឌិត កុសល កណិការ បាន​ណែនាំ​ថា អ្វី​ដែល​យើង​ត្រូវ​ធ្វើ​គឺ​ទុក​ឲ្យ​ស្នាម​ពក​តូច​នោះ​បាត់​ទៅ​វិញ​ដោយ​ខ្លួន​ឯង ហើយ​វា​នឹង​បន្សល់​ស្លាក​ស្នាម​លើ​ស្មា​កូន ហើយ​ចៀសវាង​យក​ដៃ​ទៅ​ច្របាច់​ស្នាម​ពក​នោះ។ ប្រសិនបើ​មាន​ឆ្លង​មេរោគ​ក្លាយ​ជា​ដំបៅ ត្រូវ​ប្រញាប់​នាំ​កូន​តូច​ទៅ​ជួប​លោកគ្រូ​ពេទ្យ​ភ្លាម […]

ទារកទើបកើតចំណាយពេលច្រើនលើការគេង ប្រសិនបើអូនតូចយំ​ មានន័យថាអូនតូចត្រូវការ​ការយកចិត្តទុកដាក់ពីមនុស្សធំហើយ។ ដោយ​សារ​អូនតូចមិនទាន់ចេះនិយាយ ឬប្រើកាយវិការ អូន​តូច​ប្រើការយំដើម្បីទំនាក់ទំនងជាមួយប៉ាម៉ាក់ ឬអ្នកនៅជុំវិញខ្លួន។ ប៉ាម៉ាក់​ថ្មីថ្មោង​អាចពិបាក​​ក្នុងការ​ដឹងពីតម្រូវការរបស់អូនតូច ខាងក្រោមនេះជាតិចនិចដោះស្រាយពេលអូនតូចយំ។ មានមូលហេតុជាច្រើនដែលបណ្តាលឱ្យអូនតូចយំ ១. អូនតូចឃ្លាន៖ នេះជាមូលហេតុទូទៅបំផុតដែលធ្វើឱ្យអូនតូចយំ។ ដោយសារ​​ក្រពះររបស់ទារក​ទើប​កើតនៅតូច អូនតូចមិនអាចបៅម្តងបាន​ច្រើនទេ ដូច្នេះអូនតូចត្រូវការបៅញឹកញាប់។  ម៉ាក់ៗ​គួរ​បំបៅអាអូនរៀងរាល់ ១-៣ ម៉ោងម្តង និង ៨-១២ ដង/ថ្ងៃ។ ២. អូនតូចឈឺ ឬហើមពោះ៖ ម៉ាក់ប៉ាអាចសម្គាល់ដោយឃើញអូនតូចក្តាប់​ដៃ បត់ជង្គង់ ឬអែនខ្នង មុខ​ឡើងក្រហម ទោះលួងយ៉ាងម៉េចក៏មិនបាត់​យំ។ វាអាចបណ្តាលមក​ពីបញ្ហា​ប្រព័ន្ធរំលាយអាហារ​របស់អូនតូច ឬអូនតូច​អាលែកហ្ស៊ីជាមួយអ្វីមួយនៅក្នុងទឹកដោះម្តាយ ឬម្សៅទឹកដោះគោ ឬក្បាល​ដបទឹកដោះគោដែលអូនតូចបៅមិនជួយរាំងទប់ខ្យល់ក្នុងដប ដែលធ្វើឱ្យ​អូនតូចបឺត​ខ្យល់ច្រើន​ចូលពោះ។ ម៉ាក់ប៉ាអាច​ម៉ាស្សាពោះអាអូនតាម​​ទិសដៅទ្រនិចនាឡិកា ឬរឺតខ្នងអូនតូចថ្នមៗ។ ប៉ា​ម៉ាក់​ត្រូវ​បញ្ឈរ​អា​អូនទប់នឹងទ្រូង។ ត្រូវដាក់​ចង្កា​អាអូនលើ​ស្មា​ និងយកដៃទប់ក្បាលអាអូន យកបាត​ដៃម្ខាងទៀតរឺតខ្នងអូនតូចថ្នមៗពីចង្កេះឡើងលើ។ ការរឺតខ្នងនេះ​តម្រូវឱ្យម៉ាក់ប៉ាកោងបាតដៃ ព្រោះ​ការ​ធ្វើបែបនេះនឹងបន្ថយសម្ពាធ​លើ​ខ្នងអាអូន។ កាលវិភាគចាក់ថ្នាំបង្ការ មើលនៅទីនេះ ៣. អូនតូចត្រូវការដូរខោទឹកនោម៖ អូនតូចក៏យំដែរ ប្រសិនបើខោទឹក​នោម​សើម ប្រឡាក់លាមក ឬរោលជាមួយខោទឹកនោម។ ៤. អូនតូចរងា ឬស្អុះពេក៖ ប៉ាម៉ាក់អាចដឹងថាអាអូនរងា ឬស្អុះពេកដោយយកដៃស្ទាបពោះ ឬកញ្ចឹង​ក​អាអូន។ កុំស្ទាបបាតដៃ ឬប្រអប់ជើងអាអូន ព្រោះជាមធ្មតាបាតដៃ ឬប្រអប់ជើង​តែងតែត្រជាក់​ជាង​រាងកាយ។ […]

លាមកព្រៃគឺជាលាមកដំបូងរបស់ទារកទើបនឹងកើត មានសភាពខាប់ ស្អិត​​ និងមានពណ៌បៃតងចាស់។ ជាធម្មតាទារកនឹងជុះលាមកព្រៃក្នុងរយៈពេល ២៤ ម៉ោងដំបូងបន្ទាប់ពីកើត និងយូរបំផុត មិន​លើសពី ៤៨ ម៉ោង។ ចុះមានបញ្ហាអត់ បើទារកមិនជុះលាមកព្រៃ? លាមកព្រៃកើតឡើងពីកោសិកាពោះវៀនរបស់ទារក កាកសំណល់ដែលបញ្ចេញ​ដោយ​ប្រព័ន្ធ​រំលាយ​អាហារ​របស់​ទារក និងទឹកភ្លោះដែលទារកលេបចូលក្នុងពោះពេលនៅក្នុងផ្ទៃ។ ទារកចាប់​ផ្តើម​មានលាមកព្រៃនៅដើមត្រីមាសទី ២ នៃការមានផ្ទៃពោះរហូតដល់ពេលសម្រាល។ អត្ថន័យពណ៌ និងរូបរាងលាមកទារក ចុចទីនេះ ប្រសិនបើទារកទើបកើតមិនជុះលាមកព្រៃក្នុងអំឡុងពេល ៤៨ ម៉ោងទេ ទារកអាចប៉ោងពោះ និង​ក្អួត។ វាអាចបណ្តាលមកពី៖ - លាកមកព្រៃស្អិតខ្លាំង - ជំងឺក្រពេញទីរ៉ូអ៊ីត - ជំងឺសួត និងប្រព័ន្ធរំលាយអាហារស្ទះដោយសារស្លេស្ម - ស្ទះ ឬបាត់ផ្នែកណាមួយនៃពោះវៀន - ពោះវៀនរួមតូច - ទារកគ្មានរន្ធគូទ ប្រសិនបើទារកទើបកើតមិនជុះលាមកព្រៃទេ ប៉ាម៉ាក់ត្រូវប្រាប់ពេទ្យជាបន្ទាន់ ការយឺតយ៉ាវក្នុងការព្យាបាលអាចធ្វើឱ្យទារកមានគ្រោះថ្នាក់។